← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62065: Judith

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


06:01 [ai]ܘܟܕ ܫܠܝ ܪܘܒܐ ܕܓܒܪ̈ܐ ܕܚܕܝܪܝܢ ܠܗܘܢ ܃ ܐܡܪ ܐܠܦܪܢܐ ܪܒ ܚܝܠܐ ܕܐܬܘܪ ܠܐܚܝܘܕ ܩܕܡ ܟܠܗ ܥܡܐ܂
06:02 [ai]ܡܢ ܐܢܬ ܐܚܝܘܕ܂ ܘܟܠܗܘܢ ܒ̈ܢܝ ܡܘܐܒ܂ ܘܐܓܝܪ̈ܐ ܕܥܡܘܢ ܃ ܕܐܬܢܒܝܘ ܠܢ ܐܝܟ ܕܝܘܡܢܐ܂ ܘܐܡܪܬ ܠܢ ܕܥܡ ܥܡܐ ܕܐܝܣܪܝܠ ܠܐ ܢܩܪܒ܂ ܡܛܠ ܕܐܠܗܗܘܢ ܡܣܝܥ ܠܗܘܢ ܃ ܘܡܢܘ ܐܠܗܐ ܐܠܐ ܢܒܘ ܟܕܢܨܪ ܡܠܟܐ ܕܟܠܗ ܐܪܥܐ܂
06:03 [ai]ܘܗܘ ܢܫܕܪ ܚܝܠܗ ܘܢܘܒܕ ܐܢܘܢ܂ ܡܢ ܐ̈ܦܝ ܐܪܥܐ܂ ܘܠܐ ܢܦܪܘܩ ܐܢܘܢ ܐܠܗܗܘܢ ܃ ܘܚܢܢ ܥܒܕ̈ܘܗܝ ܕܢܒܘܟܕܢܨܪ܂ ܢܡܚܐ ܐܢܘܢ ܐܝܟ ܕܠܚܕ ܓܒܪ܂ ܘܠܐ ܢܩܘܡܘܢ ܩܕܡ ܨܗܠܐ ܕܪ̈ܟܫܢ܂
06:04 [ai]ܡܛܠ ܕܢܘܒܕ ܐܢܘܢ܂ ܘܬܚܘ̈ܡܝܗܘܢ ܢܪܘܘܢ ܡܢ ܕܡܗܘܢ ܃ ܘܦܩ̈ܥܬܗܘܢ ܢܬܡ̈ܠܝܢ ܡܢ ܫ̈ܠܕܝܗܘܢ ܃ ܘܠܐ ܬܩܘܡ ܥܩܒܬܐ ܕܪ̈ܓܠܝܗܘܢ ܩܕܡܝܢ܂ ܐܠܐ ܡܐܒܕ ܢܐܒܕܘܢ ܐܡܪ ܢܒܘܟܕܢܨܪ ܡܪܐ ܕܟܠܗ ܐܪܥܐ܂ ܘܠܐ ܢܗܦܟܘܢ ܦܬܓܡ̈ܘܗܝ ܠܒܣܬܪܗܘܢ ܃
06:05 [ai]ܐܢܬ ܕܝܢ ܐܚܝܘܕ ܐܓܝܪܐ ܕܥܡܗܘܢ܂ ܃ ܕܡܠܠܬ ܦܬܓ̈ܡܐ ܗܠܝܢ܂ ܒܝܘܡܐ ܕܥܘܠܟ ܠܐ ܬܚܙܐ ܡܢ ܝܘܡܢܐ܂ ܥܕܡܐ ܕܐܥܒܕ ܬܒܥܬܐ ܡܢ ܥܡܐ ܕܣܠܩ ܡܢ ܡܨܪܝܢ܂
06:06 [ai]ܘܗܝܕܝܢ ܢܥܘܠ ܣܝܦܐ ܕܚܝܠܝ ܘܢܝܙܟܐ ܕܥ̈ܒܕܝ ܒܕܦܢܟ܂ ܘܬܦܠ ܥܡ ܩ̈ܛܝܠܝܗܘܢ ܡܐ ܕܗܦܟܬ܂
06:07 [ai]ܘܢܘܒܠܘܢܟ ܥܒ̈ܕܝ ܝܘܡܢܐ܂ ܘܢܫܒܩܘܢܟ ܒܚܕܐ ܡܢ ܡܕܝܢ̈ܬܐ ܕܐܝܣܪܝܠ܂
06:08 [ai]ܘܠܐ ܬܡܘܬ ܥܕܡܐ ܕܥܡܗܘܢ ܬܐܒܕ ܝܘܡܢܐ܂
06:09 [ai]ܡܛܠ ܕܣܒܪܬ ܒܠܒܟ܂ ܕܠܐ ܡܬܬܚܕܝܢ܂ ܘܠܐ ܢܚܙܝܟ ܐܦܝ̈ܟ ܒܛܒܬܐ܂ ܃ ܡܠܠܬ ܓܝܪ ܘܠܐ ܢܦܠ ܚܕ ܡܢ ܦܬ̈ܓܡܝ܂
06:10 [ai]ܘܦܩܕ ܐܠܦܪܢܐ ܠܥܒ̈ܕܘܗܝ܂ ܐܝܠܝܢ ܕܩܝܡܝܢ ܒܡܫܟܢܗ܂ ܕܢܐܚܕܘܢܗ ܠܐܚܝܘܕ ܘܢܘܒܠܘܢܗ ܠܒܝܬ ܦܠܘ܂ ܘܠܡܫܠܡܘܬܗ ܒܝܕ ܒ̈ܢܝ ܐܝܣܪܝܠ܂
06:11 [ai]ܘܐܚܕܗ ܓܒܪܐ ܘܐܦܩܗ ܠܒܪ ܡܢ ܡܫܪܝܬܐ ܠܚܝܠܐ܂ ܘܐܘܒܠܗ ܠܛܘܪܐ܂ ܘܐܙܠܘ ܠܥܝܢܐ ܕܡ̈ܝܐ ܕܐܝܬ ܬܚܝܬ ܡܕܝܢܬܐ܂
06:12 [ai]ܘܟܕ ܚܙܘ ܐܢܘܢ ܐܢܫ̈ܝ ܡܕܝܢܬܐ܂ ܢܣܒܘ ܙܝܢܗܘܢ ܘܢܦܩܘ ܠܒܪ ܡܢ ܡܕܝܢܬܐ܂ ܠܪܝܫ ܛܘܪܐ܂ ܟܠ ܓܒܪ ܕܫܕܐ ܒܩܠܥܐ܂ ܘܐܚܕܘ‍{‍ܢܗ‍}‍ ܡܣܩܬܐ܂ ܘܫܕܘ ܒܗܘܢ ܟܐ̈ܦܐ܂
06:13 [ai]ܘܫܢܝܘ ܠܗܘܢ ܡܢ ܬܡܢ܂ ܘܐܣܪܘܗܝ ܠܐܚܝܘܕ ܘܫܒܩܘܗܝ ܟܕ ܫܕܐ ܬܚܝܬ ܛܘܪܐ܂ ܘܐܙܠܘ ܠܘܬ ܡܪܗܘܢ ܃
06:14 [ai]ܘܢܚܬܘ ܒ̈ܢܝ ܐܝܣܪܝܠ ܡܢ ܡܕܝܢܬܐ܂ ܘܩܡܘ ܥܠܘܗܝ ܘܫܪܐܘܗܝ܂ ܘܐܣܩܘܗܝ ܠܡܕܝܢܬܐ܂ ܘܐܥܠܘܗܝ ܠܘܬ ܪ̈ܘܪܒܢܐ ܕܡܕܝܢܬܗܘܢ ܃
06:15 [ai]ܕܗܘܘ ܒܝܘ̈ܡܬܐ ܗܢܘܢ܂ ܥܘܙܝܐ ܒܪ ܡܝܟܐ ܡܢ ܫܒܛܐ ܕܫܡܥܘܢ ܃ ܘܚܒܪܝ ܒܪ ܥܬܢܐܝܠ܂ ܘܟܪܡܝ ܒܪ ܡܝܫܐܝܠ܂
06:16 [ai]ܘܩܪܘ ܠܣܒ̈ܐ ܕܡܕܝܢܬܐ܂ ܘܪܗܛܘ ܟܠ ܥܠܝܡ̈ܝܗܘܢ ܘܢܫ̈ܝܗܘܢ ܘܒܢ̈ܝܗܘܢ ܠܟܢܘܫܬܐ܂ ܘܐܩܝܡܘܗܝ ܠܐܚܝܘܕ ܡܨܥܬ ܥܡܐ ܟܠܗ ܘܫܐܠܗ ܥܘܙܝܐ ܕܡܢܐ ܓܕܫ܂
06:17 [ai]ܘܥܢܐ ܘܐܡܪ ܠܗܘܢ ܟܠܗܘܢ ܦܬܓܡ̈ܐ ܕܥܡܗ ܕܐܠܦܪܢܐ܂ ܘܟܘܠ ܕܡܠܠ ܠܥܝܢ ܪ̈ܘܪܒܢܐ ܕܐܬܘܪ܂ ܘܐܬܪܘܪܒ ܐܠܦܪܢܐ ܥܠ ܒܝܬ ܐܝܣܪܐܝܠ܂
06:18 [ai]ܘܢܦܠܘ ܟܘܠܗ ܥܡܐ ܥܠ ܐܦܝ̈ܗܘܢ ܘܣܓܕܘ ܠܐܠܗܐ܂ ܘܥܢܘ ܘܐܡܪܘ܂ ܂
06:19 [ai]ܡܪܝܐ ܐܠܗܐ ܕܫܡܝܐ ܃ ܚܘܪ ܒܫܘܒܗܪܗܘܢ ܘܪܚܡ ܥܠ ܡܘܟܟܗ ܕܥܡܟ܂ ܘܚܘܪ ܒܡܩܕܫܟ ܒܝܘܡܐ ܗܢܐ܂
06:20 [ai]ܘܒܝܐܘܘܗܝ ܠܐܚܝܘܕ ܘܫܒܚܘܗܝ ܛܒ܂
06:21 [ai]ܘܕܒܪܗ ܥܘܙܝܐ ܡܢ ܟܢܫܐ ܘܐܘܒܠܗ ܠܒܝܬܗ܂ ܘܥܒܕ ܐܬܪܐ ܠܣܒ̈ܐ܂ ܘܩܪܐ ܠܐܠܗܐ ܕܐܝܣܪܝܠ ܟܠܗ ܠܠܝܐ ܕܢܥܕܪ ܐܢܘܢ܃܃

next chapter