← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62055: 2Tim

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


03:01 [ai]ܗܳܕܼܶܐ ܕܶܝܢ ܗܘܰܝܬܿ ܝܳܕܼܰܥ܃ ܕܰܒܼܝܰܘܡܳܬܼܳܐ̈ ܐ̱ܚܪ̈ܳܝܶܐ ܢܺܐܬܼܽܘܢ ܙܰܒܼܢܶܐ̈ ܩܫܰܝܳܐ̈܃
03:02 [ai]ܘܢܶܗܘܽܘܢ ܒܢܰܝܢܳܫܳܐ ܪ̈ܳܚܡܰܝ ܢܰܦܼܫܗܽܘܢ܂ ܘܪ̈ܳܚܡܰܝ ܟܶܣܦܿܳܐ܂ ܫܰܒܼܗܪ̈ܳܢܶܐ܂ ܪ̈ܳܡܶܐ܂ ܡܓܼܰܕܿܦܼܳܢܶܐ̈܂ ܕܰܠܐ̱ܢܳܫܰܝܗܽܘܢ̈ ܠܳܐ ܡܶܬܿܛܦܿܺܝܣܺܝܢ܂ ܟܿܳܦܼܪ̈ܰܝ ܒܛܰܝܒܿܽܘܬܼܳܐ܂ ܪ̈ܰܫܺܝܥܶܐ܂
03:03 [ai]ܐܳܟܼܠܰܝ̈ ܩܰܪ̈ܨܶܐ܂ ܡܫܰܥܒܿܕܼܰܝ̈ ܠܪܶܓܿܬܼܳܐ܂ ܒܰܥܪ̈ܺܝܪܳܝܶܐ܂ ܣܳܢܝܰܝ̈ ܛܳܒܼܳܬܼܳܐ̈܂
03:04 [ai]ܡܰܫܠܡܳܢܶܐ̈܂ ܡܣܰܪ̈ܗܒܼܶܐ܂ ܚܬܼܺܝܪ̈ܶܐ܂ ܪ̈ܳܚܡܰܝ ܪ̈ܓܼܺܝܓܼܳܬܼܳܐ ܛܳܒܼ ܡܶܢ ܚܽܘܒܶܗ ܕܰܐܠܳܗܳܐ܃
03:05 [ai]ܕܺܐܝܬܼ ܠܗܽܘܢ ܐܶܣܟܿܺܡܳܐ ܕܕܼܶܚܠܰܬܼ ܐܰܠܳܗܳܐ܂ ܘܡܶܢ ܚܰܝܠܶܗ ܪܰܚܺܝܩܺܝܢ܂ ܐܰܝܠܶܝܢ ܕܗܳܟܼܰܢܳܐ ܐܶܢܽܘܢ܃ ܕܚܽܘܩ ܐܶܢܽܘܢ ܡܶܢܳܟܼ܂
03:06 [ai]ܡܶܢܗܽܘܢ ܐܶܢܽܘܢ ܓܶܝܪ܃ ܗܳܠܶܝܢ ܕܰܡܚܰܠܕܼܺܝܢ ܒܶܝܬܼ ܒܳܬܿܶܐ̈܃ ܘܫܳܒܼܶܝܢ ܢܶܫܶܐ̈ ܕܿܰܛܡܺܝܪ̈ܳܢ ܒܰܚܛܳܗܶܐ̈܂ ܘܡܶܬܿܕܿܰܒܼܪ̈ܳܢ ܠܰܪ̈ܓܼܺܝܓܼܳܬܼܳܐ ܡܫܰܚܠܦܼܳܬܼܳܐ̈܃
03:07 [ai]ܕܰܒܼܟܼܽܠܙܒܼܰܢ ܝܳܠܦܿܳܢ̈܂ ܘܡܶܡܬܼܽܘܡ ܠܺܝܕܼܰܥܬܼܳܐ ܕܰܫܪܳܪܳܐ ܠܡܶܐܬܼܳܐ ܠܳܐ ܡܶܫܟܿܚܺܝܢ܂
03:08 [ai]ܐܰܝܟܿܰܢܳܐ ܕܶܝܢ ܕܝܰܢܺܣ ܘܝܰܡܒܿܪܺܝܣ ܩܳܡܘ ܠܽܘܩܒܼܰܠ ܡܽܘܫܶܐ܃ ܗܳܟܼܰܢܳܐ ܐܳܦܼ ܗܶܢܽܘܢ ܩܳܝܡܺܝܢ ܠܽܘܩܒܼܰܠ ܫܪܳܪܳܐ܃ ܐ̱ܢܳܫܳܐ ܕܰܡܚܰܒܿܰܠ ܪܶܥܝܳܢܗܽܘܢ ܘܰܣܠܶܝܢ ܡܶܢ ܗܰܝܡܳܢܽܘܬܼܳܐ܂
03:09 [ai]ܐܶܠܳܐ ܠܳܐ ܢܺܐܬܼܽܘܢ ܠܰܩܕܼܳܡܰܝܗܽܘܢ܃ ܫܳܛܝܽܘܬܼܗܽܘܢ ܓܶܝܪ ܡܶܬܼܝܰܕܼܥܳܐ ܗ̱ܝ ܠܟܼܽܠܢܳܫ܃ ܐܰܝܟܿܰܢܳܐ ܕܳܐܦܼ ܕܗܳܢܽܘܢ ܐܶܬܼܝܰܕܼܥܰܬܼ܀
03:10 [ai]ܐܰܢ̱ܬܿ ܕܶܝܢ ܐܶܬܼܰܝܬܿ ܒܳܬܼܰܪ ܝܽܘܠܦܿܳܢܝ܂ ܘܒܼܳܬܼܰܪ ܕܿܽܘܒܿܳܪ̈ܰܝ܂ ܘܒܼܳܬܼܰܪ ܨܶܒܼܝܳܢܝ܂ ܘܒܼܳܬܼܰܪ ܗܰܝܡܳܢܽܘܬܼܝ܂ ܘܒܼܳܬܼܰܪ ܢܰܓܿܺܝܪܽܘܬܼ ܪܽܘܚܝ܂ ܘܒܼܳܬܼܰܪ ܚܽܘܒܿܝ܂ ܘܒܼܳܬܼܰܪ ܡܣܰܝܒܿܪܳܢܽܘܬܼܝ܂
03:11 [ai]ܘܒܼܳܬܼܰܪ ܪܕܼܺܝܦܼܽܘܬܼܝ ܘܒܼܳܬܼܰܪ ܚܰܫܰܝ̈܂ ܘܝܳܕܼܰܥ ܐܰܢ̱ܬܿ܃ ܐܰܝܠܶܝܢ ܣܰܝܒܿܪܶܬܼ ܒܰܐܢܛܺܝܳܟܼܺܝܰܐ܂ ܘܒܼܺܐܝܩܰܢܳܘܢ܂ ܘܰܒܠܽܘܣܛܪܰܐ܃ ܐܰܝܕܼܳܐ ܪܕܼܺܝܦܼܽܘܬܼܳܐ ܣܰܝܒܿܪܶܬܼ܂ ܘܡܶܢ ܟܽܠܗܶܝܢ ܦܰܨܝܰܢܝ ܡܳܪܝ܂
03:12 [ai]ܘܟܼܽܠܗܽܘܢ ܕܶܝܢ ܐܰܝܠܶܝܢ ܕܨܳܒܼܶܝܢ ܒܕܶܚܠܰܬܼ ܐܰܠܳܗܳܐ ܕܢܺܚܽܘܢ ܒܝܶܫܽܘܥ ܡܫܺܝܚܳܐ܃ ܡܶܬܼܪܰܕܼܦܿܺܝܢ܂
03:13 [ai]ܒܢܰܝܢܳܫܳܐ ܕܶܝܢ ܒܺܝܫܶܐ̈ ܘܡܰܛܥܝܳܢܶܐ̈ ܢܰܘܣܦܼܽܘܢ ܥܰܠ ܒܺܝܫܽܘܬܼܗܽܘܢ܂ ܟܰܕܼ ܛܳܥܶܝܢ ܘܡܰܛܥܶܝܢ܂
03:14 [ai]ܐܰܢ̱ܬܿ ܕܶܝܢ ܩܰܘܳܐ ܒܰܐܝܠܶܝܢ ܕܺܝܠܶܦܼܬܿ ܘܶܐܫܬܿܰܪܰܪܬܿ܃ ܝܳܕܼܰܥ ܐܰܢ̱ܬܿ ܓܶܝܪ ܡܶܢ ܡܰܢܽܘ ܺܝܠܶܦܼܬܿ܃
03:15 [ai]ܘܰܕܼܡܶܢ ܛܰܠܝܽܘܬܼܳܟܼ ܣܶܦܼܪ̈ܶܐ ܩܰܕܿܺܝܫܶܐ̈ ܝܰܠܺܝܦܼ ܐܰܢ̱ܬܿ܃ ܕܡܶܫܟܿܚܺܝܢ ܕܰܢܚܰܟܿܡܽܘܢܳܟܼ ܠܚܰܝ̈ܶܐ܂ ܒܗܰܝܡܳܢܽܘܬܼܳܐ ܕܝܶܫܽܘܥ ܡܫܺܝܚܳܐ܀
03:16 [ai]ܟܽܠ ܟܬܼܳܒܼ ܕܰܒܼܪܽܘܚܳܐ ܐܶܬܼܟܿܬܼܶܒܼ܃ ܡܰܘܬܿܪܳܢܳܐ ܗܽܘ ܠܝܽܘܠܦܿܳܢܳܐ܂ ܘܰܠܟܼܽܘܘܳܢܳܐ܂ ܘܰܠܬܼܽܘܪܳܨܳܐ܂ ܘܰܠܡܰܪܕܿܽܘܬܼܳܐ ܕܰܒܼܟܼܺܐܢܽܘܬܼܳܐ܃
03:17 [ai]ܕܢܶܗܘܶܐ ܓܡܺܝܪ ܒܰܪܢܳܫܳܐ ܕܰܐܠܳܗܳܐ܂ ܘܰܠܟܼܽܠ ܥܒܼܳܕܼ ܛܳܒܼ ܡܫܰܠܡܳܢ ܿ܀ܿ܀ܿ

next chapter