← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62047: 2Cor

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


09:01 [ai]ܥܰܠ ܬܿܶܫܡܶܫܬܳܐ ܕܶܝܢ ܕܩܰܕܿܺܝܫܶܐ̈܃ ܝܰܬܿܺܝܪܬܳܐ ܥܳܒܼܶܕܼ ܐ̱ܢܳܐ܂ ܐܶܢ ܟܳܬܼܶܒܼ ܐ̱ܢܳܐ ܠܟܼܽܘܢ܂
09:02 [ai]ܝܳܕܼܰܥ ܐ̱ܢܳܐ ܓܶܝܪ ܛܽܘܝܳܒܼܶܗ ܕܪܶܥܝܳܢܟܼܽܘܢ܂ ܘܡܶܛܽܠ ܗܳܢܳܐ ܐܶܫܬܿܰܒܼܗܪܶܬܼ ܒܟܽܘܢ ܠܡܰܩܶܕܼܳܘܢܳܝܶܐ̈܃ ܕܰܐܟܼܰܐܺܝܰܐ ܥܬܼܺܝܕܼܳܐ ܗ̱ܝ ܡܶܢ ܐܶܫܬܿܩܰܕܼܝ܂ ܘܰܛܢܳܢܳܐ ܕܺܝܠܟܼܽܘܢ ܠܣܰܓܿܺܝܶܐܐ̈ ܓܰܪܶܓܼ܂
09:03 [ai]ܫܰܕܿܪܶܬܼ ܕܶܝܢ ܠܰܐܚܶܐ̈܃ ܕܠܳܐ ܢܶܣܬܿܰܪܰܩ ܫܽܘܒܼܗܳܪܰܢ܂ ܕܶܐܫܬܿܰܒܼܗܰܪܢ ܒܟܽܘܢ ܥܰܠ ܗܳܕܼܶܐ ܨܒܼܽܘܬܼܳܐ܂ ܕܰܐܝܟܿܰܢܳܐ ܕܶܐܡܪܶܬܼ܂ ܬܶܗܘܽܘܢ ܡܛܰܝܒܼܺܝܢ܃
09:04 [ai]ܕܰܠܡܳܐ ܢܺܐܬܼܽܘܢ ܥܰܡܝ ܡܰܩܶܕܼܳܘܢܳܝܶܐ̈܃ ܘܢܶܫܟܿܚܽܘܢܳܟܼܽܘܢ ܟܰܕܼ ܠܳܐ ܥܬܼܺܝܕܼܺܝܢ ܐܢ̱ܬܿܽܘܢ܃ ܘܢܶܒܼܗܰܬܼ ܚܢܰܢ܃ ܕܠܳܐ ܢܺܐܡܰܪ ܕܰܐܢ̱ܬܿܽܘܢ ܬܶܒܼܗܬܼܽܘܢ܃ ܒܫܽܘܒܼܗܳܪܳܐ ܗܰܘ ܕܶܐܫܬܿܰܒܼܗܰܪܢ܂
09:05 [ai]ܡܶܛܽܠ ܗܳܢܳܐ ܐܶܬܼܒܿܛܶܠ ܠܺܝ ܕܶܐܒܼܥܶܐ ܡܶܢ ܐܰܚܰܝ̈ ܗܳܠܶܝܢ܃ ܕܢܺܐܬܼܽܘܢ ܩܕܼܳܡܰܝ ܠܘܳܬܼܟܼܽܘܢ܂ ܘܰܢܥܰܬܿܕܼܽܘܢ ܒܽܘܪܟܿܬܼܳܐ ܗܳܝ ܕܡܶܢ ܩܕܼܺܝܡ ܐܶܫܬܿܡܰܥܬܿܽܘܢ܂ ܕܬܶܗܘܶܐ ܡܛܰܝܒܼܳܐ܂ ܗܳܟܼܰܢܳܐ ܐܰܝܟܼ ܒܽܘܪܟܿܬܼܳܐ܃ ܠܳܐ ܗ̱ܘܳܐ ܐܰܝܟܼ ܝܰܥܢܽܘܬܼܳܐ܂
09:06 [ai]ܗܳܕܼܶܐ ܕܶܝܢ ܡܰܢ ܕܙܳܪܰܥ ܒܚܰܘܣܳܢܳܐ܃ ܐܳܦܼ ܒܚܰܘܣܳܢܳܐ ܚܳܨܶܕܼ܂ ܘܡܰܢ ܕܙܳܪܰܥ ܒܒܼܽܘܪܟܿܬܼܳܐ܃ ܒܒܼܽܘܪܟܿܬܼܳܐ ܢܶܚܨܽܘܕܼ܂
09:07 [ai]ܟܽܠ ܐ̱ܢܳܫ ܐܰܝܟܼ ܕܺܐܝܬܼ ܒܪܶܥܝܳܢܶܗ܃ ܠܳܐ ܐܰܝܟܼ ܕܡܶܢ ܟܰܪܝܽܘܬܼܳܐ܂ ܐܰܘ ܐܰܝܟܼ ܕܡܶܢ ܩܛܺܝܪܳܐ܂ ܠܝܳܗܽܘܒܼܳܐ ܗܽܘ ܓܶܝܪ ܚܰܕܿܳܝܳܐ ܪܳܚܶܡ ܐܰܠܳܗܳܐ܂
09:08 [ai]ܡܳܛܝܳܐ ܗ̱ܝ ܕܶܝܢ ܒܺܐܝܕܼܰܝ̈ ܐܰܠܳܗܳܐ܃ ܟܽܠ ܛܰܝܒܿܽܘ ܕܰܢܝܰܬܿܰܪ ܒܟܽܘܢ܃ ܕܰܒܼܟܼܽܠܙܒܼܰܢ ܒܟܽܠܡܶܕܶܡ ܗܰܘ ܡܳܐ ܕܣܳܦܼܶܩ ܠܟܼܽܘܢ ܢܶܗܘܶܐ ܠܟܼܽܘܢ܂ ܘܬܼܶܬܼܝܰܬܿܪܽܘܢ ܒܟܽܠ ܥܒܼܳܕܼ ܛܳܒܼ܂
09:09 [ai]ܐܰܝܟܼ ܕܰܟܼܬܼܺܝܒܼ܃ ܕܒܰܕܿܰܪ ܘܝܰܗ̱ܒܼ ܠܡܶܣܟܿܺܢܶܐ̈܂ ܘܙܰܕܿܺܝܩܽܘܬܼܶܗ ܩܰܝܳܡܳܐ ܠܥܳܠܰܡ܂
09:10 [ai]ܗܰܘ ܕܶܝܢ ܕܝܳܗܶܒܼ ܙܰܪܥܳܐ ܠܙܳܪܽܘܥܳܐ ܘܠܰܚܡܳܐ ܠܡܶܐܟܼܽܘܠܬܳܐ܃ ܗܽܘ ܢܶܬܿܶܠ ܘܢܰܣܓܿܶܐ ܙܰܪܥܟܼܽܘܢ܂ ܘܰܢܪܰܒܿܶܐ ܦܿܺܐܪ̈ܶܐ ܕܙܰܕܿܺܝܩܽܘܬܼܟܼܽܘܢ܂
09:11 [ai]ܕܰܒܼܟܼܽܠ ܡܶܕܶܡ ܬܶܥܬܿܪܽܘܢ ܒܟܽܠܳܗ ܦܫܺܝܛܽܘܬܼܳܐ܃ ܕܗܺܝ ܓܳܡܪܳܐ ܒܺܐܝܕܼܰܢ ܬܰܘܕܿܺܝܬܼܳܐ ܠܰܐܠܳܗܳܐ܂
09:12 [ai]ܡܶܛܽܠ ܕܦܽܘܠܚܳܢܳܐ ܕܬܶܫܡܶܫܬܳܐ ܗܳܕܼܶܐ܂ ܠܳܐ ܗ̱ܘܳܐ ܒܰܠܚܽܘܕܼ ܚܰܣܺܝܪܽܘܬܼܳܐ ܕܩܰܕܿܺܝܫܶܐ̈ ܡܡܰܠܶܐ܃ ܐܶܠܳܐ ܐܳܦܼ ܡܝܰܬܿܰܪ ܒܬܰܘܕܿܝܳܬܼܳܐ̈ ܣܰܓܿܺܝܳܐܬܼܳܐ̈ ܠܰܐܠܳܗܳܐ܂
09:13 [ai]ܡܶܛܽܠ ܒܽܘܩܝܳܐ ܓܶܝܪ ܕܬܶܫܡܶܫܬܳܐ ܗܳܕܼܶܐ ܠܰܐܠܳܗܳܐ ܡܫܰܒܿܚܺܝܢ܂ ܕܶܐܫܬܿܰܥܒܿܰܕܿܬܿܽܘܢ ܠܬܼܰܘܕܿܺܝܬܼܳܐ ܕܰܣܒܼܰܪܬܼܶܗ ܕܰܡܫܺܝܚܳܐ܂ ܘܶܐܫܬܰܘܬܿܰܦܼܬܿܽܘܢ ܒܰܦܼܫܺܝܛܽܘܬܼܟܼܽܘܢ ܥܰܡܗܽܘܢ ܘܥܰܡ ܟܽܠܢܳܫ܂
09:14 [ai]ܘܰܨܠܽܘܬܼܳܐ ܡܩܰܪܒܼܺܝܢ ܚܠܳܦܼܰܝܟܿܽܘܢ ܒܚܽܘܒܿܳܐ ܣܰܓܿܺܝܳܐܐ܂ ܡܶܛܽܠ ܣܽܘܓܼܳܐܐ ܕܛܰܝܒܿܽܘܬܼܶܗ ܕܰܐܠܳܗܳܐ ܕܰܥܠܰܝܟܿܽܘܢ܂
09:15 [ai]ܛܰܝܒܿܽܘ ܕܶܝܢ ܠܰܐܠܳܗܳܐ ܥܰܠ ܡܰܘܗܰܒܼܬܼܶܗ ܕܠܳܐ ܡܶܬܼܡܰܠܠܳܐ܀

next chapter