← Back
The Comprehensive Aramaic Lexicon
← Return to the Text Browser
click on the file description for more information
62058: Heb (Hebrews)

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


11:01 [ai]ܐܺܝܬܼܶܝܗ ܕܶܝܢ ܗܰܝܡܳܢܽܘܬܼܳܐ ܦܝܳܣܳܐ ܥܰܠ ܐܰܝܠܶܝܢ ܕܺܐܝܬܼܰܝܗܶܝܢ ܒܣܰܒܼܪܳܐ܂ ܐܰܝܟܼ ܗܰܘ ܕܰܗܘܰܝ̈ ܠܗܶܝܢ ܒܣܽܘܥܪܳܢܳܐ܂ ܘܓܼܶܠܝܳܢܳܐ ܕܰܐܝܠܶܝܢ ܕܠܳܐ ܡܶܬܼܚܰܙܝܳܢ̈܂
11:02 [ai]ܘܰܒܗܳܕܶܐ ܗܘܳܬܼ ܣܳܗܕܿܽܘܬܼܳܐ ܥܰܠ ܩܰܫܺܝܫܶܐ̈ ܿ܀ܿ܀ܿ
11:03 [ai]ܒܗܰܝܡܳܢܽܘܬܼܳܐ ܓܶܝܪ ܡܶܣܬܿܰܟܠܺܝܢܰܢ܃ ܕܶܐܬܿܬܿܰܩܰܢܘ ܥܳܠܡܶܐ̈ ܒܡܶܠܬܼܳܐ ܕܰܐܠܳܗܳܐ܃ ܘܗܳܠܶܝܢ ܕܡܶܬܼܚܰܙܝܳܢ̈ ܗ̱ܘܰܝ̈ ܡܶܢ ܐܰܝܠܶܝܢ ܕܠܳܐ ܡܶܬܼܚܰܙܝܳܢ̈܀
11:04 [ai]ܒܗܰܝܡܳܢܽܘܬܼܳܐ ܩܰܪܶܒܼ ܗܳܒܼܶܝܠ ܕܶܒܼܚܬܼܳܐ ܕܰܡܝܰܬܿܪܳܐ ܛܳܒܼ ܡܶܢ ܕܩܳܐܝܶܢ ܠܰܐܠܳܗܳܐ܂ ܘܡܶܛܽܠܳܬܼܳܗ ܗܘܳܬܼ ܥܠܰܘܗ̱ܝ ܣܳܗܕܿܽܘܬܼܳܐ ܕܟܺܐܢܳܐ ܗ̱ܘ܂ ܘܰܣܗܶܕܼ ܥܰܠ ܩܽܘܪܒܿܳܢܶܗ ܐܰܠܳܗܳܐ܂ ܘܡܶܛܽܠܳܬܼܶܗ ܐܳܦܼ ܟܰܕܼ ܡܰܝܺܝܬܼ ܡܡܰܠܶܠ܀
11:05 [ai]ܒܗܰܝܡܳܢܽܘܬܼܳܐ ܐܶܫܬܿܰܢܺܝ ܚܢܽܘܟܼ ܘܡܰܘܬܳܐ ܠܳܐ ܛܥܶܡ܂ ܘܠܳܐ ܐܶܫܬܿܟܼܰܚ܃ ܡܶܛܽܠ ܕܫܰܢܝܶܗ ܐܰܠܳܗܳܐ܂ ܡܶܢ ܩܕܼܳܡ ܕܰܢܫܰܢܶܝܘܗ̱ܝ ܓܶܝܪ܃ ܗܘܳܬܼ ܥܠܰܘܗ̱ܝ ܣܳܗܕܿܽܘܬܼܳܐ ܕܰܫܦܼܰܪ ܠܰܐܠܳܗܳܐ܂
11:06 [ai]ܕܠܳܐ ܗܰܝܡܳܢܽܘܬܼܳܐ ܕܶܝܢ ܠܳܐ ܐ̱ܢܳܫ ܡܶܫܟܿܰܚ ܕܢܶܫܦܿܰܪ ܠܰܐܠܳܗܳܐ܂ ܚܰܝܳܒܼ ܗ̱ܽܘ ܓܶܝܪ ܡܰܢ ܕܡܶܬܼܩܰܪܰܒܼ ܠܘܳܬܼ ܐܰܠܳܗܳܐ܃ ܕܰܢܗܰܝܡܶܢ ܕܺܐܝܬܼܰܘܗ̱ܝ܃ ܘܠܰܐܝܠܶܝܢ ܕܒܳܥܶܝܢ ܠܶܗ܂ ܗܳܘܶܐ ܦܳܪܽܘܥܳܐ܀
11:07 [ai]ܒܗܰܝܡܳܢܽܘܬܼܳܐ ܢܽܘܚ ܟܰܕܼ ܐܶܬܼܡܰܠܰܠ ܥܰܡܶܗ ܥܰܠ ܐܰܝܠܶܝܢ ܕܠܳܐ ܡܶܬܼܚܰܙܝܳܢ̈ ܗ̱ܘܰܝ̈܃ ܕܚܶܠ ܘܰܥܒܼܰܕܼ ܠܶܗ ܩܺܒܼܽܘܬܼܳܐ ܠܚܰܝ̈ܶܐ ܕܿܰܒܼܢܰܝ ܒܰܝܬܿܶܗ܃ ܕܒܳܗ ܚܰܝܒܼܶܗ ܠܥܳܠܡܳܐ܂ ܘܰܗܘܳܐ ܝܳܪܬܳܐ ܕܟܺܐܢܽܘܬܼܳܐ ܕܰܒܼܗܰܝܡܳܢܽܘܬܼܳܐ܀
11:08 [ai]ܒܗܰܝܡܳܢܽܘܬܼܳܐ ܐܰܒܼܪܳܗܳܡ ܟܰܕܼ ܐܶܬܼܩܪܺܝ܃ ܐܶܫܬܿܡܰܥ ܕܢܶܦܽܘܩ ܠܰܐܬܼܪܳܐ ܗܰܘ ܕܰܥܬܼܺܝܕܼ ܗ̱ܘܳܐ ܕܢܶܣܰܒܼ ܠܝܳܪܬܿܽܘܬܼܳܐ܂ ܘܰܢܦܼܰܩ ܟܰܕܼ ܠܳܐ ܝܳܕܼܰܥ ܗ̱ܘܳܐ ܠܰܐܝܟܿܳܐ ܐܳܙܶܠ܀
11:09 [ai]ܒܗܰܝܡܳܢܽܘܬܼܳܐ ܗܘܳܐ ܬܰܘܬܿܳܒܼܳܐ ܒܰܐܪܥܳܐ ܗܳܝ ܕܶܐܬܼܡܰܠܟܿܰܬܼ ܠܶܗ ܐܰܝܟܼ ܕܰܒܼܢܽܘܟܼܪܳܝܬܳܐ܂ ܘܰܒܡܰܫܟܿܢܶܐ̈ ܥܡܰܪ ܥܰܡ ܐܺܝܣܚܳܩ ܘܝܰܥܩܽܘܒܼ ܒܢܰܝ ܝܳܪܬܿܽܘܬܼܳܐ ܕܺܝܠܶܗ ܕܡܽܘܠܟܿܳܢܳܐ܂
11:10 [ai]ܡܣܰܟܿܶܐ ܗ̱ܘܳܐ ܓܶܝܪ ܠܰܡܕܼܺܝܢ̱ܬܳܐ ܕܫܶܬܼܶܐܣܬܼܳܐ ܐܺܝܬܼ ܠܳܗ܂ ܕܽܐܘܡܳܢܳܗ ܘܥܳܒܼܽܘܕܼܳܗ ܐܰܠܳܗܳܐ ܗ̱ܘ܀
11:11 [ai]ܒܗܰܝܡܳܢܽܘܬܼܳܐ ܐܳܦܼ ܣܰܪܳܐ ܕܰܥܩܰܪܬܼܳܐ ܗ̱ܘܳܬܼ܃ ܢܶܣܒܿܰܬܼ ܚܰܝܠܳܐ ܕܰܬܼܩܰܒܿܶܠ ܙܰܪܥܳܐ܂ ܘܰܕܼܠܳܐ ܒܙܰܒܼܢܳܐ ܕܰܫܢܶܝܗ̈ ܝܶܠܕܿܰܬܼ܃ ܥܰܠ ܕܰܐܫܪܰܬܼ ܕܰܡܗܰܝܡܰܢ ܗ̱ܽܘ ܗܰܘ ܕܰܡܠܰܟܼ ܠܳܗ܂
11:12 [ai]ܡܶܛܽܠ ܗܳܢܳܐ ܡܶܢ ܚܰܕܼ ܕܰܒܼܛܶܠ ܒܣܰܝܒܿܽܘܬܼܳܐ܃ ܐܶܬܼܺܝܠܶܕܼܘ ܣܰܓܿܺܝܶܐܐ̈ ܐܰܝܟܼ ܟܰܘܟܿܒܼܶܐ̈ ܕܒܰܫܡܰܝܳܐ܂ ܘܰܐܝܟܼ ܚܳܠܳܐ ܕܥܰܠ ܣܶܦܼܬܼܶܗ ܕܝܰܡܳܐ ܕܡܶܢܝܳܢ ܠܰܝܬܿ ܠܶܗ܀
11:13 [ai]ܒܗܰܝܡܳܢܽܘܬܼܳܐ ܡܺܝܬܼܘ ܗܳܠܶܝܢ ܟܽܠܗܽܘܢ ܘܠܳܐ ܢܣܰܒܼܘ ܡܽܘܠܟܿܳܢܗܽܘܢ܂ ܐܶܠܳܐ ܡܶܢ ܪܽܘܚܩܳܐ ܚܙܰܐܘܽܗ̱ܝ ܘܰܚܕܼܺܝܘ ܒܶܗ܂ ܘܰܐܘܕܿܺܝܘ ܕܰܐܟܼܣܢܳܝܶܐ̈ ܐܶܢܽܘܢ ܘܬܼܰܘܬܿܳܒܼܶܐ̈ ܒܰܐܪܥܳܐ܂
11:14 [ai]ܐܰܝܠܶܝܢ ܕܶܝܢ ܕܗܳܠܶܝܢ ܐܳܡܪܺܝܢ܃ ܡܚܰܘܶܝܢ ܕܠܰܡܕܼܺܝܢ̱ܬܿܗܽܘܢ ܒܿܳܥܶܝܢ܂
11:15 [ai]ܘܶܐܠܽܘ ܠܰܡܕܼܺܝܢ̱ܬܳܐ ܗܳܝ ܕܰܢܦܼܰܩܘ ܡܶܢܳܗ ܒܿܳܥܶܝܢ ܗ̱ܘܰܘ܃ ܐܺܝܬܼ ܗ̱ܘܳܐ ܠܗܽܘܢ ܙܰܒܼܢܳܐ ܕܬܽܘܒܼ ܢܶܗܦܿܟܼܽܘܢ ܢܺܐܙܽܠ̱ܘܢ ܠܳܗ܂
11:16 [ai]ܗܳܫܳܐ ܕܶܝܢ ܺܝܕܼܺܝܥܳܐ܃ ܕܿܠܰܕܛܳܒܼܳܐ ܡܶܢܳܗ ܪܳܓܿܺܝܢ ܗ̱ܘܰܘ܂ ܠܗܳܝ ܕܺܐܝܬܼܶܝܗ ܒܰܫܡܰܝܳܐ܂ ܡܶܛܽܠ ܗܳܢܳܐ ܠܳܐ ܢܟܼܶܦܼ ܐܰܠܳܗܳܐ܃ ܕܰܐܠܳܗܗܽܘܢ ܢܶܬܼܩܪܶܐ܂ ܛܰܝܶܒܼ ܠܗܽܘܢ ܓܶܝܪ ܡܕܼܺܝܢ̱ܬܳܐ܀
11:17 [ai]ܒܗܰܝܡܳܢܽܘܬܼܳܐ ܩܰܪܶܒܼ ܐܰܒܼܪܳܗܳܡ ܠܺܐܝܣܚܳܩ ܒܢܶܣܝܽܘܢܶܗ܃ ܘܠܺܝܚܺܝܕܼܶܗ ܐܰܣܶܩ ܠܡܰܕܼܒܿܚܳܐ܂ ܠܗܰܘ ܕܩܰܒܿܶܠ ܗ̱ܘܳܐ ܒܡܽܘܠܟܿܳܢܳܐ܂
11:18 [ai]ܐܶܬܼܶܐܡܰܪ ܗ̱ܘܳܐ ܠܶܗ ܓܶܝܪ܂ ܕܒܺܐܝܣܚܳܩ ܢܶܬܼܩܪܶܐ ܠܳܟܼ ܙܰܪܥܳܐ܂
11:19 [ai]ܘܶܐܬܼܪܰܥܺܝ ܗ̱ܘܳܐ ܒܢܰܦܼܫܶܗ܃ ܕܡܳܛܝܳܐ ܒܺܐܝܕܼܰܘܗ̱ܝ̈ ܕܰܐܠܳܗܳܐ ܐܳܦܼ ܡܶܢ ܡܺܝܬܼܶܐ̈ ܠܰܡܩܳܡܽܘ܂ ܘܡܶܛܽܠ ܗܳܢܳܐ ܒܡܰܬܼܠܳܐ ܐܶܬܼܺܝܗܶܒܼ ܠܶܗ܀
11:20 [ai]ܒܗܰܝܡܳܢܽܘܬܼܳܐ ܕܿܡܶܕܶܡ ܕܰܥܬܼܺܝܕܼ ܗ̱ܘܳܐ܃ ܒܰܪܶܟܼ ܐܺܝܣܚܳܩ ܠܝܰܥܩܽܘܒܼ ܘܰܠܥܺܣܽܘ܀
11:21 [ai]ܒܗܰܝܡܳܢܽܘܬܼܳܐ ܟܰܕܼ ܡܳܐܶܬܼ ܝܰܥܩܽܘܒܼ܃ ܒܰܪܶܟܼ ܠܟܼܽܠ ܚܰܕܼ ܚܰܕܼ ܡܶܢ ܒܢܰܘܗ̱ܝ ܕܝܰܘܣܶܦܼ ܘܰܣܓܼܶܕܼ ܥܰܠ ܪܺܝܫ ܚܽܘܛܪܶܗ܀
11:22 [ai]ܒܗܰܝܡܳܢܽܘܬܼܳܐ ܝܰܘܣܶܦܼ ܟܰܕܼ ܡܳܐܶܬܼ܃ ܥܶܗܰܕܼ ܠܡܰܦܿܰܩܬܼܳܐ ܕܿܰܒܼܢܰܝ ܐܺܝܣܪܳܝܶܠ ܘܦܼܰܩܶܕܼ ܥܰܠ ܓܿܰܪ̈ܡܰܘܗ̱ܝ܀
11:23 [ai]ܒܗܰܝܡܳܢܽܘܬܼܳܐ ܐܰܒܼܳܗܰܘܗ̱ܝ̈ ܕܡܽܘܫܶܐ ܛܰܫܝܽܘܗ̱ܝ܃ ܟܰܕܼ ܐܶܬܼܺܝܠܶܕܼ܂ ܝܰܪ̈ܚܶܐ ܬܠܳܬܼܳܐ܃ ܕܰܚܙܰܘ ܕܫܰܦܿܺܝܪ ܗ̱ܘܳܐ ܛܰܠܝܳܐ܂ ܘܠܳܐ ܕܚܶܠܘ ܡܶܢ ܦܽܘܩܕܳܢܳܐ ܕܡܰܠܟܿܳܐ܀
11:24 [ai]ܒܗܰܝܡܳܢܽܘܬܼܳܐ ܡܽܘܫܶܐ ܟܰܕܼ ܗܘܳܐ ܓܰܒܼܪܳܐ܂ ܟܦܼܰܪ܃ ܕܠܳܐ ܢܶܬܼܩܪܶܐ ܒܪܳܐ ܠܒܼܰܪܬܼܶܗ ܕܦܶܪܥܽܘܢ܂
11:25 [ai]ܘܰܓܼܒܼܳܐ ܠܶܗ ܕܒܽܐܘܠܨܳܢܳܐ ܥܰܡ ܥܰܡܶܗ ܕܰܐܠܳܗܳܐ ܢܶܗܘܶܐ܃ ܘܠܳܐ ܕܰܙܒܼܰܢ ܙܥܽܘܪ ܢܶܬܼܒܿܰܣܰܡ ܒܰܚܛܺܝܬܼܳܐ܂
11:26 [ai]ܘܶܐܬܼܪܰܥܺܝ ܕܰܡܝܰܬܿܰܪ ܗ̱ܽܘ ܥܽܘܬܼܪܳܐ ܕܚܶܣܕܿܶܗ ܕܰܡܫܺܝܚܳܐ܂ ܛܳܒܼ ܡܶܢ ܣܺܝܡܳܬܼܳܗ̈ ܕܡܶܨܪܶܝܢ܂ ܚܳܐܰܪ ܗ̱ܘܳܐ ܓܶܝܪ ܒܦܽܘܪܥܳܢ ܐܰܓܼܪܳܐ܀
11:27 [ai]ܒܗܰܝܡܳܢܽܘܬܼܳܐ ܫܰܒܼܩܳܗ ܠܡܶܨܪܶܝܢ܃ ܘܠܳܐ ܕܚܶܠ ܡܶܢ ܚܶܡܬܼܶܗ ܕܡܰܠܟܿܳܐ܂ ܘܣܰܝܒܰܪ ܐܰܝܟܼ ܗܰܘ ܕܚܳܙܶܐ ܗ̱ܘܳܐ ܠܰܐܠܳܗܳܐ ܕܠܳܐ ܡܶܬܼܚܙܶܐ܀
11:28 [ai]ܒܗܰܝܡܳܢܽܘܬܼܳܐ ܥܒܼܰܕܼ ܦܶܨܚܳܐ ܘܰܪܣܳܣ ܕܡܳܐ܃ ܕܠܳܐ ܢܶܬܼܩܰܪܰܒܼ ܠܗܽܘܢ ܗܰܘ ܕܰܡܚܰܒܿܶܠ ܗ̱ܘܳܐ ܒܽܘܟܼܪ̈ܶܐ܀
11:29 [ai]ܒܗܰܝܡܳܢܽܘܬܼܳܐ ܥܒܼܰܪܘ ܝܰܡܳܐ ܕܼܣܽܘܦܼ ܐܰܝܟܼ ܕܥܰܠ ܐܰܪܥܳܐ ܝܰܒܺܝܫܬܳܐ܂ ܘܒܼܶܗ ܐܶܬܼܒܿܠܰܥܘ ܡܶܨܪ̈ܳܝܶܐ܃ ܟܰܕܼ ܐܰܡܪܰܚܘ ܥܠܰܘܗ̱ܝ܀
11:30 [ai]ܒܗܰܝܡܳܢܽܘܬܼܳܐ ܫܽܘܪ̈ܶܝܗ ܕܺܐܝܪܺܝܚܽܘ ܢܦܼܰܠܘ܃ ܡܶܢ ܕܶܐܬܼܟܿܪܶܟܼܘ ܫܰܒܼܥܳܐ ܝܰܘܡܺܝܢ̈܀
11:31 [ai]ܒܗܰܝܡܳܢܽܘܬܼܳܐ ܪܳܚܳܒܼ ܙܳܢܺܝܬܼܳܐ ܠܳܐ ܐܶܒܼܕܿܰܬܼ ܥܰܡ ܗܳܢܽܘܢ ܕܠܳܐ ܐܶܫܬܿܡܰܥܘ܃ ܕܩܰܒܿܠܰܬܼ ܠܓܼܳܫܽܘܫܶܐ̈ ܒܰܫܠܳܡܳܐ܀
11:32 [ai]ܘܡܳܢܳܐ ܬܽܘܒܼ ܐܺܡܰܪ܂ ܙܥܽܘܪ ܗ̱ܽܘ ܠܺܝ ܓܶܝܪ ܙܰܒܼܢܳܐ܃ ܕܶܐܫܬܿܰܥܶܐ ܥܰܠ ܓܿܶܕܼܥܽܘܢ܂ ܘܥܰܠ ܒܿܳܪܳܩ܂ ܘܥܰܠ ܫܶܡܫܽܘܢ܂ ܘܥܰܠ ܢܰܦܼܬܿܰܚ܂ ܘܥܰܠ ܕܿܰܘܺܝܕܼ܂ ܘܥܰܠ ܫܡܽܘܐܝܶܠ܂ ܘܥܰܠ ܫܰܪܟܿܳܐ ܕܰܢܒܼܺܝܶܐ̈܂
11:33 [ai]ܐܰܝܠܶܝܢ ܕܰܒܼܗܰܝܡܳܢܽܘܬܼܳܐ ܙܟܼܰܘ ܠܡܰܠܟܿܘܳܬܼܳܐ̈܂ ܘܰܦܼܠܰܚܘ ܟܺܐܢܽܘܬܼܳܐ܂ ܘܩܰܒܿܶܠܘ ܡܽܘܠܟܿܳܢܶܐ̈܂ ܘܣܰܟܰܪܘ ܦܽܘܡܳܐ ܕܿܰܐܪ̈ܝܰܘܳܬܼܳܐ܂
11:34 [ai]ܘܕܼܰܥܶܟܼܘ ܚܰܝܠܳܐ ܕܢܽܘܪܳܐ܂ ܘܶܐܬܼܦܰܨܺܝܘ ܡܶܢ ܦܽܘܡܳܐ ܕܣܰܝܦܿܳܐ܂ ܘܶܐܬܼܚܰܝܰܠܘ ܡܶܢ ܟܿܽܘܪ̈ܗܳܢܶܐ܂ ܘܰܗܘܰܘ ܚܰܝܠܬܼܳܢܶܐ̈ ܒܰܩܪܳܒܼܳܐ܂ ܘܣܰܚܶܦܼܘ ܡܰܫܪ̈ܝܳܬܼܳܐ ܕܰܒܼܥܶܠܕܿܒܼܳܒܼܶܐ̈܂
11:35 [ai]ܘܝܰܗ̱ܒܼܘ ܠܢܶܫܶܐ̈ ܒܢܰܝܗܶܝܢ ܡܶܢ ܩܝܳܡܬܳܐ ܕܡܺܝܬܼܶܐ̈܂ ܘܰܐ̱ܚܪ̈ܳܢܶܐ ܒܫܶܢܕܿܶܐ̈ ܡܺܝܬܼܘ܂ ܘܠܳܐ ܣܰܟܿܺܝܘ ܠܡܶܬܼܦܿܰܨܳܝܽܘ܃ ܕܰܩܝܳܡܬܳܐ ܡܝܰܬܿܰܪܬܳܐ ܬܶܗܘܶܐ ܠܗܽܘܢ܂
11:36 [ai]ܐ̱ܚܪ̈ܳܢܶܐ ܕܶܝܢ ܠܒܼܶܙܚܳܐ ܘܰܠܢܶܓܼܕܿܶܐ̈ ܥܰܠܘ܂ ܐ̱ܚܪ̈ܳܢܶܐ ܠܰܐܣܽܘܪ̈ܶܐ ܘܠܰܚܒܼܽܘܫܝܶܐ̈ ܐܶܫܬܿܠܶܡܘ܂
11:37 [ai]ܐ̱ܚܪ̈ܳܢܶܐ ܐܶܬܼܪܓܼܶܡܘ܂ ܐ̱ܚܪ̈ܳܢܶܐ ܐܶܬܼܢܣܰܪܘ܂ ܐ̱ܚܪ̈ܳܢܶܐ ܒܦܽܘܡܳܐ ܕܣܰܝܦܿܳܐ ܡܺܝܬܼܘ܂ ܐ̱ܚܪ̈ܳܢܶܐ ܐܶܬܼܟܿܪܶܟܼܘ܂ ܟܰܕܼ ܠܒܼܺܝܫܺܝܢ ܡܶܫܟܿܶܐ̈ ܕܿܶܐܡܪ̈ܶܐ ܘܰܕܼܥܶܙܶܐ̈܂ ܘܰܣܢܺܝܩܺܝܢ܂ ܘܰܐܠܺܝܨܺܝܢ܂ ܘܰܡܛܰܪܦܼܺܝܢ܂
11:38 [ai]ܐ̱ܢܳܫܳܐ ܕܠܳܐ ܫܳܘܶܐ ܗ̱ܘܳܐ ܠܗܽܘܢ ܥܳܠܡܳܐ܂ ܘܰܗܘܰܘ ܐܰܝܟܼ ܛܳܥܰܝܳܐ̈ ܒܚܽܘܪܒܿܳܐ܂ ܘܰܒܛܽܘܪ̈ܶܐ܂ ܘܒܼܰܡܥܰܪ̈ܶܐ܂ ܘܰܒܦܼܶܥܪ̈ܶܝܗ ܕܰܐܪܥܳܐ܂
11:39 [ai]ܘܗܳܠܶܝܢ ܟܽܠܗܽܘܢ ܕܰܗܘܳܬܼ ܥܠܰܝܗܽܘܢ ܣܳܗܕܿܽܘܬܼܳܐ ܒܗܰܝܡܳܢܽܘܬܼܗܽܘܢ܃ ܠܳܐ ܩܰܒܿܶܠܘ ܡܽܘܠܟܿܳܢܳܐ܃
11:40 [ai]ܡܶܛܽܠ ܕܰܐܠܳܗܳܐ ܩܰܕܶܡ ܚܳܪ ܒܥܽܘܕܼܪܳܢܰܢ ܕܺܝܠܰܢ܃ ܕܠܳܐ ܒܶܠܥܳܕܼܰܝܢ ܢܶܬܼܓܿܰܡܪܽܘܢ܀

next chapter