← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62049: Eph

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


03:01 [ai]ܡܶܛܽܠ ܗܳܢܳܐ ܐܶܢܳܐ ܦܿܰܘܠܳܘܣ܂ ܐܰܣܺܝܪܳܐ ܐܶܢܳܐ ܕܝܶܫܽܘܥ ܡܫܺܝܚܳܐ ܥܰܠ ܐܰܦܿܰܝܟܿܽܘܢ̈ ܥܰܡ̱ܡܶܐ̈܃
03:02 [ai]ܐܶܢ ܫܡܰܥܬܿܽܘܢ ܡܕܼܰܒܿܪܳܢܽܘܬܼܳܐ ܕܛܰܝܒܿܽܘܬܼܶܗ ܕܰܐܠܳܗܳܐ ܕܶܐܬܼܝܰܗܒܿܰܬܼ ܠܺܝ ܒܟܽܘܢ܂
03:03 [ai]ܕܰܒܼܓܼܶܠܝܳܢܳܐ ܐܶܬܼܺܝܕܼܰܥ ܠܺܝ ܐ̱ܪܳܙܳܐ܂ ܐܰܝܟܿܰܢܳܐ ܕܟܶܬܼܒܿܶܬܼ ܠܟܼܽܘܢ ܒܰܙܥܽܘܪ̈ܝܳܬܼܳܐ܃
03:04 [ai]ܐܰܝܟܼ ܡܳܐ ܕܡܶܫܟܿܚܺܝܬܿܽܘܢ ܟܰܕܼ ܩܳܪܶܝܢ ܐܢ̱ܬܿܽܘܢ ܠܡܶܣܬܿܰܟܿܳܠܽܘ܃ ܺܝܕܼܰܥܬܼܝ ܕܰܒܼܐ̱ܪܳܙܶܗ ܕܰܡܫܺܝܚܳܐ܂
03:05 [ai]ܗܰܘ ܕܿܰܒܼܕܼܳܪ̈ܶܐ ܐ̱ܚܪ̈ܳܢܶܐ ܠܳܐ ܐܶܬܼܺܝܕܼܰܥ ܠܰܒܼܢܰܝܢܳܫܳܐ܃ ܐܰܝܟܼ ܕܗܳܫܳܐ ܐܶܬܼܓܿܠܺܝ ܠܰܫܠܺܝܚܰܘܗ̱ܝ̈ ܩܰܕܿܺܝܫܶܐ̈ ܘܠܰܢܒܼܺܝܰܘܗ̱ܝ̈ ܒܪܽܘܚ܃
03:06 [ai]ܕܢܶܗܘܽܘܢ ܥܰܡ̱ܡܶܐ̈ ܒܢܰܝ ܝܳܪܬܿܽܘܬܼܶܗ ܘܫܰܘܬܿܳܦܼܶܐ̈ ܕܦܰܓܼܪܶܗ܂ ܘܰܕܼܡܽܘܠܟܿܳܢܳܐ ܕܶܐܬܼܺܝܗܶܒܼ ܒܶܗ ܒܝܰܕܼ ܐܶܘܰܢܓܿܶܠܺܝܳܘܢ܃
03:07 [ai]ܗܰܘ ܕܶܐܢܳܐ ܗܘܺܝܬܼ ܡܫܰܡܫܳܢܶܗ܂ ܐܰܝܟܼ ܡܰܘܗܰܒܼܬܳܐ ܕܛܰܝܒܿܽܘܬܼܶܗ ܕܰܐܠܳܗܳܐ܃ ܕܶܐܬܼܝܰܗܒܿܰܬܼ ܠܺܝ ܡܶܢ ܡܰܥܒܿܕܼܳܢܽܘܬܼܳܐ ܕܚܰܝܠܶܗ܂
03:08 [ai]ܠܺܝ ܕܰܙܥܽܘܪܳܐ ܐ̱ܢܳܐ ܕܟܽܠܗܽܘܢ ܩܰܕܿܺܝܫܶܐ̈܃ ܐܶܬܼܝܰܗܒܿܰܬܼ ܛܰܝܒܿܽܘܬܼܳܐ ܗܳܕܼܶܐ܃ ܕܿܶܐܣܰܒܰܪ ܒܥܰܡ̱ܡܶܐ̈܂ ܥܽܘܬܼܪܶܗ ܕܰܡܫܺܝܚܳܐ܃ ܗܰܘ ܕܠܳܐ ܡܶܬܼܥܰܩܰܒܼ܃
03:09 [ai]ܘܶܐܢܰܗܰܪ ܠܟܼܽܠܢܳܫ ܐܰܝܕܼܳܐ ܗܳܝ ܡܕܼܰܒܿܪܳܢܽܘܬܼܳܐ ܕܐ̱ܪܳܙܳܐ܃ ܗܰܘ ܕܰܟܼܣܶܐ ܗ̱ܘܳܐ ܡܶܢ ܥܳܠܡܶܐ̈ ܒܰܐܠܳܗܳܐ܂ ܕܟܽܠ ܒܪܳܐ܃
03:10 [ai]ܕܰܒܼܝܰܕܼ ܥܺܕ̱ܿܬܳܐ ܬܶܬܼܺܝܕܼܰܥ ܚܶܟܼܡܬܼܶܗ ܕܰܐܠܳܗܳܐ ܡܰܠܝܰܬܼ ܦܿܽܘܪ̈ܫܳܢܶܐ܃ ܠܰܐܪ̈ܟܼܰܘܣ ܘܰܠܫܽܘܠܛܳܢܶܐ̈ ܕܒܰܫܡܰܝܳܐ܂
03:11 [ai]ܗܳܝ ܕܥܰܬܿܶܕܼ ܗ̱ܘܳܐ ܡܶܢ ܥܳܠܡܶܐ̈܃ ܘܥܰܒܼܕܿܳܗ ܒܝܶܫܽܘܥ ܡܫܺܝܚܳܐ ܡܳܪܰܢ܂
03:12 [ai]ܗܰܘ ܕܒܶܗ ܐܺܝܬܼ ܠܰܢ ܦܰܪܶܗ̱ܣܺܝܰܐ ܘܩܰܪܺܝܒܼܽܘܬܼܳܐ܂ ܒܬܽܘܟܼܠܳܢܳܐ ܕܗܰܝܡܳܢܽܘܬܼܶܗ܂
03:13 [ai]ܡܶܛܽܠ ܗܳܢܳܐ ܫܳܐܶܠܢܳܐ܃ ܕܠܳܐ ܬܶܡܰܐܢ ܠܺܝ ܒܽܐܘܠܨܳܢܰܝ̈ ܕܥܰܠ ܐܰܦܿܰܝܟܿܽܘܢ̈܂ ܕܗܳܕܼܶܐ ܗܺܝ ܬܶܫܒܿܽܘܚܬܿܟܼܽܘܢ܂
03:14 [ai]ܘܟܼܳܐܶܦܼܢܳܐ ܒܽܘܪ̈ܟܰܝ ܠܘܳܬܼ ܐܰܒܼܽܘܗ̱ܝ ܕܡܳܪܰܢ ܝܶܫܽܘܥ ܡܫܺܝܚܳܐ܂
03:15 [ai]ܗܰܘ ܕܡܶܢܶܗ ܡܶܫܬܿܰܡܗܳܐ ܟܽܠ ܐܰܒܼܳܗܽܘܬܼܳܐ܂ ܕܒܰܫܡܰܝܳܐ ܘܒܼܰܐܪܥܳܐ܃
03:16 [ai]ܕܢܶܬܿܶܠ ܠܟܼܽܘܢ ܐܰܝܟܼ ܥܽܘܬܼܪܳܐ ܕܬܶܫܒܿܽܘܚܬܿܶܗ܃ ܕܰܒܼܚܰܝܠܳܐ ܬܶܫܬܿܰܪܪܽܘܢ ܒܪܽܘܚܶܗ܃ ܕܰܒܼܒܼܰܪܢܳܫܟܼܽܘܢ ܕܰܠܓܼܰܘ
03:17 [ai]ܢܶܥܡܰܪ ܡܫܺܝܚܳܐ ܒܗܰܝܡܳܢܽܘܬܼܳܐ܂ ܘܰܒܠܶܒܿܰܘܳܬܼܟܼܽܘܢ̈ ܒܚܽܘܒܿܳܐ܃ ܟܰܕܼ ܢܶܗܘܶܐ ܫܰܪܺܝܪ ܥܶܩܳܪܟܼܽܘܢ ܘܫܶܬܼܶܐܣܬܼܟܼܽܘܢ܃
03:18 [ai]ܕܬܶܫܟܿܚܽܘܢ ܠܡܰܕܼܪܳܟܼܽܘ ܥܰܡ ܟܽܠܗܽܘܢ ܩܰܕܿܺܝܫܶܐ̈܃ ܡܳܢܰܘ ܪܰܘܡܳܐ܂ ܘܥܽܘܡܩܳܐ܂ ܘܽܐܘܪܟܿܳܐ܂ ܘܰܦܼܬܼܳܝܳܐ܃
03:19 [ai]ܘܬܼܶܕܿܥܽܘܢ ܪܰܒܿܽܘܬܼܳܐ ܕܺܝܕܼܰܥܬܼܳܐ ܕܿܚܽܘܒܶܗ ܕܰܡܫܺܝܚܳܐ܃ ܘܬܼܶܬܼܡܰܠܽܘܢ ܒܟܽܠܶܗ ܡܽܘܠܳܝܳܐ ܕܰܐܠܳܗܳܐ܂
03:20 [ai]ܠܗܰܘ ܕܶܝܢ ܕܰܡܨܶܐ ܒܚܰܝܠܳܐ ܝܰܬܿܺܝܪ ܡܶܢ ܟܽܠ ܠܡܶܥܒܿܰܕܼ ܠܰܢ܃ ܘܝܰܬܿܺܝܪ ܡܶܢ ܡܳܐ ܕܫܳܐܠܺܝܢܰܢ ܘܪܳܢܶܝܢܰܢ܃ ܐܰܝܟܼ ܚܰܝܠܶܗ ܕܡܶܣܬܿܥܰܪ ܒܰܢ܃
03:21 [ai]ܠܶܗ ܬܿܶܫܒܿܽܘܚܬܳܐ ܒܥܺܕ̱ܿܬܿܶܗ ܒܝܶܫܽܘܥ ܡܫܺܝܚܳܐ܃ ܒܟܽܠܗܽܘܢ ܕܿܳܪ̈ܶܐ ܕܥܳܠܡܰܝ̈ ܥܳܠܡܺܝܢ܂ ܐܰܡܺܝܢ

next chapter