← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62055: 2Tim

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

01:01 [ai]ܦܿܰܘܠܳܘܣ ܫܠܺܝܚܳܐ ܕܝܶܫܽܘܥ ܡܫܺܝܚܳܐ܂ ܒܨܶܒܼܝܳܢܶܗ ܕܰܐܠܳܗܳܐ܂ ܘܰܒܡܽܘܠܟܿܳܢܳܐ ܕܚܰܝ̈ܶܐ ܕܰܒܼܝܶܫܽܘܥ ܡܫܺܝܚܳܐ܃
01:02 [ai]ܠܛܺܝܡܳܬܼܶܐܳܘܣ ܒܪܳܐ ܚܰܒܺܝܒܼܳܐ܂ ܛܰܝܒܿܽܘܬܼܳܐ ܘܪ̈ܰܚܡܶܐ ܘܰܫܠܳܡܳܐ܂ ܡܶܢ ܐܰܠܳܗܳܐ ܐܰܒܼܳܐ܃ ܘܡܶܢ ܡܳܪܰܢ ܝܶܫܽܘܥ ܡܫܺܝܚܳܐ܀
01:03 [ai]ܡܰܘܕܿܶܐ ܐ̱ܢܳܐ ܠܰܐܠܳܗܳܐ܂ ܗܰܘ ܕܠܶܗ ܡܫܰܡܶܫ ܐ̱ܢܳܐ ܡܶܢ ܐܰܒܼܳܗܳܬܼܝ̈ ܒܬܺܐܪܬܳܐ ܕܟܺܝܬܼܳܐ܃ ܕܰܐܡܺܝܢܳܐܺܝܬܼ ܡܶܬܿܕܿܟܼܰܪ ܐ̱ܢܳܐ ܠܳܟܼ ܒܰܨܠܰܘܳܬܼܝ̈ ܕܠܺܠܝܳܐ ܘܕܼܺܐܝܡܳܡܳܐ܂
01:04 [ai]ܘܰܣܘܶܐ ܐ̱ܢܳܐ ܠܡܶܚܙܝܳܟܼ܂ ܘܡܶܬܿܕܿܟܼܰܪ ܐ̱ܢܳܐ ܕܶܡܥܰܝܟܿ̈ ܕܶܐܬܼܡܠܶܐ ܚܰܕܼܽܘܬܼܳܐ܂
01:05 [ai]ܒܥ̱ܽܘܗܕܳܢܳܐ ܕܗܳܘܶܐ ܠܺܝ ܒܗܰܝܡܳܢܽܘܬܼܳܟܼ ܫܰܪܺܝܪܬܳܐ܃ ܗܳܝ ܕܰܫܪܳܬܼ ܠܽܘܩܕܼܰܡ ܒܶܐܡܳܐ ܕܶܐܡܳܟܼ ܠܘܳܐܺܝܣ܂ ܘܒܼܶܐܡܳܟܼ ܐܶܘܢܺܝܩܺܐ܃ ܡܦܿܳܣ ܐ̱ܢܳܐ ܕܶܝܢ ܕܳܐܦܼ ܒܳܟܼ܂
01:06 [ai]ܡܶܛܽܠ ܗܳܢܳܐ ܡܰܥ̱ܗܶܕܼ ܐ̱ܢܳܐ ܠܳܟܼ܃ ܕܰܬܼܥܺܝܪ ܡܰܘܗܰܒܼܬܳܐ ܕܰܐܠܳܗܳܐ܃ ܗܳܝ ܕܺܐܝܬܼ ܒܳܟܼ ܒܰܣܝܳܡ ܐܺܝܕܼܝ܂
01:07 [ai]ܠܳܐ ܓܶܝܪ ܝܰܗ̱ܒܼ ܠܰܢ ܐܰܠܳܗܳܐ ܪܽܘܚܳܐ ܕܕܼܶܚܠܬܼܳܐ܃ ܐܶܠܳܐ ܕܚܰܝܠܳܐ܂ ܘܰܕܼܚܽܘܒܿܳܐ܂ ܘܰܕܼܡܰܪܬܿܝܳܢܽܘܬܼܳܐ܂
01:08 [ai]ܠܳܐ ܗܳܟܼܺܝܠ ܬܶܒܼܗܰܬܼ ܒܣܳܗܕܿܽܘܬܼܶܗ ܕܡܳܪܰܢ܂ ܐܳܦܼܠܳܐ ܒܺܝ ܒܰܐܣܺܝܪܶܗ܃ ܐܶܠܳܐ ܫܩܽܘܠ ܒܺܝܫܳܬܼܳܐ̈ ܥܰܡ ܐܶܘܰܢܓܿܶܠܺܝܳܘܢ ܒܚܰܝܠܳܐ ܕܰܐܠܳܗܳܐ܃
01:09 [ai]ܗܰܘ ܕܰܐܚܝܰܢ ܘܰܩܪܳܢ ܒܩܶܪܝܳܢܳܐ ܩܰܕܿܺܝܫܳܐ܂ ܠܰܘ ܐܰܝܟܼ ܥܒܼܳܕܼܰܝܢ̈ ܐܶܠܳܐ ܐܰܝܟܼ ܨܶܒܼܝܳܢܶܗ܂ ܘܛܰܝܒܿܽܘܬܼܶܗ܃ ܗܳܝ ܕܶܐܬܼܝܰܗܒܿܰܬܼ ܠܰܢ ܒܝܶܫܽܘܥ ܡܫܺܝܚܳܐ ܡܶܢ ܩܕܼܳܡ ܙܰܒܼܢܳܐ ܕܥܳܠܡܶܐ̈܂
01:10 [ai]ܘܶܐܬܼܓܿܰܠܝܰܬܼ ܗܳܫܳܐ ܒܓܶܠܝܳܢܶܗ ܕܡܰܚܝܳܢܰܢ ܝܶܫܽܘܥ ܡܫܺܝܚܳܐ܃ ܕܒܰܛܶܠ ܠܡܰܘܬܳܐ ܘܚܰܘܺܝ ܚܰܝ̈ܶܐ ܘܠܳܐ ܡܶܬܼܚܰܒܿܠܳܢܽܘܬܼܳܐ ܒܶܐܘܰܢܓܿܶܠܺܝܳܘܢ܃
01:11 [ai]ܗܰܘ ܕܶܐܬܿܬܣܺܝܡܶܬܼ ܒܶܗ ܐܶܢܳܐ ܟܳܪܽܘܙܳܐ ܘܰܫܠܺܝܚܳܐ ܘܡܰܠܦܼܳܢܳܐ ܕܥܰܡ̱ܡܶܐ̈܂
01:12 [ai]ܡܶܛܽܠ ܗܳܕܼܶܐ ܡܣܰܝܒܰܪ ܐ̱ܢܳܐ ܗܳܠܶܝܢ܃ ܘܠܳܐ ܒܳܗܶܬܼ ܐ̱ܢܳܐ܂ ܝܳܕܼܰܥ ܐ̱ܢܳܐ ܓܶܝܪ ܒܡܰܢ ܗܰܝܡܢܶܬܼ܃ ܘܰܡܦܿܳܣ ܐ̱ܢܳܐ܃ ܕܡܳܛܝܳܐ ܒܺܐܝܕܼܰܘܗ̱ܝ̈ ܓܽܘܥܠܳܢܝ ܠܡܶܛܰܪ ܠܺܝ ܠܝܰܘܡܳܐ ܗܰܘ܂
01:13 [ai]ܢܶܗܘܝܳܢ̈ ܠܳܟܼ ܚܰܘܪܳܐ܃ ܡܶܠܶܐ̈ ܚܠܺܝܡܳܬܼܳܐ̈ ܕܰܫܡܰܥܬܿ ܡܶܢܝ܂ ܒܗܰܝܡܳܢܽܘܬܼܳܐ ܘܰܒܚܽܘܒܿܳܐ ܕܰܒܼܝܶܫܽܘܥ ܡܫܺܝܚܳܐ ܿ܀ܿ܀ܿ
01:14 [ai]ܓܽܘܥܠܳܢܳܐ ܛܳܒܼܳܐ ܛܰܪ܃ ܒܪܽܘܚܳܐ ܕܩܽܘܕܼܫܳܐ܂ ܗܳܝ ܕܥܶܡܪܰܬܼ ܒܰܢ܂
01:15 [ai]ܝܳܕܼܰܥ ܐܰܢ̱ܬܿ ܗܳܕܼܶܐ܃ ܕܰܗܦܼܰܟܼܘ ܡܶܢܝ ܟܽܠܗܽܘܢ ܗܳܠܶܝܢ ܕܒܰܐܣܺܝܰܐ܃ ܕܺܐܝܬܼܰܝܗܽܘܢ ܡܶܢܗܽܘܢ ܦܿܽܘܓܿܶܠܳܘܣ ܘܗܶܪܡܳܓܿܶܢܘܣ܂
01:16 [ai]ܢܶܬܿܶܠ ܡܳܪܰܢ ܪ̈ܰܚܡܶܐ ܠܒܼܰܝܬܿܶܗ ܕܳܐܢܺܣܺܝܦܼܳܘܪܳܘܣ܃ ܕܙܰܒܼܢܺܝܢ̈ ܣܰܓܿܺܝܳܐܢ̈ ܐܰܢܺܝܚܰܢܝ܂ ܘܰܒܫܺܫܠܳܬܼܳܐ̈ ܕܿܰܐܣܽܘܪ̈ܰܝ ܠܳܐ ܒܗܶܬܼ܂
01:17 [ai]ܐܶܠܳܐ ܐܳܦܼ ܟܰܕܼ ܐܶܬܼܳܐ ܠܪܗ̱ܽܘܡܺܝ܃ ܒܰܚܦܼܺܝܛܽܘܬܼܳܐ ܒܥܳܢܝ ܘܶܐܫܟܿܚܰܢܝ܂
01:18 [ai]ܢܶܬܿܶܠ ܠܶܗ ܡܳܪܰܢ܃ ܕܢܶܫܟܿܰܚ ܪ̈ܰܚܡܶܐ ܠܘܳܬܼ ܡܳܪܰܢ ܒܝܰܘܡܳܐ ܗܰܘ܂ ܘܰܟܼܡܳܐ ܕܫܰܡܫܰܢܝ ܒܶܐܦܼܶܣܳܘܣ܃ ܝܰܬܿܺܝܪܳܐܺܝܬܼ ܝܳܕܼܰܥ ܐܰܢ̱ܬܿ܀

next chapter