← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62047: 2Cor

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


06:01 [ai]ܘܰܐܝܟܼ ܡܥܰܕܿܪ̈ܳܢܶܐ܂ ܒܿܳܥܶܝܢܰܢ ܡܶܢܟܼܽܘܢ܃ ܕܠܳܐ ܬܶܣܬܿܰܪܰܩ ܒܟܽܘܢ ܛܰܝܒܿܽܘܬܼܳܐ ܕܰܐܠܳܗܳܐ ܕܩܰܒܿܶܠܬܿܽܘܢ܂
06:02 [ai]ܐܶܡܰܪ ܓܶܝܪ܂ ܕܰܒܼܙܰܒܼܢܳܐ ܡܩܰܒܠܳܐ ܥܢܺܝܬܼܳܟܼ܃ ܘܰܒܝܰܘܡܳܐ ܕܚܰܝ̈ܶܐ ܥܰܕܿܰܪܬܿܳܟܼ܂ ܗܳܐ ܗܳܫܳܐ ܙܰܒܼܢܳܐ ܡܩܰܒܠܳܐ܂ ܘܗܳܐ ܗܳܫܳܐ ܝܰܘܡܳܐ ܕܚܰܝ̈ܶܐ܂
06:03 [ai]ܠܡܳܐ ܒܡܶܕܶܡ ܬܶܬܿܠܽܘܢ ܠܐ̱ܢܳܫ ܥܶܠܬܼܳܐ ܕܬܽܘܩܰܠܬܼܳܐ܃ ܕܠܳܐ ܢܶܗܘܶܐ ܡܽܘܡܳܐ ܒܬܶܫܡܶܫܬܿܰܢ܂
06:04 [ai]ܐܶܠܳܐ ܒܟܽܠ ܡܶܕܶܡ ܢܚܰܘܶܐ ܢܰܦܼܫܰܢ܃ ܕܰܡܫܰܡܫܳܢܶܐ̈ ܚܢܰܢ ܕܰܐܠܳܗܳܐ܂ ܒܰܡܣܰܝܒܿܪܳܢܽܘܬܼܳܐ ܣܰܓܿܺܝܐܬܼܳܐ܂ ܒܽܐܘܠܨܳܢܶܐ̈܂ ܒܰܐܢܰܢܩܰܣ̈܂ ܒܰܚܒܼܽܘܫܝܶܐ̈܂
06:05 [ai]ܒܢܶܓܼܕܿܶܐ̈܂ ܒܰܐܣܽܘܪ̈ܶܐ܂ ܒܰܫܓܼܽܘܫܝܶܐ̈܂ ܒܠܶܐܘܽܬܼܳܐ܂ ܒܫܰܗܪܳܐ܂ ܒܨܰܘܡܳܐ܂
06:06 [ai]ܒܕܰܟܼܝܽܘܬܼܳܐ܂ ܒܺܝܕܼܰܥܬܼܳܐ܂ ܒܢܰܓܿܺܝܪܽܘܬܼ ܪܽܘܚܳܐ܂ ܒܒܼܰܣܺܝܡܽܘܬܼܳܐ܂ ܒܪܽܘܚܳܐ ܕܩܽܘܕܼܫܳܐ܂ ܒܚܽܘܒܿܳܐ ܕܠܳܐ ܢܶܟܼܠܳܐ܂
06:07 [ai]ܒܡܶܠܬܼܳܐ ܕܩܽܘܫܬܳܐ܂ ܒܚܰܝܠܳܐ ܕܰܐܠܳܗܳܐ܂ ܒܙܰܝܢܳܐ ܕܙܰܕܿܺܝܩܽܘܬܼܳܐ ܕܰܒܼܝܰܡܺܝܢܳܐ ܘܰܒܣܶܡܳܠܳܐ܂
06:08 [ai]ܒܫܽܘܒܼܚܳܐ ܘܰܒܨܰܥܪܳܐ܂ ܒܩܽܘܠܳܣܳܐ ܘܰܒܓܼܽܘܢܳܝܳܐ܂ ܐܰܝܟܼ ܡܰܛܥܝܳܢܶܐ̈܂ ܘܫܰܪ̈ܺܝܪܶܐ܂
06:09 [ai]ܐܰܝܟܼ ܠܳܐ ܺܝܕܼܺܝܥܶܐ̈܂ ܘܺܝܕܼܺܝܥܺܝܢܰܢ܂ ܐܰܝܟܼ ܡܺܝܬܼܺܝܢܰܢ܂ ܘܗܳܐ ܚܰܝܺܝܢ ܚ̱ܢܰܢ܂ ܐܰܝܟܼ ܕܡܶܬܼܪܕܼܶܝܢܰܢ܂ ܘܠܳܐ ܡܳܝܬܿܺܝܢܰܢ܂
06:10 [ai]ܐܰܝܟܼ ܕܟܰܪܝܳܐ ܠܰܢ܂ ܘܰܒܟܼܽܠܙܒܼܰܢ ܚܳܕܼܶܝܢܰܢ܂ ܐܰܝܟܼ ܡܶܣܟܿܺܢܶܐ̈܂ ܘܰܠܣܰܓܿܺܝܶܐܐ̈ ܡܰܥܬܿܪܺܝܢܰܢ܂ ܐܰܝܟܼ ܕܿܡܶܕܶܡ ܠܰܝܬܿ ܠܰܢ܂ ܘܟܼܽܠ ܡܶܕܶܡ ܐܰܚܺܝܕܼܺܝܢܰܢ܀
06:11 [ai]ܦܽܘܡܰܢ ܦܬܼܺܝܚ ܗ̱ܽܘ ܠܘܳܬܼܟܼܽܘܢ ܩܳܘܪ̈ܺܢܬܼܳܝܶܐ܃ ܘܠܶܒܰܢ ܪܘܺܝܚ܂
06:12 [ai]ܠܳܐ ܐܰܠܺܝܨܺܝܬܿܽܘܢ ܒܰܢ܃ ܐܰܠܺܝܨܺܝܬܿܽܘܢ ܕܶܝܢ ܒܪ̈ܰܚܡܰܝܟܿܽܘܢ܂
06:13 [ai]ܐܰܝܟܼ ܕܿܠܰܒܼܢܰܝܳܐ ܕܶܝܢ ܐܳܡܰܪ ܐ̱ܢܳܐ܂ ܦܽܘܪܥܽܘܢܝ ܚܽܘܒܼܠܝ ܕܰܠܘܳܬܼܟܼܽܘܢ܃ ܘܪܰܘܰܚܘ ܚܽܘܒܟܽܘܢ ܠܘܳܬܼܝ܂
06:14 [ai]ܘܠܳܐ ܬܶܗܘܽܘܢ ܒܢܰܝ ܙܰܘܓܿܳܐ ܠܰܐܝܠܶܝܢ ܕܠܳܐ ܡܗܰܝܡܢܺܝܢ܂ ܐܰܝܕܼܳܐ ܓܶܝܪ ܫܰܘܬܿܳܦܼܽܘܬܼܳܐ ܐܺܝܬܼ ܠܙܰܕܿܺܝܩܽܘܬܼܳܐ ܥܰܡ ܥܰܘܠܳܐ܂ ܐܰܘ ܐܰܝܢܳܐ ܚܽܘܠܛܳܢܳܐ ܐܺܝܬܼ ܠܢܰܗܺܝܪܳܐ ܥܰܡ ܚܶܫܽܘܟܼܳܐ܂
06:15 [ai]ܐܰܘ ܐܰܝܕܼܳܐ ܫܰܠܡܽܘܬܼܳܐ ܐܺܝܬܼ ܠܰܡܫܺܝܚܳܐ ܥܰܡ ܣܳܛܳܢܳܐ܂ ܐܰܘ ܐܰܝܕܼܳܐ ܡܢܳܬܼܳܐ ܐܺܝܬܼ ܠܕܼܰܡܗܰܝܡܶܢ ܥܰܡ ܕܠܳܐ ܡܗܰܝܡܶܢ܂
06:16 [ai]ܐܰܝܕܼܳܐ ܕܶܝܢ ܐܰܘܝܽܘܬܼܳܐ ܐܺܝܬܼ ܠܗܰܝܟܠܶܗ ܕܰܐܠܳܗܳܐ ܥܰܡ ܕܫܺܐܕܼܶܐ̈܂ ܐܰܢ̱ܬܿܽܘܢ ܕܶܝܢ ܗܰܝܟܠܶܗ ܐܰܢ̱ܬܿܽܘܢ ܕܰܐܠܳܗܳܐ ܚܰܝܳܐ܃ ܐܰܝܟܿܰܢܳܐ ܕܰܐܡܺܝܪ܃ ܕܶܐܥܡܰܪ ܒܗܽܘܢ܂ ܘܶܐܗܰܠܶܟܼ ܒܗܽܘܢ܂ ܘܶܐܗܘܶܐ ܐܰܠܳܗܗܽܘܢ܂ ܘܗܶܢܽܘܢ ܢܶܗܘܽܘܢ ܠܺܝ ܥܰܡܳܐ܂
06:17 [ai]ܡܶܛܽܠ ܗܳܢܳܐ ܦܽܘܩܘ ܡܶܢ ܒܰܝܢܳܬܼܗܽܘܢ܃ ܘܶܐܬܼܦܿܰܪ̱ܫܘ ܡܶܢܗܽܘܢ܂ ܐܳܡܰܪ ܡܳܪܝܳܐ܃ ܘܰܠܛܰܡܶܐܐ̈ ܠܳܐ ܬܶܬܼܩܰܪܒܼܽܘܢ܂ ܘܶܐܢܳܐ ܐܶܩܰܒܿܶܠܟܼܽܘܢ܂
06:18 [ai]ܘܶܐܗܘܶܐ ܠܟܼܽܘܢ ܠܰܐܒܼܳܐ܃ ܘܰܐܢ̱ܬܿܽܘܢ ܬܶܗܘܽܘܢ ܠܺܝ ܠܰܒܼܢܰܝܳܐ ܘܠܰܒܼܢܳܬܼܳܐ܃ ܐܳܡܰܪ ܡܳܪܝܳܐ ܕܟܽܠ ܐܰܚܺܝܕܼ ܿ܀ܿ܀ܿ

next chapter