← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62047: 2Cor

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


12:01 [ai]ܠܡܶܫܬܿܰܒܼܗܳܪܽܘ ܘܳܠܶܐ܂ ܐܶܠܳܐ ܠܳܐ ܦܰܩܳܚ܂ ܐܳܬܼܶܐ ܐ̱ܢܳܐ ܠܺܝ ܓܶܝܪ ܠܚܶܙܘܳܢܶܐ̈܂ ܘܰܠܓܼܶܠܝܳܢܰܘܗ̱ܝ̈ ܕܡܳܪܰܢ܂
12:02 [ai]ܝܳܕܼܰܥܢܳܐ ܓܰܒܼܪܳܐ ܒܰܡܫܺܝܚܳܐ ܡܶܢ ܩܕܼܳܡ ܐܰܪܒܿܰܥܶܣܪܶܐ ܫܢܺܝܢ̈܂ ܐܶܢ ܒܰܦܼܓܼܰܪ ܕܶܝܢ ܘܶܐܢ ܕܠܳܐ ܦܓܼܰܪ܂ ܠܳܐ ܝܳܕܼܰܥ ܐ̱ܢܳܐ܂ ܐܰܠܳܗܳܐ ܗܽܘ ܝܳܕܼܰܥ܂ ܕܶܐܬܼܚܛܶܦܼ ܗܽܘ ܗܳܢܳܐ ܥܕܼܰܡܳܐ ܫܡܰܝܳܐ ܕܰܬܼܠܳܬܼܳܐ܂
12:03 [ai]ܘܝܳܕܼܰܥ ܐ̱ܢܳܐ ܠܶܗ ܠܗܳܢܳܐ ܒܰܪܢܳܫܳܐ܂ ܐܶܢ ܒܰܦܼܓܼܰܪ ܕܶܝܢ ܘܶܐܢ ܕܠܳܐ ܦܓܼܰܪ܂ ܠܳܐ ܝܳܕܼܰܥ ܐ̱ܢܳܐ܂ ܐܰܠܳܗܳܐ ܗܽܘ ܝܳܕܼܰܥ܂
12:04 [ai]ܕܶܐܬܼܚܛܶܦܼ ܠܦܼܰܪܕܿܰܝܣܳܐ܃ ܘܰܫܡܰܥ ܡܶܠܶܐ̈ ܕܠܳܐ ܡܶܬܼܡܰܠܠܳܢ̈܂ ܐܰܝܠܶܝܢ ܕܠܳܐ ܫܰܠܺܝܛ ܠܒܼܰܪܢܳܫܳܐ ܠܰܡܡܰܠܳܠܽܘ ܐܶܢܶܝܢ̈܂
12:05 [ai]ܥܰܠ ܗܳܢܳܐ ܐܶܫܬܿܰܒܼܗܰܪ܃ ܥܰܠ ܢܰܦܼܫܝ ܕܶܝܢ ܠܳܐ ܐܶܫܬܿܰܒܼܗܰܪ܃ ܐܶܠܳܐ ܐܶܢ ܒܟܽܘܪ̈ܗܳܢܶܐ܂
12:06 [ai]ܐܶܢ ܐܶܨܒܿܶܐ ܓܶܝܪ ܕܶܐܫܬܿܰܒܼܗܰܪ܃ ܠܳܐ ܗܳܘܶܐ ܐ̱ܢܳܐ ܫܳܛܝܳܐ܂ ܫܪܳܪܳܐ ܗܽܘ ܓܶܝܪ ܐܳܡܰܪ ܐ̱ܢܳܐ܂ ܚܳܐܶܣܢܳܐ ܕܶܝܢ܃ ܕܰܠܡܳܐ ܐ̱ܢܳܫ ܢܶܬܼܪܰܥܶܐ ܥܠܰܝ ܝܰܬܿܺܝܪ ܡܶܢ ܡܳܐ ܕܚܳܙܶܐ ܠܺܝ܂ ܘܰܕܼܫܳܡܰܥ ܡܶܢܝ܂
12:07 [ai]ܘܰܕܼܠܳܐ ܐܶܬܿܪܺܝܡ ܒܝܰܬܿܺܝܪܽܘܬܼܳܐ ܕܓܶܠܝܳܢܶܐ̈܃ ܐܶܫܬܿܠܶܡ ܠܺܝ ܫܦܼܳܝܳܐ ܠܒܼܶܣܪܝ܂ ܡܰܠܰܐܟܼܶܗ ܕܣܳܛܳܢܳܐ܂ ܕܢܶܗܘܶܐ ܡܩܰܦܿܰܚ ܠܺܝ ܕܠܳܐ ܐܶܬܿܪܺܝܡ܂
12:08 [ai]ܘܥܰܠ ܗܳܢܳܐ ܬܠܳܬܼ ܙܰܒܼܢܺܝܢ̈ ܒܥܺܝܬܼ ܡܶܢ ܡܳܪܝ ܕܢܰܦܼܪܶܩ ܡܶܢܝ܂
12:09 [ai]ܘܶܐܡܰܪ ܠܺܝ܂ ܣܳܦܼܩܳܐ ܠܳܟܼ ܛܰܝܒܿܽܘܬܼܝ܂ ܚܰܝܠܝ ܓܶܝܪ ܒܰܟܼܪܺܝܗܽܘܬܼܳܐ ܗܽܘ ܡܶܬܼܓܡܰܪ܂ ܚܳܕܼܝܳܐܺܝܬܼ ܗܳܟܼܺܝܠ ܐܶܫܬܿܰܒܼܗܰܪ ܒܟܽܘܪ̈ܗܳܢܰܝ܃ ܕܢܰܓܿܶܢ ܥܠܰܝ ܚܰܝܠܶܗ ܕܰܡܫܺܝܚܳܐ܂
12:10 [ai]ܡܶܛܽܠ ܗܳܢܳܐ ܨܳܒܼܶܐ ܐ̱ܢܳܐ ܒܟܽܘܪ̈ܗܳܢܶܐ܂ ܒܨܰܥܪܳܐ܂ ܒܽܐܘܠܨܳܢܶܐ̈܂ ܒܰܪܕܼܽܘܦܼܝܳܐ܂ ܒܰܚܒܼܽܘܫܝܳܐ ܕܥܰܠ ܐܰܦܿܰܝ̈ ܡܫܺܝܚܳܐ܂ ܐܶܡܰܬܼܝ ܕܰܟܼܪܺܝܗ ܐ̱ܢܳܐ ܓܶܝܪ܃ ܗܳܝ ܕܶܝܢ ܗ̱ܽܘ ܚܰܝܠܬܼܳܢ ܐ̱ܢܳܐ܂
12:11 [ai]ܗܳܐ ܗ̱ܘܺܝܬܼ ܚܰܣܺܝܪ ܪܶܥܝܳܢܳܐ ܒܫܽܘܒܼܗܳܪܝ܃ ܕܰܐܢ̱ܬܿܽܘܢ ܐܶܠܰܨܬܿܽܘܢܳܢܝ܂ ܚܰܝܳܒܼܺܝܢ ܗ̱ܘܰܝܬܿܽܘܢ ܓܶܝܪ܂ ܕܰܐܢ̱ܬܿܽܘܢ ܬܰܣܗܕܼܽܘܢ ܥܠܰܝ܃ ܡܶܛܽܠ ܕܠܳܐ ܒܰܨܪܶܬܼ ܡܶܕܶܡ ܡܶܢ ܫܠܺܝܚܶܐ̈܂ ܐܰܝܠܶܝܢ ܕܛܳܒܼ ܡܝܰܬܿܪܺܝܢ܂ ܘܳܐܦܼܶܢ ܠܳܐ ܗ̱ܘܺܝܬܼ ܡܶܕܶܡ܂
12:12 [ai]ܐܳܬܼܘܳܬܼܳܐ̈ ܕܰܫܠܺܝܚܶܐ̈ ܥܶܒܼܕܿܶܬܼ ܒܰܝܢܳܬܼܟܼܽܘܢ܂ ܒܟܽܠ ܡܣܰܝܒܿܪܳܢܽܘ܂ ܘܒܼܰܓܼܒܼܰܪ̈ܘܳܬܼܳܐ܂ ܘܰܒܬܼܶܕܼܡܪ̈ܳܬܼܳܐ܂ ܘܰܒܚܰܝܠܶܐ̈܂
12:13 [ai]ܒܡܳܢܳܐ ܓܶܝܪ ܐܶܬܼܒܿܰܨܰܪܬܿܽܘܢ ܡܶܢ ܥܺܕܼܳܬܼܳܐ̈ ܐ̱ܚܪ̈ܳܢܝܳܬܼܳܐ܃ ܐܶܠܳܐ ܐܶܢ ܒܗܳܕܼܶܐ ܕܶܐܢܳܐ ܠܳܐ ܝܶܩܪܶܬܼ ܥܠܰܝܟܿܽܘܢ܂ ܫܒܼܽܘܩܘ ܠܺܝ ܗܳܕܼܶܐ ܣܰܟܼܠܽܘܬܼܳܐ܂
12:14 [ai]ܗܳܐ ܗܳܕܼܶܐ ܕܰܬܼܠܳܬܼ ܗ̱ܺܝ ܙܰܒܼܢܺܝܢ̈ ܕܰܡܛܰܝܰܒܼ ܐ̱ܢܳܐ ܕܺܐܬܼܶܐ ܠܘܳܬܼܟܼܽܘܢ܃ ܘܠܳܐ ܐܺܩܰܪ ܥܠܰܝܟܿܽܘܢ܃ ܡܶܛܽܠ ܕܠܳܐ ܒܿܳܥܶܐ ܐ̱ܢܳܐ ܕܺܝܠܟܼܽܘܢ܃ ܐܶܠܳܐ ܠܟܼܽܘܢ܂ ܠܳܐ ܓܶܝܪ ܚܰܝܳܒܼܺܝܢ ܒܢܰܝܳܐ ܠܰܡܣܳܡ ܣܺܝܡܳܬܼܳܐ̈ ܠܰܐܒܼܳܗܶܐ̈܃ ܐܶܠܳܐ ܐܰܒܼܳܗܶܐ̈ ܠܰܒܼܢܰܝܗܽܘܢ܂
12:15 [ai]ܐܶܢܳܐ ܕܶܝܢ ܚܳܕܼܝܳܐܺܝܬܼ ܘܢܰܦܼܩܳܬܼܳܐ̈ ܐܰܦܿܶܩ܃ ܘܳܐܦܼ ܩܢܽܘܡܝ ܐܶܬܿܶܠ ܥܰܠ ܐܰܦܿܰܝ̈ ܢܰܦܼܫܳܬܼܟܼܽܘܢ̈܂ ܐܳܦܼܶܢ ܟܰܕܼ ܝܰܬܿܺܝܪܳܐܺܝܬܼ ܡܰܚܶܒܼ ܐ̱ܢܳܐ ܠܟܼܽܘܢ܃ ܐܰܢ̱ܬܿܽܘܢ ܒܨܺܝܪܳܐܺܝܬܼ ܡܰܚܒܼܺܝܢ ܐܢ̱ܬܿܽܘܢ ܠܺܝ܂
12:16 [ai]ܘܰܟܼܒܼܰܪ ܐܶܢܳܐ ܠܳܐ ܝܶܩܪܶܬܼ ܥܠܰܝܟܿܽܘܢ܃ ܐܶܠܳܐ ܐܰܝܟܼ ܓܰܒܼܪܳܐ ܚܳܪܥܳܐ܂ ܒܢܶܟܼܠܳܐ ܓܢܰܒܼܬܿܟܼܽܘܢ܂
12:17 [ai]ܠܡܳܐ ܒܝܰܕܼ ܐ̱ܢܳܫ ܐ̱ܚܪܺܝܢ ܕܫܰܕܿܪܶܬܼ ܠܘܳܬܼܟܼܽܘܢ܂ ܐܶܬܼܝܰܥܢܶܬܼ ܥܠܰܝܟܿܽܘܢ܂
12:18 [ai]ܡܶܢ ܛܺܛܳܘܣ ܒܥܺܝܬܼ܂ ܘܫܰܕܿܪܶܬܼ ܥܰܡܶܗ ܠܰܐܚܶܐ̈܂ ܠܡܳܐ ܡܶܕܶܡ ܐܶܬܼܝܰܥܰܢ ܥܠܰܝܟܿܽܘܢ ܛܺܛܳܘܣ܂ ܠܰܘ ܒܰܚܕܼܳܐ ܪܽܘܚܳܐ ܗܰܠܶܟܼܢ܂ ܘܰܒܗܶܝܢ ܒܥܶܩܒܼܳܬܼܳܐ̈܂
12:19 [ai]ܠܡܳܐ ܬܽܘܒܼ ܣܳܒܼܪܺܝܢ ܐܢ̱ܬܿܽܘܢ ܕܰܠܟܼܽܘܢ ܢܳܦܼܩܺܝܢܰܢ ܪܽܘܚܳܐ܃ ܩܕܼܳܡ ܐܰܠܳܗܳܐ ܒܰܡܫܺܝܚܳܐ ܡܡܰܠܠܺܝܢܰܢ܂ ܘܟܼܽܠܗܶܝܢ ܚܰܒܺܝܒܼܰܝ̈܂ ܡܶܛܽܠ ܒܶܢܝܳܢܳܐ ܗܽܘ ܕܺܝܠܟܼܽܘܢ܂
12:20 [ai]ܕܳܚܶܠ ܐ̱ܢܳܐ ܓܶܝܪ ܕܰܠܡܳܐ ܐܺܬܼܶܐ ܠܘܳܬܼܟܼܽܘܢ܃ ܘܠܳܐ ܐܶܫܟܿܰܚܟܼܽܘܢ ܐܰܝܟܼ ܕܨܳܒܼܶܐ ܐ̱ܢܳܐ܃ ܘܶܐܫܬܿܟܼܰܚ ܠܟܼܽܘܢ ܐܳܦܼ ܐܶܢܳܐ ܐܰܝܟܼ ܡܳܐ ܕܠܳܐ ܨܳܒܼܶܝܬܿܽܘܢ܂ ܕܰܠܡܳܐ ܚܶܪܝܳܢܳܐ܂ ܘܰܚܣܳܡܳܐ܂ ܘܚܶܡܬܼܳܐ܂ ܘܥܶܨܝܳܢܳܐ܂ ܘܡܶܐܟܼܰܠ ܩܰܪܨܳܐ܂ ܘܪܶܛܢܳܐ܂ ܘܰܚܬܼܺܝܪܽܘܬܼܳܐ܂ ܘܰܫܓܼܽܘܫܝܳܐ܂
12:21 [ai]ܕܰܠܡܳܐ ܟܰܕܼ ܐܺܬܼܶܐ ܠܘܳܬܼܟܼܽܘܢ܂ ܢܡܰܟܿܟܼܰܢܝ ܐܰܠܳܗܝ܃ ܘܶܐܬܼܶܐܒܼܶܠ ܥܰܠ ܣܰܓܿܺܝܶܐܐ̈ ܐܰܝܠܶܝܢ ܕܰܚܛܰܘ܂ ܘܠܳܐ ܬܳܒܼܘ܂ ܡܶܢ ܛܰܢܦܼܽܘܬܼܳܐ܂ ܘܡܶܢ ܙܳܢܝܽܘܬܼܳܐ܂ ܘܡܶܢ ܦܰܚܙܽܘܬܼܳܐ܂ ܕܰܥܒܼܰܕܼܘ܂

next chapter