← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62049: Eph

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

01:01 [ai]ܦܿܰܘܠܳܘܣ ܫܠܺܝܚܳܐ ܕܝܶܫܽܘܥ ܡܫܺܝܚܳܐ܂ ܒܨܶܒܼܝܳܢܶܗ ܕܰܐܠܳܗܳܐ܃ ܠܰܐܝܠܶܝܢ ܕܺܐܝܬܼܰܝܗܽܘܢ ܒܶܐܦܼܶܣܳܘܣ܂ ܩܰܕܿܺܝܫܶܐ̈ ܘܰܡܗܰܝܡܢܶܐ̈ ܒܝܶܫܽܘܥ ܡܫܺܝܚܳܐ܂
01:02 [ai]ܫܠܳܡܳܐ ܥܰܡܟܼܽܘܢ܂ ܘܛܰܝܒܿܽܘܬܼܳܐ ܡܶܢ ܐܰܠܳܗܳܐ ܐܰܒܼܽܘܢ܃ ܘܡܶܢ ܡܳܪܰܢ ܝܶܫܽܘܥ ܡܫܺܝܚܳܐ܀
01:03 [ai]ܡܒܼܰܪܰܟܼ ܗ̱ܽܘ ܐܰܠܳܗܳܐ ܐܰܒܼܽܘܗ̱ܝ ܕܡܳܪܰܢ ܝܶܫܽܘܥ ܡܫܺܝܚܳܐ܃ ܗܰܘ ܕܒܰܪܟܼܰܢ ܒܟܽܠ ܒܽܘܪ̈ܟܿܳܢ ܕܪܽܘܚ ܒܰܫܡܰܝܳܐ ܒܰܡܫܺܝܚܳܐ܂
01:04 [ai]ܐܰܝܟܿܰܢܳܐ ܕܿܩܰܕܶܡ ܓܒܼܳܢ ܒܶܗ ܡܶܢ ܩܕܼܳܡ ܬܿܰܪ̈ܡܝܳܬܼܶܗ ܕܥܳܠܡܳܐ܃ ܕܢܶܗܘܶܐ ܩܰܕܿܺܝܫܶܐ̈܂ ܘܰܕܼܠܳܐ ܡܽܘܡ ܩܕܼܳܡܰܘܗ̱ܝ܂ ܘܰܒܚܽܘܒܿܳܐ ܩܰܕܶܡ ܪܰܫܡܰܢ ܠܶܗ܂
01:05 [ai]ܘܣܳܡܰܢ ܠܰܒܼܢܰܝܳܐ ܒܝܶܫܽܘܥ ܡܫܺܝܚܳܐ܂ ܐܰܝܟܼ ܕܰܫܦܼܰܪ ܠܨܶܒܼܝܳܢܶܗ܃
01:06 [ai]ܕܢܶܫܬܿܰܒܿܰܚ ܫܽܘܒܼܚܳܐ ܕܛܰܝܒܿܽܘܬܼܶܗ܃ ܗܰܘ ܕܰܐܫܦܿܰܥ ܥܠܰܝܢ ܒܝܰܕܼ ܚܰܒܺܝܒܼܶܗ܂
01:07 [ai]ܕܒܶܗ ܐܺܝܬܼ ܠܰܢ ܦܽܘܪܩܳܢܳܐ܃ ܘܒܼܰܕܼܡܶܗ ܫܽܘܒܼܩܳܢܳܐ ܕܰܚܛܳܗܶܐ̈܃ ܐܰܝܟܼ ܥܽܘܬܼܪܳܐ ܕܛܰܝܒܿܽܘܬܼܶܗ܂
01:08 [ai]ܗܳܝ ܕܶܐܬܼܝܰܬܿܪܰܬܼ ܒܰܢ܃ ܒܟܽܠ ܚܶܟܼܡܳܐ ܘܰܒܟܼܽܠ ܣܽܘܟܿܳܠ܂
01:09 [ai]ܘܰܐܘܕܿܥܰܢ ܐ̱ܪܳܙܳܐ ܕܨܶܒܼܝܳܢܶܗ܃ ܗܰܘ ܕܿܩܰܕܶܡ ܗ̱ܘܳܐ ܣܳܡ ܕܢܶܣܥܽܘܪ ܒܶܗ܃
01:10 [ai]ܠܰܡܕܼܰܒܿܪܳܢܽܘܬܼܳܐ ܕܡܽܘܠܳܝܗܽܘܢ ܕܙܰܒܼܢܶܐ̈܂ ܕܟܽܠܡܶܕܶܡ ܡܶܢ ܕܪܺܝܫ ܢܶܬܼܚܰܕܿܰܬܼ ܒܰܡܫܺܝܚܳܐ܃ ܕܒܰܫܡܰܝܳܐ ܘܒܼܰܐܪܥܳܐ܂
01:11 [ai]ܘܒܼܶܗ ܚܢܰܢ ܐܶܬܼܓܒܼܺܝܢ܂ ܐܰܝܟܼ ܕܿܩܰܕܶܡ ܪܰܫܡܰܢ܂ ܘܰܨܒܼܳܐ܂ ܗܰܘ ܕܟܽܠ ܣܳܥܰܪ ܐܰܝܟܼ ܬܰܪܥܺܝܬܼܳܐ ܕܨܶܒܼܝܳܢܶܗ܃
01:12 [ai]ܕܢܶܗܘܶܐ ܚܢܰܢ ܐܰܝܠܶܝܢ ܕܿܩܰܕܶܡܢ ܣܰܒܰܪܢ ܒܰܡܫܺܝܚܳܐ܂ ܠܗܶܕܼܪܳܐ ܕܬܶܫܒܿܽܘܚܬܿܶܗ܂
01:13 [ai]ܕܳܐܦܼ ܐܰܢ̱ܬܿܽܘܢ ܒܶܗ ܫܡܰܥܬܿܽܘܢ ܡܶܠܬܼܳܐ ܕܩܽܘܫܬܳܐ܃ ܕܺܐܝܬܼܶܝܗ ܣܒܼܰܪܬܼܳܐ ܕܚܰܝܰܝܟܿܽܘܢ̈܂ ܘܒܼܶܗ ܗܰܝܡܶܢܬܿܽܘܢ܃ ܘܶܐܬܼܚܬܼܶܡܬܿܽܘܢ ܒܪܽܘܚܳܐ ܕܩܽܘܕܼܫܳܐ܂ ܕܰܡܠܺܝܟܼܳܐ ܗ̱ܘܳܬܼ܃
01:14 [ai]ܗܳܝ ܕܺܐܝܬܼܶܝܗ ܪܰܗܒܼܽܘܢܳܐ ܕܝܳܪܬܿܽܘܬܼܰܢ܃ ܠܦܼܽܘܪܩܳܢܳܐ ܕܰܐܝܠܶܝܢ ܕܚܳܐܶܝܢ܂ ܘܰܠܫܽܘܒܼܚܳܐ ܕܺܐܝܩܳܪܶܗ܀
01:15 [ai]ܡܶܛܽܠ ܗܳܢܳܐ ܐܳܦܼ ܐܶܢܳܐ܂ ܗܳܐ ܡܶܢ ܕܫܶܡܥܶܬܼ ܗܰܝܡܳܢܽܘܬܼܟܼܽܘܢ ܕܰܒܼܡܳܪܰܢ ܝܶܫܽܘܥ ܡܫܺܝܚܳܐ܃ ܘܚܽܘܒܟܽܘܢ ܕܰܠܘܳܬܼ ܩܰܕܿܺܝܫܶܐ̈
01:16 [ai]ܠܳܐ ܡܶܫܬܿܰܠܶܐ ܐ̱ܢܳܐ ܠܡܰܘܕܿܳܝܽܘ ܥܰܠ ܐܰܦܿܰܝܟܿܽܘܢ̈܂ ܘܰܠܡܶܥ̱ܗܰܕܼܟܼܽܘܢ ܒܰܨܠܰܘܳܬܼܝ̈܃
01:17 [ai]ܕܰܐܠܳܗܶܗ ܕܡܳܪܰܢ ܝܶܫܽܘܥ ܡܫܺܝܚܳܐ܂ ܐܰܒܼܳܐ ܕܬܶܫܒܿܽܘܚܬܳܐ܂ ܢܶܬܿܶܠ ܠܟܼܽܘܢ ܪܽܘܚܳܐ ܕܚܶܟܼܡܬܼܳܐ ܘܰܕܼܓܼܶܠܝܳܢܳܐ ܒܺܝܕܼܰܥܬܼܶܗ܃
01:18 [ai]ܘܢܶܢܗܪ̈ܳܢ ܥܰܝܢܶܐ̈ ܕܠܶܒܿܰܘܳܬܼܟܼܽܘܢ̈܃ ܕܬܶܕܿܥܽܘܢ ܡܳܢܰܘ ܣܰܒܼܪܳܐ ܕܩܶܪܝܳܢܶܗ܂ ܘܡܰܢܽܘ ܥܽܘܬܼܪܳܐ ܕܫܽܘܒܼܚܳܐ ܕܝܳܪܬܿܽܘܬܼܶܗ ܒܩܰܕܿܺܝܫܶܐ̈܂
01:19 [ai]ܘܡܳܢܳܐ ܗܺܝ ܝܰܬܿܺܝܪܽܘܬܼܳܐ ܕܪܰܒܿܽܘܬܼܳܐ ܕܚܰܝܠܶܗ܃ ܒܰܢ ܒܰܐܝܠܶܝܢ ܕܰܡܗܰܝܡܢܺܝܢܰܢ܂ ܐܰܝܟܼ ܡܰܥܒܿܕܼܳܢܽܘܬܼܳܐ ܕܬܽܘܩܦܼܳܐ ܕܚܰܝܠܶܗ܂
01:20 [ai]ܕܰܥܒܼܰܕܼ ܒܰܡܫܺܝܚܳܐ܂ ܘܰܐܩܺܝܡܶܗ ܡܶܢ ܒܶܝܬܼ ܡܺܝܬܼܶܐ̈܂ ܘܰܐܘܬܿܒܼܶܗ ܡܶܢ ܝܰܡܺܝܢܶܗ ܒܰܫܡܰܝܳܐ܃
01:21 [ai]ܠܥܶܠ ܡܶܢ ܟܽܠܗܶܝܢ ܐܰܪ̈ܟܼܰܘܣ ܘܫܽܘܠܛܳܢܶܐ̈܂ ܘܚܰܝܠܶܐ̈ ܘܡܳܪ̈ܰܘܳܬܼܳܐ܃ ܘܰܠܥܶܠ ܡܶܢ ܟܽܠ ܫܶܡ ܕܡܶܫܬܿܰܡܰܗ܃ ܠܳܐ ܒܰܠܚܽܘܕܼ ܒܥܳܠܡܳܐ ܗܳܢܳܐ܂ ܐܶܠܳܐ ܐܳܦܼ ܒܕܰܥܬܼܺܝܕܼ܂
01:22 [ai]ܘܫܰܥܒܿܶܕܼ ܟܽܠܡܶܕܶܡ ܬܚܶܝܬܼ ܪ̈ܶܓܼܠܰܘܗ̱ܝ܂ ܘܠܶܗ ܕܺܐܝܬܼܰܘܗ̱ܝ ܠܥܶܠ ܡܶܢ ܟܽܠ܃ ܝܰܗܒܶܗ ܪܺܫܳܐ ܠܥܺܕ̱ܿܬܳܐ܃
01:23 [ai]ܕܺܐܝܬܼܶܝܗ ܓܽܘܫܡܶܗ܃ ܘܫܽܘܡܠܳܝܳܐ ܕܗܰܘ ܕܟܽܠ ܒܟܽܠ ܡܫܰܡܠܶܐ܂

next chapter