← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62046: 1Cor

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


16:01 [ai]ܥܰܠ ܡܶܕܶܡ ܕܶܝܢ ܕܡܶܬܼܟܿܰܢܰܫ ܠܩܰܕܿܺܝܫܶܐ̈܃ ܐܰܝܟܿܰܢܳܐ ܕܦܶܩܕܿܶܬܼ ܠܥܺܕܼܳܬܼܳܐ̈ ܕܓܰܠܰܛܳܝܶܐ̈܃ ܗܳܟܼܰܢܳܐ ܐܳܦܼ ܐܰܢ̱ܬܿܽܘܢ ܥܒܼܶܕܼܘ܂
16:02 [ai]ܒܟܽܠ ܚܰܕܼ ܒܫܰܒܿܳܐ܂ ܐ̱ܢܳܫ ܐ̱ܢܳܫ ܡܶܢܟܼܽܘܢ ܒܒܼܰܝܬܿܶܗ ܢܶܗܘܶܐ ܣܳܐܶܡ ܘܢܳܛܰܪ ܗܰܘ ܡܶܕܶܡ ܕܡܳܛܶܐ ܒܺܐܝܕܼܰܘܗ̱ܝ̈܃ ܕܠܳܐ ܡܳܐ ܕܶܐܬܼܺܝܬܼ܂ ܗܳܝܕܶܝܢ ܢܶܗܘܝܳܢ̈ ܓܶܒܼܝܳܬܼܳܐ̈܂
16:03 [ai]ܘܡܳܐ ܕܶܐܬܼܺܝܬܼ܂ ܠܰܐܝܠܶܝܢ ܕܓܳܒܼܶܝܢ ܐܢ̱ܬܿܽܘܢ܃ ܠܗܽܘܢ ܐܶܫܰܕܿܰܪ ܒܶܐܓܿܰܪܬܳܐ܂ ܕܢܰܘܒܿܠܽܘܢ ܛܰܝܒܿܽܘܬܼܟܼܽܘܢ ܠܽܐܘܪܺܫܠܶܡ܂
16:04 [ai]ܐܶܢ ܕܶܝܢ ܫܳܘܶܐ ܗ̱ܘ ܣܽܘܥܪܳܢܳܐ܂ ܕܳܐܦܼ ܐܶܢܳܐ ܐܺܙܰܠ܃ ܥܰܡܝ ܢܺܐܙܽܠ̱ܘܢ܂
16:05 [ai]ܐܳܬܼܶܐ ܐ̱ܢܳܐ ܕܶܝܢ ܠܘܳܬܼܟܼܽܘܢ܃ ܡܳܐ ܕܥܶܒܼܪܶܬܼ ܡܶܢ ܡܰܩܶܕܼܳܘܢܳܝܶܐ̈܂ ܥܳܒܼܰܪ ܐ̱ܢܳܐ ܠܳܗ ܓܶܝܪ ܠܡܰܩܶܕܼܳܘܢܺܝܰܐ܂
16:06 [ai]ܘܰܟܼܒܼܰܪ ܐܳܦܼ ܠܘܳܬܼܟܼܽܘܢ ܐܶܩܰܘܶܐ܂ ܐܰܘ ܐܰܣܬܿܶܐ ܠܘܳܬܼܟܼܽܘܢ܃ ܕܰܐܢ̱ܬܿܽܘܢ ܬܠܰܘܽܘܢܳܢܝ ܠܰܐܬܼܰܪ ܕܳܐܙܶܠ ܐ̱ܢܳܐ܂
16:07 [ai]ܠܳܐ ܓܶܝܪ ܨܳܒܼܶܐ ܐ̱ܢܳܐ ܕܗܳܫܳܐ܂ ܐܰܝܟܼ ܥܳܒܼܰܪ ܐܽܘܪܚܳܐ ܐܶܚܙܶܝܟܼܽܘܢ܂ ܡܣܰܒܰܪ ܐ̱ܢܳܐ ܓܶܝܪ ܕܰܐܘܚܰܪ ܙܰܒܼܢܳܐ ܠܘܳܬܼܟܼܽܘܢ܃ ܐܶܢ ܡܳܪܝ ܡܰܦܿܶܣ ܠܺܝ܂
16:08 [ai]ܡܩܰܘܶܐ ܐ̱ܢܳܐ ܕܶܝܢ ܒܶܐܦܼܶܣܳܘܣ ܥܕܼܰܡܳܐ ܠܦܿܶܢܛܺܩܳܘܣܛܺܐ܂
16:09 [ai]ܬܰܪܥܳܐ ܓܶܝܪ ܪܰܒܿܳܐ ܐܶܬܼܦܬܼܰܚ ܠܺܝ܂ ܕܰܡܠܶܐ ܣܽܘܥܪ̈ܳܢܶܐ܃ ܘܣܰܩܽܘܒܼܠܶܐ̈ ܣܰܓܿܺܝܐܺܝܢ܂
16:10 [ai]ܐܶܢ ܕܶܝܢ ܢܺܐܬܼܶܐ ܨܶܐܕܼܰܝܟܿܽܘܢ ܛܺܝܡܳܬܼܶܐܳܘܣ܃ ܚܙܰܘ ܕܰܕܼܠܳܐ ܕܶܚܠܳܐ ܢܶܗܘܶܐ ܠܘܳܬܼܟܼܽܘܢ܂ ܥܒܼܳܕܼܳܐ ܓܶܝܪ ܕܡܳܪܝܳܐ ܦܳܠܰܚ ܐܰܟܼܘܳܬܼܝ܂
16:11 [ai]ܠܡܳܐ ܗܳܟܼܺܝܠ ܐ̱ܢܳܫ ܢܫܽܘܛܺܝܘܗ̱ܝ܃ ܐܶܠܳܐ ܠܰܘܰܐܘܽܗ̱ܝ ܒܰܫܠܳܡܳܐ ܕܢܺܐܬܼܶܐ ܠܘܳܬܼܝ܂ ܡܩܰܘܶܐ ܐ̱ܢܳܐ ܠܶܗ ܓܶܝܪ ܥܰܡ ܐܰܚܶܐ̈܂
16:12 [ai]ܡܶܢ ܐܰܦܿܳܠܳܘ ܕܶܝܢ ܐܰܚܰܝ̈܃ ܣܰܓܿܺܝ ܒܥܺܝܬܼ ܡܶܢܶܗ܂ ܕܢܺܐܬܼܶܐ ܠܘܳܬܼܟܼܽܘܢ ܥܰܡ ܐܰܚܶܐ̈܂ ܘܰܟܼܒܼܰܪ ܠܳܐ ܗܘܳܐ ܨܶܒܼܝܳܢܳܐ ܕܢܺܐܬܼܶܐ ܠܘܳܬܼܟܼܽܘܢ܂ ܐܶܡܰܬܼܝ ܕܶܝܢ ܕܢܶܗܘܶܐ ܠܶܗ ܐܰܬܼܪܳܐ܃ ܐܳܬܼܶܐ ܠܘܳܬܼܟܼܽܘܢ܀
16:13 [ai]ܐܶܬܿܬܿܥܺܝܪܘ ܘܩܽܘܡܘ ܒܗܰܝܡܳܢܽܘܬܼܳܐ܂ ܐܶܬܼܓܿܰܒܰܪܘ ܐܶܬܼܚܰܣܰܢܘ܂
16:14 [ai]ܘܟܼܽܠܗܶܝܢ ܨܶܒܼܘܳܬܼܟܼܽܘܢ̈ ܒܚܽܘܒܿܳܐ ܢܶܗܘܝܳܢ̈܀
16:15 [ai]ܒܿܳܥܶܐ ܐ̱ܢܳܐ ܕܶܝܢ ܡܶܢܟܼܽܘܢ ܐܰܚܰܝ̈܃ ܥܰܠ ܒܰܝܬܳܐ ܕܶܐܣܛܶܦܼܰܢܰܐ܂ ܡܶܛܽܠ ܕܝܳܕܼܥܺܝܢ ܐܢ̱ܬܿܽܘܢ ܕܗܶܢܽܘܢ ܐܶܢܽܘܢ ܪܺܫܺܝܬܼܳܐ ܕܰܐܟܼܰܐܺܝܰܐ܃ ܘܣܳܡܘ ܢܰܦܼܫܗܽܘܢ ܠܬܼܶܫܡܶܫܬܳܐ ܕܩܰܕܿܺܝܫܶܐ̈܂
16:16 [ai]ܕܳܐܦܼ ܐܰܢ̱ܬܿܽܘܢ ܬܶܗܘܽܘܢ ܡܶܫܬܿܰܡܥܺܝܢ ܠܰܐܝܠܶܝܢ ܕܗܳܟܼܰܢܳܐ ܐܶܢܽܘܢ܂ ܘܰܠܟܼܽܠܢܳܫ ܕܠܳܐܶܐ ܥܰܡܰܢ ܘܰܡܥܰܕܿܰܪ܂
16:17 [ai]ܚܳܕܼܶܐ ܐ̱ܢܳܐ ܕܶܝܢ ܒܡܶܐܬܼܺܝܬܼܶܗ ܕܶܐܣܛܶܦܼܰܢܰܐ܂ ܘܰܕܼܦܼܳܪܛܽܘܢܰܛܳܘܣ܂ ܘܕܼܰܐܟܼܰܐܺܝܩܳܘܣ܂ ܕܿܡܶܕܶܡ ܕܒܰܨܰܪܬܿܽܘܢ ܠܘܳܬܼܝ܂ ܗܶܢܽܘܢ ܡܰܠܺܝܘ܂
16:18 [ai]ܐܰܢܺܝܚܘ ܓܶܝܪ ܪܽܘܚܝ ܕܺܝܠܝ ܘܕܼܺܝܠܟܼܽܘܢ܂ ܗܘܰܝܬܿܽܘܢ ܗܳܟܼܺܝܠ ܡܶܫܬܰܘܕܥܺܝܢ ܠܰܐܝܠܶܝܢ ܕܗܳܟܼܰܢܳܐ ܐܶܢܽܘܢ܀
16:19 [ai]ܫܳܐܠܳܢ̈ ܒܰܫܠܳܡܟܼܽܘܢ ܥܺܕܼܳܬܼܳܐ̈ ܟܽܠܗܶܝܢ ܕܒܰܐܣܺܝܰܐ܀ ܫܳܐܠܺܝܢ ܒܰܫܠܳܡܟܼܽܘܢ ܣܰܓܿܺܝ ܒܡܳܪܰܢ܃ ܐܰܩܶܠܳܘܣ ܘܰܦܿܪܺܝܣܩܺܠܰܐ܂ ܥܰܡ ܥܺܕ̱ܿܬܳܐ ܕܰܒܼܒܼܰܝܬܿܗܽܘܢ܀
16:20 [ai]ܫܳܐܠܺܝܢ ܒܰܫܠܳܡܟܼܽܘܢ ܐܰܚܰܝܢ̈ ܟܽܠܗܽܘܢ܀ ܫܰܐܠܘ ܒܰܫܠܳܡܳܐ ܚܰܕܼ ܕܚܰܕܼ ܒܢܽܘܫܰܩܬܳܐ ܩܰܕܿܺܝܫܬܳܐ܀
16:21 [ai]ܫܠܳܡܳܐ ܒܰܟܼܬܼܳܒܼܰܬܼ ܐܺܝܕܼܳܐ ܕܺܝܠܝ ܕܦܿܰܘܠܳܘܣ܂
16:22 [ai]ܡܰܢ ܕܠܳܐ ܪܳܚܶܡ ܠܡܳܪܰܢ ܝܶܫܽܘܥ ܡܫܺܝܚܳܐ܂ ܢܶܗܘܶܐ ܚܪܶܡ܂ ܡܳܪܰܢ ܐܶܬܼܳܐ܂
16:23 [ai]ܛܰܝܒܿܽܘܬܼܶܗ ܕܡܳܪܰܢ ܝܶܫܽܘܥ ܡܫܺܝܚܳܐ ܥܰܡܟܼܽܘܢ܃
16:24 [ai]ܘܚܽܘܒܿܝ ܥܰܡ ܟܽܠܟܼܽܘܢ ܒܰܡܫܺܝܚܳܐ ܝܶܫܽܘܥ ܿ܀ܿ܀ܿ