← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62059: Js (James)

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


03:01 [ai]ܠܳܐ ܣܰܓܿܺܝܶܐܐ̈ ܡܰܠܦܼܳܢܶܐ̈ ܢܶܗܘܽܘܢ ܒܟܽܘܢ܂ ܐܰܚܰܝ̈܂ ܐܶܠܳܐ ܗܘܰܝܬܿܽܘܢ ܝܳܕܼܥܺܝܢ܃ ܕܕܼܺܝܢܳܐ ܝܰܬܿܺܝܪܳܐ ܚܰܝܳܒܼܺܝܢܰܢ܂
03:02 [ai]ܣܰܓܿܺܝܳܐܬܼܳܐ̈ ܓܶܝܪ ܡܶܫܬܿܰܪܥܺܝܢܰܢ ܟܽܠܰܢ܂ ܟܽܠ ܕܰܒܼܡܶܠܬܼܳܐ ܠܳܐ ܫܳܪܰܥ܃ ܗܳܢܳܐ ܐܺܝܬܼܰܘܗ̱ܝ ܓܰܒܼܪܳܐ ܓܡܺܝܪܳܐ܃ ܕܡܶܫܟܿܰܚ ܢܫܰܥܒܿܶܕܼ ܐܳܦܼ ܟܽܠܶܗ ܦܰܓܼܪܶܗ܂
03:03 [ai]ܗܳܐ ܓܶܝܪ ܦܓܼܽܘܕܼܶܐ̈ ܒܦܽܘܡܳܐ ܕܿܪ̈ܰܟܼܫܳܐ ܪܳܡܶܝܢܰܢ܃ ܐܰܝܟܼ ܕܢܶܫܬܿܰܥܒܿܕܼܽܘܢ ܠܰܢ܂ ܘܟܼܽܠܶܗ ܓܽܘܫܡܗܽܘܢ ܡܰܗܦܿܟܼܺܝܢܰܢ܂
03:04 [ai]ܐܳܦܼ ܐܶܠܦܼܶܐ̈ ܥܰܫܺܝܢܳܬܼܳܐ̈ ܟܰܕܼ ܕܒܺܝܪ̈ܳܢ ܠܗܶܝܢ ܪ̈ܽܘܚܶܐ ܩܰܫܝܳܬܼܳܐ̈܃ ܡܶܢ ܩܰܝܣܳܐ ܙܥܽܘܪܳܐ ܡܶܬܼܢܰܬܿܦܼܳܢ̈܃ ܠܰܐܬܼܰܪ ܕܚܳܐܰܪ ܨܶܒܼܝܳܢܶܗ ܕܗܰܘ ܕܰܡܕܼܰܒܰܪ܂
03:05 [ai]ܗܳܟܼܰܢܳܐ ܐܳܦܼ ܠܶܫܳܢܳܐ܃ ܗܰܕܿܳܡܳܐ ܗ̱ܘ ܙܥܽܘܪܳܐ ܘܡܶܫܬܿܰܥܠܶܐ܂ ܐܳܦܼ ܢܽܘܪܳܐ ܙܥܽܘܪܬܳܐ ܥܳܒܼܶܐ̈ ܣܰܓܿܺܝܶܐܐ̈ ܡܰܘܩܕܼܳܐ܂
03:06 [ai]ܘܠܶܫܳܢܳܐ ܢܽܘܪܳܐ ܗ̱ܘ܃ ܘܥܳܠܡܳܐ ܕܰܚܛܺܝܬܼܳܐ ܐܰܝܟܼ ܥܳܒܼܳܐ ܗ̱ܘ܂ ܘܗܽܘ ܠܶܫܳܢܳܐ ܟܰܕܼ ܐܺܝܬܼܰܘܗ̱ܝ ܒܗܰܕܿܳܡܰܝܢ̈܃ ܡܟܼܰܬܿܶܡ ܠܶܗ ܠܟܼܽܠܶܗ ܦܰܓܼܪܰܢ܂ ܘܡܰܘܩܶܕܼ ܝܽܘܒܳܠܶܐ̈ ܕܿܫܰܪ̈ܒܼܳܬܼܰܢ ܕܪܳܗܛܺܝܢ ܐܰܝܟܼ ܓܺܝܓܼܠܶܐ̈܂ ܘܝܳܩܶܕܼ ܐܳܦܼ ܗܽܘ ܒܢܽܘܪܳܐ܂
03:07 [ai]ܟܽܠܗܽܘܢ ܓܶܝܪ ܟܝܳܢܶܐ̈ ܕܚܰܝܘܳܬܼܳܐ̈ ܘܰܕܼܦܼܳܪܰܚܬܼܳܐ܃ ܘܪܰܚܫܳܐ ܕܝܰܡܳܐ ܘܰܕܼܝܰܒܼܫܳܐ܃ ܡܶܫܬܿܰܥܒܿܕܼܺܝܢ ܠܰܟܼܝܳܢܳܐ ܕܐ̱ܢܳܫܽܘܬܼܳܐ܂
03:08 [ai]ܠܶܫܳܢܳܐ ܕܶܝܢ ܐ̱ܢܳܫ ܠܳܐ ܐܶܫܟܿܰܚ ܕܢܶܟܼܒܿܫܺܝܘܗ̱ܝ܂ ܒܺܝܫܬܳܐ ܗܳܕܼܶܐ ܕܠܳܐ ܡܶܬܿܬܿܰܟܼܣܳܐ܂ ܡܠܶܐ ܗ̱ܽܘ ܣܰܡܳܐ ܕܡܰܘܬܳܐ܂
03:09 [ai]ܒܶܗ ܡܒܼܰܪܟܼܺܝܢܰܢ ܠܡܳܪܝܳܐ ܘܰܐܒܼܳܐ܃ ܘܒܼܶܗ ܠܳܝܛܺܝܢܰܢ ܠܰܒܼܢܰܝܢܳܫܳܐ ܕܒܰܕܼܡܽܘܬܼܳܐ ܕܰܐܠܳܗܳܐ ܥܒܼܺܝܕܼܺܝܢ܂
03:10 [ai]ܘܡܶܢܶܗ ܡܶܢ ܦܽܘܡܳܐ ܢܳܦܼܩܳܢ̈ ܒܽܘܪ̈ܟܿܳܬܼܳܐ ܘܠܰܘܛܳܬܼܳܐ̈܂ ܠܳܐ ܘܳܠܶܐ ܐܰܚܰܝ̈܃ ܕܗܳܠܶܝܢ ܗܳܟܼܰܢܳܐ ܢܶܣܬܿܰܥܪ̈ܳܢ܂
03:11 [ai]ܕܰܠܡܳܐ ܡܶܫܟܿܚܳܐ ܕܡܶܢ ܚܰܕܼ ܡܰܒܿܽܘܥܳܐ܃ ܢܶܦܿܩܽܘܢ ܡܰܝܳܐ̈ ܚܠܰܝܳܐ̈ ܘܡܰܪ̈ܺܝܪܶܐ܂
03:12 [ai]ܐܰܘ ܕܰܠܡܳܐ ܡܶܫܟܿܚܳܐ ܬܿܺܬܳܐ ܐܰܚܰܝ̈܃ ܕܙܰܝܬܿܶܐ̈ ܬܶܥܒܿܶܕܼ܃ ܐܰܘ ܓܦܼܶܬܳܐ ܬܺܐܢܶܐ̈܂ ܗܳܟܼܰܢܳܐ ܐܳܦܼ ܠܳܐ ܡܰܝܳܐ̈ ܡܰܠܺܝܚܶܐ̈ ܡܶܫܟܿܚܺܝܢ܃ ܕܢܶܬܼܥܰܒܼܕܿܽܘܢ ܚܠܰܝܳܐ̈܀
03:13 [ai]ܡܰܢܽܘ ܡܶܢܟܼܽܘܢ ܕܚܰܟܿܺܝܡ ܘܰܪܕܼܶܐ܃ ܢܚܰܘܶܐ ܥܒܼܳܕܼܰܘܗ̱ܝ̈ ܒܗܽܘܦܿܳܟܼܶܐ̈ ܫܰܦܿܺܝܪ̈ܶܐ܂ ܒܚܶܟܼܡܬܼܳܐ ܡܰܟܿܺܝܟܼܬܳܐ܂
03:14 [ai]ܐܶܢ ܕܶܝܢ ܚܣܳܡܳܐ ܡܰܪܺܝܪܳܐ ܐܺܝܬܼ ܒܟܽܘܢ܃ ܐܰܘ ܚܶܪܝܳܢܳܐ ܒܿܠܶܒܰܝܟܿܽܘܢ̈܃ ܠܳܐ ܬܶܬܼܚܰܬܿܪܽܘܢ ܥܰܠ ܩܽܘܫܬܳܐ ܘܰܬܿܕܼܰܓܿܠܽܘܢ܂
03:15 [ai]ܡܶܛܽܠ ܕܗܳܕܼܶܐ ܚܶܟܼܡܬܼܳܐ ܡܶܢ ܠܥܶܠ ܠܳܐ ܢܶܚܬܿܰܬܼ܃ ܐܶܠܳܐ ܐܺܝܬܼܶܝܗ ܐܰܪܥܳܢܳܝܬܳܐ܃ ܡܶܢ ܚܽܘܫܳܒܼܶܐ̈ ܕܢܰܦܼܫܳܐ܂ ܘܡܶܢ ܫܺܐܕܼܶܐ̈܂
03:16 [ai]ܐܰܝܟܿܳܐ ܓܶܝܪ ܕܺܐܝܬܼ ܚܣܳܡܳܐ ܘܚܶܪܝܳܢܳܐ܃ ܬܰܡܳܢ ܐܳܦܼ ܕܠܽܘܚܝܳܐ ܘܟܼܽܠܡܶܕܶܡ ܕܒܺܝܫ܂
03:17 [ai]ܚܶܟܼܡܬܼܳܐ ܕܶܝܢ ܕܡܶܢ ܠܥܶܠ܃ ܕܰܟܼܝܳܐ ܗ̱ܝ ܘܡܰܠܝܳܐ ܫܠܳܡܳܐ܂ ܘܡܰܟܿܺܝܟܼܳܐ ܘܡܶܫܬܿܰܡܥܳܢܝܳܐ ܂ܘܡܰܠܝܳܐ ܪ̈ܰܚܡܶܐ ܘܦܼܺܐܪ̈ܶܐ ܛܳܒܼܶܐ̈܂ ܘܰܕܼܠܳܐ ܦܳܠܓܿܽܘܬܼܳܐ ܗ̱ܝ܂ ܘܒܼܰܐܦܿܶܐ̈ ܠܳܐ ܢܳܣܒܿܳܐ܂
03:18 [ai]ܦܿܺܐܪ̈ܶܐ ܕܶܝܢ ܕܙܰܕܿܺܝܩܽܘܬܼܳܐ܃ ܒܫܰܝܢܳܐ ܡܶܙܕܿܰܪܥܺܝܢ ܠܰܐܝܠܶܝܢ ܕܥܳܒܼܕܺܝܢ ܫܠܳܡܳܐ܂

next chapter