← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62065: Judith

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

01:01 [ai]ܒܫܢܬ ܬܪܬܥܣܪܐ ܕܡܠܟܘܬܗ ܕܢܒܘܟܕܢܨܪ ܡܠܟܐ ܕܐܬܘܪ܂ ܕܐܡܠܟ ܒܢܝܢܘܐ ܡܕܝܢܬܐ ܪܒܬܐ܂ ܒܝܘܡ̈ܘܗܝ ܕܐܪܦܟܫܪ ܡܠܟܐ ܕܡܕܝ ܕܐܡܠܟ ܒܩܦܛܢ܂
01:02 [ai]ܘܒܢܐ ܡܓܕܠܐ ܠܩܦܛܢ܂ ܘܐܚܕܪܗ ܫܘܪܐ ܒܟܐ̈ܦܐ ܦܣܝ̈ܠܬܐ܂ ܕܗܘܐ ܦܬܝܗ ܕܟܐܦܐ܂ ܬܠܬ ܐܡ̈ܝܢ܂ ܘܐܘܪܟܗ ܫܬ ܐܡ̈ܝܢ܂ ܘܗܘܐ ܪܘܡܗ ܕܫܘܪܐ ܫܒ̈ܥܝܢ ܐܡ̈ܝܢ܂
01:03 [ai]ܘܒܢܐ ܡܓܕ̈ܠܐ ܕܬܪܥܐ ܕܫܘܪܐ ܡܐܐ ܐܡ̈ܝܢ܂ ܘܦܬܝܗ ܕܬܪܥܐ ܫܬܝܢ ܐܡ̈ܝܢ܂
01:04 [ai]ܘܥܒܕ ܬܪ̈ܥܐ ܘܩܝ̈ܡܐ܂ ܪܘܡܗܘܢ ܫܬܝܢ ܐܡ̈ܝܢ܂ ܘܦܬܝܗܘܢ ܐܪܒܥܝܢ ܐ̈ܡܝܢ܂ ܠܡܦܩܢܐ ܕܡܪ̈ܟܒܬܐ ܕܚܝܠܗ܂
01:05 [ai]ܘܒܝܘܡ̈ܬܐ ܗܢܘܢ܂ ܥܒܕ ܩܪܒܐ ܡ̈ܠܟܐ ܢܒܘܟܕܢܨܪ ܥܡ ܐܪܦܟܫܪ ܡܠܟܐ ܒܦܩܥܬܐ܂ ܗܝ ܗܝ ܦܩܥܬ ܕܘܪܐ܂
01:06 [ai]ܘܢܦܩܘ ܠܩܘܒܠܗ ܟܠܗܘܢ ܥܡܪ̈ܝ ܛܘܪܐ ܘܟܘܠ ܕܥܡܪܝܢ ܥܠ ܢܗܪܐ ܦܪܬ ܃ ܘܥܠ ܕܩܠܬ ܘܥܠ ܐܘܠܝ܂ ܒܦܩܥܬܐ ܕܐܪܝܘܟ ܡܠܟܐ ܕܥܝܠܡ܂ ܘܐܬܟܢܫܘ ܥ̈ܡܡܐ ܣܓܝ̈ܐܐ܂ ܠܡܩܪܒܘ ܥܡ ܟܠܕ̈ܝܐ܂
01:07 [ai]ܘܫܕܪ ܢܒܘܟܕܢܨܪ ܡܠܟܐ ܕܐܬܘܪ ܥܡ ܟܠܗܘܢ ܥܡܘܪ̈ܐ ܕܠܒܢܐ܂ ܘܥܠ ܟܠ ܕܥܡܪܝܢ ܒܩܝܠܝܩܝܐ܂ ܘܒܕܪܡܣܘܩ ܘܒܠܒܢܢ ܘܒܚܕܪ̈ܘܗܝ܂ ܘܥܠ ܟܠ ܕܥܡܪܝܢ ܥܠ ܝܕ ܝܡܐ܂
01:08 [ai]ܘܥܠ ܥܡܘܪ̈ܐ ܕܟܪܡܠܐ ܘܕܓܠܥܕ ܘܕܓܠܝܠܐ ܥܠܝܬܐ܂ ܘܒܦܩܥܬܐ ܪܒܬܐ ܕܐܝܙܪܥܐܝܠ܂
01:09 [ai]ܘܥܠ ܟܘܠ ܕܒܫܡܪܝܢ ܘܒܡܕ̈ܝܢܬܐ ܘܠܕܒܥܒܪܐ ܕܝܘܪܕܢܢ ܥܕܡܐ ܠܐܘܪܫܠܡ܂ ܘܠܕܒܛܢܢ܂ ܘܕܟܠܘܢ ܘܕܩܕܫ܂ ܘܠܕܒܢܗܪܐ ܕܡܨܪ̈ܝܢ ܘܠܕܒܬܚܦܝܣ܂ ܘܠܕܪܥܡܣܝܣ܂ ܘܠܟܘܠܗ ܓܫܢ ܥܕܡܐ ܠܨܥܢ܂
01:10 [ai]ܘܠܡܦܣ܂ ܘܠܟܠ ܕܥܡܪܝܢ ܒܐܪܥܐ ܕܡܨܪܝܢ܂ ܥܕܡܐ ܠܬܚܘܡܐ ܕܟܘܫ܂
01:11 [ai]ܘܐܗܦܟܘ ܦܬܓܡ̈ܐ ܕܢܒܘܟܕܢܨܪ ܡܠܟܐ܂ ܟܠܗܘܢ ܥܡܘܪ̈ܝܗ ܕܐܪܥܐ܂ ܘܠܐ ܐܬܘ ܠܩܪܒܐ ܘܠܐ ܕܚܠܘ ܡܢܗ܂ ܡܛܠ ܕܗܘܘ ܟܠܗܘܢ ܐܝܟ ܓܒܪܐ ܚܕ܂ ܘܐܗܦܟܘ ܐܢܘܢ ܠܡܠܐܟ̈ܘܗܝ ܒܨܥܪܐ ܕܐܦܝ̈ܗܘܢ܂
01:12 [ai]ܘܐܬܚܡܬ ܛܒ ܢܒܘܟܕܢܨܪ ܥܠ ܟܠܗ ܐܪܥܐ ܗܕܐ܂ ܘܐܝܡܐ ܒܟܘܪܣܝܗ ܘܒܡܠܟܘܬܗ ܃ ܕܢܬܒܥ ܡܢ ܟܠܗܘܢ ܬܚܘ̈ܡܐ ܕܩܝܠܝ̈ܩܝܐ ܘܕܕܪܡܣܘܩ ܘܕܒܝܫܢ܂ ܘܠܡܩܛܠܘ ܒܚܪܒܐ ܠܟܠܗܘܢ ܥܡܘܪ̈ܐ ܕܡܘܐܒ܂ ܘܠܒ̈ܢܝ ܥܡܗܘܢ܂ ܘܠܟܠܗ ܝܗܘܕ܂ ܘܠܟܠ ܕܒܡܨܪܝܢ܂ ܘܠܡܐܬܐ ܥܕܡܐ ܠܬܚܘܡܐ ܕܬܪ̈ܝܗܘܢ ܝܡܡ̈ܐ܂
01:13 [ai]ܘܥܬܕ ܚܝܠܗ ܠܘܩܒܠ ܐܪܦܟܫܪ ܡܠܟܐ܂ ܒܫܢܬ ܫܒܥܣܪܐ܂ ܘܐܬܥܫܢ ܒܩܪܒܐ܂ ܘܐܗܦܟ ܠܟܠܗ ܚܝܠܗ ܕܐܪܦܟܫܪ܂ ܘܠܟܠܗܘܢ ܦܪ̈ܫܘܗܝ ܘܠܟܠܗܝܢ ܡܪ̈ܟܒܬܗ܂
01:14 [ai]ܘܐܫܬܠܛ ܥܠ ܡܕܝܢ̈ܬܗ܂ ܘܡܛܝ ܥܕܡܐ ܠܩܦܛܢ܂ ܘܟܒܫ ܡܓܕ̈ܠܐ ܘܫܒܐ ܠܫܛܚܝ̈ܗܘܢ ܘܠܟܠܗ ܝܐܝܘܬܗܘܢ ܥܒܕܗ ܠܚܣܕܐ܂
01:15 [ai]ܘܐܚܕܗ ܠܐܪܦܟܫܪ ܒܛܘܪ̈ܝ ܪܓܘ܂ ܘܩܛܠܗ ܒܪܘܡ‍<‍ܚ‍>‍ܗ܂ ܘܐܘܒܕܗ ܥܕܡܐ ܠܝܘܡܢܐ܂
01:16 [ai]ܘܗܦܟ ܠܢܝܢܘܐ ܗܘ ܘܚܝܠܗ܂ ܘܣܘܓܐܐ ܕܓܒܪ̈ܐ ܩܪ̈ܒܬܢܐ܂ ܘܗܘܐ ܡܬܓܐܐ ܬܡܢ ܘܡܬܒܣܡ܂ ܗܘ ܘܟܠܗ ܚܝܠܗ܂ ܡܐܐ ܘܥܣܪ̈ܝܢ ܝܘܡ̈ܝܢ܂

next chapter