← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62048: Gal

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


03:01 [ai]ܐܳܘ ܚܰܣܺܝܪ̈ܰܝ ܪܶܥܝܳܢܳܐ ܓܰܠܰܛܳܝܶܐ̈܃ ܡܰܢܽܘ ܚܣܰܡ ܒܟܽܘܢ܂ ܕܗܳܐ ܐܰܝܟܼ ܗܰܘ ܕܰܡܨܳܪ܂ ܨܺܝܪ ܗ̱ܘܳܐ ܩܕܼܳܡ ܥܰܝܢܰܝܟܿܽܘܢ̈ ܝܶܫܽܘܥ ܡܫܺܝܚܳܐ܂ ܟܰܕܼ ܨܠܺܝܒܼ܂
03:02 [ai]ܗܳܕܼܶܐ ܒܰܠܚܽܘܕܼ ܨܳܒܼܶܐ ܐ̱ܢܳܐ ܕܶܐܕܿܰܥ ܡܶܢܟܼܽܘܢ܂ ܡܶܢ ܥܒܼܳܕܼܶܐ̈ ܕܢܳܡܽܘܣܳܐ ܢܣܰܒܼܬܿܽܘܢ ܪܽܘܚܳܐ܃ ܐܰܘ ܡܶܢ ܫܶܡܥܳܐ ܕܗܰܝܡܳܢܽܘܬܼܳܐ܃
03:03 [ai]ܗܳܟܼܰܢܳܐ ܣܰܟܼܠܺܝܢ ܐܢ̱ܬܿܽܘܢ܃ ܕܫܰܪܺܝܬܿܽܘܢ ܒܪܽܘܚܳܐ܃ ܘܗܳܫܳܐ ܒܰܒܼܣܰܪ ܡܫܰܠܡܺܝܢ ܐܢ̱ܬܿܽܘܢ܃
03:04 [ai]ܗܳܠܶܝܢ ܟܽܠܗܶܝܢ ܐܺܝܩܺܐ ܣܰܝܒܰܪܬܿܽܘܢ܃ ܘܶܐܫܬܿܽܘܦܼ ܕܶܝܢ ܐܺܝܩܺܐ܂
03:05 [ai]ܗܰܘ ܗܳܟܼܺܝܠ ܕܝܰܗ̱ܒܼ ܒܟܽܘܢ ܪܽܘܚܳܐ܃ ܘܣܳܥܰܪ ܒܟܽܘܢ ܚܰܝܠܶܐ̈܃ ܡܶܢ ܥܒܼܳܕܼܶܐ̈ ܕܢܳܡܽܘܣܳܐ ܐܰܘ ܡܶܢ ܫܶܡܥܳܐ ܕܗܰܝܡܳܢܽܘܬܼܳܐ܃
03:06 [ai]ܐܰܝܟܿܰܢܳܐ ܕܗܰܝܡܶܢ ܐܰܒܼܪܳܗܳܡ ܠܰܐܠܳܗܳܐ܃ ܘܶܐܬܼܚܰܫܒܿܰܬܼ ܠܶܗ ܠܙܰܕܿܺܝܩܽܘ܂
03:07 [ai]ܕܰܥܘ ܗܳܟܼܺܝܠ ܕܰܐܝܠܶܝܢ ܕܡܶܢ ܗܰܝܡܳܢܽܘܬܼܳܐ ܐܶܢܽܘܢ܃ ܗܶܢܽܘܢ ܐܶܢܽܘܢ ܒܢܰܝܳܐ ܕܰܐܒܼܪܳܗܳܡ܂
03:08 [ai]ܡܶܛܽܠ ܓܶܝܪ ܕܿܩܰܕܶܡ ܺܝܕܼܰܥ ܐܰܠܳܗܳܐ܂ ܕܰܒܼܗܰܝܡܳܢܽܘܬܼܳܐ ܗ̱ܘ ܡܶܙܕܿܰܕܿܩܺܝܢ ܥܰܡ̱ܡܶܐ̈܃ ܩܰܕܶܡ ܣܰܒܰܪ ܠܰܐܒܼܪܳܗܳܡ܂ ܐܰܝܟܼ ܕܶܐܡܰܪ ܟܬܼܳܒܼܳܐ ܩܰܕܿܺܝܫܳܐ܂ ܕܒܳܟܼ ܢܶܬܼܒܰܪܟܼܽܘܢ ܟܽܠܗܽܘܢ ܥܰܡ̱ܡܶܐ̈܂
03:09 [ai]ܡܳܕܼܶܝܢ ܡܗܰܝܡܢܶܐ̈ ܗ̱ܘ ܡܶܬܼܒܰܪܟܼܺܝܢ ܒܰܐܒܼܪܳܗܳܡ ܡܗܰܝܡܢܳܐ܂
03:10 [ai]ܐܰܝܠܶܝܢ ܓܶܝܪ ܕܡܶܢ ܥܒܼܳܕܼܶܐ̈ ܐܶܢܽܘܢ ܕܢܳܡܽܘܣܳܐ܃ ܬܚܶܝܬܼ ܠܰܘܛܬܼܳܐ ܐܶܢܽܘܢ܂ ܟܬܼܺܝܒܼ ܓܶܝܪ܃ ܕܠܺܝܛ ܗ̱ܽܘ ܟܽܠܡܰܢ ܕܠܳܐ ܢܶܥܒܿܶܕܼ ܟܽܠ ܕܰܟܼܬܼܺܝܒܼ ܒܢܳܡܽܘܣܳܐ ܗܳܢܳܐ܂
03:11 [ai]ܕܠܳܐ ܕܶܝܢ ܡܶܙܕܿܰܕܿܰܩ ܐ̱ܢܳܫ ܒܢܳܡܽܘܣܳܐ ܠܘܳܬܼ ܐܰܠܳܗܳܐ܃ ܗܳܕܼܶܐ ܓܰܠܝܳܐ ܗ̱ܝ܂ ܡܶܛܽܠ ܕܰܟܼܬܼܺܝܒܼ܂ ܕܙܰܕܿܺܝܩܳܐ ܒܗܰܝܡܳܢܽܘܬܼܳܐ ܢܺܚܶܐ܂
03:12 [ai]ܢܳܡܽܘܣܳܐ ܕܶܝܢ ܠܳܐ ܗ̱ܘܳܐ ܡܶܢ ܗܰܝܡܳܢܽܘܬܼܳܐ܃ ܐܶܠܳܐ ܡܰܢ ܕܢܶܥܒܿܶܕܼ ܐܰܝܠܶܝܢ ܕܰܟܼܬܼܺܝܒܼܳܢ̈ ܒܶܗ܂ ܢܺܚܶܐ ܒܗܶܝܢ܀
03:13 [ai]ܠܰܢ ܕܶܝܢ ܡܫܺܝܚܳܐ ܙܰܒܼܢܰܢ ܡܶܢ ܠܰܘܛܬܼܳܐ ܕܢܳܡܽܘܣܳܐ܃ ܘܗܽܘ ܗܘܳܐ ܚܠܳܦܼܰܝܢ ܠܰܘܛܬܼܳܐ܂ ܟܬܼܺܝܒܼ ܓܶܝܪ܃ ܕܠܺܝܛ ܗ̱ܽܘ ܟܽܠܡܰܢ ܕܡܶܬܿܬܠܶܐ ܒܩܰܝܣܳܐ܂
03:14 [ai]ܕܰܒܼܥܰܡ̱ܡܶܐ̈ ܬܶܗܘܶܐ ܒܽܘܪܟܿܬܼܶܗ ܕܰܐܒܼܪܳܗܳܡ ܒܝܶܫܽܘܥ ܡܫܺܝܚܳܐ܂ ܘܰܚܢܰܢ ܢܶܣܰܒܼ ܫܽܘܘ̱ܕܿܳܝܳܐ ܕܪܽܘܚܳܐ ܒܗܰܝܡܳܢܽܘܬܼܳܐ܀
03:15 [ai]ܐܰܚܰܝ̈܃ ܐܰܝܟܼ ܕܒܶܝܬܼ ܒܢܰܝܢܳܫܳܐ ܐܳܡܰܪ ܐ̱ܢܳܐ܂ ܕܕܼܺܝܰܬܼܺܩܺܐ ܕܒܰܪܢܳܫܳܐ ܕܶܐܫܬܿܰܪܪܰܬܼ܃ ܐ̱ܢܳܫ ܠܳܐ ܡܰܣܠܶܐ ܐܰܘ ܡܫܰܚܠܶܦܼ ܒܿܳܗ ܡܶܕܶܡ܂
03:16 [ai]ܠܰܐܒܼܪܳܗܳܡ ܕܶܝܢ ܐܶܬܼܡܠܶܟܼ ܡܽܘܠܟܿܳܢܳܐ܂ ܘܰܠܙܰܪܥܶܗ܂ ܘܠܳܐ ܐܶܡܰܪ ܠܶܗ ܕܿܰܠܙܰܪ̈ܥܰܝܟܿ܂ ܐܰܝܟܼ ܕܰܠܣܰܓܿܺܝܶܐܐ̈܃ ܐܶܠܳܐ ܠܙܰܪܥܳܟܼ܂ ܐܰܝܟܼ ܕܰܠܚܰܕܼ܃ ܗܰܘ ܕܺܐܝܬܼܰܘܗ̱ܝ ܡܫܺܝܚܳܐ܀
03:17 [ai]ܗܳܕܼܶܐ ܕܶܝܢ ܐܳܡܰܪ ܐ̱ܢܳܐ܂ ܕܕܼܺܝܰܬܼܺܩܺܐ ܕܡܶܢ ܩܕܼܺܝܡ ܐܶܫܬܿܰܪܪܰܬܼ ܡܶܢ ܐܰܠܳܗܳܐ ܒܰܡܫܺܝܚܳܐ܃ ܢܳܡܽܘܣܳܐ ܗܽܘ ܕܰܗܘܳܐ ܡܶܢ ܒܳܬܼܰܪ ܐܰܪܒܿܰܥ ܡܳܐܐ ܘܰܬܼܠܳܬܼܺܝܢ ܫܢܺܝܢ̈܃ ܠܳܐ ܡܶܫܟܿܰܚ ܕܢܰܣܠܶܝܗ ܘܰܢܒܼܰܛܶܠ ܡܽܘܠܟܿܳܢܳܐ܂
03:18 [ai]ܐܶܢ ܕܶܝܢ ܡܶܢ ܢܳܡܽܘܣܳܐ ܗ̱ܝ ܝܳܪܬܿܽܘܬܼܳܐ܃ ܡܶܟܿܺܝܠ ܠܳܐ ܗ̱ܘܳܬܼ ܡܶܢ ܡܽܘܠܟܿܳܢܳܐ܂ ܠܰܐܒܼܪܳܗܳܡ ܕܶܝܢ ܒܡܽܘܠܟܿܳܢܳܐ ܗ̱ܘ ܝܰܗ̱ܒܼ ܠܶܗ ܐܰܠܳܗܳܐ܂
03:19 [ai]ܡܳܢܳܐ ܗܳܟܼܺܝܠ ܢܳܡܽܘܣܳܐ܂ ܡܶܛܽܠ ܡܰܣܛܝܳܢܽܘܬܼܳܐ ܐܶܬܿܬܰܘܣܰܦܼ܃ ܥܕܼܰܡܳܐ ܕܢܺܐܬܼܶܐ ܙܰܪܥܳܐ܂ ܗܰܘ ܕܠܶܗ ܗܘܳܐ ܫܽܘܘ̱ܕܿܳܝܳܐ܂ ܘܶܐܬܼܺܝܗܶܒܼ ܗܽܘ ܢܳܡܽܘܣܳܐ ܒܝܰܕܼ ܡܰܠܰܐܟܼܶܐ̈܂ ܒܺܐܝܕܼܳܐ ܕܡܶܨܥܳܝܳܐ܂
03:20 [ai]ܡܶܨܥܳܝܳܐ ܕܶܝܢ ܠܳܐ ܗ̱ܘܳܐ ܕܚܰܕܼ܂ ܐܰܠܳܗܳܐ ܕܶܝܢ ܚܰܕܼ ܗ̱ܽܘ܂
03:21 [ai]ܢܳܡܽܘܣܳܐ ܗܳܟܼܺܝܠ ܣܰܩܽܘܒܼܠܳܐ ܗ̱ܘ ܕܡܽܘܠܟܿܳܢܳܐ ܕܰܐܠܳܗܳܐ܃ ܚܳܣ܂ ܐܶܠܽܘ ܓܶܝܪ ܐܶܬܼܺܝܗܶܒܼ ܗ̱ܘܳܐ ܢܳܡܽܘܣܳܐ܂ ܐܰܝܢܳܐ ܕܡܶܫܟܿܰܚ ܗ̱ܘܳܐ ܠܡܰܚܳܝܽܘ܃ ܫܰܪܺܝܪܳܐܺܝܬܼ ܡܶܢ ܢܳܡܽܘܣܳܐ ܗܳܘܝܳܐ ܗ̱ܘܳܬܼ ܙܰܕܿܺܝܩܽܘܬܼܳܐ܂
03:22 [ai]ܐܶܠܳܐ ܚܒܼܰܫ ܟܬܼܳܒܼܳܐ ܟܽܠܡܶܕܶܡ ܬܚܶܝܬܼ ܚܛܺܝܬܼܳܐ܃ ܕܡܽܘܠܟܿܳܢܳܐ ܒܗܰܝܡܳܢܽܘܬܼܳܐ ܕܝܶܫܽܘܥ ܡܫܺܝܚܳܐ ܢܶܬܼܺܝܗܶܒܼ ܠܰܐܝܠܶܝܢ ܕܰܡܗܰܝܡܢܺܝܢ ܿ܀ܿ܀ܿ
03:23 [ai]ܥܰܕܼܠܳܐ ܕܶܝܢ ܬܺܐܬܼܶܐ ܗܰܝܡܳܢܽܘܬܼܳܐ܃ ܢܳܡܽܘܣܳܐ ܢܳܛܰܪ ܗ̱ܘܳܐ ܠܰܢ܃ ܟܰܕܼ ܚܒܼܺܝܫܺܝܢܰܢ ܠܗܰܝܡܳܢܽܘܬܼܳܐ܂ ܕܰܥܬܼܺܝܕܼܳܐ ܗܘܳܬܼ ܠܡܶܬܼܓܿܠܳܝܽܘ܂
03:24 [ai]ܢܳܡܽܘܣܳܐ ܗܳܟܼܺܝܠ ܬܳܪܐܳܐ ܗܘܳܐ ܠܰܢ ܠܘܳܬܼ ܡܫܺܝܚܳܐ܂ ܕܡܶܢ ܗܰܝܡܳܢܽܘܬܼܳܐ ܢܶܙܕܿܰܕܿܰܩ܂
03:25 [ai]ܟܰܕܼ ܐܶܬܼܳܬܼ ܕܶܝܢ ܗܰܝܡܳܢܽܘܬܼܳܐ܃ ܠܳܐ ܗܘܰܝܢ ܬܚܶܝܬܼ ܬܿܳܪ̈ܐܶܐ܂
03:26 [ai]ܟܽܠܟܼܽܘܢ ܓܶܝܪ ܒܢܰܝܳܐ ܐܰܢ̱ܬܿܽܘܢ ܕܰܐܠܳܗܳܐ ܒܗܰܝܡܳܢܽܘܬܼܳܐ ܕܝܶܫܽܘܥ ܡܫܺܝܚܳܐ܂
03:27 [ai]ܐܰܝܠܶܝܢ ܓܶܝܪ ܕܒܰܡܫܺܝܚܳܐ ܥܡܰܕܿܬܿܽܘܢ܂ ܠܰܡܫܺܝܚܳܐ ܠܒܼܶܫܬܿܽܘܢ܂
03:28 [ai]ܠܰܝܬܿ ܺܝܗܽܘܕܼܳܝܳܐ܂ ܘܠܳܐ ܐܰܪܡܳܝܳܐ܂ ܠܰܝܬܿ ܥܰܒܼܕܿܳܐ܂ ܘܠܳܐ ܒܰܪ̈ ܚܺܐܪܶܐ܂ ܠܰܝܬܿ ܕܶܟܼܪܳܐ܂ ܘܠܳܐ ܢܶܩܒܿܬܼܳܐ܂ ܟܽܠܟܼܽܘܢ ܓܶܝܪ ܚܰܕܼ ܐܰܢ̱ܬܿܽܘܢ ܒܝܶܫܽܘܥ ܡܫܺܝܚܳܐ܂
03:29 [ai]ܘܶܐܢ ܕܰܡܫܺܝܚܳܐ ܐܢ̱ܬܿܽܘܢ܃ ܡܶܟܿܺܝܠ ܙܰܪܥܶܗ ܐܰܢ̱ܬܿܽܘܢ ܕܰܐܒܼܪܳܗܳܡ܂ ܘܝܳܪ̈ܬܿܶܐ ܒܡܽܘܠܟܿܳܢܳܐ܀

next chapter