← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62047: 2Cor

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


11:01 [ai]ܐܶܫܬܿܽܘܦܼ ܕܶܝܢ ܡܣܰܝܒܿܪܺܝܢ ܗ̱ܘܰܝܬܿܽܘܢ ܠܺܝ ܩܰܠܺܝܠ܂ ܕܶܐܡܰܠܶܠ ܦܰܟܿܺܝܗܳܐܺܝܬܼ܂ ܐܶܠܳܐ ܐܳܦܼ ܡܣܰܝܒܿܪܺܝܢ ܐܢ̱ܬܿܽܘܢ ܗ̱ܽܘ ܠܺܝ܂
11:02 [ai]ܛܳܐܶܢ ܐ̱ܢܳܐ ܓܶܝܪ ܒܟܽܘܢ ܒܰܛܢܳܢܳܐ ܕܰܐܠܳܗܳܐ܂ ܡܟܼܰܪܬܿܟܼܽܘܢ ܓܶܝܪ ܠܓܼܰܒܼܪܳܐ ܚܰܕܼ ܒܬܽܘܠܬܳܐ ܕܟܺܝܬܼܳܐ܂ ܕܶܐܩܰܪܶܒܼ ܠܰܡܫܺܝܚܳܐ܂
11:03 [ai]ܕܳܚܶܠ ܐ̱ܢܳܐ ܕܶܝܢ܃ ܕܰܠܡܳܐ ܐܰܝܟܼ ܕܰܐܛܥܺܝ ܚܶܘܝܳܐ ܠܚܰܘܳܐ ܒܰܢܟܼܺܝܠܽܘܬܼܶܗ܃ ܗܳܟܼܰܢܳܐ ܢܶܬܼܚܰܒܿܠܽܘܢ ܪ̈ܶܥܝܳܢܰܝܟܿܽܘܢ ܡܶܢ ܦܫܺܝܛܽܘܬܼܳܐ܂ ܕܰܠܘܳܬܼ ܡܫܺܝܚܳܐ܂
11:04 [ai]ܐܶܢ ܓܶܝܪ ܗܰܘ ܕܶܐܬܼܳܐ ܠܘܳܬܼܟܼܽܘܢ܃ ܐ̱ܚܪܺܢܳܐ ܝܶܫܽܘܥ ܐܰܟܼܪܶܙ ܠܟܼܽܘܢ܂ ܐܰܝܢܳܐ ܕܰܚܢܰܢ ܠܳܐ ܐܰܟܼܪܶܙܢ܃ ܐܰܘ ܪܽܘܚܳܐ ܐ̱ܚܪܺܬܼܳܐ ܢܣܰܒܼܬܿܽܘܢ܂ ܐܰܝܕܼܳܐ ܕܠܳܐ ܢܣܰܒܼܬܿܽܘܢ܃ ܐܰܘ ܣܒܼܰܪܬܼܳܐ ܐ̱ܚܪܺܬܼܳܐ܂ ܐܰܝܕܼܳܐ ܕܠܳܐ ܩܰܒܿܶܠܬܿܽܘܢ܃ ܫܰܦܿܺܝܪ ܡܶܬܿܛܦܿܺܝܣܺܝܢ ܗ̱ܘܰܝܬܿܽܘܢ܂
11:05 [ai]ܪܳܢܶܐ ܐ̱ܢܳܐ ܓܶܝܪ܃ ܕܿܡܶܕܶܡ ܠܳܐ ܒܰܨܪܶܬܼ ܡܶܢ ܫܠܺܝܚܶܐ̈܂ ܐܰܝܠܶܝܢ ܕܛܳܒܼ ܡܝܰܬܿܪܺܝܢ܂
11:06 [ai]ܐܳܦܼܶܢ ܓܶܝܪ ܒܽܘܪܳܐ ܐ̱ܢܳܐ ܒܡܶܠܰܬܼܝ܃ ܐܶܠܳܐ ܠܳܐ ܒܺܝܕܼܰܥܬܼܝ܂ ܐܶܠܳܐ ܒܟܽܠܡܶܕܶܡ ܐܶܬܼܓܿܠܺܝܢ ܠܘܳܬܼܟܼܽܘܢ܂
11:07 [ai]ܐܰܘ ܕܰܠܡܳܐ ܡܰܣܟܿܳܠܽܘ ܐܰܣܟܠܶܬܼ܂ ܕܡܰܟܿܟܼܶܬܼ ܢܰܦܼܫܝ ܕܰܐܢ̱ܬܿܽܘܢ ܬܶܬܿܪܺܝܡܽܘܢ܂ ܘܡܰܓܿܳܢ ܐܰܟܼܪܙܶܬܼ ܠܟܼܽܘܢ ܣܒܼܰܪܬܼܶܗ ܕܰܐܠܳܗܳܐ܂
11:08 [ai]ܘܥܺܕܼܳܬܼܳܐ̈ ܐ̱ܚܪ̈ܳܢܝܳܬܼܳܐ ܚܰܠܨܶܬܼ܃ ܘܢܶܣܒܿܶܬܼ ܢܰܦܼܩܳܬܼܳܐ̈ ܠܬܼܶܫܡܶܫܬܳܐ ܕܺܝܠܟܼܽܘܢ܂
11:09 [ai]ܘܟܼܰܕܼ ܐܶܬܼܺܝܬܼ ܨܶܐܕܼܰܝܟܿܽܘܢ܂ ܘܰܚܣܰܪ ܠܺܝ܃ ܠܳܐ ܝܶܩܪܶܬܼ ܥܰܠ ܐ̱ܢܳܫ ܡܶܢܟܼܽܘܢ܂ ܣܢܺܝܩܽܘܬܼܝ ܓܶܝܪ ܡܰܠܺܝܘ ܐܰܚܶܐ̈ ܕܶܐܬܼܰܘ ܡܶܢ ܡܰܩܶܕܼܳܘܢܳܝܶܐ̈܂ ܘܰܒܟܼܽܠ ܡܶܕܶܡ ܢܶܛܪܶܬܼ ܢܰܦܼܫܝ ܘܢܳܛܰܪ ܐ̱ܢܳܐ܃ ܕܠܳܐ ܐܺܩܰܪ ܥܠܰܝܟܿܽܘܢ܂
11:10 [ai]ܐܺܝܬܼܰܘܗ̱ܝ ܒܺܝ ܫܪܳܪܶܗ ܕܰܡܫܺܝܚܳܐ܃ ܕܗܳܢܳܐ ܫܽܘܒܼܗܳܪܳܐ ܠܳܐ ܢܶܬܼܒܿܰܛܰܠ ܒܺܝ ܒܰܐܬܼܪ̈ܰܘܳܬܼܳܐ ܕܰܐܟܼܰܐܺܝܰܐ܂
11:11 [ai]ܠܡܳܢܳܐ܂ ܡܶܛܽܠ ܕܠܳܐ ܡܰܚܶܒܼ ܐ̱ܢܳܐ ܠܟܼܽܘܢ܃ ܐܰܠܳܗܳܐ ܗܽܘ ܝܳܕܼܰܥ܂
11:12 [ai]ܐܶܠܳܐ ܗܳܕܼܶܐ ܕܥܳܒܼܶܕܼ ܐ̱ܢܳܐ܃ ܐܳܦܼ ܐܶܥܒܿܶܕܼ ܕܶܐܦܼܣܽܘܩ ܗ̱ܽܘ ܥܶܠܰܬܼܗܽܘܢ ܕܰܐܝܠܶܝܢ ܕܒܳܥܶܝܢ ܥܶܠܬܼܳܐ܃ ܕܰܒܼܗܰܘ ܡܶܕܶܡ ܕܡܶܫܬܿܰܒܼܗܪܺܝܢ܂ ܢܶܫܬܿܰܟܼܚܽܘܢ ܐܰܟܼܘܳܬܼܰܢ܂
11:13 [ai]ܐܺܝܬܼܰܝܗܽܘܢ ܓܶܝܪ ܗܳܠܶܝܢ܃ ܫܠܺܝܚܶܐ̈ ܕܰܓܳܠܶܐ̈܂ ܘܦܼܳܥܠܶܐ̈ ܢܟܼܺܝܠܶܐ̈܂ ܘܰܡܕܼܰܡܶܝܢ ܢܰܦܼܫܗܽܘܢ ܠܰܫܠܺܝܚܶܐ̈ ܕܰܡܫܺܝܚܳܐ܂
11:14 [ai]ܘܠܰܝܬܿ ܠܡܶܬܿܕܰܡܳܪܽܘ ܒܗܳܕܼܶܐ܂ ܐܶܢ ܗܽܘ ܓܶܝܪ ܕܣܳܛܳܢܳܐ ܡܶܬܿܕܰܡܶܐ ܒܡܰܠܰܐܟܼܳܐ ܕܢܽܘܗܪܳܐ܃
11:15 [ai]ܠܳܐ ܗܘܳܬܼ ܪܰܒܿܳܐ ܨܒܼܽܘܬܼܳܐ܃ ܐܶܢ ܐܳܦܼ ܡܫܰܡܫܳܢܰܘܗ̱ܝ̈ ܡܶܬܿܕܰܡܶܝܢ ܒܰܡܫܰܡܫܳܢܶܐ̈ ܕܙܰܕܿܺܝܩܽܘܬܼܳܐ܂ ܗܳܢܽܘܢ ܕܚܰܪܬܼܗܽܘܢ ܬܶܗܘܶܐ ܐܰܝܟܼ ܥܒܼܳܕܼܰܝܗܽܘܢ̈܂
11:16 [ai]ܬܽܘܒܼ ܕܶܝܢ ܐܳܡܰܪ ܐ̱ܢܳܐ܃ ܠܡܳܐ ܐ̱ܢܳܫ ܢܰܣܒܰܪ ܥܠܰܝ ܐܰܝܟܼ ܕܣܰܟܼܠܳܐ ܐ̱ܢܳܐ܂ ܘܶܐܢ ܠܳܐ܂ ܐܳܦܼܶܢ ܐܰܝܟܼ ܣܰܟܼܠܳܐ ܩܰܒܿܠܽܘܢܝ܃ ܕܳܐܦܼ ܐܶܢܳܐ ܩܰܠܺܝܠ ܐܶܫܬܿܰܒܼܗܰܪ܂
11:17 [ai]ܡܶܕܶܡ ܕܰܡܡܰܠܶܠ ܐ̱ܢܳܐ܂ ܠܳܐ ܗ̱ܘܳܐ ܒܡܳܪܰܢ ܡܡܰܠܶܠ ܐ̱ܢܳܐ܃ ܐܶܠܳܐ ܐܰܝܟܼ ܕܰܒܼܦܼܰܟܿܺܝܗܽܘܬܼܳܐ܃ ܒܗܳܕܼܶܐ ܕܽܘܟܿܬܼܳܐ ܕܫܽܘܒܼܗܳܪܳܐ܂
11:18 [ai]ܡܶܛܽܠ ܕܣܰܓܿܺܝܶܐܐ̈ ܡܶܫܬܿܰܒܼܗܪܺܝܢ ܒܒܼܶܣܪܳܐ܃ ܐܳܦܼ ܐܶܢܳܐ ܐܶܫܬܿܰܒܼܗܰܪ܂
11:19 [ai]ܡܢܳܚܺܝܢ ܐܢ̱ܬܿܽܘܢ ܗ̱ܽܘ ܓܶܝܪ ܠܡܶܫܬܿܡܳܥܽܘ ܠܚܰܣܺܝܪ̈ܰܝ ܪܶܥܝܳܢܳܐ܃ ܟܰܕܼ ܐܰܢ̱ܬܿܽܘܢ ܚܰܟܿܺܝܡܶܐ̈ ܐܢ̱ܬܿܽܘܢ܂
11:20 [ai]ܘܡܶܬܿܕܿܢܶܝܢ ܐܢ̱ܬܿܽܘܢ ܠܡܰܢ ܕܰܡܫܰܥܒܿܶܕܼ ܠܟܼܽܘܢ܂ ܘܰܠܡܰܢ ܕܳܐܟܼܶܠ ܠܟܼܽܘܢ܂ ܘܰܠܡܰܢ ܕܢܳܣܶܒܼ ܡܶܢܟܼܽܘܢ܂ ܘܰܠܡܰܢ ܕܡܶܬܿܪܺܝܡ ܥܠܰܝܟܿܽܘܢ܂ ܘܰܠܡܰܢ ܕܡܳܚܶܐ ܠܟܼܽܘܢ ܥܰܠ ܐܰܦܿܰܝܟܿܽܘܢ̈܂
11:21 [ai]ܐܰܝܟܼ ܕܰܒܼܨܰܥܪܳܐ ܐܳܡܰܪ ܐ̱ܢܳܐ܂ ܐܰܝܟܼ ܗܰܘ ܕܰܚܢܰܢ ܡܚܺܝܠܺܝܢܰܢ ܗ̱ܽܘ܃ ܒܚܰܣܺܝܪܽܘܬܼ ܪܶܥܝܳܢܳܐ ܐܳܡܰܪ ܐ̱ܢܳܐ܂ ܕܰܒܼܟܼܽܠܡܶܕܶܡ ܕܡܰܡܪܰܚ ܐ̱ܢܳܫ܃ ܐܳܦܼ ܐܶܢܳܐ ܡܰܡܪܰܚ ܐ̱ܢܳܐ܂
11:22 [ai]ܐܶܢ ܥܶܒܼܪ̈ܳܝܶܐ ܐܶܢܽܘܢ܂ ܐܳܦܼ ܐܶܢܳܐ܂ ܐܶܢ ܐܺܝܣܪ̈ܰܠܳܝܶܐ ܐܶܢܽܘܢ܂ ܐܳܦܼ ܐܶܢܳܐ܂ ܐܶܢ ܙܰܪܥܶܗ ܐܶܢܽܘܢ ܕܰܐܒܼܪܳܗܳܡ܂ ܐܳܦܼ ܐܶܢܳܐ܂
11:23 [ai]ܐܶܢ ܡܫܰܡܫܳܢܶܐ̈ ܐܶܢܽܘܢ ܕܰܡܫܺܝܚܳܐ܃ ܒܚܰܣܺܝܪܽܘܬܼ ܪܶܥܝܳܢܳܐ ܐܳܡܰܪ ܐ̱ܢܳܐ܃ ܕܝܰܬܿܺܝܪ ܡܶܢܗܽܘܢ ܐܶܢܳܐ܂ ܒܠܶܐܘܽܬܼܳܐ ܝܰܬܿܺܝܪ ܡܶܢܗܽܘܢ܂ ܒܡܰܚܘܳܬܼܳܐ̈ ܝܰܬܿܺܝܪ ܡܶܢܗܽܘܢ܂ ܒܰܐܣܽܘܪ̈ܶܐ ܝܰܬܿܺܝܪ ܡܶܢܗܽܘܢ܂ ܒܡܰܘܬܿܶܐ̈ ܙܰܒܼܢܺܝܢ̈ ܣܰܓܿܺܝܳܐܢ̈܂
11:24 [ai]ܡܶܢ ܺܝܗܽܘܕܼܳܝܶܐ̈ ܚܰܡܶܫ ܙܰܒܼܢܺܝܢ̈܂ ܐܰܪܒܥܺܝܢ ܐܰܪܒܥܺܝܢ ܚܰܣܺܝܪ ܚܕܼܳܐ ܒܶܠܥܶܬܼ܂
11:25 [ai]ܬܠܳܬܼ ܙܰܒܼܢܺܝܢ̈ ܒܫܰܒܼܛܶܐ̈ ܐܶܬܼܢܰܓܿܕܼܶܬܼ܂ ܚܕܼܳܐ ܙܒܼܰܢ ܐܶܬܼܪܰܓܼܡܶܬܼ܂ ܬܠܳܬܼ ܙܰܒܼܢܺܝܢ̈ ܗܘܺܝܬܼ ܢܽܘܘܳܓܼܳܐ܂ ܐܺܝܡܳܡܳܐ ܘܠܺܠܝܳܐ܂ ܕܠܳܐ ܣܦܼܺܝܢ̱ܬܳܐ ܒܝܰܡܳܐ ܗܘܺܝܬܼ܂
11:26 [ai]ܒܽܐܘܪ̈ܚܳܬܼܳܐ ܣܰܓܿܺܝܳܐܬܼܳܐ̈܂ ܒܩܽܢܕܼܺܝܢܳܘܣ ܕܿܢܰܗܪ̈ܰܘܳܬܼܳܐ܂ ܒܩܽܢܕܼܺܝܢܳܘܣ ܕܓܰܝܳܣܶܐ̈܂ ܒܩܽܢܕܼܺܝܢܳܘܣ ܕܡܶܢ ܛܽܘܗܡܝ܂ ܒܩܽܢܕܼܺܝܢܳܘܣ ܕܡܶܢ ܥܰܡ̱ܡܶܐ̈܂ ܒܩܽܢܕܼܺܝܢܳܘܣ ܗܘܺܝܬܼ ܒܰܡܕܼܺܝܢܳܬܼܳܐ̈܂ ܒܩܽܢܕܼܺܝܢܳܘܣ ܗܘܺܝܬܼ ܒܚܽܘܪܒܿܳܐ܂ ܒܩܽܢܕܼܺܝܢܳܘܣ ܒܝܰܡܳܐ܂ ܒܩܽܢܕܼܺܝܢܳܘܣ ܕܡܶܢ ܐܰܚܶܐ̈ ܕܰܓܳܠܶܐ̈܂
11:27 [ai]ܒܥܰܡܠܳܐ ܘܰܒܠܶܐܘܽܬܼܳܐ܂ ܒܫܰܗܪܳܐ ܣܰܓܿܺܝܳܐܐ܂ ܒܟܰܦܼܢܳܐ ܘܰܒܨܰܗܝܳܐ܂ ܒܨܰܘܡܳܐ ܣܰܓܿܺܝܳܐܐ܂ ܒܥܰܪܝܳܐ ܘܰܒܥܰܪܛܶܠܳܝܽܘܬܼܳܐ܂
11:28 [ai]ܣܛܰܪ ܡܶܢ ܝܰܬܿܺܝܪ̈ܳܬܼܳܐ܂ ܘܰܟܼܢܽܘܫܝܳܐ ܕܰܥܠܰܝ ܕܟܽܠܝܽܘܡ܂ ܘܨܶܦܼܬܼܝ ܕܥܰܠ ܐܰܦܿܰܝ̈ ܟܽܠܗܶܝܢ ܥܺܕܼܳܬܼܳܐ̈܂
11:29 [ai]ܡܰܢܽܘ ܡܶܬܼܟܿܪܰܗ܃ ܘܠܳܐ ܐܶܢܳܐ ܡܶܬܼܟܿܪܰܗ ܐ̱ܢܳܐ܂ ܡܰܢܽܘ ܡܶܬܼܟܿܫܶܠ܃ ܘܠܳܐ ܐܶܢܳܐ ܝܳܩܶܕܼ ܐ̱ܢܳܐ܀
11:30 [ai]ܐܶܢ ܠܡܶܫܬܿܰܒܼܗܳܪܽܘ ܘܳܠܶܐ܃ ܒܟܽܘܪ̈ܗܳܢܰܝ ܐܶܫܬܿܰܒܼܗܰܪ܂
11:31 [ai]ܝܳܕܼܰܥ ܗ̱ܽܘ ܐܰܠܳܗܳܐ ܐܰܒܼܽܘܗ̱ܝ ܕܡܳܪܰܢ ܝܶܫܽܘܥ ܡܫܺܝܚܳܐ܃ ܡܒܼܰܪܟܼܳܐ ܕܰܠܥܳܠܰܡ ܥܳܠܡܺܝܢ܃ ܕܠܳܐ ܡܟܼܰܕܿܶܒܼ ܐ̱ܢܳܐ܂
11:32 [ai]ܒܕܼܰܪܡܣܽܘܩ ܪܰܒܿ ܚܰܝܠܳܐ ܕܰܐܪܶܛܳܘܣ ܡܰܠܟܿܳܐ܃ ܢܳܛܰܪ ܗ̱ܘܳܐ ܡܕܼܺܝܢ̱ܬܳܐ ܕܿܕܼܰܪ̈ܡܽܘܣܩܳܝܶܐ܂ ܠܡܶܐܚܕܿܰܢܝ܂
11:33 [ai]ܘܡܶܢ ܟܰܘܬܼܳܐ ܒܰܣܪܺܝܓܼܬܳܐ ܫܰܒܿܽܘܢܝ ܡܶܢ ܫܽܘܪܳܐ܂ ܘܶܐܬܼܦܿܰܠܛܶܬܼ ܡܶܢ ܐܺܝܕܼܰܘܗ̱ܝ̈ ܿ܀ܿ܀ܿ

next chapter