← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62056: Tit (Titus)

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

0101 [ai]ܦܿܰܘܠܳܘܣ ܥܰܒܼܕܿܶܗ ܕܰܐܠܳܗܳܐ܂ ܘܰܫܠܺܝܚܶܗ ܕܝܶܫܽܘܥ ܡܫܺܝܚܳܐ܂ ܒܗܰܝܡܳܢܽܘܬܼܳܐ ܕܰܓܼܒܼܰܝܳܐ̈ ܕܰܐܠܳܗܳܐ܂ ܘܺܝܕܼܰܥܬܼܳܐ ܕܰܫܪܳܪܳܐ ܕܰܒܼܕܼܶܚܠܰܬܼ ܐܰܠܳܗܳܐ܂
0102 [ai]ܥܰܠ ܣܰܒܼܪܳܐ ܕܚܰܝ̈ܶܐ ܕܰܠܥܳܠܰܡ܃ ܕܰܡܠܰܟܼ ܐܰܠܳܗܳܐ ܫܰܪܺܝܪܳܐ ܩܕܼܳܡ ܙܰܒܼܢܰܘܗ̱ܝ̈ ܕܥܳܠܡܳܐ܃
0103 [ai]ܘܰܓܼܠܳܐ ܡܶܠܬܼܶܗ ܒܙܰܒܼܢܳܗ ܒܝܰܕܼ ܟܳܪܽܘܙܽܘܬܼܰܢ܂ ܗܳܝ ܕܶܐܬܼܗܰܝܡܢܶܬܼ ܐܶܢܳܐ ܒܦܽܘܩܕܳܢܳܐ ܕܰܐܠܳܗܳܐ ܡܰܚܝܳܢܰܢ܃
0104 [ai]ܠܛܺܛܳܘܣ ܒܪܳܐ ܫܰܪܺܝܪܳܐ ܒܗܰܝܡܳܢܽܘܬܼܳܐ ܕܓܰܘܳܐ܂ ܛܰܝܒܿܽܘܬܼܳܐ ܘܰܫܠܳܡܳܐ܂ ܡܶܢ ܐܰܠܳܗܳܐ ܐܰܒܼܳܐ܃ ܘܡܶܢ ܡܳܪܰܢ ܝܶܫܽܘܥ ܡܫܺܝܚܳܐ ܡܰܚܝܳܢܰܢ܀
0105 [ai]ܡܶܛܽܠܗܳܢܳܐ ܗ̱ܘ ܫܒܼܰܩܬܿܳܟܼ ܗ̱ܘܺܝܬܼ ܒܰܩܪܺܛܺܐ܃ ܕܰܐܝܠܶܝܢ ܕܚܰܣܺܝܪ̈ܳܢ ܬܰܬܼܩܶܢ܂ ܘܰܬܼܩܺܝܡ ܩܰܫܺܝܫܶܐ̈ ܒܰܡܕܼܺܝܢܳܐ ܡܕܼܺܝܢܳܐ ܐܰܝܟܿܰܢܳܐ ܕܦܰܩܶܕܿܬܿܳܟܼ܃
0106 [ai]ܐܰܝܢܳܐ ܕܰܕܼܠܳܐ ܪܶܫܝܳܢ ܗ̱ܽܘ܂ ܘܰܗܘܳܐ ܒܰܥܠܳܐ ܕܰܚܕܼܳܐ ܐܰܢ̱ܬܿܬܼܳܐ܂ ܘܺܐܝܬܼ ܠܶܗ ܒܢܰܝܳܐ ܡܗܰܝܡܢܶܐ̈ ܕܠܳܐ ܡܨܰܚܶܝܢ܂ ܘܠܳܐ ܐܺܝܬܼܰܝܗܽܘܢ ܕܠܳܐ ܫܽܘܥܒܿܳܕܼ ܒܳܐܣܽܘܛܽܘܬܼܳܐ܂
0107 [ai]ܚܰܝܳܒܼ ܗ̱ܽܘ ܓܶܝܪ ܩܰܫܺܝܫܳܐ܃ ܕܢܶܗܘܶܐ ܕܠܳܐ ܪܶܫܝܳܢ܂ ܐܰܝܟܼ ܪܰܒܰܝܬܳܐ ܕܰܐܠܳܗܳܐ܂ ܘܠܳܐ ܢܶܗܘܶܐ ܡܶܬܿܕܿܰܒܰܪ ܒܪܶܥܝܳܢ ܢܰܦܼܫܶܗ܂ ܘܠܳܐ ܢܶܗܘܶܐ ܚܶܡܬܼܳܢ܂ ܘܠܳܐ ܢܶܗܘܶܐ ܥܳܒܼܰܪ ܥܰܠ ܚܰܡܪܳܐ܂ ܘܠܳܐ ܬܶܗܘܶܐ ܪܳܗܛܳܐ ܐܺܝܕܼܶܗ ܠܡܶܡܚܳܐ܂ ܘܠܳܐ ܢܶܗܘܶܐ ܪܳܚܶܡ ܝܽܘܬܼܪ̈ܳܢܶܐ ܛܰܢܦܿܶܐ̈܃
0108 [ai]ܐܶܠܳܐ ܢܶܗܘܶܐ ܪܳܚܶܡ ܐܰܟܼܣܢܳܝܶܐ̈܂ ܘܢܶܗܘܶܐ ܪܳܚܶܡ ܛܳܒܼܳܬܼܳܐ̈܂ ܘܢܶܗܘܶܐ ܢܟܼܶܦܼ܂ ܘܢܶܗܘܶܐ ܟܺܐܝܢ܂ ܘܢܶܗܘܶܐ ܚܰܣܝܳܐ܂ ܘܰܠܒܼܺܝܟܼ ܢܰܦܼܫܶܗ ܡܶܢ ܪ̈ܓܼܺܝܓܼܳܬܼܳܐ܂
0109 [ai]ܘܰܒܛܺܝܠ ܠܶܗ ܥܰܠ ܝܽܘܠܦܿܳܢܳܐ ܕܡܶܠܬܼܳܐ ܕܗܰܝܡܳܢܽܘܬܼܳܐ܃ ܕܢܶܫܟܿܰܚ ܐܳܦܼ ܠܰܡܒܼܰܝܳܐܘܽ ܒܝܽܘܠܦܿܳܢܶܗ ܚܠܺܝܡܳܐ܂ ܘܰܠܡܰܟܿܳܣܽܘ ܠܰܐܝܠܶܝܢ ܕܡܶܬܼܚܪܶܝܢ܂
0110 [ai]ܐܺܝܬܼ ܓܶܝܪ ܣܰܓܿܺܝܶܐܐ̈܂ ܕܠܳܐ ܡܶܫܬܿܰܥܒܿܕܼܺܝܢ܂ ܘܰܣܪ̈ܺܝܩܳܢ ܡܶܠܰܝܗܽܘܢ̈܂ ܘܡܰܛܥܶܝܢ ܪ̈ܶܥܝܳܢܶܐ ܕܿܰܒܼܢܰܝܢܳܫܳܐ܂ ܝܰܬܿܺܝܪܳܐܺܝܬܼ܂ ܐܰܝܠܶܝܢ ܕܡܶܢ ܓܙܽܘܪܬܳܐ ܐܶܢܽܘܢ܃
0111 [ai]ܗܳܢܽܘܢ ܕܘܳܠܶܐ ܠܰܡܣܰܟܿܳܪܽܘ ܦܽܘܡܗܽܘܢ܂ ܒܳܬܿܶܐ̈ ܓܶܝܪ ܣܰܓܿܺܝܶܐܐ̈ ܡܚܰܒܿܠܺܝܢ܃ ܘܡܰܠܦܼܺܝܢ ܡܶܕܶܡ ܕܠܳܐ ܘܳܠܶܐ ܡܶܛܽܠ ܝܽܘܬܼܪ̈ܳܢܶܐ ܛܰܢܦܿܶܐ̈܂
0112 [ai]ܐܶܡܰܪ ܐ̱ܢܳܫ ܡܶܢܗܽܘܢ ܢܒܼܺܝܳܐ ܕܺܝܠܗܽܘܢ܃ ܕܿܰܒܼܢܰܝ ܩܪ̈ܺܛܺܐ ܒܟܽܠܙܒܼܰܢ ܕܰܓܿܳܠܺܝܢ ܐܶܢܽܘܢ܃ ܚܰܝܘܳܬܼܳܐ̈ ܒܺܝܫܳܬܼܳܐ̈܂ ܘܟܼܰܪ̈ܣܳܬܼܳܐ ܒܰܛܺܝܠܳܬܼܳܐ̈܂
0113 [ai]ܘܫܰܪܺܝܪܳܐܺܝܬܼ ܐܺܝܬܼܶܝܗ ܣܳܗܕܿܽܘܬܼܳܐ ܗܳܕܼܶܐ܂ ܡܶܛܽܠ ܗܳܢܳܐ ܩܰܫܝܳܐܺܝܬܼ ܗܘܰܝܬܿ ܡܰܟܿܶܣ ܠܗܽܘܢ܃ ܕܢܶܗܘܽܘܢ ܚܠܺܝܡܺܝܢ ܒܗܰܝܡܳܢܽܘܬܼܳܐ܃
0114 [ai]ܘܠܳܐ ܢܶܬܼܪܡܽܘܢ ܠܫܽܘܥܝܳܬܼܳܐ̈ ܕܺܝܗܽܘܕܼܳܝܶܐ̈܂ ܘܰܠܦܼܽܘܩܳܕܼܶܐ̈ ܕܿܰܒܼܢܰܝܢܳܫܳܐ ܕܣܳܢܶܝܢ ܫܪܳܪܳܐ܂
0115 [ai]ܟܽܠܡܶܕܶܡ ܓܶܝܪ ܕܟܶܐ ܗ̱ܘ ܠܰܕܼܟܼܰܝܳܐ̈܂ ܠܰܐܝܠܶܝܢ ܕܶܝܢ ܕܰܡܣܰܝܒܼܺܝܢ ܘܠܳܐ ܡܗܰܝܡܢܺܝܢ܃ ܡܶܕܶܡ ܕܰܕܼܟܼܶܐ ܠܰܝܬܿ ܠܗܽܘܢ܃ ܐܶܠܳܐ ܡܣܰܝܰܒܼ ܗ̱ܽܘ ܪܶܥܝܳܢܗܽܘܢ ܘܬܼܺܐܪܬܿܗܽܘܢ܂
0116 [ai]ܘܡܰܘܕܶܝܢ ܕܝܳܕܼܥܺܝܢ ܠܰܐܠܳܗܳܐ܃ ܒܰܥܒܼܳܕܼܰܝܗܽܘܢ̈ ܕܶܝܢ ܟܳܦܼܪܺܝܢ ܒܶܗ܃ ܘܺܐܝܬܼܰܝܗܽܘܢ ܣܢܺܝܶܐܐ̈ ܘܰܕܼܠܳܐ ܦܝܳܣ܂ ܘܡܰܣܠܰܝܳܐ̈ ܠܟܼܽܠ ܥܒܼܳܕܼ ܛܳܒܼ܀

next chapter