← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62053: 2Th

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

01:01 [ai]ܦܿܰܘܠܳܘܣ ܘܣܺܠܘܰܢܳܘܣ ܘܛܺܝܡܳܬܼܶܐܳܘܣ܃ ܠܥܺܕ̱ܿܬܳܐ ܕܬܶܣܰܠܳܘܢܺܝܩܳܝܶܐ̈ ܕܒܰܐܠܳܗܳܐ ܐܰܒܼܽܘܢ܂ ܘܡܳܪܰܢ ܝܶܫܽܘܥ ܡܫܺܝܚܳܐ܂
01:02 [ai]ܛܰܝܒܿܽܘܬܼܳܐ ܥܰܡܟܼܽܘܢ ܘܰܫܠܳܡܳܐ܃ ܡܶܢ ܐܰܠܳܗܳܐ ܐܰܒܼܽܘܢ܂ ܘܡܶܢ ܡܳܪܰܢ ܝܶܫܽܘܥ ܡܫܺܝܚܳܐ܀
01:03 [ai]ܠܡܰܘܕܿܳܝܽܘ ܠܰܐܠܳܗܳܐ ܒܟܽܠܙܒܼܰܢ ܚܰܝܳܒܼܺܝܢܰܢ ܥܠܰܝܟܿܽܘܢ ܐܰܚܰܝ̈܃ ܐܰܝܟܼ ܡܳܐ ܕܘܳܠܶܐ܂ ܕܝܰܬܿܺܝܪܳܐܺܝܬܼ ܪܳܒܼܝܳܐ ܗܰܝܡܳܢܽܘܬܼܟܼܽܘܢ܂ ܘܣܳܓܼܶܐ ܚܽܘܒܿܳܐ ܕܟܽܠܟܼܽܘܢ܃ ܕܟܽܠܢܳܫ ܠܘܳܬܼ ܚܰܒܼܪܶܗ܃
01:04 [ai]ܐܰܝܟܼ ܕܳܐܦܼ ܚܢܰܢ ܒܟܽܘܢ ܢܶܗܘܶܐ ܡܶܫܬܿܰܒܼܗܪܺܝܢ ܚ̱ܢܰܢ ܒܥܺܕܼܳܬܼܳܐ̈ ܕܰܐܠܳܗܳܐ܃ ܥܰܠ ܗܰܝܡܳܢܽܘܬܼܟܼܽܘܢ ܘܥܰܠ ܡܣܰܝܒܿܪܳܢܽܘܬܼܟܼܽܘܢ܃ ܕܰܒܼܟܼܽܠܳܗ ܪܕܼܺܝܦܼܽܘܬܼܟܼܽܘܢ ܘܽܐܘܠܨܳܢܰܝܟܿܽܘܢ̈ ܕܰܡܣܰܝܒܿܪܺܝܢ ܐܢ̱ܬܿܽܘܢ܃
01:05 [ai]ܠܬܼܰܚܘܺܝܬܼܳܐ ܕܕܼܺܝܢܳܐ ܟܺܐܢܳܐ ܕܰܐܠܳܗܳܐ܃ ܕܬܶܫܘܽܘܢ ܠܡܰܠܟܿܽܘܬܼܶܗ ܗܳܝ ܕܥܰܠ ܐܰܦܿܶܝܗ̈ ܚܳܫܺܝܬܿܽܘܢ܃
01:06 [ai]ܘܶܐܢ ܟܺܐܢܳܐ ܩܕܼܳܡ ܐܰܠܳܗܳܐ܃ ܕܢܶܦܼܪܽܘܥ ܐܽܘܠܨܳܢܳܐ ܠܳܐܠܽܘܨܰܝܟܿܽܘܢ̈܃
01:07 [ai]ܘܰܠܟܼܽܘܢ ܕܡܶܬܼܰܐܠܨܺܝܬܿܽܘܢ ܢܰܚܶܐ ܥܰܡܰܢ܃ ܒܓܶܠܝܳܢܶܗ ܕܡܳܪܰܢ ܝܶܫܽܘܥ ܡܫܺܝܚܳܐ ܕܡܶܢ ܫܡܰܝܳܐ܂ ܥܰܡ ܚܰܝܠܳܐ ܕܡܰܠܰܐܟܼܰܘܗ̱ܝ̈܃
01:08 [ai]ܡܳܐ ܕܥܳܒܼܶܕܼ ܬܒܼܰܥܬܼܳܐ ܒܓܽܘܙܳܠܳܐ ܕܢܽܘܪܳܐ܂ ܡܶܢ ܗܳܢܽܘܢ ܕܠܳܐ ܺܝܕܼܰܥܘ ܠܰܐܠܳܗܳܐ܃ ܘܡܶܢ ܗܳܢܽܘܢ ܕܠܳܐ ܐܶܫܬܰܘܕܰܥܘ ܠܰܣܒܼܰܪܬܼܶܗ ܕܡܳܪܰܢ ܝܶܫܽܘܥ ܡܫܺܝܚܳܐ܂
01:09 [ai]ܕܗܶܢܽܘܢ ܒܕܺܝܢܳܐ ܢܶܬܼܦܿܰܪܥܽܘܢ ܐܰܒܼܕܳܢܳܐ ܕܰܠܥܳܠܰܡ܂ ܡܶܢ ܦܰܪܨܽܘܦܿܶܗ ܕܡܳܪܰܢ܂ ܘܡܶܢ ܫܽܘܒܼܚܳܐ ܕܚܰܝܠܶܗ܃
01:10 [ai]ܡܳܐ ܕܳܐܬܼܶܐ ܕܢܶܫܬܿܰܒܿܰܚ ܒܩܰܕܿܺܝܫܰܘܗ̱ܝ̈܃ ܘܰܢܚܰܘܶܐ ܬܿܶܕܼܡܪ̈ܳܬܼܶܗ ܒܰܡܗܰܝܡܢܰܘܗ̱ܝ̈܃ ܕܬܶܬܼܗܰܝܡܰܢ ܣܳܗܕܿܽܘܬܼܰܢ ܕܰܥܠܰܝܟܿܽܘܢ ܒܗܰܘ ܝܰܘܡܳܐ܂
01:11 [ai]ܡܶܛܽܠ ܗܳܢܳܐ ܒܟܽܠܙܒܼܰܢ ܡܨܰܠܶܝܢܰܢ ܥܠܰܝܟܿܽܘܢ܃ ܕܢܰܫܘܶܝܟܼܽܘܢ ܐܰܠܳܗܳܐ ܠܩܶܪܝܳܢܟܼܽܘܢ܂ ܘܢܶܡܠܶܝܟܼܽܘܢ ܟܽܠܶܗ ܨܶܒܼܝܳܢܳܐ ܕܛܳܒܼܳܬܼܳܐ̈܂ ܘܰܥܒܼܳܕܼܶܐ̈ ܕܗܰܝܡܳܢܽܘܬܼܳܐ ܒܚܰܝܠܳܐ܃
01:12 [ai]ܕܢܶܫܬܿܰܒܿܰܚ ܒܟܽܘܢ ܫܡܶܗ ܕܡܳܪܰܢ ܝܶܫܽܘܥ ܡܫܺܝܚܳܐ܂ ܐܳܦܼ ܐܰܢ̱ܬܿܽܘܢ ܒܶܗ܃ ܐܰܝܟܼ ܛܰܝܒܿܽܘܬܼܶܗ ܕܰܐܠܳܗܰܢ ܘܡܳܪܰܢ ܝܶܫܽܘܥ ܡܫܺܝܚܳܐ܀

next chapter