Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants
| 03:01 [ai] | ܘܫܕܪܘ ܠܘܬܗ ܐܝܙܓܕ̈ܐ ܒܡ̈ܠܐ ܕܫܠܡܐ ܘܐܡܪܘ܂ ܐܡܪܝܢ |
| 03:02 [ai] | ܚܢܢ ܥܒ̈ܕܐ ܚܢܢ ܕܢܒܘܟܕܢܨܪ ܡܠܟܐ ܪܒܐ܂ ܗܐ ܩܝܡܝܢ ܚܢܢ ܩܕܡܝܟ܂ ܥܒܕ ܠܢ ܐܝܟ ܕܫܦܝܪ ܒܥܝ̈ܢܝܟ܂ |
| 03:03 [ai] | ܗܐ ܟܠܗ ܐܪܥܐ ܕܒܝܬ ܡܥܡܪܢ ܃ ܘܟܘܠ ܚܩ̈ܠܬܢ ܘܦܩ̈ܥܬܐ ܕܥܒܘܪܢ܂ ܘܥܢܢ ܘܬܘܪ̈ܝܢ܂ ܘܟܠ ܒܝܬ ܡܥܡܪܐ ܕܒܥܝܪܢ ܩܕܡܝܟ܂ ܥܒܕ ܠܢ ܐܝܟ ܕܫܦܝܪ ܠܟ܂ |
| 03:04 [ai] | ܘܗܐ ܡܕܝܢܬܢ ܘܥܡܘܪ̈ܝܗܝܢ ܥܒ̈ܕܝܟ ܐܢܘܢ܂ ܬܐ ܘܦܓܥ ܒܢ ܐܝܟ ܕܛܒ ܒܥ̈ܝܢܝܟ܂ |
| 03:05 [ai] | ܘܐܬܘ ܐܝܙܓ̈ܕܐ ܘܐܡܪܘ ܠܐܠܦܪܢܐ ܐܝܟ ܦܬܓ̈ܡܐ ܗܠܝܢ܂ |
| 03:06 [ai] | ܘܢܚܬ ܠܘܬ ܡܕܝ̈ܢܬܐ ܕܥܠ ܓܢܒ ܝܡܐ ܗܘ ܘܚܝܠܗ܂ ܘܐܩܝܡ ܡܛܪ̈ܬܐ ܒܡܕܝ̈ܢܬܐ ܥܫܝ̈ܢܬܐ܂ ܘܕܒܪ ܡܢܗܝܢ ܥܕܪ̈ܐ ܓܒܪ̈ܐ ܓܒ̈ܝܐ܂ |
| 03:07 [ai] | ܘܩܒܠܝܗܝ ܡܕܝܢ̈ܬܐ ܘܩܘܪ̈ܝܐ܂ ܒܟ̈ܠܝܠܐ ܘܒܦ̈ܠܓܐ ܘܒܪ̈ܒܝܥܐ܂ |
| 03:08 [ai] | ܘܥܩܪ ܟܘܠ ܗܝ̈ܟܠܝܗܘܢ܂ ܘܟܠܗܝܢ ܕܚ̈ܠܬܗܘܢ ܦܣܩܘ܂ ܡܛܠ ܕܝܗܒ ܗܘܐ ܒܐܪܙ ܠܡܘܒܕܘ ܠܟܠܗܘܢ ܐ̈ܠܗܐ ܕܐܪܥܐ܂ ܐܝܟ ܕܠܗ ܠܢܒܘܟܕܢܨܪ ܢܦܠܚܘܢ ܘܢܣܓܕܘܢ܂ ܟܠܗܘܢ ܥܡ̈ܡܐ ܘܠܫ̈ܢܐ܂ ܘܢܩܪܘܢܗ ܐܠܗ܂ |
| 03:09 [ai] | ܘܐܬܐ ܠܐܝܙܪܥܝܠ ܕܥܠ ܓܢܒ ܕܬܢ܂ ܠܘܩܒܠ ܡܣܪܐ ܪܒܐ ܕܝܗܘܕ܂ |
| 03:10 [ai] | ܘܫܪܐ ܒܝܬ ܓܒܥ ܠܒܝܫܢ܂ ܘܥܒܕ ܬܡܢ ܝܪܚ ܝܘܡ̈ܝܢ܂ ܠܡܬܩܢܘ ܟܠܗܝܢ ܥܒܝ̈ܕܬܐ ܕܚܝܠܗ܂ |