The Comprehensive Aramaic Lexicon

08:01 [ai]	ܥܰܠ ܕܶܒܼܚܶܐ̈ ܕܶܝܢ ܕܿܰܦܼܬܼܰܟܼܪ̈ܶܐ܃ ܝܳܕܼܥܺܝܢܰܢ ܕܰܒܼܟܼܽܠܰܢ ܐܺܝܬܼ ܺܝܕܼܰܥܬܼܳܐ܂ ܘܺܝܕܼܰܥܬܼܳܐ ܡܰܚܬܿܪܳܐ܃ ܚܽܘܒܿܳܐ ܕܶܝܢ ܒܳܢܶܐ܂
08:02 [ai]	ܐܶܢ ܐ̱ܢܳܫ ܕܶܝܢ ܣܳܒܼܰܪ ܕܝܳܕܼܰܥ ܡܶܕܶܡ܃ ܠܳܐ ܥܕܼܰܟܿܺܝܠ ܡܶܕܶܡ ܺܝܕܼܰܥ܂ ܐܰܝܟܼ ܡܳܐ ܕܘܳܠܶܐ ܠܶܗ ܠܡܶܕܿܰܥ܂
08:03 [ai]	ܐܶܢ ܐ̱ܢܳܫ ܕܶܝܢ ܡܰܚܶܒܼ ܠܰܐܠܳܗܳܐ܃ ܗܳܢܳܐ ܐܶܬܼܺܝܕܼܰܥ ܡܶܢܶܗ܀
08:04 [ai]	ܥܰܠ ܡܶܐܟܼܽܘܠܬܳܐ ܗܳܟܼܺܝܠ ܕܕܼܶܒܼܚܶܐ̈ ܕܿܰܦܼܬܼܰܟܼܪ̈ܶܐ܃ ܝܳܕܼܥܺܝܢܰܢ ܕܠܳܐ ܗ̱ܘܳܐ ܡܶܕܶܡ ܗ̱ܽܘ ܦܬܼܰܟܼܪܳܐ ܒܥܳܠܡܳܐ܂ ܘܰܕܼܠܰܝܬܿ ܐܰܠܳܗ ܐ̱ܚܪܺܝܢ ܐܶܠܳܐ ܐܶܢ ܚܰܕܼ܂
08:05 [ai]	ܐܳܦܼܶܢ ܓܶܝܪ ܐܺܝܬܼ ܕܡܶܬܼܩܪܶܝܢ ܐܰܠܳܗܶܐ̈܂ ܐܰܘ ܒܰܫܡܰܝܳܐ܂ ܐܰܘ ܒܰܐܪܥܳܐ܃ ܐܰܝܟܿܰܢܳܐ ܕܺܐܝܬܼ ܐܰܠܳܗܶܐ̈ ܣܰܓܿܺܝܶܐܐ̈܂ ܘܡܳܪ̈ܰܘܳܬܼܳܐ ܣܰܓܿܺܝܶܐܐ̈܃
08:06 [ai]	ܐܶܠܳܐ ܠܰܢ ܕܺܝܠܰܢ ܚܰܕܼ ܗ̱ܽܘ ܐܰܠܳܗܳܐ܂ ܐܰܒܼܳܐ܂ ܕܟܽܠ ܡܶܢܶܗ ܘܰܚܢܰܢ ܒܶܗ܂ ܘܚܰܕܼ ܡܳܪܝܳܐ ܝܶܫܽܘܥ ܡܫܺܝܚܳܐ܂ ܕܟܽܠ ܒܺܐܝܕܼܶܗ ܘܳܐܦܼ ܚܢܰܢ ܒܺܐܝܕܼܶܗ܂
08:07 [ai]	ܐܶܠܳܐ ܠܳܐ ܗ̱ܘܳܐ ܒܟܽܠܢܳܫ ܺܝܕܼܰܥܬܼܳܐ܂ ܐܺܝܬܼ ܓܶܝܪ ܐ̱ܢܳܫܳܐ ܕܰܒܼܬܼܺܐܪܬܿܗܽܘܢ ܥܕܼܰܡܳܐ ܠܗܳܫܳܐ܃ ܕܥܰܠ ܦܿܬܼܰܟܼܪ̈ܶܐ ܐܰܝܟܼ ܕܰܕܼܒܼܺܝܚܳܐ ܐܳܟܼܠܺܝܢ܂ ܘܡܶܛܽܠ ܕܰܟܼܪܺܝܗܳܐ ܬܺܐܪܬܿܗܽܘܢ ܡܶܬܿܛܰܘܫܳܐ܂
08:08 [ai]	ܡܶܐܟܼܽܘܠܬܳܐ ܕܶܝܢ ܠܳܐ ܡܩܰܪܒܼܳܐ ܠܰܢ ܠܰܐܠܳܗܳܐ܂ ܠܳܐ ܓܶܝܪ ܐܶܢ ܐܳܟܼܠܺܝܢܰܢ ܡܶܬܼܝܰܬܿܪܺܝܢܰܢ܃ ܘܠܳܐ ܐܶܢ ܠܳܐ ܢܶܐܟܼܽܘܠ ܡܶܬܼܒܿܰܨܪܺܝܢܰܢ܂
08:09 [ai]	ܚܙܰܘ ܕܶܝܢ܂ ܕܰܠܡܳܐ ܫܽܘܠܛܳܢܟܼܽܘܢ ܗܳܢܳܐ ܢܶܗܘܶܐ ܬܿܽܘܩܰܠܬܳܐ ܠܰܟܼܪ̈ܺܝܗܶܐ܂
08:10 [ai]	ܐܶܢ ܐ̱ܢܳܫ ܓܶܝܪ ܢܶܚܙܶܝܟܼ ܠܳܟܼ܂ ܕܺܐܝܬܼ ܒܳܟܼ ܺܝܕܼܰܥܬܼܳܐ܂ ܕܰܣܡܺܝܟܼ ܐܰܢ̱ܬܿ ܒܶܝܬܼ ܦܿܬܼܰܟܼܪ̈ܶܐ܃ ܠܳܐ ܗܳܐ ܬܺܐܪܬܿܶܗ ܡܶܛܽܠ ܕܰܟܼܪܺܝܗ ܗ̱ܽܘ܃ ܡܶܫܬܿܰܪܪܳܐ ܠܡܶܐܟܼܰܠ ܕܰܕܼܒܼܺܝܚܳܐ܃
08:11 [ai]	ܘܳܐܒܼܶܕܼ ܠܶܗ ܒܺܝܕܼܰܥܬܼܳܟܼ ܕܺܝܠܳܟܼ ܗܰܘ ܐܰܝܢܳܐ ܕܰܡܪܰܥ܃ ܕܡܶܛܽܠܳܬܼܶܗ ܡܺܝܬܼ ܡܫܺܝܚܳܐ܂
08:12 [ai]	ܘܶܐܢ ܗܳܟܼܰܢܳܐ ܡܰܣܟܠܺܝܢ ܐܢ̱ܬܿܽܘܢ ܒܰܐܚܰܝܟܿܽܘܢ̈܃ ܘܰܡܩܰܦܿܚܺܝܢ ܐܢ̱ܬܿܽܘܢ ܬܿܺܐܪ̈ܳܬܼܗܽܘܢ ܡܰܪ̈ܥܳܬܼܳܐ܃ ܒܰܡܫܺܝܚܳܐ ܗܽܘ ܡܰܣܟܠܺܝܢ ܐܢ̱ܬܿܽܘܢ܂
08:13 [ai]	ܡܶܛܽܠ ܗܳܢܳܐ ܐܶܢ ܡܶܐܟܼܽܘܠܬܳܐ ܡܰܟܼܫܠܳܐ ܠܳܐܚܝ܃ ܠܥܳܠܰܡ ܒܶܣܪܳܐ ܠܳܐ ܐܶܟܼܽܘܠ܂ ܕܠܳܐ ܐܰܟܼܫܶܠ ܠܳܐܚܝ܀

next chapter