← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62045: Rom

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


10:01 [ai]ܐܰܚܰܝ̈܃ ܨܶܒܼܝܳܢܳܐ ܕܠܶܒܿܝ܂ ܘܒܼܳܥܽܘܬܼܝ ܕܰܠܘܳܬܼ ܐܰܠܳܗܳܐ܃ ܚܠܳܦܼܰܝܗܽܘܢ ܕܢܺܚܽܘܢ܂
10:02 [ai]ܡܰܣܗܶܕܼ ܐ̱ܢܳܐ ܓܶܝܪ ܥܠܰܝܗܽܘܢ܃ ܕܰܛܢܳܢܳܐ ܕܰܐܠܳܗܳܐ ܐܺܝܬܼ ܒܗܽܘܢ܂ ܐܶܠܳܐ ܠܰܘ ܒܺܝܕܼܰܥܬܼܳܐ܂
10:03 [ai]ܟܺܐܢܽܘܬܼܶܗ ܓܶܝܪ ܕܰܐܠܳܗܳܐ ܠܳܐ ܺܝܕܼܰܥܘ܃ ܐܶܠܳܐ ܒܥܰܘ ܕܟܺܐܢܽܘܬܼܳܐ ܕܢܰܦܼܫܗܽܘܢ ܢܩܺܝܡܽܘܢ܂ ܘܡܶܛܽܠ ܗܳܢܳܐ ܠܟܼܺܐܢܽܘܬܼܶܗ ܕܰܐܠܳܗܳܐ ܠܳܐ ܐܶܫܬܿܰܥܒܿܰܕܼܘ܂
10:04 [ai]ܣܳܟܼܶܗ ܓܶܝܪ ܕܢܳܡܽܘܣܳܐ܂ ܡܫܺܝܚܳܐ ܗܽܘ܂ ܠܟܼܺܐܢܽܘܬܼܳܐ ܠܟܼܽܠ ܕܰܡܗܰܝܡܶܢ܂
10:05 [ai]ܡܽܘܫܶܐ ܓܶܝܪ ܗܳܟܼܰܢܳܐ ܟܬܼܰܒܼ ܟܺܐܢܽܘܬܼܳܐ ܕܰܒܼܢܳܡܽܘܣܳܐ܃ ܕܡܰܢ ܕܢܶܥܒܿܶܕܼ ܗܳܠܶܝܢ܂ ܢܺܚܶܐ ܒܗܶܝܢ܂
10:06 [ai]ܟܺܐܢܽܘܬܼܳܐ ܕܶܝܢ ܕܰܒܼܗܰܝܡܳܢܽܘܬܼܳܐ܂ ܗܳܟܼܰܢܳܐ ܐܳܡܪܳܐ܂ ܕܠܳܐ ܬܺܐܡܰܪ ܒܿܠܶܒܳܟܼ܃ ܕܡܰܢܽܘ ܣܠܶܩ ܠܰܫܡܰܝܳܐ܂ ܘܰܐܚܶܬܼ ܠܰܡܫܺܝܚܳܐ܂
10:07 [ai]ܘܡܰܢܽܘ ܢܚܶܬܼ ܠܰܬܼܗܽܘܡܳܐ ܕܰܫܝܽܘܠ܃ ܘܰܐܣܶܩ ܠܰܡܫܺܝܚܳܐ܂ ܡܶܢ ܒܶܝܬܼ ܡܺܝܬܼܶܐ̈܂
10:08 [ai]ܐܶܠܳܐ ܡܳܢܳܐ ܐܶܡܰܪ܂ ܩܰܪܺܝܒܼ ܗ̱ܽܘ ܠܳܟܼ ܦܶܬܼܓܼܳܡܳܐ܂ ܠܦܼܽܘܡܳܟܼ ܘܰܠܠܶܒܳܟܼ܂ ܗܳܕܼܶܐ ܗ̱ܝ ܡܶܠܬܼܳܐ ܕܗܰܝܡܳܢܽܘܬܼܳܐ܂ ܕܡܰܟܼܪܙܺܝܢܰܢ܂
10:09 [ai]ܘܶܐܢ ܬܰܘܕܿܶܐ ܒܦܽܘܡܳܟܼ ܒܡܳܪܰܢ ܝܶܫܽܘܥ܃ ܘܰܬܼܗܰܝܡܶܢ ܒܿܠܶܒܳܟܼ܂ ܕܰܐܠܳܗܳܐ ܐܰܩܺܝܡܶܗ ܡܶܢ ܒܶܝܬܼ ܡܺܝܬܼܶܐ̈܃ ܬܺܚܶܐ܂
10:10 [ai]ܠܶܒܿܳܐ ܓܶܝܪ ܕܰܡܗܰܝܡܶܢ܂ ܒܶܗ ܡܶܙܕܿܰܕܿܰܩ܂ ܘܦܼܽܘܡܳܐ ܕܡܰܘܕܿܶܐ܂ ܒܶܗ ܚܳܝܶܐ܂
10:11 [ai]ܐܶܡܰܪ ܓܶܝܪ ܟܬܼܳܒܼܳܐ܃ ܕܟܽܠ ܕܰܡܗܰܝܡܶܢ ܒܶܗ܂ ܠܳܐ ܢܶܒܼܗܰܬܼ܂
10:12 [ai]ܘܰܒܗܳܕܶܐ ܠܳܐ ܦܪܰܫ܂ ܠܳܐ ܠܺܝܗܽܘܕܼܳܝܶܐ̈ ܘܠܳܐ ܠܰܐܪ̈ܡܳܝܶܐ܂ ܚܰܕܼ ܗ̱ܽܘ ܓܶܝܪ ܡܳܪܝܳܐ ܕܟܽܠܗܽܘܢ܃ ܕܥܰܬܿܺܝܪ ܒܟܽܠ ܕܩܳܪܶܐ ܠܶܗ܂
10:13 [ai]ܟܽܠ ܓܶܝܪ ܕܢܶܩܪܶܐ ܫܡܶܗ ܕܡܳܪܝܳܐ܂ ܢܺܚܶܐ܀
10:14 [ai]ܐܰܝܟܿܰܢܳܐ ܗܳܟܼܺܝܠ ܢܶܩܪܽܘܢ ܠܰܐܝܢܳܐ ܕܠܳܐ ܗܰܝܡܶܢܘ ܒܶܗ܂ ܐܰܘ ܐܰܝܟܿܰܢܳܐ ܢܗܰܝܡܢܽܘܢ ܠܗܰܘ ܕܠܳܐ ܫܰܡܥܽܘܗ̱ܝ܂ ܐܰܘ ܐܰܝܟܿܰܢܳܐ ܢܶܫܡܥܽܘܢ ܕܠܳܐ ܡܰܟܼܪܙܳܢܳܐ܂
10:15 [ai]ܐܰܘ ܐܰܝܟܿܰܢܳܐ ܢܰܟܼܪܙܽܘܢ ܐܶܢ ܠܳܐ ܢܶܫܬܿܰܠܚܽܘܢ܂ ܐܰܝܟܼ ܕܰܟܼܬܼܺܝܒܼ܃ ܕܡܳܐ ܝܳܐܝܳܢ̈ ܪ̈ܶܓܼܠܰܝܗܽܘܢ ܕܰܡܣܰܒܿܪ̈ܰܝ ܫܠܳܡܳܐ܂ ܘܕܼܰܡܣܰܒܿܪ̈ܰܝ ܛܳܒܼܳܬܼܳܐ̈܂
10:16 [ai]ܐܶܠܳܐ ܠܳܐ ܗ̱ܘܳܐ ܟܽܠܗܽܘܢ ܐܶܫܬܿܡܰܥܘ ܠܰܣܒܼܰܪܬܼܳܐ ܕܶܐܘܰܢܓܿܶܠܺܝܳܘܢ܂ ܐܶܫܰܥܝܳܐ ܓܶܝܪ ܐܶܡܰܪ܃ ܡܳܪܝ܂ ܡܰܢܽܘ ܗܰܝܡܶܢ ܠܒܼܰܪ̱ܬܼ ܩܳܠܰܢ܂
10:17 [ai]ܡܶܟܿܺܝܠ ܗܰܝܡܳܢܽܘܬܼܳܐ ܡܶܢ ܡܰܫܡܰܥ ܐܶܕܼܢܳܐ ܗ̱ܝ܂ ܘܡܰܫܡܰܥ ܐܶܕܼܢܳܐ ܡܶܢ ܡܶܠܬܼܳܐ ܕܰܐܠܳܗܳܐ܂
10:18 [ai]ܐܶܠܳܐ ܐܳܡܰܪ ܐ̱ܢܳܐ܃ ܕܰܠܡܳܐ ܠܳܐ ܫܡܰܥܘ܂ ܘܗܳܐ ܒܟܽܠܳܗ ܐܰܪܥܳܐ ܢܶܦܼܩܰܬܼ ܒܰܪ̱ܬܼ ܩܳܠܗܽܘܢ܃ ܘܰܒܣܰܘܦܿܶܝܗ̈ ܕܬܺܒܼܶܝܠ ܡܶܠܰܝܗܽܘܢ̈܂
10:19 [ai]ܐܶܠܳܐ ܐܳܡܰܪ ܐ̱ܢܳܐ܃ ܕܰܠܡܳܐ ܠܳܐ ܺܝܕܼܰܥ ܐܺܝܣܪܳܝܶܠ܂ ܩܰܕܼܡܳܝܳܐ ܡܽܘܫܶܐ ܗܳܟܼܰܢܳܐ ܐܶܡܰܪ܃ ܐܰܛܶܢܟܼܽܘܢ ܒܥܰܡ ܕܠܳܐ ܥܰܡ܃ ܘܰܒܥܰܡܳܐ ܕܠܳܐ ܡܶܬܿܛܦܿܺܝܣ ܐܰܪܓܿܶܙܟܼܽܘܢ܂
10:20 [ai]ܐܶܫܰܥܝܳܐ ܕܶܝܢ ܐܰܡܪܰܚ܂ ܘܶܐܡܰܪ܂ ܕܶܐܬܼܚܙܺܝܬܼ ܠܰܐܝܠܶܝܢ ܕܠܳܐ ܒܥܰܐܘܽܢܝ܃ ܘܶܐܫܬܿܰܟܼܚܶܬܼ ܠܰܐܝܠܶܝܢ ܕܰܥܠܰܝ ܠܳܐ ܫܰܐܶܠܘ܂
10:21 [ai]ܠܺܐܝܣܪܳܝܶܠ ܕܶܝܢ ܐܶܡܰܪ܂ ܕܦܶܫܛܶܬܼ ܐܺܝܕܼܰܝ̈ ܝܰܘܡܳܐ ܟܽܠܶܗ܃ ܠܘܳܬܼ ܥܰܡܳܐ ܕܡܶܬܼܚܪܶܐ܂ ܘܠܳܐ ܡܶܬܿܛܦܿܺܝܣ܀

next chapter