← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62051: Col

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

01:01 [ai]ܦܿܰܘܠܳܘܣ ܫܠܺܝܚܳܐ ܕܝܶܫܽܘܥ ܡܫܺܝܚܳܐ ܒܨܶܒܼܝܳܢܶܗ ܕܰܐܠܳܗܳܐ܂ ܘܛܺܝܡܳܬܼܶܐܳܘܣ ܐܰܚܳܐ܃
01:02 [ai]ܠܰܐܝܠܶܝܢ ܕܺܐܝܬܼ ܒܩܽܘܠܰܣܳܘܣ܃ ܐܰܚܶܐ̈ ܩܰܕܿܺܝܫܶܐ̈ ܘܰܡܗܰܝܡܢܶܐ̈ ܒܝܶܫܽܘܥ ܡܫܺܝܚܳܐ܂ ܫܠܳܡܳܐ ܥܰܡܟܼܽܘܢ ܘܛܰܝܒܿܽܘܬܼܳܐ܂ ܡܶܢ ܐܰܠܳܗܳܐ ܐܰܒܼܽܘܢ܀
01:03 [ai]ܡܰܘܕܶܝܢܰܢ ܠܰܐܠܳܗܳܐ ܐܰܒܼܽܘܗ̱ܝ ܕܡܳܪܰܢ ܝܶܫܽܘܥ ܡܫܺܝܚܳܐ ܒܟܽܠܙܒܼܰܢ܂ ܘܰܡܨܰܠܶܝܢܰܢ ܥܠܰܝܟܿܽܘܢ܃
01:04 [ai]ܗܳܐ ܡܶܢ ܕܰܫܡܰܥܢ ܗܰܝܡܳܢܽܘܬܼܟܼܽܘܢ ܕܰܒܼܝܶܫܽܘܥ ܡܫܺܝܚܳܐ܂ ܘܚܽܘܒܟܽܘܢ ܕܰܠܘܳܬܼ ܟܽܠܗܽܘܢ ܩܰܕܿܺܝܫܶܐ̈܃
01:05 [ai]ܡܶܛܽܠ ܣܰܒܼܪܳܐ ܗܰܘ ܕܰܢܛܺܝܪ ܠܟܼܽܘܢ ܒܰܫܡܰܝܳܐ܃ ܗܰܘ ܕܡܶܢ ܩܕܼܺܝܡ ܫܡܰܥܬܿܽܘܢ ܒܡܶܠܬܼܳܐ ܕܩܽܘܫܬܳܐ ܕܰܣܒܼܰܪܬܼܳܐ܃
01:06 [ai]ܗܳܝ ܕܶܐܬܼܟܰܪܙܰܬܼ ܠܟܼܽܘܢ ܐܰܝܟܼ ܕܳܐܦܼ ܠܟܼܽܠܶܗ ܥܳܠܡܳܐ܂ ܘܪܳܒܼܝܳܐ ܘܝܳܗܒܿܳܐ ܦܿܺܐܪ̈ܶܐ܃ ܐܰܝܟܿܰܢܳܐ ܕܳܐܦܼ ܒܟܽܘܢ ܡܶܢ ܝܰܘܡܳܐ ܕܰܫܡܰܥܬܿܽܘܢ܂ ܘܶܐܫܬܰܘܕܿܰܥܬܿܽܘܢ ܛܰܝܒܿܽܘܬܼܶܗ ܕܰܐܠܳܗܳܐ ܒܩܽܘܫܬܳܐ܃
01:07 [ai]ܐܰܝܟܼ ܡܳܐ ܕܺܝܠܶܦܼܬܿܽܘܢ ܡܶܢ ܐܶܦܿܰܦܼܪܰܐ ܟܢܳܬܼܰܢ ܚܰܒܺܝܒܼܳܐ܃ ܕܗܽܘ ܐܺܝܬܼܰܘܗ̱ܝ ܚܠܳܦܼܰܝܟܿܽܘܢ ܡܫܰܡܫܳܢܳܐ ܡܗܰܝܡܢܳܐ ܕܰܡܫܺܝܚܳܐ܃
01:08 [ai]ܘܗܽܘ ܐܰܘܕܿܥܰܢ ܚܽܘܒܟܽܘܢ ܕܰܒܼܪܽܘܚܳܐ ܿ܀ܿ܀ܿ
01:09 [ai]ܡܶܛܽܠܗܳܢܳܐ ܐܳܦܼ ܚܢܰܢ ܡܶܢ ܝܰܘܡܳܐ ܕܰܫܡܰܥܢ܃ ܠܳܐ ܫܳܠܶܝܢܰܢ ܠܰܡܨܰܠܳܝܽܘ ܥܠܰܝܟܿܽܘܢ܃ ܘܰܠܡܶܫܰܐܠ ܕܬܶܬܼܡܠܽܘܢ ܺܝܕܼܰܥܬܼܳܐ ܕܨܶܒܼܝܳܢܶܗ ܕܰܐܠܳܗܳܐ܂ ܒܟܽܠ ܚܶܟܼܡܳܐ܂ ܘܰܒܟܼܽܠ ܣܽܘܟܿܳܠ ܕܪܽܘܚ܃
01:10 [ai]ܕܰܬܼܗܰܠܟܼܽܘܢ ܐܰܝܟܼ ܕܙܳܕܼܶܩ܂ ܘܬܼܶܫܦܿܪܽܘܢ ܠܰܐܠܳܗܳܐ ܒܟܽܠ ܥܒܼܳܕܼܺܝܢ̈ ܛܳܒܼܺܝܢ̈܂ ܘܬܼܶܬܿܠܽܘܢ ܦܿܺܐܪ̈ܶܐ܂ ܘܬܼܶܪܒܿܽܘܢ ܒܺܝܕܼܰܥܬܼܳܐ ܕܰܐܠܳܗܳܐ܂
01:11 [ai]ܘܰܒܟܼܽܠ ܚܺܝܠ ܬܶܬܼܚܰܝܠܽܘܢ ܐܰܝܟܼ ܪܰܒܿܽܘܬܼܳܐ ܕܫܽܘܒܼܚܶܗ܂ ܒܟܽܠ ܡܣܰܝܒܿܪܳܢܽܘ܂ ܘܰܒܡܰܓܿܪܰܬܼ ܪܽܘܚ܂ ܘܰܒܚܰܕܼܽܘܬܼܳܐ
01:12 [ai]ܬܰܘܕܿܽܘܢ ܠܰܐܠܳܗܳܐ ܐܰܒܼܳܐ܃ ܕܰܐܫܘܰܝܢ ܠܰܡܢܳܬܼܳܐ ܕܝܳܪܬܿܽܘܬܼܳܐ ܕܩܰܕܿܺܝܫܶܐ̈ ܒܢܽܘܗܪܳܐ܂
01:13 [ai]ܘܦܼܰܪܩܰܢ ܡܶܢ ܫܽܘܠܛܳܢܶܗ ܕܚܶܫܽܘܟܼܳܐ܂ ܘܰܐܝܬܿܝܰܢ ܠܡܰܠܟܿܽܘܬܼܳܐ ܕܰܒܼܪܶܗ ܚܰܒܺܝܒܼܳܐ܃
01:14 [ai]ܗܰܘ ܕܒܶܗ ܐܺܝܬܼ ܠܰܢ ܦܽܘܪܩܳܢܳܐ ܘܫܽܘܒܼܩܳܢܳܐ ܕܰܚܛܳܗܶܐ̈܂
01:15 [ai]ܗܰܘ ܕܗܽܘܝܽܘ ܕܡܽܘܬܼܳܐ ܕܰܐܠܳܗܳܐ ܕܠܳܐ ܡܶܬܼܚܙܶܐ܂ ܘܒܼܽܘܟܼܪܳܐ ܕܟܽܠܗܶܝܢ ܒܶܪ̈ܝܳܬܼܳܐ܂
01:16 [ai]ܘܒܼܶܗ ܐܶܬܼܒܿܪܺܝ ܟܽܠܡܶܕܶܡ ܕܒܰܫܡܰܝܳܐ ܘܒܼܰܐܪܥܳܐ܃ ܟܽܠ ܕܡܶܬܼܚܙܶܐ܂ ܘܟܼܽܠ ܕܠܳܐ ܡܶܬܼܚܙܶܐ܂ ܐܶܢ ܡܰܘܬܿܒܼܶܐ̈܂ ܘܶܐܢ ܡܳܪ̈ܰܘܳܬܼܳܐ܂ ܘܶܐܢ ܐܰܪ̈ܟܼܰܘܣ܂ ܘܶܐܢ ܫܽܘܠܛܳܢܶܐ̈܂ ܟܽܠܡܶܕܶܡ ܒܺܐܝܕܼܶܗ ܘܒܼܶܗ ܐܶܬܼܒܿܪܺܝ܂
01:17 [ai]ܘܗܽܘܝܽܘ ܕܡܶܢ ܩܕܼܳܡ ܟܽܠ܂ ܘܟܼܽܠܡܶܕܶܡ ܒܶܗ ܩܳܐܶܡ܂
01:18 [ai]ܘܗܽܘܝܽܘ ܪܺܫܳܐ ܕܦܰܓܼܪܳܐ ܕܥܺܕ̱ܿܬܳܐ܃ ܕܺܐܝܬܼܰܘܗ̱ܝ ܪܺܫܳܐ ܘܒܼܽܘܟܼܪܳܐ ܕܡܶܢ ܒܶܝܬܼ ܡܺܝܬܼܶܐ̈܂ ܕܢܶܗܘܶܐ ܩܰܕܼܡܳܝ ܒܟܽܠ܃
01:19 [ai]ܕܒܶܗ ܗܽܘ ܨܒܼܳܐ ܟܽܠܶܗ ܡܽܘܠܳܝܳܐ ܠܡܶܥܡܰܪ܂
01:20 [ai]ܘܒܼܺܐܝܕܼܶܗ ܠܰܡܪܰܥܳܝܽܘ ܠܶܗ ܟܽܠܡܶܕܶܡ܂ ܘܫܰܝܶܢ ܒܰܕܼܡܳܐ ܕܰܙܩܺܝܦܼܶܗ ܒܺܐܝܕܼܰܘܗ̱ܝ̈܂ ܐܶܢ ܕܒܰܐܪܥܳܐ܂ ܘܶܐܢ ܕܒܰܫܡܰܝܳܐ܂
01:21 [ai]ܐܳܦܼ ܠܟܼܽܘܢ ܕܡܶܢ ܩܕܼܺܝܡ ܢܽܘܟܼܪ̈ܳܝܶܐ ܗ̱ܘܰܝܬܿܽܘܢ܂ ܘܰܒܥܶܠܕܿܒܼܳܒܼܶܐ̈ ܒܪ̈ܶܥܝܳܢܰܝܟܿܽܘܢ܂ ܡܶܛܽܠ ܥܒܼܳܕܼܰܝܟܿܽܘܢ̈ ܒܺܝܫܶܐ̈܃ ܫܰܝܶܢܟܼܽܘܢ ܗܳܫܳܐ
01:22 [ai]ܒܦܰܓܼܪܳܐ ܕܒܶܣܪܶܗ ܘܰܒܡܰܘܬܿܶܗ܃ ܕܰܢܩܺܝܡܟܼܽܘܢ ܩܕܼܳܡܰܘܗ̱ܝ ܩܰܕܿܺܝܫܺܝܢ ܕܠܳܐ ܡܽܘܡ ܘܰܕܼܠܳܐ ܪܶܫܝܳܢ܃
01:23 [ai]ܐܶܢ ܬܩܰܘܽܘܢ ܒܗܰܝܡܳܢܽܘܬܼܟܼܽܘܢ ܟܰܕܼ ܫܰܪܺܝܪܳܐ ܫܶܬܼܶܐܣܬܼܟܼܽܘܢ܃ ܘܠܳܐ ܡܶܬܿܬܿܙܺܝܥܺܝܬܿܽܘܢ ܡܶܢ ܣܰܒܼܪܳܐ ܕܶܐܘܰܢܓܿܶܠܺܝܳܘܢ܃ ܗܰܘ ܕܰܫܡܰܥܬܿܽܘܢ ܕܶܐܬܼܟܿܪܶܙ ܒܟܽܠܳܗ ܒܪܺܝܬܼܳܐ ܕܰܬܼܚܶܝܬܼ ܫܡܰܝܳܐ܂ ܗܰܘ ܕܶܐܢܳܐ ܦܿܰܘܠܳܘܣ ܗܘܺܝܬܼ ܡܫܰܡܫܳܢܶܗ܂
01:24 [ai]ܘܚܳܕܼܶܐ ܐ̱ܢܳܐ ܒܚܰܫܶܐ̈ ܕܥܰܠ ܐܰܦܿܰܝܟܿܽܘܢ̈܃ ܘܰܡܡܰܠܶܐ ܐ̱ܢܳܐ ܚܰܣܺܝܪܽܘܬܼܳܐ ܕܽܐܘܠܨܳܢܰܘܗ̱ܝ̈ ܕܰܡܫܺܝܚܳܐ ܒܒܼܶܣܪܝ܃ ܚܠܳܦܼ ܦܰܓܼܪܶܗ ܕܺܐܝܬܼܰܘܗ̱ܝ ܥܺܕ̱ܿܬܳܐ܂
01:25 [ai]ܗܳܝ ܕܶܐܢܳܐ ܗܘܺܝܬܼ ܡܫܰܡܫܳܢܳܗ܂ ܐܰܝܟܼ ܡܕܼܰܒܿܪܳܢܽܘܬܼܳܐ ܕܰܐܠܳܗܳܐ ܕܶܐܬܼܝܰܗܒܿܰܬܼ ܠܺܝ ܒܟܽܘܢ܂ ܕܶܐܫܰܡܠܶܐ ܡܶܠܬܼܶܗ ܕܰܐܠܳܗܳܐ܂
01:26 [ai]ܐ̱ܪܳܙܳܐ ܗܰܘ ܕܰܡܟܼܰܣܰܝ ܗ̱ܘܳܐ ܡܶܢ ܥܳܠܡܶܐ̈ ܘܡܶܢ ܕܿܳܪ̈ܶܐ܃ ܗܳܫܳܐ ܕܶܝܢ ܐܶܬܼܓܿܠܺܝ ܠܩܰܕܿܺܝܫܰܘܗ̱ܝ̈܃
01:27 [ai]ܠܰܐܝܠܶܝܢ ܕܰܨܒܼܳܐ ܐܰܠܳܗܳܐ ܕܢܰܘܕܿܰܥ܃ ܡܳܢܰܘ ܥܽܘܬܼܪܳܐ ܕܫܽܘܒܼܚܶܗ ܕܐ̱ܪܳܙܳܐ ܗܳܢܳܐ ܒܥܰܡ̱ܡܶܐ̈܂ ܕܗܽܘܝܽܘ ܡܫܺܝܚܳܐ ܕܰܒܼܟܼܽܘܢ ܣܰܒܼܪܳܐ ܕܫܽܘܒܼܚܰܢ܂
01:28 [ai]ܗܰܘ ܕܰܚܢܰܢ ܡܰܟܼܪܙܺܝܢܰܢ܂ ܘܡܰܠܦܼܺܝܢܰܢ܂ ܘܰܡܣܰܟܠܺܝܢܰܢ ܠܟܼܽܠ ܒܰܪܢܳܫ ܒܟܽܠ ܚܶܟܼܡܳܐ܃ ܕܰܢܩܺܝܡ ܠܟܼܽܠ ܒܰܪܢܳܫ ܟܰܕܼ ܓܡܺܝܪ ܒܝܶܫܽܘܥ ܡܫܺܝܚܳܐ܂
01:29 [ai]ܒܗܳܕܼܶܐ ܗ̱ܘ ܓܶܝܪ ܐܳܦܼ ܥܳܡܶܠ ܐ̱ܢܳܐ ܘܡܶܬܼܟܿܰܬܿܰܫ ܐ̱ܢܳܐ܃ ܒܰܡܥܰܕܿܪܳܢܽܘܬܼܳܐ ܕܚܰܝܠܳܐ ܕܡܶܬܼܺܝܗܶܒܼ ܠܺܝ܀

next chapter