The Comprehensive Aramaic Lexicon

01:01 [ai]	ܒܟܽܠ ܡܢܰܘܳܢ̈ ܘܰܒܟܼܽܠ ܕܶܡܘܳܢ̈܂ ܡܰܠܶܠ ܐܰܠܳܗܳܐ ܥܰܡ ܐܰܒܼܳܗܰܝܢ̈ ܒܰܢܒܼܺܝܶܐ̈ ܡܶܢ ܩܕܼܺܝܡ܂
01:02 [ai]	ܘܰܒܗܳܠܶܝܢ ܝܰܘܡܳܬܼܳܐ̈ ܐ̱ܚܪ̈ܳܝܶܐ܂ ܡܰܠܶܠ ܥܰܡܰܢ ܒܰܒܼܪܶܗ܂ ܕܠܶܗ ܣܳܡ ܝܳܪܬܳܐ ܕܟܽܠܡܶܕܶܡ܂ ܘܒܼܶܗ ܥܒܼܰܕܼ ܠܥܳܠܡܶܐ̈܂
01:03 [ai]	ܕܗܽܘܝܽܘ ܨܶܡܚܳܐ ܕܫܽܘܒܼܚܶܗ܂ ܘܨܰܠܡܳܐ ܕܺܐܝܬܼܽܘܬܼܶܗ܂ ܘܰܐܚܺܝܕܼ ܟܽܠ ܒܚܰܝܠܳܐ ܕܡܶܠܬܼܶܗ܂ ܘܗܽܘ ܒܰܩܢܽܘܡܶܗ ܥܒܼܰܕܼ ܕܽܘܟܿܳܝܳܐ ܕܰܚܛܳܗܰܝܢ̈ ܘܺܝܬܼܶܒܼ ܥܰܠ ܝܰܡܺܝܢܳܐ ܕܪܰܒܿܽܘܬܼܳܐ ܒܰܡܪ̈ܰܘܡܶܐ܂
01:04 [ai]	ܘܗܳܢܳܐ ܟܽܠܶܗ ܺܝܪܶܒܼ ܡܶܢ ܡܰܠܰܐܟܼܶܐ̈܃ ܐܰܝܟܼ ܡܳܐ ܕܰܡܝܰܬܿܰܪ ܫܡܳܐ ܕܺܝܪܶܬܼ ܡܶܢ ܕܺܝܠܗܽܘܢ܂
01:05 [ai]	ܠܰܐܝܢܳܐ ܓܶܝܪ ܡܶܢ ܡܰܠܰܐܟܼܶܐ̈ ܡܶܡܬܼܽܘܡ ܐܶܡܰܪ ܐܰܠܳܗܳܐ܂ ܕܒܶܪܝ ܐܰܢ̱ܬܿ܂ ܐܶܢܳܐ ܝܰܘܡܳܢܳܐ ܺܝܠܶܕܿܬܿܳܟܼ܃ ܘܬܼܽܘܒܼ܂ ܕܶܐܢܳܐ ܐܶܗܘܶܐ ܠܶܗ ܠܰܐܒܼܳܐ܃ ܘܗܽܘ ܢܶܗܘܶܐ ܠܺܝ ܠܰܒܼܪܳܐ܂
01:06 [ai]	ܬܽܘܒܼ ܕܶܝܢ܂ ܐܶܡܰܬܼܝ ܕܡܰܥܶܠ ܒܽܘܟܼܪܳܐ ܠܥܳܠܡܳܐ܃ ܐܶܡܰܪ܂ ܕܠܶܗ ܢܶܣܓܿܕܼܽܘܢ ܟܽܠܗܽܘܢ ܡܰܠܰܐܟܼܶܐ̈ ܕܰܐܠܳܗܳܐ܂
01:07 [ai]	ܥܰܠ ܡܰܠܰܐܟܼܶܐ̈ ܕܶܝܢ ܗܳܟܼܰܢܳܐ ܐܶܡܰܪ܂ ܕܰܥܒܼܰܕܼ ܡܰܠܰܐܟܼܰܘܗ̱ܝ̈ ܪܽܘܚ܃ ܘܰܡܫܰܡܫܳܢܰܘܗ̱ܝ̈ ܢܽܘܪ ܝܳܩܕܿܳܐ܂
01:08 [ai]	ܥܰܠ ܒܪܳܐ ܕܶܝܢ ܐܶܡܰܪ܂ ܕܟܽܘܪܣܝܳܟܼ ܕܺܝܠܳܟܼ ܐܰܠܳܗܳܐ ܠܥܳܠܰܡ ܥܳܠܡܺܝܢ܂ ܫܰܒܼܛܳܐ ܦܫܺܝܛܳܐ ܫܰܒܼܛܳܐ ܕܡܰܠܟܿܽܘܬܼܳܟܼ܂
01:09 [ai]	ܪܚܶܡܬܿ ܟܺܐܢܽܘܬܼܳܐ ܘܰܣܢܰܝܬܿ ܥܰܘܠܳܐ܃ ܡܶܛܽܠ ܗܳܢܳܐ ܡܰܫܚܳܟܼ ܐܰܠܳܗܳܐ ܐܰܠܳܗܳܟܼ܃ ܡܶܫܚܳܐ ܕܚܰܕܼܽܘܬܼܳܐ܂ ܝܰܬܿܺܝܪ ܡܶܢ ܚܰܒܼܪ̈ܰܝܟܿ܂
01:10 [ai]	ܘܬܼܽܘܒܼ܂ ܐܰܢ̱ܬܿ ܡܶܢ ܒܪܺܝܫܺܝܬܼ ܣܳܡܬܿ ܫܶܬܼܶܐܣܶܝܗ̈ ܕܰܐܪܥܳܐ܂ ܘܰܫܡܰܝܳܐ ܥܒܼܳܕܼ ܐܺܝܕܼܰܝܟܿ̈ ܐܶܢܽܘܢ܂
01:11 [ai]	ܗܶܢܽܘܢ ܢܶܥܒܿܪܽܘܢ ܘܰܐܢ̱ܬܿ ܩܰܝܳܡ ܐܰܢ̱ܬܿ܂ ܘܟܼܽܠܗܽܘܢ ܐܰܝܟܼ ܢܰܚܬܳܐ ܢܶܒܼܠܽܘܢ܂
01:12 [ai]	ܘܰܐܝܟܼ ܬܰܟܼܣܺܝܬܼܳܐ ܬܶܥܽܘܦܼ ܐܶܢܽܘܢ܂ ܗܶܢܽܘܢ ܢܶܬܼܚܰܠܦܼܽܘܢ܂ ܘܰܐܢ̱ܬܿ ܐܰܝܟܼ ܕܺܐܝܬܼܰܝܟܿ ܐܰܢ̱ܬܿ܂ ܘܰܫܢܰܝܟܿ̈ ܠܳܐ ܢܶܓܼܡܪ̈ܳܢ܂
01:13 [ai]	ܠܡܰܢ ܕܶܝܢ ܡܶܢ ܡܰܠܰܐܟܼܶܐ̈ ܡܶܡܬܼܽܘܡ ܐܶܡܰܪ܂ ܕܬܶܒܼ ܡܶܢ ܝܰܡܺܝܢܝ܃ ܥܕܼܰܡܳܐ ܕܶܐܣܺܝܡ ܒܥܶܠܕܿܒܼܳܒܼܰܝܟܿ̈ ܟܽܘܒܼܫܳܐ ܬܚܶܝܬܼ ܪ̈ܶܓܼܠܰܝܟܿ܂
01:14 [ai]	ܠܳܐ ܗܳܐ ܟܽܠܗܽܘܢ ܐܺܝܬܼܰܝܗܽܘܢ ܪ̈ܽܘܚܶܐ ܕܬܶܫܡܶܫܬܳܐ܃ ܕܡܶܫܬܿܰܕܼܪܺܝܢ ܒܬܶܫܡܶܫܬܳܐ ܡܶܛܽܠ ܐܰܝܠܶܝܢ ܕܰܥܬܼܺܝܕܼܺܝܢ ܠܡܺܐܪܰܬܼ ܚܰܝ̈ܶܐ܀

next chapter