← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62053: 2Th

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


02:01 [ai]ܒܿܳܥܶܝܢܰܢ ܕܶܝܢ ܡܶܢܟܼܽܘܢ ܐܰܚܰܝ̈܃ ܥܰܠ ܡܶܐܬܼܺܝܬܼܶܗ ܕܡܳܪܰܢ ܝܶܫܽܘܥ ܡܫܺܝܚܳܐ܃ ܘܥܰܠ ܟܢܽܘܫܝܳܐ ܕܺܝܠܰܢ ܕܰܠܘܳܬܼܶܗ܃
02:02 [ai]ܕܠܳܐ ܥܓܼܰܠ ܬܶܬܿܙܺܝܥܽܘܢ ܒܪ̈ܶܥܝܳܢܰܝܟܿܽܘܢ܂ ܘܠܳܐ ܬܶܬܼܘܗܽܘܢ ܠܳܐ ܡܶܢ ܡܶܠܬܼܳܐ܂ ܘܠܳܐ ܡܶܢ ܪܽܘܚܳܐ܂ ܘܠܳܐ ܡܶܢ ܐܶܓܿܰܪܬܳܐ܂ ܕܰܐܝܟܼ ܕܡܶܢ ܠܘܳܬܼܰܢ ܗ̱ܺܝ܃ ܕܗܳܐ ܠܰܡ ܡܰܛܺܝ ܝܰܘܡܶܗ ܕܡܳܪܰܢ܂
02:03 [ai]ܠܡܳܐ ܐ̱ܢܳܫ ܢܰܛܥܶܝܟܼܽܘܢ ܒܚܰܕܼ ܡܶܢ ܐܶܣܟܿܺܡܺܝܢ̈܃ ܡܶܛܽܠ ܕܶܐܢ ܠܳܐ ܬܺܐܬܼܶܐ ܠܽܘܩܕܼܰܡ ܡܳܪܽܘܕܼܽܘܬܼܳܐ܂ ܘܢܶܬܼܓܠܶܐ ܒܰܪܢܳܫܳܐ ܕܰܚܛܺܝܬܼܳܐ܂ ܒܪܶܗ ܕܿܰܐܒܼܕܳܢܳܐ܃
02:04 [ai]ܗܰܘ ܕܰܠܩܽܘܒܼܠܳܐ ܗ̱ܘ܂ ܘܡܶܫܬܿܰܥܠܶܐ ܥܰܠ ܟܽܠ ܡܰܢ ܕܡܶܬܼܩܪܶܐ ܐܰܠܳܗ ܘܕܼܶܚܠܳܐ܃ ܐܰܝܟܿܰܢܳܐ ܕܳܐܦܼ ܒܗܰܝܟܠܳܐ ܕܰܐܠܳܗܳܐ ܐܰܝܟܼ ܐܰܠܳܗܳܐ ܢܶܬܶܒܼ܃ ܘܰܢܚܰܘܶܐ ܥܰܠ ܢܰܦܼܫܶܗ ܐܰܝܟܼ ܕܰܐܠܳܗܳܐ ܗܽܘ܂
02:05 [ai]ܠܳܐ ܥܳܗܕܿܺܝܬܿܽܘܢ܃ ܕܟܰܕܼ ܠܘܳܬܼܟܼܽܘܢ ܗ̱ܘܺܝܬܼ܃ ܗܳܠܶܝܢ ܐܶܡܪܶܬܼ ܗ̱ܘܺܝܬܼ ܠܟܼܽܘܢ܂
02:06 [ai]ܘܗܳܫܳܐ ܝܳܕܼܥܺܝܢ ܐܢ̱ܬܿܽܘܢ܃ ܡܳܐ ܕܰܐܚܺܝܕܼ ܕܢܶܬܼܓܠܶܐ ܗܽܘ ܒܙܰܒܼܢܶܗ܂
02:07 [ai]ܐ̱ܪܳܙܳܐ ܓܶܝܪ ܕܥܰܘܠܳܐ ܡܶܢ ܟܰܕܿܽܘ ܫܰܪܺܝ ܠܡܶܬܼܚܰܦܿܳܛܽܘ܃ ܒܰܠܚܽܘܕܼ ܐܶܢ ܗܰܘ ܡܳܐ ܕܗܳܫܳܐ ܐܰܚܺܝܕܼ ܢܶܫܬܿܩܶܠ ܡܶܢ ܡܨܰܥܬܼܳܐ܃
02:08 [ai]ܘܗܳܝܕܶܝܢ ܢܶܬܼܓܠܶܐ ܥܰܘܳܠܳܐ܂ ܗܰܘ ܕܡܳܪܰܢ ܝܶܫܽܘܥ ܢܣܺܝܦܼܺܝܘܗ̱ܝ ܒܪܽܘܚ ܦܽܘܡܶܗ܃ ܘܰܢܒܼܰܛܠܺܝܘܗ̱ܝ ܒܓܶܠܝܳܢܳܐ ܕܡܶܐܬܼܺܝܬܼܶܗ܂
02:09 [ai]ܡܶܐܬܼܺܝܬܼܶܗ ܓܶܝܪ ܕܗܰܘ ܒܡܰܥܒܿܕܼܳܢܽܘܬܼܳܐ ܗ̱ܝ ܕܣܳܛܳܢܳܐ܃ ܒܟܽܠ ܚܺܝܠ܂ ܘܳܐܬܼܘܳܬܼܳܐ̈܂ ܘܬܼܶܕܼܡܪ̈ܳܬܼܳܐ ܕܰܓܿܳܠܳܬܼܳܐ̈܂
02:10 [ai]ܘܰܒܟܼܽܠܳܗ ܛܽܘܥܝܰܝ ܕܥܰܘܠܳܐ ܕܗܳܘܝܳܐ ܒܰܐܒܼܺܝܕܼܶܐ̈܃ ܥܰܠ ܕܠܳܐ ܩܰܒܿܶܠܘ ܚܽܘܒܿܳܐ ܕܩܽܘܫܬܳܐ܂ ܕܒܶܗ ܢܺܚܽܘܢ܂
02:11 [ai]ܡܶܛܽܠܗܳܢܳܐ ܢܫܰܕܿܰܪ ܠܗܽܘܢ ܐܰܠܳܗܳܐ ܡܰܥܒܿܕܼܳܢܽܘܬܼܳܐ ܕܛܽܘܥܝܰܝ܃ ܕܰܢܗܰܝܡܢܽܘܢ ܠܫܽܘܩܪܳܐ܃
02:12 [ai]ܘܢܶܬܿܕܼܺܝܢܽܘܢ ܟܽܠܗܽܘܢ ܐܰܝܠܶܝܢ ܕܠܳܐ ܗܰܝܡܶܢܘ ܒܩܽܘܫܬܳܐ܃ ܐܶܠܳܐ ܐܶܨܛܒܼܺܝܘ ܒܥܰܘܠܳܐ܀
02:13 [ai]ܚܢܰܢ ܕܶܝܢ ܚܰܝܳܒܼܺܝܢܰܢ ܠܡܰܘܕܿܳܝܽܘ ܠܰܐܠܳܗܳܐ ܒܟܽܠܙܒܼܰܢ܃ ܥܰܠ ܐܰܦܿܰܝܟܿܽܘܢ̈ ܐܰܚܰܝܢ̈ ܚܰܒܺܝܒܼܰܘܗ̱ܝ̈ ܕܡܳܪܰܢ܃ ܕܰܓܼܒܼܳܟܼܽܘܢ ܐܰܠܳܗܳܐ ܡܶܢ ܪܺܫܺܝܬܼܳܐ ܠܚܰܝ̈ܶܐ܃ ܒܩܰܕܿܺܝܫܽܘܬܼܳܐ ܕܪܽܘܚܳܐ ܘܰܒܗܰܝܡܳܢܽܘܬܼܳܐ ܕܰܫܪܳܪܳܐ܂
02:14 [ai]ܠܗܳܠܶܝܢ ܗ̱ܽܘ ܓܶܝܪ ܩܪܳܟܼܽܘܢ ܒܰܡܣܰܒܿܪܳܢܽܘܬܼܳܐ ܕܺܝܠܰܢ܃ ܕܬܶܗܘܽܘܢ ܬܿܶܫܒܿܽܘܚܬܳܐ ܠܡܳܪܰܢ ܝܶܫܽܘܥ ܡܫܺܝܚܳܐ܀
02:15 [ai]ܡܶܟܿܺܝܠ ܐܰܚܰܝ̈܂ ܐܶܬܼܩܰܝ̱ܡܘ ܘܚܰܡܣܶܢܘ ܒܦܽܘܩܕܳܢܶܐ̈ ܕܺܝܠܶܦܼܬܿܽܘܢ܃ ܐܶܢ ܒܡܶܠܬܼܳܐ ܘܶܐܢ ܒܶܐܓܿܰܪܬܳܐ ܕܺܝܠܰܢ܂
02:16 [ai]ܗܽܘ ܕܶܝܢ ܡܳܪܰܢ ܝܶܫܽܘܥ ܡܫܺܝܚܳܐ ܘܰܐܠܳܗܳܐ ܐܰܒܼܽܘܢ܃ ܗܰܘ ܕܰܐܚܒܼܰܢ ܘܝܰܗ̱ܒܼ ܠܰܢ ܒܽܘܝܳܐܳܐ ܕܰܠܥܳܠܰܡ܂ ܘܣܰܒܼܪܳܐ ܛܳܒܼܳܐ ܒܛܰܝܒܿܽܘܬܼܶܗ܃
02:17 [ai]ܢܒܼܰܝܰܐ ܠܶܒܿܰܘܳܬܼܟܼܽܘܢ̈܃ ܘܰܢܩܰܝܶܡ ܒܟܽܠ ܡܶܠܳܐ܂ ܘܰܒܟܼܽܠ ܥܒܼܳܕܼ ܛܳܒܼ܀

next chapter