← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62058: Heb (Hebrews)

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


04:01 [ai]ܢܶܕܼܚܰܠ ܗܳܟܼܺܝܠ܃ ܕܰܠܡܳܐ ܟܰܕܼ ܩܰܝܳܡ ܡܽܘܠܟܿܳܢܳܐ ܕܡܰܥܰܠܬܳܐ ܕܠܰܢܝܳܚܬܿܶܗ܃ ܢܶܫܬܿܟܼܰܚ ܐ̱ܢܳܫ ܡܶܢܟܼܽܘܢ ܕܦܳܐܶܫ ܡܶܢ ܕܰܠܡܶܥܰܠ܂
04:02 [ai]ܐܳܦܼ ܚܢܰܢ ܓܶܝܪ ܐܶܣܬܿܰܒܰܪܢ܂ ܐܰܝܟܼ ܕܳܐܦܼ ܗܶܢܽܘܢ܃ ܐܶܠܳܐ ܠܳܐ ܐܰܘܬܿܪܰܬܼ ܐܶܢܽܘܢ ܠܗܳܢܽܘܢ ܡܶܠܬܼܳܐ ܕܰܫܡܰܥܘ܃ ܡܶܛܽܠ ܕܠܳܐ ܡܡܰܙܓܼܳܐ ܗ̱ܘܳܬܼ ܒܗܰܝܡܳܢܽܘܬܼܳܐ ܠܗܳܢܽܘܢ ܕܫܰܡܥܽܘܗ܂
04:03 [ai]ܥܳܐܠܺܝܢܰܢ ܕܶܝܢ ܠܰܢܝܳܚܬܳܐ ܚܢܰܢ ܐܰܝܠܶܝܢ ܕܗܰܝܡܶܢܢ܂ ܐܰܝܟܿܰܢܳܐ ܕܶܝܢ ܐܶܡܰܪ܂ ܐܰܝܟܼ ܕܺܝܡܺܝܬܼ ܒܪܽܘܓܼܙܝ ܕܠܳܐ ܢܶܥܠܽܘܢ ܠܰܢܝܳܚܬܿܝ܂ ܕܗܳܐ ܥܒܼܳܕܼܰܘܗ̱ܝ̈ ܕܰܐܠܳܗܳܐ ܡܶܢ ܫܽܘܪܳܝܶܗ ܕܥܳܠܡܳܐ ܗܘܰܘ܂
04:04 [ai]ܐܰܝܟܼ ܕܶܐܡܰܪ ܥܰܠ ܫܰܒܿܬܼܳܐ܂ ܕܶܐܬܿܢܺܝܚ ܐܰܠܳܗܳܐ ܒܝܰܘܡܳܐ ܫܒܼܺܝܥܳܝܳܐ ܡܶܢ ܥܒܼܳܕܼܰܘܗ̱ܝ̈ ܟܽܠܗܽܘܢ܂
04:05 [ai]ܘܗܳܪܟܿܳܐ ܬܽܘܒܼ ܐܶܡܰܪ܂ ܕܠܳܐ ܢܶܥܠܽܘܢ ܠܰܢܝܳܚܬܿܝ܀
04:06 [ai]ܡܶܛܽܠ ܗܳܟܼܺܝܠ ܕܺܐܝܬܼ ܗ̱ܘܳܐ ܐܰܬܼܪܳܐ ܕܐ̱ܢܳܫ ܐ̱ܢܳܫ ܢܶܥܽܘܠ ܠܶܗ܃ ܘܗܳܢܽܘܢ ܕܿܶܐܣܬܿܰܒܰܪ ܘܩܰܕܼܡܳܝ̈ܶܐ ܠܳܐ ܥܰܠܘ ܒܰܕܼܠܳܐ ܐܶܬܿܛܦܿܺܝܣܘ܃
04:07 [ai]ܬܽܘܒܼ ܝܰܘܡܳܐ ܐ̱ܚܪܺܢܳܐ ܣܳܐܶܡ ܡܶܢ ܒܳܬܼܰܪ ܙܰܒܼܢܳܐ ܣܰܓܿܺܝܳܐܐ܃ ܐܰܝܟܿܰܢܳܐ ܕܡܶܢ ܠܥܶܠ ܟܬܼܺܝܒܼ ܕܶܐܡܰܪ ܕܿܰܘܺܝܕܼ܂ ܕܝܰܘܡܳܢܳܐ ܐܶܢ ܒܩܳܠܶܗ ܬܶܫܡܥܽܘܢ܃ ܠܳܐ ܬܩܰܫܽܘܢ ܠܶܒܿܰܘܳܬܼܟܼܽܘܢ̈܂
04:08 [ai]ܐܶܠܽܘ ܓܶܝܪ ܝܶܫܽܘܥ ܒܰܪ ܢܽܘܢ ܐܰܢܺܝܚ ܗ̱ܘܳܐ ܐܶܢܽܘܢ܃ ܠܳܐ ܐܳܡܰܪ ܗ̱ܘܳܐ ܡܶܢ ܒܳܬܼܰܪܟܿܶܢ ܥܰܠ ܝܰܘܡܳܐ ܐ̱ܚܪܺܢܳܐ܂
04:09 [ai]ܡܳܕܼܶܝܢ ܩܰܝܳܡ ܗ̱ܽܘ ܠܡܰܫܒܿܳܬܼܽܘ ܠܥܰܡܶܗ ܕܰܐܠܳܗܳܐ܂
04:10 [ai]ܐܰܝܢܳܐ ܓܶܝܪ ܕܥܰܠ ܠܰܢܝܳܚܬܿܶܗ܃ ܐܶܬܿܬܿܢܺܝܚ ܐܳܦܼ ܗܽܘ ܡܶܢ ܥܒܼܳܕܼܰܘܗ̱ܝ̈܃ ܐܰܝܟܼ ܕܰܐܠܳܗܳܐ ܡܶܢ ܕܺܝܠܶܗ܂
04:11 [ai]ܢܶܬܼܚܰܦܿܰܛ ܗܳܟܼܺܝܠ ܕܢܶܥܽܘܠ ܠܗܳܝ ܢܝܳܚܬܳܐ܃ ܕܠܳܐ ܢܶܦܿܶܠ ܒܰܕܼܡܽܘܬܼܳܐ ܕܗܳܢܽܘܢ ܕܠܳܐ ܐܶܬܿܛܦܿܺܝܣܘ܂
04:12 [ai]ܚܰܝܳܐ ܗ̱ܝ ܓܶܝܪ ܡܶܠܬܼܶܗ ܕܰܐܠܳܗܳܐ ܘܟܼܽܠ ܣܳܥܪܳܐ܂ ܘܚܰܪܺܝܦܼܳܐ ܛܳܒܼ ܡܶܢ ܣܰܦܼܣܺܪܳܐ ܕܿܰܬܼܪ̈ܶܝܢ ܦܽܘܡܶܝܗ̈܂ ܘܥܳܐܠܳܐ ܥܕܼܰܡܳܐ ܠܦܼܽܘܪܫܳܢܳܐ ܕܢܰܦܼܫܳܐ ܘܰܕܼܪܽܘܚܳܐ ܘܰܕܼܫܳܪ̈ܝܳܬܼܳܐ ܘܰܕܼܡܽܘܚܳܐ ܘܰܕܼܓܼܰܪ̈ܡܶܐ܂ ܘܕܼܳܝܢܳܐ ܡܰܚܫܒܼܳܬܼܳܐ̈ ܘܬܼܰܪ̈ܥܝܳܬܼܳܐ ܕܠܶܒܿܳܐ܂
04:13 [ai]ܘܠܰܝܬܿ ܒܪܺܝܬܼܳܐ ܕܛܰܫܝܳܐ ܡܶܢ ܩܕܼܳܡܶܝܗ܃ ܐܶܠܳܐ ܟܽܠ ܡܶܕܶܡ ܥܰܪܛܶܠ ܘܰܓܼܠܶܐ ܩܕܼܳܡ ܥܰܝܢܰܘܗ̱ܝ̈܃ ܕܠܶܗ ܝܳܗܒܺܝܢܰܢ ܦܶܬܼܓܼܳܡܳܐ܀
04:14 [ai]ܡܶܛܽܠ ܕܺܐܝܬܼ ܠܰܢ ܗܳܟܼܺܝܠ ܪܰܒܿ ܟܿܽܘܡܪ̈ܶܐ ܪܰܒܿܳܐ ܝܶܫܽܘܥ ܡܫܺܝܚܳܐ܂ ܒܪܶܗ ܕܰܐܠܳܗܳܐ܂ ܕܰܣܠܶܩ ܠܰܫܡܰܝܳܐ܃ ܢܚܰܡܣܶܢ ܒܬܰܘܕܿܺܝܬܼܶܗ܂
04:15 [ai]ܠܳܐ ܓܶܝܪ ܐܺܝܬܼ ܠܰܢ ܪܰܒܿܟܽܘܡ̈̈ܪܶܐ ܕܠܳܐ ܡܨܶܐ ܕܢܶܚܰܫ ܥܰܡ ܟܪܺܝܗܽܘܬܼܰܢ܃ ܐܶܠܳܐ ܕܰܡܢܰܣܰܝ ܒܟܽܠܡܶܕܶܡ ܐܰܟܼܘܳܬܼܰܢ܂ ܣܛܰܪ ܡܶܢ ܚܛܺܝܬܼܳܐ܂
04:16 [ai]ܢܶܬܼܩܰܪܰܒܼ ܗܳܟܼܺܝܠ ܒܰܓܼܠܶܐ ܥܺܝܢ ܠܟܼܽܘܪܣܝܳܐ ܕܛܰܝܒܿܽܘܬܼܶܗ܃ ܕܢܶܣܰܒܼ ܪ̈ܰܚܡܶܐ ܘܢܶܫܟܿܰܚ ܛܰܝܒܿܽܘܬܼܳܐ܃ ܠܥܽܘܕܼܪܳܢܳܐ ܒܙܰܒܼܢܳܐ ܕܽܐܘܠܨܳܢܳܐ܀

next chapter