← Back
The Comprehensive Aramaic Lexicon
← Return to the Text Browser
click on the file description for more information
62051: Col

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


04:01 [ai]ܡܳܪ̈ܰܝܳܐ܃ ܥܒܼܶܕܼܘ ܫܰܘܝܽܘܬܼܳܐ ܘܟܼܺܐܢܽܘܬܼܳܐ ܠܘܳܬܼ ܥܰܒܼܕܿܰܝܟܿܽܘܢ̈܂ ܘܰܗܘܰܝܬܿܽܘܢ ܝܳܕܼܥܺܝܢ܃ ܕܳܐܦܼ ܠܟܼܽܘܢ ܐܺܝܬܼ ܗ̱ܽܘ ܡܳܪܳܐ ܒܰܫܡܰܝܳܐ܂
04:02 [ai]ܒܰܨܠܽܘܬܼܳܐ ܐܶܬܼܰܐܡ̱ܢܘ܂ ܘܰܗܘܰܝܬܿܽܘܢ ܥܺܝܪܺܝܢ ܐܢ̱ܬܿܽܘܢ ܒܿܳܗ܂ ܘܡܰܘܕܶܝܢ܂
04:03 [ai]ܘܰܡܨܰܠܶܝܢ ܐܳܦܼ ܥܠܰܝܢ܃ ܕܰܐܠܳܗܳܐ ܢܶܦܼܬܿܰܚ ܠܰܢ ܬܰܪܥܳܐ ܕܡܶܠܬܼܳܐ܃ ܠܰܡܡܰܠܳܠܽܘ ܐ̱ܪܳܙܳܐ ܕܰܡܫܺܝܚܳܐ ܕܡܶܛܽܠܳܬܼܶܗ ܐܰܣܺܝܪ ܐ̱ܢܳܐ܃
04:04 [ai]ܕܰܐܓܼܠܝܶܘܗ̱ܝ ܘܶܐܡܰܠܠܺܝܘܗ̱ܝ܂ ܐܰܝܟܿܰܢܳܐ ܕܘܳܠܶܐ ܠܺܝ܂
04:05 [ai]ܒܚܶܟܼܡܬܼܳܐ ܗܰܠܶܟܼܘ ܠܘܳܬܼ ܒܰܪ̈ܳܝܶܐ܂ ܘܰܙܒܼܶܢܘ ܩܺܐܪܣܟܼܽܘܢ܂
04:06 [ai]ܘܡܶܠܰܬܼܟܼܽܘܢ ܒܟܽܠܙܒܼܰܢ ܒܛܰܝܒܿܽܘܬܼܳܐ܃ ܐܰܝܟܼ ܕܰܒܼܡܶܠܚܳܐ ܬܶܗܘܶܐ ܡܡܰܕܿܟܼܳܐ܂ ܘܰܗܘܰܝܬܿܽܘܢ ܝܳܕܼܥܺܝܢ܃ ܠܐ̱ܢܳܫ ܐ̱ܢܳܫ ܐܰܝܟܿܰܢܳܐ ܘܳܠܶܐ ܠܟܼܽܘܢ ܠܰܡܬܼܳܒܼܽܘ ܦܶܬܼܓܼܳܡܳܐ܂
04:07 [ai]ܡܶܕܶܡ ܕܰܠܘܳܬܼܝ ܕܶܝܢ܂ ܢܰܘܕܿܰܥܟܼܽܘܢ ܛܽܘܟܼܺܝܩܳܘܣ ܐܰܚܳܐ ܚܰܒܺܝܒܼܳܐ܂ ܘܰܡܫܰܡܫܳܢܳܐ ܡܗܰܝܡܢܳܐ܂ ܘܰܟܼܢܳܬܼܰܢ ܒܡܳܪܝܳܐ܃
04:08 [ai]ܗܳܢܳܐ ܕܫܰܕܿܪܶܬܼ ܠܘܳܬܼܟܼܽܘܢ ܥܠܶܝܗ ܥܰܠ ܗܳܕܼܶܐ܃ ܕܢܶܕܿܰܥ ܡܳܐ ܕܰܠܘܳܬܼܟܼܽܘܢ܃ ܘܰܢܒܼܰܝܰܐ ܠܶܒܿܰܘܳܬܼܟܼܽܘܢ̈܃
04:09 [ai]ܥܰܡ ܐܳܢܺܣܺܝܡܳܘܣ ܐܰܚܳܐ ܡܗܰܝܡܢܳܐ ܘܚܰܒܺܝܒܼܳܐ܃ ܗܰܘ ܕܺܐܝܬܼܰܘܗ̱ܝ ܡܶܢܟܼܽܘܢ܂ ܗܶܢܽܘܢ ܢܰܘܕܿܥܽܘܢܳܟܼܽܘܢ ܡܶܕܶܡ ܕܰܠܘܳܬܼܰܢ܀
04:10 [ai]ܫܳܐܶܠ ܒܰܫܠܳܡܟܼܽܘܢ ܐܰܪܺܣܛܰܪܟܼܳܘܣ ܫܰܒܼܝܳܐ ܕܥܰܡܝ܂ ܘܡܰܪܩܳܘܣ ܒܰܪ ܕܳܕܼܶܗ ܕܒܼܰܪܢܰܒܼܰܐ܂ ܗܰܘ ܕܶܐܬܼܦܿܰܩܰܕܿܬܿܽܘܢ ܥܠܰܘܗ̱ܝ܂ ܕܶܐܢ ܐܳܬܼܶܐ ܠܘܳܬܼܟܼܽܘܢ܃ ܬܩܰܒܿܠܽܘܢܳܝܗ̱ܝ܂
04:11 [ai]ܘܝܶܫܽܘܥ ܗܰܘ ܕܡܶܬܼܩܪܶܐ ܝܽܘܣܛܳܘܣ܂ ܗܳܠܶܝܢ ܕܺܐܝܬܼܰܝܗܽܘܢ ܡܶܢ ܓܙܽܘܪܬܳܐ܂ ܘܗܶܢܽܘܢ ܒܰܠܚܽܘܕܼ ܥܰܕܼܪܽܘܢܝ ܒܡܰܠܟܿܽܘܬܼܶܗ ܕܰܐܠܳܗܳܐ܂ ܘܗܶܢܽܘܢ ܗܘܰܘ ܠܺܝ ܒܽܘܝܳܐܳܐ܂
04:12 [ai]ܫܳܐܶܠ ܒܰܫܠܳܡܟܼܽܘܢ ܐܶܦܿܰܦܼܪܰܐ܂ ܗܰܘ ܕܡܶܢܟܼܽܘܢ܂ ܥܰܒܼܕܿܳܐ ܕܰܡܫܺܝܚܳܐ܃ ܟܰܕܼ ܒܟܽܠܙܒܼܰܢ ܥܳܡܶܠ ܚܠܳܦܼܰܝܟܿܽܘܢ ܒܰܨܠܽܘܬܼܳܐ܃ ܕܰܬܼܩܽܘܡܽܘܢ ܓܡܺܝܪ̈ܶܐ ܘܰܡܫܰܡܠܰܝܳܐ̈ ܒܟܽܠܶܗ ܨܶܒܼܝܳܢܶܗ ܕܰܐܠܳܗܳܐ܂
04:13 [ai]ܣܳܗܶܕܼ ܐ̱ܢܳܐ ܓܶܝܪ ܥܠܰܘܗ̱ܝ܃ ܕܰܛܢܳܢܳܐ ܣܰܓܿܺܝܳܐܐ ܐܺܝܬܼ ܠܶܗ ܚܠܳܦܼܰܝܟܿܽܘܢ܃ ܘܰܚܠܳܦܼ ܗܳܢܽܘܢ ܕܰܒܼܠܰܕܼܺܝܩܺܝܰܐ ܘܰܕܼܒܼܺܐܝܪܰܦܿܳܘܠܺܝܣ܂
04:14 [ai]ܫܳܐܶܠ ܒܰܫܠܳܡܟܼܽܘܢ ܠܽܘܩܳܐ ܐܳܣܝܳܐ ܚܰܒܺܝܒܼܰܢ܂ ܘܕܼܺܡܰܐ܀
04:15 [ai]ܫܰܐܠܘ ܒܰܫܠܳܡܳܐ ܕܰܐܚܶܐ̈ ܕܰܒܼܠܰܕܼܺܝܩܺܝܰܐ܂ ܘܰܕܼܢܽܘܡܦܼܺܐ܂ ܘܰܕܼܥܺܕ̱ܿܬܳܐ ܕܰܒܼܒܼܰܝܬܿܶܗ܂
04:16 [ai]ܘܡܳܐ ܕܶܐܬܼܩܰܪܝܰܬܼ ܐܶܓܿܰܪܬܳܐ ܗܳܕܼܶܐ ܠܘܳܬܼܟܼܽܘܢ܃ ܥܒܼܶܕܼܘ ܕܳܐܦܼ ܒܥܺܕ̱ܿܬܳܐ ܕܠܰܕܼܺܝܩܳܝܶܐ̈ ܬܶܬܼܩܪܶܐ܂ ܘܗܳܝ ܕܶܐܬܼܟܿܰܬܼܒܿܰܬܼ ܡܶܢ ܠܰܕܼܺܝܩܺܝܰܐ܃ ܩܪܰܐܽܘܗ ܐܰܢ̱ܬܿܽܘܢ
04:17 [ai]ܘܶܐܡܰܪܘ ܠܰܐܪܟܼܺܝܦܿܳܘܣ܃ ܕܶܐܙܕܿܰܗ̱ܪ ܒܬܶܫܡܶܫܬܳܐ ܗܳܝ ܕܩܰܒܿܶܠܬܿ ܒܡܳܪܰܢ܃ ܕܬܶܗܘܶܐ ܡܫܰܡܠܶܐ ܠܳܗ܂
04:18 [ai]ܫܠܳܡܳܐ ܗܳܢܳܐ ܒܺܐܝܕܼܳܐ ܕܺܝܠܝ ܕܦܿܰܘܠܳܘܣ܂ ܗܘܰܝܬܿܽܘܢ ܥܳܗܕܺܝܢ ܠܰܐܣܽܘܪ̈ܰܝ܂ ܛܰܝܒܿܽܘܬܼܳܐ ܥܰܡܟܼܽܘܢ܂ ܐܰܡܺܝܢ ܿ܀ܿ܀ܿ