← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62049: Eph

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


02:01 [ai]ܘܳܐܦܼ ܠܟܼܽܘܢ ܕܡܺܝܬܼܺܝܢ ܗ̱ܘܰܝܬܿܽܘܢ ܒܰܚܛܳܗܰܝܟܿܽܘܢ̈ ܘܰܒܣܰܟܼܠܘܳܬܼܟܼܽܘܢ̈܃
02:02 [ai]ܒܗܳܠܶܝܢ ܕܡܶܢ ܩܕܼܺܝܡ ܗܰܠܶܟܼܬܿܽܘܢ ܗܘܰܝܬܿܽܘܢ ܒܗܶܝܢ܃ ܐܰܝܟܼ ܥܳܠܡܳܝܽܘܬܼܶܗ ܕܥܳܠܡܳܐ ܗܳܢܳܐ܃ ܘܰܐܝܟܼ ܨܶܒܼܝܳܢܶܗ ܕܪܺܝܫ ܫܽܘܠܛܳܢܳܐ ܕܳܐܐܰܪ܃ ܘܰܕܼܪܽܘܚܳܐ ܗܳܕܼܶܐ ܕܡܶܬܼܚܰܦܿܛܳܐ ܒܰܒܼܢܰܝܳܐ ܕܠܳܐ ܡܶܬܿܛܦܿܺܝܣܳܢܽܘܬܼܳܐ܂
02:03 [ai]ܒܗܳܢܽܘܢ ܥܒܼܳܕܼܶܐ̈ ܕܳܐܦܼ ܚܢܰܢ ܐܶܬܼܗܰܦܿܰܟܼܢ ܒܗܽܘܢ ܡܶܢ ܩܕܼܺܝܡ܂ ܒܰܪ̈ܓܼܺܝܓܼܳܬܼܳܐ ܕܒܶܣܪܰܢ܂ ܘܥܳܒܼܕܺܝܢ ܗ̱ܘܰܝܢ ܨܶܒܼܝܳܢܳܐ ܕܒܶܣܪܰܢ܂ ܘܰܕܼܬܼܰܪܥܺܝܬܼܰܢ܃ ܘܰܒܢܰܝܳܐ ܗ̱ܘܰܝܢ ܕܪܽܘܓܼܙܳܐ ܡܰܠܝܳܐܺܝܬܼ܂ ܐܰܝܟܼ ܫܰܪܟܿܳܐ܂
02:04 [ai]ܐܰܠܳܗܳܐ ܕܶܝܢ ܕܥܰܬܿܺܝܪ ܒܪ̈ܰܚܡܰܘܗ̱ܝ܃ ܡܶܛܽܠ ܚܽܘܒܶܗ ܣܰܓܿܺܝܳܐܐ ܕܰܐܚܒܼܰܢ܂
02:05 [ai]ܟܰܕܼ ܡܺܝܬܼܺܝܢ ܗ̱ܘܰܝܢ ܒܰܚܛܳܗܰܝܢ̈܃ ܐܰܚܝܰܢ ܥܰܡ ܡܫܺܝܚܳܐ܂ ܘܰܒܛܰܝܒܿܽܘܬܼܶܗ ܦܰܪܩܰܢ܂
02:06 [ai]ܘܰܐܩܺܝܡܰܢ ܥܰܡܶܗ܂ ܘܰܐܘܬܿܒܼܰܢ ܥܰܡܶܗ ܒܰܫܡܰܝܳܐ܂ ܒܝܶܫܽܘܥ ܡܫܺܝܚܳܐ܃
02:07 [ai]ܕܰܢܚܰܘܶܐ ܠܥܳܠܡܶܐ̈ ܕܳܐܬܼܶܝܢ܂ ܪܰܒܿܽܘܬܼܳܐ ܕܥܽܘܬܼܪܳܐ ܕܛܰܝܒܿܽܘܬܼܶܗ܃ ܘܒܼܰܣܺܝܡܽܘܬܼܶܗ ܕܰܗܘܳܬܼ ܥܠܰܝܢ ܒܝܶܫܽܘܥ ܡܫܺܝܚܳܐ܂
02:08 [ai]ܒܛܰܝܒܿܽܘܬܼܶܗ ܗ̱ܽܘ ܓܶܝܪ ܐܶܬܼܦܿܪܶܩܢ܂ ܒܗܰܝܡܳܢܽܘܬܼܳܐ܂ ܘܗܳܕܼܶܐ ܠܳܐ ܗ̱ܘܳܬܼ ܡܶܢܟܼܽܘܢ܃ ܐܶܠܳܐ ܡܰܘܗܰܒܼܬܳܐ ܗ̱ܝ ܕܰܐܠܳܗܳܐ܂
02:09 [ai]ܠܳܐ ܡܶܢ ܥܒܼܳܕܼܶܐ̈܃ ܕܠܳܐ ܐ̱ܢܳܫ ܢܶܫܬܿܰܒܼܗܰܪ܂
02:10 [ai]ܒܪܺܝܬܼܳܐ ܚܢܰܢ ܓܶܝܪ ܕܺܝܠܶܗ܃ ܕܶܐܬܼܒܿܪܺܝܢ ܒܝܶܫܽܘܥ ܡܫܺܝܚܳܐ ܠܰܥܒܼܳܕܼܶܐ̈ ܛܳܒܼܶܐ̈܃ ܗܳܢܽܘܢ ܕܡܶܢ ܩܕܼܺܝܡ ܛܰܝܶܒܼ ܐܰܠܳܗܳܐ ܕܰܒܼܗܽܘܢ ܢܗܰܠܶܟܼ܀
02:11 [ai]ܡܶܛܽܠ ܗܳܕܼܶܐ ܗܘܰܝܬܿܽܘܢ ܥܳܗܕܺܝܢ܃ ܕܰܐܢ̱ܬܿܽܘܢ ܥܰܡ̱ܡܶܐ̈ ܡܶܢ ܩܕܼܺܝܡ ܕܰܒܼܣܰܪ ܗܘܰܝܬܿܽܘܢ܂ ܘܡܶܬܼܩܪܶܝܢ ܗ̱ܘܰܝܬܿܽܘܢ ܥܽܘܪܠܽܘܬܼܳܐ܂ ܡܶܢ ܗܳܝ ܕܡܶܬܼܩܰܪܝܳܐ ܓܙܽܘܪܬܳܐ܃ ܘܺܐܝܬܼܶܝܗ ܥܒܼܳܕܼ ܐܺܝܕܼܰܝܳܐ̈ ܒܒܼܶܣܪܳܐ܂
02:12 [ai]ܘܺܐܝܬܼܰܝܟܿܽܘܢ ܗ̱ܘܰܝܬܿܽܘܢ ܒܗܰܘ ܙܰܒܼܢܳܐ ܕܠܳܐ ܡܫܺܝܚܳܐ܂ ܘܢܽܘܟܼܪ̈ܳܝܺܝܢ ܗ̱ܘܰܝܬܿܽܘܢ ܡܶܢ ܕܿܽܘܒܿܳܪ̈ܶܐ ܕܺܐܝܣܪܳܝܶܠ܂ ܘܰܐܟܼܣܢܳܝܶܐ̈ ܗܽܘ ܠܕܼܺܝܰܬܼܺܩܺܐ ܕܡܽܘܠܟܿܳܢܳܐ܂ ܘܰܕܼܠܳܐ ܣܒܼܰܪ ܗ̱ܘܰܝܬܿܽܘܢ܂ ܘܰܕܼܠܳܐ ܐܰܠܳܗ܂ ܒܥܳܠܡܳܐ܂
02:13 [ai]ܗܳܫܳܐ ܕܶܝܢ ܒܝܶܫܽܘܥ ܡܫܺܝܚܳܐ܂ ܐܰܢ̱ܬܿܽܘܢ ܕܡܶܢ ܩܕܼܺܝܡ ܪܰܚܺܝܩܺܝܢ ܗ̱ܘܰܝܬܿܽܘܢ܃ ܩܰܪ̈ܺܝܒܼܶܐ ܗܘܰܝܬܿܽܘܢ ܒܰܕܼܡܶܗ ܕܰܡܫܺܝܚܳܐ܂
02:14 [ai]ܗܽܘܝܽܘ ܓܶܝܪ ܫܰܝܢܰܢ܂ ܗܰܘ ܕܰܥܒܼܰܕܼ ܬܰܪܬܿܰܝܗܶܝܢ ܚܕܼܳܐ܃ ܘܰܫܪܳܐ ܣܝܳܓܼܳܐ ܕܩܳܐܶܡ ܗ̱ܘܳܐ ܒܰܡܨܰܥܬܼܳܐ܂
02:15 [ai]ܘܰܒܥܶܠܕܿܒܼܳܒܼܽܘܬܼܳܐ܂ ܒܒܼܶܣܪܶܗ܂ ܘܢܳܡܽܘܣܳܐ ܕܦܽܘܩܳܕܼܶܐ̈ ܒܦܽܘܩܕܳܢܰܘܗ̱ܝ̈ ܒܰܛܶܠ܃ ܕܿܠܰܬܼܪ̈ܰܝܗܽܘܢ ܢܶܒܼܪܶܐ ܒܰܩܢܽܘܡܶܗ ܠܚܰܕܼ ܒܰܪܢܳܫܳܐ ܚܰܕܼ̱ܬܼܳܐ܂ ܘܰܥܒܼܰܕܼ ܫܰܝܢܳܐ܂
02:16 [ai]ܘܪܰܥܺܝ ܠܰܬܼܪ̈ܰܝܗܽܘܢ ܒܚܰܕܼ ܦܓܼܰܪ ܥܰܡ ܐܰܠܳܗܳܐ܂ ܘܒܼܰܙܩܺܝܦܼܶܗ ܩܛܰܠ ܒܥܶܠܕܿܒܼܳܒܼܽܘܬܼܳܐ܂
02:17 [ai]ܘܶܐܬܼܳܐ ܣܰܒܰܪ ܫܠܳܡܳܐ ܠܟܼܽܘܢ ܠܪ̈ܰܚܺܝܩܶܐ܂ ܘܰܠܩܰܪ̈ܺܝܒܼܶܐ܂
02:18 [ai]ܡܶܛܽܠ ܕܒܶܗ ܗ̱ܽܘ ܗܘܳܐ ܠܰܢ ܩܽܘܪܳܒܼܳܐ ܠܰܬܼܪܶܝܢ ܒܰܚܕܼܳܐ ܪܽܘܚ ܠܘܳܬܼ ܐܰܒܼܳܐ܀
02:19 [ai]ܡܶܟܿܺܝܠ ܠܳܐ ܗܘܰܝܬܿܽܘܢ ܐܰܟܼܣܢܳܝܶܐ̈܂ ܘܠܳܐ ܬܰܘܬܿܳܒܼܶܐ̈܃ ܐܶܠܳܐ ܒܢܰܝ ܡܕܼܺܝܢ̱ܬܳܐ ܕܩܰܕܿܺܝܫܶܐ̈܂ ܘܰܒܢܰܝ ܒܰܝܬܿܶܗ ܕܰܐܠܳܗܳܐ܂
02:20 [ai]ܘܶܐܬܼܒܿܢܺܝܬܿܽܘܢ ܥܰܠ ܫܶܬܼܶܐܣܬܳܐ ܕܰܫܠܺܝܚܶܐ̈ ܘܕܼܰܢܒܼܺܝܶܐ̈܃ ܘܗܽܘ ܗܘܳܐ ܪܺܝܫ ܩܰܪܢܳܐ ܕܒܶܢܝܳܢܳܐ܂ ܝܶܫܽܘܥ ܡܫܺܝܚܳܐ܂
02:21 [ai]ܘܒܼܶܗ ܡܶܬܼܪܰܟܿܰܒܼ ܟܽܠܶܗ ܒܶܢܝܳܢܳܐ܃ ܘܪܳܒܼܶܐ ܠܗܰܝܟܠܳܐ ܩܰܕܿܺܝܫܳܐ ܒܡܳܪܝܳܐ܃
02:22 [ai]ܟܰܕܼ ܐܳܦܼ ܐܰܢ̱ܬܿܽܘܢ ܒܶܗ ܡܶܬܼܒܿܢܶܝܢ ܐܢ̱ܬܿܽܘܢ܃ ܠܡܰܥܡܪܳܐ ܕܰܐܠܳܗܳܐ ܒܪܽܘܚ ܿ܀ܿ܀ܿ

next chapter