← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62058: Heb (Hebrews)

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


06:01 [ai]ܡܶܛܽܠ ܗܳܢܳܐ ܢܶܫܒܿܽܘܩ ܫܽܘܪܳܝܳܐ ܕܡܶܠܬܼܶܗ ܕܰܡܫܺܝܚܳܐ ܘܢܺܐܬܼܶܐ ܠܰܓܼܡܺܝܪܽܘܬܼܳܐ܂ ܐܰܘ ܠܡܳܐ ܬܽܘܒܼ ܫܶܬܼܶܐܣܬܳܐ ܐ̱ܚܪܺܬܼܳܐ ܡܰܪܡܶܝܬܿܽܘܢ܃ ܠܰܬܼܝܳܒܼܽܘܬܼܳܐ ܡܶܢ ܥܒܼܳܕܼܶܐ̈ ܡܺܝܬܼܶܐ̈܂ ܘܰܠܗܰܝܡܳܢܽܘܬܼܳܐ ܕܒܰܐܠܳܗܳܐ܂
06:02 [ai]ܘܰܠܝܽܘܠܦܿܳܢܳܐ ܕܡܰܥܡܽܘܕܼܺܝܬܼܳܐ ܘܕܼܰܣܝܳܡ ܐܺܝܕܼܳܐ܂ ܘܠܰܩܝܳܡܬܳܐ ܕܡܶܢ ܒܶܝܬܼ ܡܺܝܬܼܶܐ̈܂ ܘܰܠܕܼܺܝܢܳܐ ܕܰܠܥܳܠܰܡ܂
06:03 [ai]ܐܶܢ ܡܳܪܝܳܐ ܡܰܦܿܶܣ܃ ܢܶܥܒܿܶܕܼ ܗܳܕܼܶܐ܂
06:04 [ai]ܐܶܠܳܐ ܠܳܐ ܡܶܫܟܿܚܺܝܢ ܗܳܢܽܘܢ ܕܰܚܕܼܳܐ ܙܒܼܰܢ ܠܡܰܥܡܽܘܕܼܺܝܬܼܳܐ ܢܚܶܬܼܘ ܘܰܛܥܶܡܘ ܡܰܘܗܰܒܼܬܳܐ ܕܡܶܢ ܫܡܰܝܳܐ܃ ܘܰܢܣܰܒܼܘ ܪܽܘܚܳܐ ܕܩܽܘܕܼܫܳܐ܃
06:05 [ai]ܘܰܛܥܶܡܘ ܡܶܠܬܼܳܐ ܛܳܒܼܬܼܳܐ ܕܰܐܠܳܗܳܐ܃ ܘܚܰܝܠܳܐ ܕܥܳܠܡܳܐ ܕܰܥܬܼܺܝܕܼ܃
06:06 [ai]ܕܬܽܘܒܼ ܢܶܚܛܽܘܢ܃ ܕܡܶܢ ܕܪܺܝܫ ܢܶܬܼܚܰܕܿܬܼܽܘܢ ܠܰܬܼܝܳܒܼܽܘܬܼܳܐ܃ ܘܡܶܢ ܕܪܺܝܫ ܢܶܙܩܦܼܽܘܢ ܠܰܒܼܪܶܗ ܕܰܐܠܳܗܳܐ ܘܰܢܨܰܥܪܽܘܢ܂
06:07 [ai]ܐܰܪܥܳܐ ܓܶܝܪ ܕܶܐܫܬܿܝܰܬܼ ܡܶܛܪܳܐ ܕܶܐܬܼܳܐ ܠܳܗ ܙܰܒܼܢܺܝܢ̈ ܣܰܓܿܺܝܳܐܢ̈܃ ܘܰܐܘܥܝܰܬܼ ܥܶܣܒܿܳܐ ܕܚܳܫܰܚ ܠܗܳܢܽܘܢ ܕܡܶܛܽܠܳܬܼܗܽܘܢ ܡܶܬܼܦܿܰܠܚܳܐ܃ ܡܩܰܒܠܳܐ ܒܽܘܪܟܿܬܼܳܐ ܡܶܢ ܐܰܠܳܗܳܐ܂
06:08 [ai]ܐܶܢ ܗܽܘ ܕܶܝܢ ܕܬܰܦܿܶܩ ܩܽܘܪ̈ܛܒܿܶܐ ܘܕܼܰܪ̈ܕܿܪܶܐ܃ ܗܳܘܝܳܐ ܠܳܗ ܡܰܣܠܰܝܬܳܐ ܘܠܳܐ ܪܰܚܺܝܩܳܐ ܡܶܢ ܠܰܘܛܬܼܳܐ܃ ܐܶܠܳܐ ܚܰܪܬܼܳܗ ܝܰܩܕܳܢܳܐ ܗܽܘ ܿ܀ܿ܀ܿ
06:09 [ai]ܡܦܿܺܝܣܺܝܢܰܢ ܕܶܝܢ ܥܠܰܝܟܿܽܘܢ ܐܰܚܰܝ̈܂ ܐܰܝܠܶܝܢ ܕܫܰܦܿܺܝܪ̈ܳܢ ܘܩܰܪ̈ܺܝܒܼܳܢ ܠܚܰܝ̈ܶܐ܃ ܐܳܦܼܶܢ ܗܳܟܼܰܢܳܐ ܡܡܰܠܠܺܝܢܰܢ܂
06:10 [ai]ܠܳܐ ܗ̱ܘܳܐ ܓܶܝܪ ܥܰܘܳܠ ܐܰܠܳܗܳܐ܃ ܕܢܶܛܥܶܐ ܥܒܼܳܕܼܰܝܟܿܽܘܢ̈܂ ܘܚܽܘܒܟܽܘܢ܂ ܗܰܘ ܕܚܰܘܺܝܬܿܽܘܢ ܒܰܫܡܶܗ܃ ܕܫܰܡܶܫܬܿܽܘܢ ܠܩܰܕܿܺܝܫܶܐ̈ ܘܰܡܫܰܡܫܺܝܬܿܽܘܢ܂
06:11 [ai]ܨܳܒܼܶܝܢܰܢ ܕܶܝܢ܃ ܕܐ̱ܢܳܫ ܐ̱ܢܳܫ ܡܶܢܟܼܽܘܢ ܗܺܝ ܗܳܕܼܶܐ ܚܦܼܺܝܛܽܘܬܼܳܐ ܢܚܰܘܶܐ܃ ܠܫܽܘܡܠܳܝܳܐ ܕܣܰܒܼܪܟܼܽܘܢ ܥܕܼܰܡܳܐ ܠܚܰܪܬܼܳܐ܃
06:12 [ai]ܘܰܕܼܠܳܐ ܬܶܬܼܩܰܛܰܥ ܠܟܼܽܘܢ܃ ܐܶܠܳܐ ܕܬܶܗܘܽܘܢ ܡܡܰܪ̈ܝܳܢܶܐ ܠܗܳܢܽܘܢ ܕܰܒܼܗܰܝܡܳܢܽܘܬܼܳܐ ܘܰܒܢܰܓܿܺܝܪܽܘܬܼ ܪܽܘܚܳܐ ܗܘܰܘ ܝܳܪ̈ܬܿܶܐ ܕܡܽܘܠܟܿܳܢܳܐ܂
06:13 [ai]ܠܰܐܒܼܪܳܗܳܡ ܓܶܝܪ ܟܰܕܼ ܡܠܰܟܼ ܠܶܗ ܐܰܠܳܗܳܐ܃ ܡܶܛܽܠ ܕܠܰܝܬܿ ܗ̱ܘܳܐ ܠܶܗ ܕܪܰܒܿ ܡܶܢܶܗ ܕܢܺܐܡܶܐ ܒܶܗ܃ ܺܝܡܳܐ ܒܢܰܦܼܫܶܗ܃
06:14 [ai]ܘܶܐܡܰܪ܂ ܕܰܡܒܼܰܪܳܟܼܽܘ ܐܶܒܰܪܟܼܳܟܼ܃ ܘܡܰܣܓܿܳܝܽܘ ܐܰܣܓܿܶܝܟܼ܂
06:15 [ai]ܘܗܳܟܼܰܢܳܐ ܐܶܓܼܰܪ ܪܽܘܚܶܗ ܘܩܰܒܿܶܠ ܡܽܘܠܟܿܳܢܳܐ܂
06:16 [ai]ܒܢܰܝܢܳܫܳܐ ܓܶܝܪ ܒܰܕܼܪܰܒܿ ܡܶܢܗܽܘܢ ܝܳܡܶܝܢ܂ ܘܥܰܠ ܟܽܠ ܚܶܪܝܳܢ ܕܗܳܘܶܐ ܒܰܝܢܳܬܼܗܽܘܢ܃ ܫܽܘܠܳܡܳܐ ܫܰܪܺܝܪܳܐ ܒܡܰܘܡܳܬܼܳܐ̈ ܗܳܘܶܐ ܠܶܗ܂
06:17 [ai]ܡܶܛܽܠ ܗܳܢܳܐ ܝܰܬܿܺܝܪܳܐܺܝܬܼ ܨܒܼܳܐ ܐܰܠܳܗܳܐ܃ ܕܰܢܚܰܘܶܐ ܠܝܳܪ̈ܬܿܶܐ ܕܡܽܘܠܟܿܳܢܳܐ܃ ܕܫܽܘܘ̱ܕܿܳܝܶܗ ܠܳܐ ܡܶܫܬܿܰܚܠܰܦܼ܂ ܘܚܰܒܼܫܶܗ ܒܡܰܘܡܳܬܼܳܐ̈܃
06:18 [ai]ܕܿܰܒܼܬܼܰܪ̈ܬܿܶܝܢ ܨܶܒܼܘܳܢ̈ ܕܠܳܐ ܡܶܫܬܿܰܚܠܦܼܳܢ̈܃ ܕܠܳܐ ܡܶܫܟܿܰܚ ܐܰܠܳܗܳܐ ܕܰܢܕܼܰܓܿܶܠ ܒܗܶܝܢ܃ ܒܽܘܝܳܐܳܐ ܪܰܒܿܳܐ ܢܶܗܘܶܐ ܠܰܢ ܕܶܐܬܼܓܿܰܘܰܣܢ ܒܶܗ܃ ܘܢܶܐܚܽܘܕܼ ܣܰܒܼܪܳܐ ܕܰܡܠܺܝܟܼ ܠܰܢ܃
06:19 [ai]ܗܰܘ ܕܺܐܝܬܼܰܘܗ̱ܝ ܠܰܢ ܐܰܝܟܼ ܐܶܘܩܺܝܢܳܐ܂ ܕܰܠܒܼܺܝܟܼ ܒܢܰܦܼܫܰܢ ܕܠܳܐ ܬܶܬܿܙܺܝܥ܂ ܘܥܳܐܶܠ ܠܓܼܰܘ ܡܶܢ ܐܰܦܿܰܝ̈ ܬܰܪܥܳܐ܃
06:20 [ai]ܟܰܪ ܕܿܩܰܕܶܡ ܥܰܠ ܚܠܳܦܼܰܝܢ ܝܶܫܽܘܥ܃ ܘܰܗܘܳܐ ܟܽܘܡܪܳܐ ܠܥܳܠܰܡ ܒܰܕܼܡܽܘܬܼܶܗ ܕܡܰܠܟܿܺܝܙܕܼܶܩ܂

next chapter