← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62052: 1Th

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

01:01 [ai]ܦܿܰܘܠܳܘܣ ܘܣܺܠܘܰܢܳܘܣ ܘܛܺܝܡܳܬܼܶܐܳܣ܃ ܠܥܺܕ̱ܿܬܳܐ ܕܬܶܣܰܠܳܘܢܺܝܩܳܝܶܐ̈ ܕܒܰܐܠܳܗܳܐ ܐܰܒܼܳܐ܂ ܘܰܒܡܳܪܰܢ ܝܶܫܽܘܥ ܡܫܺܝܚܳܐ܂ ܛܰܝܒܿܽܘܬܼܳܐ ܥܰܡܟܼܽܘܢ ܘܰܫܠܳܡܳܐ܀
01:02 [ai]ܡܰܘܕܶܝܢܰܢ ܠܰܐܠܳܗܳܐ ܒܟܽܠܙܒܼܰܢ ܥܰܠ ܟܽܠܟܼܽܘܢ܂ ܘܡܶܬܿܕܿܰܟܼܪܺܝܢܰܢ ܠܟܼܽܘܢ ܒܰܨܠܰܘܳܬܼܰܢ̈ ܐܰܡܺܝܢܳܐܺܝܬܼ܂
01:03 [ai]ܘܥܳܗܕܺܝܢܰܢ ܩܕܼܳܡ ܐܰܠܳܗܳܐ ܐܰܒܼܳܐ܃ ܥܒܼܳܕܼܶܐ̈ ܕܗܰܝܡܳܢܽܘܬܼܟܼܽܘܢ܂ ܘܥܰܡܠܳܐ ܕܿܚܽܘܒܟܽܘܢ܂ ܘܰܡܣܰܝܒܿܪܳܢܽܘܬܼܳܐ ܕܣܰܒܼܪܟܼܽܘܢ܃ ܕܰܒܼܡܳܪܰܢ ܝܶܫܽܘܥ ܡܫܺܝܚܳܐ܂
01:04 [ai]ܝܳܕܼܥܺܝܢܰܢ ܓܶܝܪ ܓܰܒܼܝܽܘܬܼܟܼܽܘܢ܂ ܐܰܚܰܝ̈ ܚܰܒܺܝܒܼܰܘܗ̱ܝ̈ ܕܰܐܠܳܗܳܐ܃
01:05 [ai]ܡܶܛܽܠ ܕܰܡܣܰܒܿܪܳܢܽܘܬܼܰܢ܂ ܠܳܐ ܗ̱ܘܳܐ ܒܡܶܠܶܐ̈ ܒܰܠܚܽܘܕܼ ܗܘܳܬܼ ܠܘܳܬܼܟܼܽܘܢ܃ ܐܶܠܳܐ ܐܳܦܼ ܒܚܰܝܠܳܐ܂ ܘܰܒܪܽܘܚܳܐ ܕܩܽܘܕܼܫܳܐ܂ ܘܒܼܰܦܝܳܣܳܐ ܫܰܪܺܝܪܳܐ܂ ܐܳܦܼ ܐܰܢ̱ܬܿܽܘܢ ܝܳܕܼܥܺܝܢ ܐܢ̱ܬܿܽܘܢ܃ ܐܰܝܟܿܰܢܳܐ ܗܘܰܝܢ ܒܰܝܢܳܬܼܟܼܽܘܢ ܡܶܛܽܠܳܬܼܟܼܽܘܢ܂
01:06 [ai]ܘܰܐܢ̱ܬܿܽܘܢ ܒܰܢ ܐܶܬܿܕܰܡܺܝܬܿܽܘܢ܂ ܘܰܒܡܳܪܰܢ܃ ܕܩܰܒܿܶܠܬܿܽܘܢ ܡܶܠܬܼܳܐ ܒܽܐܘܠܨܳܢܳܐ ܪܰܒܿܳܐ܂ ܘܰܒܚܰܕܼܽܘܬܼܳܐ ܕܪܽܘܚܳܐ ܕܩܽܘܕܼܫܳܐ܂
01:07 [ai]ܘܰܗܘܰܝܬܿܽܘܢ ܕܡܽܘܬܼܳܐ ܠܟܼܽܠܗܽܘܢ ܡܗܰܝܡܢܶܐ̈܂ ܕܺܐܝܬܼ ܒܡܰܩܶܕܼܘܳܢܺܝܰܐ܂ ܘܒܼܰܐܟܼܰܐܺܝܰܐ܂
01:08 [ai]ܡܶܢܟܼܽܘܢ ܓܶܝܪ ܐܶܫܬܿܰܡܥܰܬܼ ܡܶܠܬܼܶܗ ܕܡܳܪܰܢ܃ ܠܳܐ ܒܰܠܚܽܘܕܼ ܒܡܰܩܶܕܼܘܳܢܺܝܰܐ ܘܒܼܰܐܟܼܰܐܺܝܰܐ܃ ܐܶܠܳܐ ܒܟܽܠ ܐܰܬܼܰܪ ܗܰܝܡܳܢܽܘܬܼܟܼܽܘܢ ܕܒܰܐܠܳܗܳܐ ܐܶܫܬܿܰܡܥܰܬܼ܃ ܐܰܝܟܿܰܢܳܐ ܕܠܳܐ ܢܶܣܬܿܢܶܩ ܕܢܺܐܡܰܪ ܥܠܰܝܟܿܽܘܢ ܡܶܕܶܡ܂
01:09 [ai]ܗܶܢܽܘܢ ܓܶܝܪ ܡܶܫܬܿܰܥܶܝܢ܃ ܐܰܝܢܳܐ ܡܰܥܠܳܢܳܐ ܗܘܳܐ ܠܰܢ ܠܘܳܬܼܟܼܽܘܢ܃ ܘܰܐܝܟܿܰܢܳܐ ܐܶܬܼܦܿܢܺܝܬܿܽܘܢ ܠܘܳܬܼ ܐܰܠܳܗܳܐ ܡܶܢ ܕܶܚܠܰܬܼ ܦܿܬܼܰܟܼܪ̈ܶܐ܃ ܕܬܶܦܼܠܚܽܘܢ ܠܰܐܠܳܗܳܐ ܚܰܝܳܐ ܘܫܰܪܺܝܪܳܐ܃
01:10 [ai]ܟܰܕܼ ܡܣܰܟܿܶܝܬܿܽܘܢ ܠܰܒܼܪܶܗ ܡܶܢ ܫܡܰܝܳܐ܃ ܠܝܶܫܽܘܥ܂ ܗܰܘ ܕܰܐܩܺܝܡ ܡܶܢ ܒܶܝܬܼ ܡܺܝܬܼܶܐ̈܂ ܕܗܽܘ ܡܦܼܰܨܶܐ ܠܰܢ ܡܶܢ ܪܽܘܓܼܙܳܐ ܕܳܐܬܼܶܐ܂

next chapter