← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62059: Js (James)

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


04:01 [ai]ܡܶܢ ܐܰܝܟܿܳܐ ܐܺܝܬܼ ܒܟܽܘܢ ܩܪ̈ܳܒܼܶܐ ܘܡܰܨܘܳܬܼܳܐ̈܂ ܠܳܐ ܗ̱ܘܳܐ ܡܶܢ ܪ̈ܓܼܺܝܓܼܳܬܼܳܐ ܕܿܡܰܩܪ̈ܒܼܳܢ ܒܗܰܕܿܳܡܰܝܟܿܽܘܢ̈܃
04:02 [ai]ܡܶܬܼܪܰܓܼܪܓܼܺܝܢ ܐܢ̱ܬܿܽܘܢ ܘܠܰܝܬܿ ܠܟܼܽܘܢ܂ ܘܩܳܛܠܺܝܢ ܐܢ̱ܬܿܽܘܢ ܘܛܳܢܺܝܢ ܐܢ̱ܬܿܽܘܢ܃ ܘܠܳܐ ܐܳܬܼܝܳܐ ܒܺܐܝܕܼܰܝܟܿܽܘܢ̈܂ ܘܢܳܨܶܝܢ ܐܢ̱ܬܿܽܘܢ ܘܰܩܪ̈ܳܒܼܶܐ ܥܳܒܼܕܺܝܢ ܐܢ̱ܬܿܽܘܢ܃ ܘܠܰܝܬܿ ܠܟܼܽܘܢ܃ ܡܶܛܽܠ ܕܠܳܐ ܫܳܐܠܺܝܢ ܐܢ̱ܬܿܽܘܢ܂
04:03 [ai]ܫܳܐܠܺܝܢ ܐܢ̱ܬܿܽܘܢ ܘܠܳܐ ܢܳܣܒܺܝܢ ܐܢ̱ܬܿܽܘܢ܃ ܡܶܛܽܠ ܕܒܺܝܫܳܐܺܝܬܼ ܫܳܐܠܺܝܢ ܐܢ̱ܬܿܽܘܢ܃ ܐܰܝܟܼ ܕܰܬܿܬܼܰܪܣܽܘܢ ܪ̈ܓܼܺܝܓܼܳܬܼܟܼܽܘܢ܂
04:04 [ai]ܓܿܰܝܳܪ̈ܶܐ܃ ܠܳܐ ܝܳܕܼܥܺܝܢ ܐܢ̱ܬܿܽܘܢ ܕܪܶܚܡܬܼܶܗ ܕܥܳܠܡܳܐ ܗܳܢܳܐ ܒܥܶܠܕܿܒܼܳܒܼܽܘܬܼܳܐ ܗ̱ܝ ܕܰܐܠܳܗܳܐ܃ ܐܰܝܢܳܐ ܗܳܟܼܺܝܠ ܕܨܳܒܼܶܐ ܕܢܶܗܘܶܐ ܪܳܚܡܳܐ ܕܥܳܠܡܳܐ ܗܳܢܳܐ܃ ܒܥܶܠܕܿܒܼܳܒܼܳܐ ܗܳܘܶܐ ܠܰܐܠܳܗܳܐ܀
04:05 [ai]ܐܰܘ ܕܰܠܡܳܐ ܣܪܺܝܩܳܐܺܝܬܼ ܣܳܒܼܪܺܝܢ ܐܢ̱ܬܿܽܘܢ܃ ܕܶܐܡܰܪ ܟܬܼܳܒܼܳܐ܃ ܕܒܰܛܢܳܢܳܐ ܪܳܓܿܳܐ ܪܽܘܚܳܐ ܕܥܳܡܪܳܐ ܒܰܢ܂
04:06 [ai]ܛܰܝܒܿܽܘܬܼܳܐ ܕܶܝܢ ܝܰܬܿܺܝܪܬܳܐ ܝܰܗ̱ܒܼ ܠܰܢ ܡܳܪܰܢ܂ ܡܶܛܽܠ ܗܳܕܼܶܐ ܐܶܡܰܪ܂ ܕܰܐܠܳܗܳܐ ܡܡܰܟܿܶܟܼ ܠܪ̈ܳܡܶܐ܃ ܘܰܠܡܰܟܿܺܝܟܼܶܐ̈ ܝܳܗܶܒܼ ܛܰܝܒܿܽܘܬܼܳܐ܂
04:07 [ai]ܐܶܫܬܿܰܥܒܿܰܕܼܘ ܗܳܟܼܺܝܠ ܠܰܐܠܳܗܳܐ܂ ܘܩܽܘܡܘ ܠܽܘܩܒܼܰܠ ܣܳܛܳܢܳܐ܃ ܘܥܳܪܶܩ ܡܶܢܟܼܽܘܢ܂
04:08 [ai]ܘܰܩܪܽܘܒܼܘ ܠܘܳܬܼ ܐܰܠܳܗܳܐ ܘܢܶܬܼܩܰܪܰܒܼ ܠܟܼܽܘܢ܂ ܕܰܟܿܰܘ ܐܺܝܕܼܰܝܟܿܽܘܢ̈܂ ܚܰܛܳܝܶܐ̈܃ ܩܰܕܿܶܫܘ ܠܶܒܿܰܘܳܬܼܟܼܽܘܢ̈܂ ܦܠܺܝܓܼܰܝ̈ ܢܰܦܼܫܳܐ܂
04:09 [ai]ܐܶܬܼܡܰܟܿܰܟܼܘ ܘܶܐܬܿܰܐܒܼ̱ܠܘ܂ ܘܓܼܽܘܚܟܿܟܼܽܘܢ ܠܶܐܒܼܠܳܐ ܢܶܬܼܗܦܼܶܟܼ܃ ܘܚܰܕܼܘܰܬܼܟܼܽܘܢ ܠܥܳܩܬܼܳܐ܂
04:10 [ai]ܐܶܬܼܡܰܟܿܰܟܼܘ ܩܕܼܳܡ ܡܳܪܝܳܐ܃ ܘܰܢܪܰܡܪܶܡܟܼܽܘܢ܂
04:11 [ai]ܠܳܐ ܬܶܗܘܽܘܢ ܡܡܰܠܠܺܝܢ ܥܰܠ ܚܕܼܳܕܼܶܐ̈ ܐܰܚܰܝ̈܂ ܗܰܘ ܓܶܝܪ ܕܰܡܡܰܠܶܠ ܥܰܠ ܐܰܚܽܘܗ̱ܝ ܐܰܘ ܕܳܐܶܢ ܠܰܐܚܽܘܗ̱ܝ܃ ܡܡܰܠܶܠ ܥܰܠ ܢܳܡܽܘܣܳܐ ܘܕܼܳܐܶܢ ܠܢܳܡܽܘܣܳܐ܂ ܘܶܐܢ ܠܢܳܡܽܘܣܳܐ ܕܳܐܶܢ ܐܰܢ̱ܬܿ܃ ܠܳܐ ܗܘܰܝܬܿ ܥܳܒܼܽܘܕܼܶܗ ܕܢܳܡܽܘܣܳܐ܂ ܐܶܠܳܐ ܕܰܝܳܢܶܗ܂
04:12 [ai]ܚܰܕܼ ܗ̱ܽܘ ܣܳܐܶܡ ܢܳܡܽܘܣܳܐ ܘܕܼܰܝܳܢܳܐ܃ ܕܗܽܘ ܡܶܫܟܿܰܚ ܕܢܰܚܶܐ ܘܢܰܘܒܿܶܕܼ܂ ܐܰܢ̱ܬܿ ܕܶܝܢ ܡܰܢ ܐܰܢ̱ܬܿ܃ ܕܕܼܳܐܶܢ ܐܰܢ̱ܬܿ ܠܶܗ ܠܩܰܪܺܝܒܼܳܟܼ܀
04:13 [ai]ܡܳܢܳܐ ܕܶܝܢ ܢܺܐܡܰܪ ܐܳܦܼ ܥܰܠ ܐܰܝܠܶܝܢ ܕܳܐܡܪܺܝܢ܃ ܕܝܰܘܡܳܢܳܐ ܐܰܘ ܡܚܳܪ ܐܳܙܺܠ̱ܝܢܰܢ ܠܰܡܕܼܺܝܢ̱ܬܳܐ ܐܰܝܕܼܳܐ ܕܗܺܝ܂ ܘܥܳܒܼܕܺܝܢܰܢ ܬܰܡܳܢ ܫܰܢ̱ܬܳܐ ܚܕܼܳܐ܂ ܘܡܶܬܿܬܿܰܓܿܪܺܝܢܰܢ ܘܝܳܬܼܪܺܝܢܰܢ܂
04:14 [ai]ܘܠܳܐ ܝܳܕܼܥܺܝܢ ܡܳܢܳܐ ܗܳܘܶܐ ܡܚܳܪ܂ ܡܳܢܳܐ ܐܶܢܽܘܢ ܓܶܝܪ ܚܰܝܰܝܢ̈܃ ܐܶܠܳܐ ܐܶܢ ܠܰܗܓܿܳܐ ܕܩܰܠܺܝܠ ܡܶܬܼܚܙܶܐ ܘܛܳܠܶܩ ܘܡܰܘܦܿܶܐ܂
04:15 [ai]ܚܠܳܦܼ ܕܢܺܐܡܪܽܘܢ ܕܶܐܢ ܡܳܪܝܳܐ ܢܶܨܒܿܶܐ ܘܢܺܚܶܐ܃ ܥܳܒܼܕܺܝܢܰܢ ܗܳܕܼܶܐ ܐܰܘ ܗܳܝ܃
04:16 [ai]ܡܶܫܬܿܰܒܼܗܪܺܝܢ ܒܰܚܬܼܺܝܪܽܘܬܼܗܽܘܢ܂ ܟܽܠ ܫܽܘܒܼܗܳܪܳܐ ܕܰܐܝܟܼ ܗܳܢܳܐ܂ ܒܺܝܫܳܐ ܗ̱ܘ܂
04:17 [ai]ܘܰܐܝܢܳܐ ܕܝܳܕܼܰܥ ܛܳܒܼܬܼܳܐ ܘܠܳܐ ܥܳܒܼܶܕܼ ܠܳܗ܃ ܚܛܳܗܳܐ ܗܳܘܶܐ ܠܶܗ܀

next chapter