← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62062: 1Jn

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

01:01 [ai]ܡܣܰܒܿܪܺܝܢܰܢ ܠܟܼܽܘܢ܃ ܠܗܰܘ ܕܺܐܝܬܼܰܘܗ̱ܝ ܗ̱ܘܳܐ ܡܶܢ ܒܪܺܫܺܝܬܼ܃ ܗܰܘ ܕܰܫܡܰܥܢ ܘܰܚܙܰܝܢܳܝܗ̱ܝ ܒܥܰܝܢܰܝܢ̈܂ ܚܙܰܝܢ ܘܓܼܰܫܢ ܒܺܐܝܕܼܰܝܢ̈܃ ܗܰܘ ܕܺܐܝܬܼܰܘܗ̱ܝ ܡܶܠܬܼܳܐ ܕܚܰܝ̈ܶܐ܂
01:02 [ai]ܘܚܰܝ̈ܶܐ ܐܶܬܼܓܿܠܺܝܘ܂ ܘܰܚܙܰܝܢ ܘܣܳܗܕܺܝܢܰܢ܂ ܘܡܰܟܼܪܙܺܝܢܰܢ ܠܟܼܽܘܢ ܚܰܝ̈ܶܐ ܕܰܠܥܳܠܰܡ܃ ܗܳܢܽܘܢ ܕܺܐܝܬܼܰܝܗܽܘܢ ܗ̱ܘܰܘ ܠܘܳܬܼ ܐܰܒܼܳܐ܂ ܘܶܐܬܼܓܿܠܺܝܘ ܠܰܢ܂
01:03 [ai]ܘܡܶܕܶܡ ܕܰܚܙܰܝܢ ܘܰܫܡܰܥܢ܃ ܡܰܘܕܥܺܝܢܰܢ ܐܳܦܼ ܠܟܼܽܘܢ܃ ܕܬܶܗܘܶܐ ܠܟܼܽܘܢ ܫܰܘܬܿܳܦܼܽܘܬܼܳܐ ܥܰܡܰܢ܂ ܘܫܰܘܬܿܳܦܼܽܘܬܼܰܢ ܕܶܝܢ ܕܺܝܠܰܢ ܐܺܝܬܼܶܝܗ܃ ܥܰܡ ܐܰܒܼܳܐ ܘܥܰܡ ܒܪܶܗ ܝܶܫܽܘܥ ܡܫܺܝܚܳܐ܂
01:04 [ai]ܘܗܳܠܶܝܢ ܟܿܳܬܼܒܺܝܢܰܢ ܠܟܼܽܘܢ܃ ܕܚܰܕܼܽܘܬܼܰܢ ܕܰܒܼܟܼܽܘܢ ܬܶܗܘܶܐ ܡܫܰܡܠܝܳܐ܂
01:05 [ai]ܘܗܳܕܼܶܐ ܗ̱ܝ ܣܒܼܰܪܬܼܳܐ ܕܰܫܡܰܥܢ ܡܶܢܶܗ܃ ܘܰܡܣܰܒܿܪܺܝܢܰܢ ܠܟܼܽܘܢ܃ ܕܰܐܠܳܗܳܐ ܢܽܘܗܪܳܐ ܗ̱ܘ܃ ܘܚܶܫܽܘܟܼܳܐ ܟܽܠ ܟܽܠܶܗ ܠܰܝܬܿ ܒܶܗ܂
01:06 [ai]ܘܶܐܢ ܐܳܡܪܺܝܢܰܢ ܕܫܰܘܬܿܳܦܼܽܘܬܼܳܐ ܐܺܝܬܼ ܠܰܢ ܥܰܡܶܗ ܘܰܡܗܰܠܟܼܺܝܢܰܢ ܒܚܶܫܽܘܟܼܳܐ܃ ܕܰܓܳܠܶܐ̈ ܚ̱ܢܰܢ ܘܠܰܘ ܒܰܫܪܳܪܳܐ ܪܳܕܼܶܝܢܰܢ܂
01:07 [ai]ܐܶܢ ܕܶܝܢ ܒܢܽܘܗܪܳܐ ܡܗܰܠܟܼܺܝܢܰܢ ܐܰܝܟܼ ܕܗܽܘ ܐܺܝܬܼܰܘܗ̱ܝ ܒܢܽܘܗܪܳܐ܃ ܐܺܝܬܼ ܠܰܢ ܫܰܘܬܿܳܦܼܽܘܬܼܳܐ ܥܰܡ ܚܕܼܳܕܼܶܐ̈܃ ܘܰܕܼܡܳܐ ܕܝܶܫܽܘܥ ܒܪܶܗ ܡܕܼܰܟܿܶܐ ܠܰܢ ܡܶܢ ܟܽܠܗܽܘܢ ܚܛܳܗܰܝܢ̈܂
01:08 [ai]ܘܶܐܢ ܢܺܐܡܰܪ ܕܠܰܝܬܿ ܠܰܢ ܚܛܺܝܬܼܳܐ܃ ܢܰܦܼܫܰܢ ܡܰܛܥܶܝܢܰܢ܂ ܘܰܫܪܳܪܳܐ ܠܰܝܬܿ ܒܰܢ܂
01:09 [ai]ܐܶܢ ܕܶܝܢ ܡܰܘܕܶܝܢܰܢ ܒܰܚܛܳܗܰܝܢ̈܃ ܡܗܰܝܡܰܢ ܗ̱ܽܘ ܘܙܰܕܿܺܝܩ܂ ܕܢܶܫܒܿܽܘܩ ܠܰܢ ܚܛܳܗܰܝܢ̈܃ ܘܰܢܕܼܰܟܿܶܝܢ ܡܶܢ ܟܽܠܶܗ ܥܰܘܠܰܢ܂
01:10 [ai]ܘܶܐܢ ܐܳܡܪܺܝܢܰܢ ܕܠܳܐ ܚܛܰܝܢ܃ ܥܳܒܼܕܺܝܢܰܢ ܠܶܗ ܕܰܓܿܳܠܳܐ܂ ܘܡܶܠܬܼܶܗ ܠܰܝܬܿ ܠܘܳܬܼܰܢ܀

next chapter