← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62052: 1Th

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


04:01 [ai]ܡܶܟܿܺܝܠ ܐܰܚܰܝ̈ ܒܿܳܥܶܝܢܰܢ ܡܶܢܟܼܽܘܢ܃ ܘܡܶܬܼܟܿܰܫܦܼܺܝܢܰܢ ܠܟܼܽܘܢ ܒܡܳܪܰܢ ܝܶܫܽܘܥ܃ ܕܰܐܝܟܼ ܕܩܰܒܿܶܠܬܿܽܘܢ ܡܶܢܰܢ܃ ܐܰܝܟܿܰܢ ܘܳܠܶܐ ܠܟܼܽܘܢ ܕܰܬܼܗܰܠܟܼܽܘܢ ܘܬܼܶܫܦܿܪܽܘܢ ܠܰܐܠܳܗܳܐ܃ ܕܝܰܬܿܺܝܪܳܐܺܝܬܼ ܬܰܘܣܦܼܽܘܢ܂
04:02 [ai]ܝܳܕܼܥܺܝܢ ܐܢ̱ܬܿܽܘܢ ܓܶܝܪ܃ ܐܰܝܠܶܝܢ ܦܽܘܩܕܳܢܶܐ̈ ܝܰܗ̱ܒܼܢ ܠܟܼܽܘܢ܂ ܒܡܳܪܰܢ ܝܶܫܽܘܥ܂
04:03 [ai]ܗܳܢܰܘ ܓܶܝܪ ܨܶܒܼܝܳܢܶܗ ܕܰܐܠܳܗܳܐ܃ ܩܰܕܿܺܝܫܽܘܬܼܟܼܽܘܢ܂ ܘܰܕܼܬܼܶܗܘܽܘܢ ܦܰܪܺܝܩܺܝܢ ܡܶܢ ܟܽܠ ܙܳܢܝܽܘܬܼܳܐ܂
04:04 [ai]ܘܢܶܗܘܶܐ ܝܳܕܼܰܥ ܐ̱ܢܳܫ ܐ̱ܢܳܫ ܡܶܢܟܼܽܘܢ ܠܡܶܩܢܳܐ ܡܳܐܢܶܗ ܒܩܰܕܿܺܝܫܽܘܬܼܳܐ ܘܒܼܺܐܝܩܳܪܳܐ܃
04:05 [ai]ܘܠܳܐ ܒܚܰܫܶܐ̈ ܕܪܶܓܿܬܼܳܐ܃ ܐܰܝܟܼ ܫܰܪܟܿܳܐ ܕܥܰܡ̱ܡܶܐ̈ ܗܳܢܽܘܢ ܕܠܳܐ ܝܳܕܼܥܺܝܢ ܠܰܐܠܳܗܳܐ܂
04:06 [ai]ܘܠܳܐ ܬܶܗܘܽܘܢ ܡܫܺܝܚܺܝܢ ܠܡܶܥܒܰܪ ܘܰܠܡܶܥܠܰܒܼ ܐ̱ܢܳܫ ܠܰܐܚܽܘܗ̱ܝ ܒܗܳܕܼܶܐ ܨܒܼܽܘܬܼܳܐ܃ ܡܶܛܽܠ ܕܡܳܪܰܢ ܗ̱ܽܘ ܬܳܒܼܽܘܥܳܐ ܥܰܠ ܗܳܠܶܝܢ ܟܽܠܗܶܝܢ܂ ܐܰܝܟܿܰܢܳܐ ܕܳܐܦܼ ܡܶܢ ܩܕܼܳܡ ܙܰܒܼܢܳܐ ܐܶܡܰܪܢ ܠܟܼܽܘܢ܂ ܘܣܰܗܶܕܼܢ܂
04:07 [ai]ܠܳܐ ܓܶܝܪ ܩܪܳܟܼܽܘܢ ܐܰܠܳܗܳܐ ܠܛܰܢܦܿܽܘܬܼܳܐ܃ ܐܶܠܳܐ ܠܩܰܕܿܺܝܫܽܘܬܼܳܐ܂
04:08 [ai]ܡܶܟܿܺܝܠ ܡܰܢ ܕܛܳܠܶܡ܃ ܠܳܐ ܗ̱ܘܳܐ ܠܒܼܰܪܢܳܫܳܐ ܛܳܠܶܡ܂ ܐܶܠܳܐ ܠܰܐܠܳܗܳܐ܂ ܗܰܘ ܕܝܰܗ̱ܒܼ ܒܟܽܘܢ ܪܽܘܚܶܗ ܩܰܕܿܺܝܫܬܳܐ܀
04:09 [ai]ܥܰܠ ܚܽܘܒܿܳܐ ܕܶܝܢ ܕܰܐܚܶܐ̈܃ ܠܳܐ ܣܢܺܝܩܺܝܬܿܽܘܢ ܠܡܶܟܼܬܿܰܒܼ ܠܟܼܽܘܢ܂ ܐܰܢ̱ܬܿܽܘܢ ܓܶܝܪ ܩܢܽܘܡܟܼܽܘܢ ܡܰܠܦܼܶܐ̈ ܐܢ̱ܬܿܽܘܢ ܕܰܐܠܳܗܳܐ܃ ܕܬܰܚܒܼܽܘܢ ܚܰܕܼ ܠܚܰܕܼ܂
04:10 [ai]ܐܳܦܼ ܥܳܒܼܕܺܝܢ ܐܢ̱ܬܿܽܘܢ ܗܳܟܼܰܢܳܐ ܠܟܼܽܠܗܽܘܢ ܐܰܚܶܐ̈ ܕܰܒܼܟܼܽܠܳܗ ܡܰܩܶܕܼܳܘܢܺܝܰܐ܂ ܒܿܳܥܶܐ ܐ̱ܢܳܐ ܕܶܝܢ ܡܶܢܟܼܽܘܢ ܐܰܚܰܝ̈܃ ܕܬܶܬܼܝܰܬܿܪܽܘܢ
04:11 [ai]ܘܬܼܶܬܼܚܰܦܿܛܽܘܢ܃ ܕܬܶܗܘܽܘܢ ܫܠܶܝܢ ܘܰܥܢܶܝܢ ܒܣܽܘܥܪ̈ܳܢܰܝܟܿܽܘܢ܃ ܘܰܗܘܰܝܬܿܽܘܢ ܦܳܠܚܺܝܢ ܒܺܐܝܕܼܰܝܟܿܽܘܢ̈ ܐܰܝܟܿܰܢܳܐ ܕܦܰܩܶܕܼܢܳܟܼܽܘܢ܃
04:12 [ai]ܕܬܶܗܘܽܘܢ ܡܗܰܠܟܼܺܝܢ ܒܶܐܣܟܿܺܡܳܐ ܠܘܳܬܼ ܒܰܪ̈ܳܝܶܐ܂ ܘܥܰܠ ܐ̱ܢܳܫ ܠܳܐ ܬܶܣܬܿܰܢܩܽܘܢ܀
04:13 [ai]ܨܳܒܼܶܐ ܐ̱ܢܳܐ ܕܶܝܢ ܕܬܶܕܿܥܽܘܢ ܐܰܚܰܝ̈܃ ܕܥܰܠ ܐܰܝܠܶܝܢ ܕܕܼܳܡܟܿܺܝܢ ܠܳܐ ܬܶܗܘܶܐ ܟܳܪܝܳܐ ܠܟܼܽܘܢ܃ ܐܰܝܟܼ ܫܰܪܟܿܳܐ ܕܐ̱ܢܳܫܳܐ ܕܣܰܒܼܪܳܐ ܠܰܝܬܿ ܠܗܽܘܢ܂
04:14 [ai]ܐܶܢ ܓܶܝܪ ܡܗܰܝܡܢܺܝܢܰܢ ܕܝܶܫܽܘܥ ܡܺܝܬܼ ܘܩܳܡ܃ ܗܳܟܼܰܢܳܐ ܐܳܦܼ ܐܰܠܳܗܳܐ ܠܰܐܝܠܶܝܢ ܕܰܕܼܡܶܟܼܘ ܒܝܶܫܽܘܥ܂ ܡܰܝܬܿܶܐ ܥܰܡܶܗ܂
04:15 [ai]ܗܳܕܼܶܐ ܕܶܝܢ ܐܳܡܪܺܝܢܰܢ ܠܟܼܽܘܢ ܒܡܶܠܬܼܶܗ ܕܡܳܪܰܢ܃ ܕܰܚܢܰܢ ܐܰܝܠܶܝܢ ܕܡܶܫܬܿܰܚܪܺܝܢܰܢ ܒܡܶܐܬܼܺܝܬܼܶܗ ܕܡܳܪܰܢ ܕܚܰܝܺܝܢܰܢ܃ ܠܳܐ ܢܰܕܼܪܶܟܼ ܠܰܐܝܠܶܝܢ ܕܰܕܼܡܶܟܼܘ܂
04:16 [ai]ܡܶܛܽܠ ܕܗܽܘ ܡܳܪܰܢ ܒܦܽܘܩܕܳܢܳܐ܂ ܘܰܒܩܳܠܳܐ ܕܪܺܝܫ ܡܰܠܰܐܟܼܶܐ̈܂ ܘܰܒܩܰܪܢܳܐ ܕܰܐܠܳܗܳܐ܃ ܢܳܚܶܬܼ ܡܶܢ ܫܡܰܝܳܐ܂ ܘܡܺܝܬܼܶܐ̈ ܕܒܰܡܫܺܝܚܳܐ ܢܩܽܘܡܽܘܢ ܠܽܘܩܕܼܰܡ܂
04:17 [ai]ܘܗܳܝܕܶܝܢ ܚܢܰܢ ܐܰܝܠܶܝܢ ܕܡܶܫܬܿܰܚܪܺܝܢܰܢ ܕܚܰܝܺܝܢܰܢ܃ ܢܶܬܼܚܛܶܦܼ ܥܰܡܗܽܘܢ ܐܰܟܼܚܕܼܳܐ ܒܰܥܢܳܢܶܐ̈܂ ܠܽܐܘܪܥܶܗ ܕܡܳܪܰܢ ܒܳܐܐܰܪ܂ ܘܗܳܟܼܰܢܳܐ ܒܟܽܠܙܒܼܰܢ ܥܰܡ ܡܳܪܰܢ ܢܶܗܘܶܐ܂
04:18 [ai]ܗܘܰܘ ܗܳܟܼܺܝܠ ܡܒܼܰܝܐܺܝܢ ܚܰܕܼ ܠܚܰܕܼ܂ ܒܡܶܠܶܐ̈ ܗܳܠܶܝܢ܀

next chapter