The Comprehensive Aramaic Lexicon

02:01 [ai]	ܘܒܫܢܬ ܥܣܪ̈ܝܢ ܘܬܡܢܐ܂ ܒܬܪܥܣܪܐ ܒܝܪܚܐ ܩܕܡܝܐ܂ ܗܘܐ ܦܬܓܡܐ ܒܒܝܬܗ ܕܢܒܘܟܕܢܨܪ ܡܠܟܐ܂ ܠܡܬܬܒܥܘ ܡܢ ܟܠܗ ܐܪܥܐ ܐܝܟ ܕܐܡܪ܂
02:02 [ai]	ܘܩܪܐ ܠܟܠܗܘܢ ܥܒ̈ܕܘܗܝ ܘܪ̈ܘܪܒܢܘܗܝ܂ ܘܓܠܐ ܠܗܘܢ ܪܐܙܐ ܕܠܒܗ܂ ܘܗܘܐ ܕܟܕ ܫܠܡ ܠܡܐܡܪ ܒܝܫܬܐ ܥܠ ܟܠܗ ܐܪܥܐ܂
02:03 [ai]	ܩܒܠܘ ܐܦ ܗܢܘܢ ܠܡܘܒܕܘ ܠܟܠܗܘܢ ܐܢܫܐ܂ ܐܝܠܝܢ ܕܠܐ ܐܫܬܡܥܘ ܠܡܠܬ ܦܘܡܗ܂
02:04 [ai]	ܘܗܘܐ ܕܟܕ ܫܠܡ ܪܥܝܢܗܘܢ ܩܪܐ ܢܒܘܟܕܢܨܪ ܡܠܟܐ ܕܐܬܘܪ܂ ܠܐܠܦܪܢܐ ܪܒ ܚܝܠܗ܂ ܡܛܠ ܕܬܪܝܢܗ ܗܘܐ ܘܐܡܪ ܠܗ܂
02:05 [ai]	ܗܟܢܐ ܐܡܪ ܡܠܟܐ ܪܒܐ ܡܪܗ ܕܟܠܗ ܐܪܥܐ܂ ܗܐ ܐܢܬ ܬܦܘܩ ܡܢ ܩܕܡܝ܂ ܘܬܕܒܪ ܥܡܟ ܓܒܪ̈ܐ ܕܥܫܝܢܝܢ ܪ̈ܓܠܝܐ ܡܐܐ ܘܥܣܪ̈ܝܢ ܐ̈ܠܦܝܢ܂ ܘܣܘܓܐܐ ܕܪ̈ܟܫܐ ܥܡ ܪ̈ܟܒܝܗܘܢ ܬܪܥܣܪ ܐ̈ܠܦܝܢ܂
02:06 [ai]	ܘܣܩ ܥܠ ܐ̈ܦܝ ܟܠܗ ܐܪܥܐ ܕܡܥܪܒܐ܂ ܐܝܠܝܢ ܕܛܠܡܘ ܦܬܓܡܐ ܕܦܘܡܝ܂
02:07 [ai]	ܘܬܐܡܪ ܠܗܘܢ ܕܢܛܝܒܘܢ ܠܝ ܐܪܥܐ ܘܡ̈ܝܐ܂ ܡܛܠ ܕܢܦܩ ܐܢܐ ܥܠܝܗܘܢ ܒܚܡܬܝ܂ ܘܡܟܣܐ ܐܢܐ ܐ̈ܦܝ ܟܠܗ ܐܪܥܐ܂ ܒܪ̈ܓܠܝܐ ܕܚܝܠܝ܂ ܘܐܬܠ ܐܢܘܢ ܠܒܙܬܐ ܠܚܝܠܐ܂
02:08 [ai]	ܘܢܬܡܠܘܢ ܢܚ̈ܠܝܗܘܢ ܘܪ̈ܓܠܬܗܘܢ ܡܢ ܩܛܝܠܝܗܘܢ ܃ ܘܢܗܪܐ ܢܓ‍{‍ܕ‍}‍‍<‍ܪ‍>‍ܦ ܡܢ ܩܛܝܠܝ̈ܗܘܢ܂ ܘܢܬܡܠܐ܂
02:09 [ai]	ܘܐܕܒܪ ܫܒܝܬܗܘܢ ܒܣ̈ܘܦܝܗ ܕܐܪܥܐ܂
02:10 [ai]	ܘܐܢܬ ܦܘܩ ܘܐܚܘܕ ܠܝ ܟܘܠܗܘܢ ܬܚܘܡܝܗܘܢ܂ ܘܐܢ ܢܫܠܡܘܢ܂ ܛܪ ܐܢܘܢ ܠܝ ܥܕܡܐ ܠܝܘܡܐ ܕܡܟܣܢܘܬܗܘܢ ܃
02:11 [ai]	ܘܥܠ ܐܝܠܝܢ ܕܠܐ ܡܬܛܦܝܣܝܢ܂ ܠܐ ܬܚܘܣ ܥܝܢܟ ܠܡܬܠ ܐܢܘܢ ܠܩܛܠܐ ܘܠܒܙܬܐ ܠܟܠܗ ܐܪܥܐ܂
02:12 [ai]	ܡܛܠ ܕܚܝ ܐܢܐ ܘܡܠܟܘܬܝ ܕܡܠܠܬ܂ ܘܐܥܒܕ ܗܠܝܢ ܟܠܗܝܢ ܒܐܝ̈ܕܝ܂
02:13 [ai]	ܘܐܢܬ ܠܐ ܬܥܒܪ ܥܠ ܚܕ ܡܢ ܦܘܩܕ̈ܢܐ ܕܡܪܟ܂ ܐܠܐ ܡܫܡܠܝܘ ܬܫܡܠܐ܂ ܐܝܟܢܐ ܕܦܩܕܬܟ ܠܡܥܒܕ ܗܠܝܢܼܿ܂
02:14 [ai]	ܘܢܦܩ ܐܠܦܪܢܐ ܡܢ ܩܕܡ ܡܪܗ܂ ܘܩܪܐ ܠܡܪ̈ܘܬܐ ܘܠܪ̈ܒܝ ܚܝ̈ܠܐ ܘܠܩܝܘ̈ܡܐ ܕܚܝ̈ܠܐ ܕܐܬܘܪ܂
02:15 [ai]	ܘܡܢܐ ܓܒܪ̈ܐ ܓܒ̈ܝܐ ܠܩܪܒܐ ܐܝܟ ܕܦܩܕܗ ܡܪܗ܂ ܡܐܐ ܘܥܣܪ̈ܝܢ ܐ̈ܠܦܝܢ܂ ܘܦܪ̈ܫܐ ܫܕ̈ܝܝ ܒܩܫܬ̈ܬܐ܂ ܬܪܥܣܪ ܐ̈ܠܦܝܢ܂
02:16 [ai]	ܘܦܩܕ ܠܗܘܢ ܠܡܬܘܥܕܘ ܠܩܪܒܐ܂
02:17 [ai]	ܘܕܒܪ ܓܡ̈ܠܐ ܘܚܡܪ̈ܐ ܕܢܫܩܠܘܢ ܬܪܣܝܗܘܢ ܣܘܓܐܐ ܕܛܒ ܃ ܘܥܪ̈ܒܐ ܘܬܘܪ̈ܐ ܘܥܢܐ܂ ܠܡܐܟܘܠܬܗܘܢ ܕܠܐ ܡܢܝܢ܂
02:18 [ai]	ܘܕܗܒܐ ܘܟܣܦܐ ܡܢ ܒܝܬܗ ܕܡܠܟܐ ܣܘܓܐܐ܂ ܕܛܒ܂
02:19 [ai]	ܘܢܦܩ ܡܢ ܢܝܢܘܐ ܗܘ ܘܚܝܠܗ ܠܡܪܕܐ ܩܕܡ ܡܠܟܐ܂ ܘܢܟܣܐ ܐܦܝ̈ܗ ܕܟܘܠܗ ܐܪܥܐ ܕܡܥܪܒܐ܂ ܒܡܪ̈ܟܒܬܐ ܘܒܪ̈ܓܠܝܐ ܓܒܝܐ܂
02:20 [ai]	ܘܢܦܩ ܥܡܗܘܢ ܚܠܘܛܐ ܣܘܓܐܐ܂ ܐܝܟ ܩܡܨܐ ܘܐܝܟ ܚܠܐ ܕܐܪܥܐ܂ ܘܠܝܬ ܗܘܐ ܡ̈ܢܝܢ ܠܣܟܗܘܢ܂
02:21 [ai]	ܘܢܦܩ ܡܢ ܢܝܢܘܐ ܡܪܕܐ ܬܠܬܐ ܝܘܡ̈ܝܢ܂ ܠܘܩܒܠ ܦܩܥܬܐ ܕܒܝܬ ܩܛܝܠܬ܂ ܘܫܪܘ ܠܘܩܒܠ ܒܝܬ ܩܛܝܠܬ܂ ܥܠ ܓܢܒ ܛܘܪܐ ܕܐܓ̈ܢܐ܂ ܕܡܢ ܣܡܠܐ ܕܩܝܠܝܩܝܐ ܥܠܝܬܐ܂
02:22 [ai]	ܘܕܒܪ ܠܟܠܗ ܚܝܠܗ ܪ̈ܓܠܝܐ ܘܦܪ̈ܫܐ ܘܡܪ̈ܟܒܬܐ܂ ܘܫܩܠ ܡܢ ܬܡܢ ܠܛܘܪܐ܂
02:23 [ai]	ܘܚܪܒ ܠܦܘ̈ܛܝܐ ܘܠܠܘ̈ܕܝܐ܂ ܘܫܒܘ ܠܟܠܗܘܢ ܒ̈ܢܝ ܬܝܪܣ܂ ܘܠܒ̈ܢܝ ܪܥܡܣܝܣ܂ ܘܠܒ̈ܢܝ ܐܝܫܡܥܐܝܠ ܕܥܡܪܝܢ ܒܡܕܒܪܐ ܕܡܢ ܬܝܡܢܐ܂
02:24 [ai]	‍{‍ܘܟܠܘܢ‍}‍/ܘܠܟܠܗܿ#2#/ ܐܪܥܐ ܕܟ̈ܠܕܝܐ ܘܥܒܪ ܦܪܬ܂ ܘܥܒܪܗ ܠܒܝܬ ܢܗܪ̈ܘܬܐ ܕܡܢ ܬܝܡܢܐ ܘܥܩܪ ܠܟܠܗܝܢ ܡܕܝ̈ܢܬܐ ܥܫܝ̈ܢܬܐ ܕܥܠ ܓܢܒ ܢܚܠܐ ܕܝܒܩ܂ ܘܥܕܡܐ ܕܐܬܘ ܠܝܡܐ܂
02:25 [ai]	ܘܐܚܕܘ ܬܚܘܡܐ ܕܩܝܠܝܩܝܐ܂ ܘܚܪܒ ܠܟܠ ܕܩܐܡ ܠܩܘܒܠܗ܂ ܘܐܬܐ ܠܬܚܘܡܐ ܕܝܦܬ ܕܒܬܝܡܢܐ܂ ܥܠ ܐ̈ܦܝ ܟܠܗ ܥܪܒ܂
02:26 [ai]	ܘܐܬܟܪܟܘ ܠܟܠܗܘܢ ܒ̈ܢܝ ܡܕܝܢ܂ ܘܐܘܩܕܘ ܠܟܠܗܘܢ ܡܫܟ̈ܢܝܗܘܢ ܃ ܘܫܒܘ ܛܝܪ̈ܝܗܘܢ ܃
02:27 [ai]	ܘܢܚܬܘ ܠܚܩ̈ܠܬܐ ܕܕܪܡܣܘܩ܂ ܒܝܘ̈ܡܝ ܚܨܕܐ ܕܚ̈ܛܐ܂ ܘܐܘܩܕܘ ܠܟܠ ܚܩ̈ܠܬܗܘܢ ܃ ܘ‍<‍ܪ‍>‍ܕ‍{‍ܪ‍}‍ܘ ܦܩܥܬܗܘܢ ܘܡܪܒܥܐ ܕܥܢܗܘܢ܂ ܘܒܩܪ̈ܝܗܘܢ ܃ ܘܓܙܪ̈ܝܗܘܢ ܃ ܥܒܕܘ ܠܚܒܠܐ܂ ܘܒܙܘ ܡܕܝ̈ܢܬܗܘܢ ܃ ܘܩܛܠܘ ܥܠܝܡ̈ܝܗܘܢ ܒܦܘܡܐ ܕܚܪܒܐ܂
02:28 [ai]	ܘܢܦܠܬ ܕܚܠܬܐ ܘܪܬܝܬܐ܂ ܥܠ ܟܠ ܕܥܡܪܝܢ ܥܠ ܓܢܒ ܝܡܐ܂ ܘܒܨܘܪ ܘܒܨܝܕܢ ܃ ܘܥܠ ܥܡܘܪ̈ܝܗ ܕܣܘܪܝ܂ ܘܥܠ ܟܠ ܕܥܡܪܝܢ ܒܠܒܢܐ܂ ܘܥܠ ܥܡܘܪ̈ܝܗ ܕܐܫܕܘܕ ܘܕܐܫܩܠܘܢ ܘܕܥܙܐ܂ ܘܕܚܠܘ ܡܢܗ ܛܒ܂

next chapter