← Back
The Comprehensive Aramaic Lexicon
← Return to the Text Browser
click on the file description for more information
62046: 1Cor

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


11:01 [ai]ܐܶܬܿܕܰܡܰܘ ܒܺܝ܃ ܐܰܝܟܿܰܢܳܐ ܕܳܐܦܼ ܐܶܢܳܐ ܒܰܡܫܺܝܚܳܐ܂
11:02 [ai]ܡܫܰܒܿܰܚ ܐ̱ܢܳܐ ܠܟܼܽܘܢ ܕܶܝܢ ܐܰܚܰܝ̈܃ ܕܰܒܼܟܼܽܠ ܡܶܕܶܡ ܡܰܥ̱ܗܶܕܼ ܐܢ̱ܬܿܽܘܢ ܠܺܝ܃ ܘܰܐܝܟܿܰܢܳܐ ܕܰܐܫܠܡܶܬܼ ܠܟܼܽܘܢ ܦܽܘܩܕܳܢܶܐ̈܂ ܐܰܚܺܝܕܼܺܝܢ ܐܢ̱ܬܿܽܘܢ܀
11:03 [ai]ܨܳܒܼܶܐ ܐ̱ܢܳܐ ܕܶܝܢ ܕܬܶܕܿܥܽܘܢ܃ ܕܟܽܠ ܓܒܼܰܪ ܪܺܫܶܗ ܡܫܺܝܚܳܐ ܗܽܘ܂ ܘܪܺܫܳܗ ܕܰܐܢ̱ܬܿܬܼܳܐ ܓܰܒܼܪܳܐ ܗܽܘ܂ ܘܪܺܫܶܗ ܕܰܡܫܺܝܚܳܐ ܐܰܠܳܗܳܐ ܗܽܘ܂
11:04 [ai]ܟܽܠ ܓܰܒܼܪܳܐ ܕܰܡܨܰܠܶܐ ܐܰܘ ܡܶܬܼܢܰܒܿܶܐ܂ ܟܰܕܼ ܡܟܼܰܣܰܝ ܪܺܫܶܗ܃ ܡܰܒܼܗܶܬܼ ܪܺܫܶܗ܂
11:05 [ai]ܘܟܼܽܠ ܐܰܢ̱ܬܿܬܼܳܐ ܕܰܡܨܰܠܝܳܐ ܐܰܘ ܡܶܬܼܢܰܒܿܝܳܐ܂ ܟܰܕܼ ܓܠܶܐ ܪܺܫܳܗ܃ ܡܰܒܼܗܬܼܳܐ ܪܺܫܳܗ܂ ܫܰܘܝܳܐ ܗ̱ܝ ܓܶܝܪ ܥܰܡ ܗܳܝ ܕܰܓܼܪܺܝܥ ܪܺܫܳܗ܂
11:06 [ai]ܐܶܢ ܓܶܝܪ ܠܳܐ ܡܶܬܼܟܰܣܝܳܐ ܐܰܢ̱ܬܿܬܼܳܐ܂ ܐܳܦܼ ܬܶܣܬܿܰܦܿܰܪ܂ ܐܶܢ ܕܶܝܢ ܡܫܰܟܰܪ ܗ̱ܽܘ ܠܰܐܢ̱ܬܿܬܼܳܐ ܠܡܶܣܬܿܰܦܿܳܪܽܘ ܐܰܘ ܠܡܶܓܼܪܰܥ܂ ܬܶܬܼܟܿܰܣܶܐ܂
11:07 [ai]ܓܰܒܼܪܳܐ ܓܶܝܪ ܠܳܐ ܚܰܝܳܒܼ ܕܰܢܟܼܰܣܶܐ ܪܺܫܶܗ܃ ܡܶܛܽܠ ܕܰܕܼܡܽܘܬܼܳܐ ܗܽܘ ܘܬܼܶܫܒܿܽܘܚܬܳܐ ܕܰܐܠܳܗܳܐ܂ ܐܰܢ̱ܬܿܬܼܳܐ ܕܶܝܢ ܬܿܶܫܒܿܽܘܚܬܳܐ ܗ̱ܝ ܕܓܰܒܼܪܳܐ܂
11:08 [ai]ܠܳܐ ܓܶܝܪ ܐܺܝܬܼܰܘܗ̱ܝ ܓܰܒܼܪܳܐ ܡܶܢ ܐܰܢ̱ܬܿܬܼܳܐ܃ ܐܶܠܳܐ ܐܰܢ̱ܬܿܬܼܳܐ ܡܶܢ ܓܰܒܼܪܳܐ܂
11:09 [ai]ܘܳܐܦܼܠܳܐ ܓܶܝܪ ܓܰܒܼܪܳܐ ܐܶܬܼܒܿܪܺܝ ܡܶܛܽܠ ܐܰܢ̱ܬܿܬܼܳܐ܃ ܐܶܠܳܐ ܐܰܢ̱ܬܿܬܼܳܐ ܡܶܛܽܠ ܓܰܒܼܪܳܐ܂
11:10 [ai]ܡܶܛܽܠ ܗܳܢܳܐ ܚܰܝܳܒܼܳܐ ܐܰܢ̱ܬܿܬܼܳܐ܃ ܕܫܽܘܠܛܳܢܳܐ ܢܶܗܘܶܐ ܥܰܠ ܪܺܫܳܗ܃ ܡܶܛܽܠ ܡܰܠܰܐܟܼܶܐ̈܂
11:11 [ai]ܒܪܰܡ ܕܶܝܢ ܠܳܐ ܓܰܒܼܪܳܐ ܠܒܼܰܪ ܡܶܢ ܐܰܢ̱ܬܿܬܼܳܐ܃ ܐܳܦܼܠܳܐ ܐܰܢ̱ܬܿܬܼܳܐ ܠܒܼܰܪ ܡܶܢ ܓܰܒܼܪܳܐ܂ ܒܡܳܪܰܢ܂
11:12 [ai]ܐܰܝܟܿܰܢܳܐ ܓܶܝܪ ܕܰܐܢ̱ܬܿܬܼܳܐ ܡܶܢ ܓܰܒܼܪܳܐ܃ ܗܳܟܼܰܢܳܐ ܐܳܦܼ ܓܰܒܼܪܳܐ ܒܝܰܕܼ ܐܰܢ̱ܬܿܬܼܳܐ܂ ܟܽܠܡܶܕܶܡ ܕܶܝܢ ܡܶܢ ܐܰܠܳܗܳܐ ܗܽܘ܂
11:13 [ai]ܕܽܘܢܘ ܒܰܝܢܰܝܟܿܽܘܢ ܠܢܰܦܼܫܟܼܽܘܢ܂ ܝܳܐܶܐ ܠܰܐܢ̱ܬܿܬܼܳܐ ܕܟܰܕܼ ܓܠܶܐ ܪܺܫܳܗ ܬܨܰܠܶܐ ܠܰܐܠܳܗܳܐ܃
11:14 [ai]ܐܳܦܼܠܳܐ ܗܽܘ ܟܝܳܢܳܐ ܡܰܠܶܦܼ ܠܟܼܽܘܢ܃ ܕܓܰܒܼܪܳܐ ܡܳܐ ܕܩܳܐܶܡ ܣܰܥܪܶܗ܃ ܨܰܥܪܳܐ ܗܽܘ ܠܶܗ܂
11:15 [ai]ܘܰܐܢ̱ܬܿܬܼܳܐ ܡܳܐ ܕܰܡܪܰܒܰܝ ܣܰܥܪܳܗ܃ ܬܿܶܫܒܿܽܘܚܬܳܐ ܗ̱ܝ ܠܳܗ܃ ܡܶܛܽܠ ܕܣܰܥܪܳܗ ܚܠܳܦܼ ܬܰܟܼܣܺܝܬܼܳܐ ܗܽܘ ܐܶܬܼܺܝܗܶܒܼ ܠܳܗ܂
11:16 [ai]ܐܶܢ ܐ̱ܢܳܫ ܕܶܝܢ ܡܶܬܼܚܪܶܐ ܥܰܠ ܗܳܠܶܝܢ܃ ܠܰܢ ܠܰܝܬܿ ܥܝܳܕܼܳܐ ܐܰܝܟܼ ܗܳܢܳܐ܃ ܘܠܳܐ ܠܥܺܕ̱ܿܬܿܶܗ ܕܰܐܠܳܗܳܐ ܿ܀ܿ܀ܿ
11:17 [ai]ܗܳܕܼܶܐ ܕܶܝܢ ܕܰܡܦܼܰܩܶܕܼ ܐ̱ܢܳܐ܃ ܠܳܐ ܐܰܝܟܼ ܡܫܰܒܿܰܚ ܐ̱ܢܳܐ ܠܟܼܽܘܢ܂ ܡܶܛܽܠ ܕܠܳܐ ܗ̱ܘܳܐ ܠܰܩܕܼܳܡܰܝܟܿܽܘܢ ܐܶܬܼܰܝܬܿܽܘܢ܃ ܐܶܠܳܐ ܠܰܒܼܨܺܝܪܽܘܬܼܳܐ ܗܽܘ ܢܚܶܬܿܬܿܽܘܢ܂
11:18 [ai]ܠܽܘܩܕܼܰܡ ܓܶܝܪ ܡܳܐ ܕܡܶܬܼܟܿܰܢܫܺܝܢ ܐܢ̱ܬܿܽܘܢ ܒܥܺܕ̱ܿܬܳܐ܃ ܦܳܠܰܓܼܘܳܬܼܳܐ̈ ܫܳܡܰܥ ܐ̱ܢܳܐ ܕܺܐܝܬܼ ܒܰܝܢܳܬܼܟܼܽܘܢ܂ ܘܡܶܕܶܡ ܡܶܕܶܡ ܡܗܰܝܡܶܢ ܐ̱ܢܳܐ܂
11:19 [ai]ܥܬܼܺܝܕܼܺܝܢ ܐܶܢܽܘܢ ܓܶܝܪ ܐܳܦܼ ܚܶܪ̈ܝܳܢܶܐ ܕܢܶܗܘܽܘܢ ܒܰܝܢܳܬܼܟܼܽܘܢ܃ ܕܰܐܝܠܶܝܢ ܕܰܒܼܩܶܝܢ ܒܟܽܘܢ ܢܶܬܼܝܰܕܼܥܽܘܢ܂
11:20 [ai]ܡܳܐ ܗܳܟܼܺܝܠ ܕܡܶܬܼܟܿܰܢܫܺܝܢ ܐܢ̱ܬܿܽܘܢ܃ ܠܰܘ ܐܰܝܟܼ ܕܙܳܕܼܶܩ ܠܝܰܘܡܶܗ ܕܡܳܪܰܢ܂ ܐܳܟܼܠܺܝܢ ܐܢ̱ܬܿܽܘܢ ܘܫܳܬܼܶܝܢ܂
11:21 [ai]ܐܶܠܳܐ ܐ̱ܢܳܫ ܐ̱ܢܳܫ ܚܫܳܡܺܝܬܼܶܗ ܩܳܕܼܶܡ ܐܳܟܼܶܠ ܠܳܗ܂ ܘܗܳܘܶܐ ܚܰܕܼ ܟܦܼܶܢ܂ ܘܚܰܕܼ ܪܘܶܐ܂
11:22 [ai]ܕܰܠܡܳܐ ܒܳܬܿܶܐ̈ ܠܰܝܬܿ ܠܟܼܽܘܢ ܕܬܶܐܟܼܠܽܘܢ ܘܬܼܶܫܬܿܽܘܢ܃ ܐܰܘ ܒܥܺܕ̱ܿܬܿܶܗ ܕܰܐܠܳܗܳܐ ܒܳܣܶܝܢ ܐܢ̱ܬܿܽܘܢ܃ ܘܡܰܒܼܗܬܼܺܝܢ ܐܢ̱ܬܿܽܘܢ ܠܰܐܝܠܶܝܢ ܕܠܰܝܬܿ ܠܗܽܘܢ܂ ܡܳܢܳܐ ܐܺܡܰܪ ܠܟܼܽܘܢ܃ ܐܶܫܰܒܿܰܚܟܼܽܘܢ ܒܗܳܕܼܶܐ܃ ܠܳܐ ܡܫܰܒܿܰܚ ܐ̱ܢܳܐ܂
11:23 [ai]ܐܶܢܳܐ ܓܶܝܪ ܩܰܒܿܠܶܬܼ ܡܶܢ ܡܳܪܰܢ܃ ܗܰܘ ܡܶܕܶܡ ܕܰܐܫܠܡܶܬܼ ܠܟܼܽܘܢ܂ ܕܡܳܪܰܢ ܝܶܫܽܘܥ܂ ܒܗܰܘ ܠܺܠܝܳܐ ܕܡܶܫܬܿܠܶܡ ܗ̱ܘܳܐ܃ ܢܣܰܒܼ ܗ̱ܘܳܐ ܠܰܚܡܳܐ܂
11:24 [ai]ܘܒܼܰܪܶܟܼ ܘܰܩܨܳܐ܂ ܘܶܐܡܰܪ܂ ܣܰܒܼܘ܂ ܐܰܟܼܽܘܠܘ܂ ܗܳܢܰܘ ܦܰܓܼܪܝ܂ ܕܥܰܠ ܐܰܦܿܰܝܟܿܽܘܢ̈ ܡܶܬܼܩܨܶܐ܂ ܗܳܟܼܰܢܳܐ ܗܘܰܝܬܿܽܘܢ ܥܳܒܼܕܺܝܢ ܠܕܼܽܘܟܼܪܳܢܝ܂
11:25 [ai]ܗܳܟܼܰܢܳܐ ܡܶܢ ܒܳܬܼܰܪ ܕܰܐܚܫܶܡܘ܃ ܐܳܦܼ ܟܳܣܳܐ ܝܰܗ̱ܒܼ܂ ܘܶܐܡܰܪ܂ ܗܳܢܳܐ ܟܳܣܳܐ ܐܺܝܬܼܰܘܗ̱ܝ ܕܺܝܰܬܼܺܩܺܐ ܚܕܼܰܬܼܳܐ ܒܕܶܡܝ܂ ܗܳܟܼܰܢܳܐ ܗܘܰܝܬܿܽܘܢ ܥܳܒܼܕܺܝܢ܃ ܟܽܠ ܐܶܡܰܬܼܝ ܕܫܳܬܼܶܝܢ ܐܢ̱ܬܿܽܘܢ܂ ܠܕܼܽܘܟܼܪܳܢܝ܂
11:26 [ai]ܟܽܠ ܐܶܡܰܬܼܝ ܓܶܝܪ ܕܳܐܟܼܠܺܝܢ ܐܢ̱ܬܿܽܘܢ ܠܰܚܡܳܐ ܗܳܢܳܐ܂ ܘܫܳܬܼܶܝܢ ܐܢ̱ܬܿܽܘܢ ܟܳܣܳܐ ܗܳܢܳܐ܃ ܡܰܘܬܿܶܗ ܗ̱ܽܘ ܕܡܳܪܰܢ ܡܰܥ̱ܗܕܺܝܢ ܐܢ̱ܬܿܽܘܢ܂ ܥܕܼܰܡܳܐ ܠܡܶܐܬܼܺܝܬܼܶܗ܂
11:27 [ai]ܐܰܝܢܳܐ ܗܳܟܼܺܝܠ ܕܳܐܟܼܶܠ ܡܶܢ ܠܰܚܡܶܗ ܕܡܳܪܝܳܐ܂ ܘܫܳܬܼܶܐ ܡܶܢ ܟܳܣܶܗ܂ ܘܠܳܐ ܫܳܘܶܐ ܠܶܗ܃ ܡܚܰܝܰܒܼ ܗ̱ܽܘ ܠܰܕܼܡܶܗ ܕܡܳܪܝܳܐ ܘܰܠܦܼܰܓܼܪܶܗ܂
11:28 [ai]ܡܶܛܽܠ ܗܳܢܳܐ ܢܶܗܘܶܐ ܐ̱ܢܳܫ ܒܳܩܶܐ ܢܰܦܼܫܶܗ܃ ܘܗܳܝܕܶܝܢ ܐܳܟܼܶܠ ܡܶܢ ܠܰܚܡܳܐ ܗܳܢܳܐ܂ ܘܫܳܬܼܶܐ ܡܶܢ ܟܳܣܳܐ ܗܳܢܳܐ܂
11:29 [ai]ܡܰܢ ܕܳܐܟܼܶܠ ܓܶܝܪ ܘܫܳܬܼܶܐ ܡܶܢܶܗ ܟܰܕܼ ܠܳܐ ܫܳܘܶܐ܃ ܚܽܘܝܳܒܼܳܐ ܗ̱ܘ ܠܢܰܦܼܫܶܗ ܐܳܟܼܶܠ ܘܫܳܬܼܶܐ܃ ܕܠܳܐ ܦܪܰܫ ܦܰܓܼܪܶܗ ܕܡܳܪܝܳܐ܂
11:30 [ai]ܡܶܛܽܠ ܗܳܢܳܐ ܣܰܓܿܺܝܐܺܝܢ̈ ܒܟܽܘܢ ܡܰܪ̈ܥܶܐ ܘܰܟܼܪ̈ܺܝܗܶܐ܃ ܘܣܰܓܿܺܝܶܐܐ̈ ܕܕܼܳܡܟܿܺܝܢ
11:31 [ai]ܐܶܠܽܘ ܓܶܝܪ ܢܰܦܼܫܰܢ ܕܳܝܢܺܝܢ ܗ̱ܘܰܝܢ܃ ܠܳܐ ܡܶܬܿܕܼܺܝܢܺܝܢ ܗ̱ܘܰܝܢ܂
11:32 [ai]ܟܰܕܼ ܡܶܬܿܕܼܺܝܢܺܝܢܰܢ ܕܶܝܢ ܡܶܢ ܡܳܪܰܢ܃ ܡܶܬܼܪܕܼܳܝܽܘ ܡܶܬܼܪܕܼܶܝܢܰܢ܃ ܕܠܳܐ ܥܰܡ ܥܳܠܡܳܐ ܢܶܬܼܚܰܝܰܒܼ܀
11:33 [ai]ܡܶܟܿܺܝܠ ܐܰܚܰܝ̈܃ ܐܶܡܰܬܼܝ ܕܡܶܬܼܟܿܰܢܫܺܝܢ ܐܢ̱ܬܿܽܘܢ ܠܡܶܐܟܼܰܠ܃ ܗܘܰܝܬܿܽܘܢ ܡܩܰܘܶܝܢ ܚܰܕܼ ܠܚܰܕܼ܂
11:34 [ai]ܡܰܢ ܕܶܝܢ ܕܰܟܼܦܼܶܢ܂ ܒܒܼܰܝܬܿܶܗ ܢܶܠܥܰܣ܃ ܕܠܳܐ ܠܚܰܝܳܒܼܽܘܬܼܳܐ ܬܶܗܘܽܘܢ ܡܶܬܼܟܿܰܢܫܺܝܢ܂ ܥܰܠ ܫܰܪܟܿܳܐ ܕܶܝܢ܂ ܡܳܐ ܕܶܐܬܼܺܝܬܼ ܐܶܦܰܩܶܕܼܟܼܽܘܢ܀

next chapter