← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62048: Gal

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

01:01 [ai]ܦܿܰܘܠܳܘܣ ܫܠܺܝܚܳܐ܂ ܠܳܐ ܡܶܢ ܒܢܰܝܢܳܫܳܐ܂ ܘܠܳܐ ܒܝܰܕܼ ܒܰܪܢܳܫܳܐ ܐܶܠܳܐ ܒܝܰܕܼ ܝܶܫܽܘܥ ܡܫܺܝܚܳܐ܂ ܘܰܐܠܳܗܳܐ ܐܰܒܼܽܘܗ̱ܝ܂ ܗܰܘ ܕܰܐܩܺܝܡܶܗ ܡܶܢ ܒܶܝܬܼ ܡܺܝܬܼܶܐ̈܂
01:02 [ai]ܘܟܼܽܠܗܽܘܢ ܐܰܚܶܐ̈ ܕܥܰܡܝ܃ ܠܥܺܕܼܳܬܼܳܐ̈ ܕܺܐܝܬܼ ܒܓܼܰܠܰܛܺܝܰܐ܂
01:03 [ai]ܛܰܝܒܿܽܘܬܼܳܐ ܥܰܡܟܼܽܘܢ܂ ܘܰܫܠܳܡܳܐ ܡܶܢ ܐܰܠܳܗܳܐ ܐܰܒܼܳܐ܃ ܘܡܶܢ ܡܳܪܰܢ ܝܶܫܽܘܥ ܡܫܺܝܚܳܐ܂
01:04 [ai]ܗܰܘ ܕܝܰܗ̱ܒܼ ܢܰܦܼܫܶܗ ܚܠܳܦܼ ܚܛܳܗܰܝܢ̈܃ ܕܰܢܦܼܰܨܶܝܢ ܡܶܢ ܥܳܠܡܳܐ ܗܳܢܳܐ ܒܺܝܫܳܐ܃ ܐܰܝܟܼ ܨܶܒܼܝܳܢܶܗ ܕܰܐܠܳܗܳܐ ܐܰܒܼܽܘܢ܂
01:05 [ai]ܕܠܶܗ ܫܽܘܒܼܚܳܐ ܠܥܳܠܰܡ ܥܳܠܡܺܝܢ ܐܰܡܺܝܢ܀
01:06 [ai]ܡܶܬܿܕܰܡܰܪ ܐ̱ܢܳܐ ܐܰܝܟܿܰܢܳܐ ܒܰܥܓܼܰܠ ܡܶܬܼܗܰܦܼܟܿܺܝܢ ܐܢ̱ܬܿܽܘܢ ܡܶܢ ܡܫܺܝܚܳܐ܂ ܗܰܘ ܕܰܩܪܳܟܼܽܘܢ ܒܛܰܝܒܿܽܘܬܼܶܗ܃ ܠܰܐ̱ܚܪܺܬܼܳܐ ܣܒܼܰܪܬܼܳܐ܂
01:07 [ai]ܐܰܝܕܼܳܐ ܕܠܳܐ ܐܺܝܬܼܶܝܗ܂ ܐܶܠܳܐ ܐ̱ܢܳܫܳܐ ܗܽܘ ܐܺܝܬܼ ܕܕܼܳܠܚܺܝܢ ܠܟܼܽܘܢ܃ ܘܨܳܒܼܶܝܢ ܕܰܢܫܰܚܠܦܼܽܘܢ ܣܒܼܰܪܬܼܶܗ ܕܰܡܫܺܝܚܳܐ܂
01:08 [ai]ܐܳܦܼ ܐܶܢ ܚܢܰܢ ܕܶܝܢ܂ ܐܰܘ ܡܰܠܰܐܟܼܳܐ ܡܶܢ ܫܡܰܝܳܐ܂ ܢܣܰܒܰܪܟܼܽܘܢ ܠܒܼܰܪ ܡܶܢ ܡܳܐ ܕܿܣܰܒܰܪܢܳܟܼܽܘܢ܃ ܢܶܗܘܶܐ ܚܪܶܡ܂
01:09 [ai]ܐܰܝܟܿܰܢܳܐ ܕܡܶܢ ܠܽܘܩܕܼܰܡ ܐܶܡܪܶܬܼ܃ ܘܗܳܫܳܐ ܬܽܘܒܼ ܐܳܡܰܪ ܐ̱ܢܳܐ܂ ܕܶܐܢ ܐ̱ܢܳܫ ܡܣܰܒܰܪ ܠܟܼܽܘܢ ܠܒܼܰܪ ܡܶܢ ܡܳܐ ܕܩܰܒܿܶܠܬܿܽܘܢ܃ ܢܶܗܘܶܐ ܚܪܶܡ܂
01:10 [ai]ܗܳܫܳܐ ܓܶܝܪ ܠܰܒܼܢܰܝܢܳܫܳܐ ܗܽܘ ܡܦܿܺܝܣ ܐ̱ܢܳܐ܂ ܐܰܘ ܠܰܐܠܳܗܳܐ܃ ܐܰܘ ܠܰܒܼܢܰܝܢܳܫܳܐ ܒܿܳܥܶܐ ܐ̱ܢܳܐ ܕܶܐܫܦܿܰܪ܃ ܐܶܠܽܘ ܓܶܝܪ ܥܕܼܰܡܳܐ ܠܗܳܫܳܐ ܠܰܒܼܢܰܝܢܳܫܳܐ ܫܳܦܼܰܪ ܗ̱ܘܺܝܬܼ܃ ܥܰܒܼܕܿܳܐ ܕܰܡܫܺܝܚܳܐ ܠܳܐ ܗܳܘܶܐ ܗ̱ܘܺܝܬܼ܀
01:11 [ai]ܡܰܘܕܿܰܥ ܐ̱ܢܳܐ ܠܟܼܽܘܢ ܕܶܝܢ ܐܰܚܰܝ̈܃ ܕܰܣܒܼܰܪܬܼܳܐ ܕܶܐܣܬܿܰܒܿܪܰܬܼ ܡܶܢܝ܃ ܠܳܐ ܗܘܳܬܼ ܡܶܢ ܒܰܪܢܳܫܳܐ܂
01:12 [ai]ܐܳܦܼܠܳܐ ܓܶܝܪ ܐܶܢܳܐ ܡܶܢ ܒܰܪܢܳܫܳܐ ܩܰܒܿܶܠܬܿܳܗ ܘܺܝܠܶܦܼܬܿܳܗ܃ ܐܶܠܳܐ ܒܓܶܠܝܳܢܳܐ ܕܝܶܫܽܘܥ ܡܫܺܝܚܳܐ܂
01:13 [ai]ܫܡܰܥܬܿܽܘܢ ܓܶܝܪ ܗܽܘܦܿܳܟܼܰܝ̈ ܕܡܶܢ ܩܕܼܺܝܡ ܕܒܺܝܗܽܘܕܼܳܝܽܘܬܼܳܐ܃ ܕܝܰܬܿܺܝܪܳܐܺܝܬܼ ܪܳܕܼܶܦܼ ܗ̱ܘܺܝܬܼ ܥܺܕ̱ܿܬܿܶܗ ܕܰܐܠܳܗܳܐ܂ ܘܚܳܪܶܒܼ ܗ̱ܘܺܝܬܼ ܠܳܗ܂
01:14 [ai]ܘܡܶܬܼܝܰܬܿܰܪ ܗ̱ܘܺܝܬܼ ܒܺܝܗܽܘܕܼܳܝܽܘܬܼܳܐ܃ ܛܳܒܼ ܡܶܢ ܣܰܓܿܺܝܶܐܐ̈ ܒܢܰܝ ܫܢܰܝ̈ ܕܺܐܝܬܼ ܗ̱ܘܳܐ ܒܛܽܘܗܡܝ܂ ܘܝܰܬܿܺܝܪܳܐܺܝܬܼ ܛܳܐܶܢ ܗ̱ܘܺܝܬܼ ܒܝܽܘܠܦܿܳܢܳܐ ܕܰܐܒܼܳܗܰܝ̈܂
01:15 [ai]ܟܰܕܼ ܨܒܼܳܐ ܕܶܝܢ ܗܰܘ ܡܰܢ ܕܦܰܪܫܰܢܝ ܡܶܢ ܟܪܶܣ ܐܶܡܝ܂ ܘܰܩܪܳܢܝ ܒܛܰܝܒܿܽܘܬܼܶܗ܃
01:16 [ai]ܕܢܶܓܼܠܶܐ ܒܪܶܗ ܒܺܝ܂ ܕܶܐܣܰܒܿܪܺܝܘܗ̱ܝ ܒܥܰܡ̱ܡܶܐ̈܃ ܒܰܪ ܫܳܥܬܼܶܗ ܠܳܐ ܓܠܺܝܬܼ ܠܒܼܶܣܪܳܐ ܘܠܰܕܼܡܳܐ܂
01:17 [ai]ܘܠܳܐ ܐܶܙܶܠ̱ܬܼ ܠܽܐܘܪܺܫܠܶܡ ܠܘܳܬܼ ܫܠܺܝܚܶܐ̈ ܕܡܶܢ ܩܕܼܳܡܰܝ܂ ܐܶܠܳܐ ܐܶܙܶܠ̱ܬܼ ܠܰܐܪܰܒܼܺܝܰܐ܂ ܘܬܼܽܘܒܼ ܗܶܦܼܟܿܶܬܼ ܠܕܼܰܪܡܣܽܘܩ܂
01:18 [ai]ܘܡܶܢ ܒܳܬܼܰܪ ܬܠܳܬܼ ܫܢܺܝܢ̈܃ ܐܶܙܶܠ̱ܬܼ ܠܽܐܘܪܺܫܠܶܡ ܕܶܐܚܙܶܐ ܠܟܼܺܐܦܼܳܐ܂ ܘܩܰܘܺܝܬܼ ܠܘܳܬܼܶܗ ܝܰܘܡܳܬܼܳܐ̈ ܚܰܡܶܫܬܿܰܥܣܰܪ܂
01:19 [ai]ܠܰܐ̱ܚܪܺܝܢ ܕܶܝܢ ܡܶܢ ܫܠܺܝܚܶܐ̈ ܠܳܐ ܚܙܺܝܬܼ܃ ܐܶܠܳܐ ܐܶܢ ܠܝܰܥܩܽܘܒܼ ܐܰܚܽܘܗ̱ܝ ܕܡܳܪܰܢ܂
01:20 [ai]ܗܳܠܶܝܢ ܕܶܝܢ ܕܟܳܬܼܶܒܼ ܐ̱ܢܳܐ ܠܟܼܽܘܢ܃ ܗܳܐ ܩܕܼܳܡ ܐܰܠܳܗܳܐ ܕܠܳܐ ܡܟܼܰܕܿܶܒܼ ܐ̱ܢܳܐ܂
01:21 [ai]ܡܶܢ ܒܳܬܼܰܪ ܗܳܠܶܝܢ܃ ܐܶܬܼܺܝܬܼ ܠܰܐܬܼܪ̈ܰܘܳܬܼܳܐ ܕܣܽܘܪܺܝܰܐ ܘܰܕܼܩܺܝܠܺܝܩܺܝܰܐ܂
01:22 [ai]ܘܠܳܐ ܝܳܕܼܥܳܢ̈ ܗ̱ܘܰܝ̈ ܠܺܝ ܒܰܐܦܿܺܝܢ̈ ܥܺܕܼܳܬܼܳܐ̈ ܕܒܺܝܗܽܘܕܼ܂ ܗܳܠܶܝܢ ܕܒܰܡܫܺܝܚܳܐ܂
01:23 [ai]ܐܶܠܳܐ ܗܳܕܼܶܐ ܒܰܠܚܽܘܕܼ ܫܳܡܥܺܝܢ ܗ̱ܘܰܘ܂ ܕܗܰܘ ܕܡܶܢ ܩܕܼܺܝܡ ܪܳܕܼܶܦܼ ܗ̱ܘܳܐ ܠܰܢ܃ ܗܳܫܳܐ ܗܳܐ ܡܣܰܒܰܪ ܗܰܝܡܳܢܽܘܬܼܳܐ܃ ܗܳܝ ܕܡܶܢ ܩܕܼܳܡ ܙܰܒܼܢܳܐ ܡܣܰܚܶܦܼ ܗ̱ܘܳܐ܂
01:24 [ai]ܘܰܡܫܰܒܿܚܺܝܢ ܗ̱ܘܰܘ ܒܺܝ ܠܰܐܠܳܗܳܐ܀

next chapter