The Comprehensive Aramaic Lexicon

09:01 [ai]	ܘܢܦܠܬ ܝܗܘܕܝܬ ܥܠ ܐܦܝ̈ܗ܂ ܘܐܪܡܝܬ ܩܛܡܐ ܒܪܫܗ܂ ܘܣܕܩܬ ܟܘܬܝܢܗ܂ ܘܐܬܓܠܝ ܣܩܐ ܕܠܒܝܫܐ ܗܘܬ܂ ܘܒܥܕܢܐ ܕܡܬܩܪܒ ܗܘܐ ܒܐܘܪܫܠܡ ܒܒܝܬܗ ܕܡܪܝܐ ܒܣܡ̈ܐ܂ ܒܪܡܫܐ ܗܘ܂ ܓܥܬ ܝܗܘܕܝܬ ܠܘܬ ܡܪܝܐ ܒܩܠܐ ܪܡܐ ܘܐܡܪܬ܂
09:02 [ai]	ܡܪܝܐ ܐܠܗܗ ܕܐܒܝ ܫܡܥܘܢ܂ ܕܝܗܒܬ ܒܐܝܕܗ ܚܪܒܐ ܠܡܬܬܒܥܘ ܡܢ ܒܥܠܕ̈ܒܒܐ ܕܫܪܘ ܣܥܪܗ ܕܒܬܘܠܬܐ ܠܡܛܡܐܘ܂ ܘܓܠܘ ܦܘܪܣܝܗ ܠܒܗܬܬܐ܂ ܘܛܡܐܘ ܡܪܒܥܗ ܠܚܣܕܐ܂ ܡܛܠ ܕܐܡܪܬ ܕܠܐ ܢܗܘܐ ܗܟܢܐ܂
09:03 [ai]	ܡܛܠ ܗܢܐ ܝܗܒܬ ܪ̈ܘܪܒܢܝܗܘܢ ܠܩܛܠܐ܂ ܘܬܫܘܝܬܗܘܢ ܕܩܒܠܬ ܕܡܗ ܕܚܒܝܒܬܟ܂ ܘܡܚܝܬ ܥܒ̈ܕܐ ܥܡ ܡܪ̈ܝܗܘܢ܂ ܘܪ̈ܘܪܒܢܐ ܥܡ ܟܘܪ̈ܣܘܬܗܘܢ ܃
09:04 [ai]	ܘܝܗܒܘ ܢܫܝ̈ܗܘܢ ܠܫܒܝܐ܂ ܘܒܬ̈ܝܗܘܢ ܠܒܙܬܐ܂ ܘܟܠܗ ܒܙܬܗܘܢ ܦܠܓܘ ܒܢ̈ܝ ܚܒ̈ܝܒܝܟ܂ ܘܢܛܪܘ ܛܢܢܟ ܘܦܪܣܝܘ ܛܡܐܘܬܐ ܕܕܡܗܘܢ ܃ ܘܩܪܐܘܟ ܠܥܘܕܪܢܗܘܢ ܃ ܐܠܗܝ ܫܡܥܝܢܝ ܐܦ ܠܝ܂ ܕܐܪܡܠܬܐ ܐܢܐ܂
09:05 [ai]	ܡܛܠ ܕܐܢܬ ܥܒܕܬ ܩܕܡܝ̈ܬܐ ܘܡܨܥܝܬܐ ܘܐܦ ܕܡܢ ܒܬܪܟܢ܂ ܡܛܠ ܕܐܬܪܥܝܬ ܘܗܘܘ܂ ܘܐܬܚܫܒܬ
09:06 [ai]	ܘܩܡܘ ܩܕܡܝܟ܂ ܘܩܪܝܬ ܘܐܡܪܘ ܗܐ ܩܝܡܝܢܢ܂ ܡܛܠ ܕܟܠܗܝܢ ܐܘܪ̈ܚܬܟ ܥܬ̈ܝܕܢ ܘܒܪܝܬܟ ܓܠܝܐ ܗܘܬ ܩܕܡܝܟ܂
09:07 [ai]	ܘܗܐ ܐܬܘܪ̈ܝܐ ܣܓܝܘ ܒܚܝܠܗܘܢ ܃ ܘܐܬܬܪܝܡܘ ܒܪ̈ܟܫܝܗܘܢ ܘܒܪ̈ܟܒܝܗܘܢ ܃ ܘܡܫܬܩܠܝܢ ܒܕܪܥܐ ܕܪ̈ܓܠܝܐ܂ ܘܡܬܥܫܢܝܢ ܒܣܝ̈ܦܐ܂ ܘܡܬܬܟܠܝܢ ܥܠ ܩܫܬ̈ܬܐ ܘܩ̈ܠܥܐ܂ ܘܠܐ ܝܕܥܘ ܕܐܢܬ ܗܘ ܡܪܝܐ܂ ܡܫܚܩ ܩܪ̈ܒܐ
09:08 [ai]	ܡܪܝܐ ܫܡܟ܂ ܐܢܬ ܬܒܪ ܚܝܠܗܘܢ ܡܠܟܐ ܕܥܠܡ̈ܐ܂ ܘܫܚܘܩ ܣ̈ܘܓܐܗܘܢ ܃ ܬܒܪ ܥܘܫܢܗܘܢ ܃ ܒܚܡܬܟ ܡܛܠ ܕܐܬܪܥܝܘ ܠܡܛܡܐܘ ܡܩܕܫܐ܂ ܕܫܟܝܢܬܐ ܕܐܝܩܪܐ ܕܫܡܟ܂ ܘܢܪܡܘܢ ܒܦܪܙܠܐ ܩܪ̈ܢܬܐ ܕܡܕܒܚܟ܂
09:09 [ai]	ܚܙܝ ܒܫܘܒܗܪܗܘܢ ܃ ܘܫܕܪ ܪܘܓܙܟ ܥܠ ܪܝܫܗܘܢ ܃ ܗܒ ܒܐܝܕܝ ܕܝܠܝ ܕܐܪܡܠܬܐ ܐܢܐ܂ ܥܘܫܢܐ ܕܐܬܪܥܝܬ܂
09:10 [ai]	ܡܚܝ ܠܓܒܪܐ ܒܡܛܥܝܢܘܬܐ ܕܣܦ̈ܘܬܝ ܥܠ ܪܝܫܐ ܘܫܠܝܛܐ܂ ܬܒܪ ܥܘܫܢܗ ܒܐܝܕܗ ܕܢܩܒܬܐ܂
09:11 [ai]	ܡܛܠ ܕܠܐ ܗܘܐ ܒܣܘܓܐܐ ܚܝܠܟ ܘܥܘܫܢܟ܂ ܘܐܦ ܠܐ ܡܘܗ̈ܒܬܟ ܒܚܝ̈ܠܬܢܐ ܐܠܐ ܐܠܗܐ ܐܢܬ ܕܡܟ̈ܝܟܐ܂ ܘܡܥܕܪܢܐ ܐܢܬ ܕܒܨܝܪ̈ܐ܂ ܘܡܣܝܥܢܐ ܕܟܪ̈ܝܗܐ܂ ܘܦܪܘܩܐ ܕܐܒܝܕܐ܂
09:12 [ai]	ܐܝܢ ܃ ܡܪܝܐ ܐܠܗܗ ܕܐܒܝ܂ ܘܐܠܗܐ ܕܝܪܬܘܬܗ ܕܐܝܣܪܐܝܠ܂ ܡܪܝܐ ܕܫܡܝܐ ܘܐܪܥܐ܂ ܒܪܘܝܐ ܕܡܝܐ܂ ܡܠܟܐ ܕܟܠܗܝܢ ܒܪܝܬܐ܂ ܫܡܥ ܩܠܐ ܕܒܥܘܬܝ܂
09:13 [ai]	ܘܗܐ ܢܟܠܝ ܘܡܛܥܝܢܘܬܝ ܠܩܛܠܐ܂ ܘܠܡܚܘܬܐ ܕܐܝܠܝܢ ܕܩܝܡܝܢ ܠܘܩܒܠ ܩܝܡܟ܂ ܘܠܘܩܒܠ ܒܝܬ ܡܩܕܫܟ܂ ܘܛܘܪܐ ܕܨܗܝܘܢ ܘܒܝܬ ܐܘܚܕܢܐ ܕܒ̈ܢܝܟ܂ ܐܬܚܫܒܘ ܓܝܪ ܥܠܝܢ ܒܝܫܬܐ܂
09:14 [ai]	ܥܒܕ ܠܟܘܠܗ ܥܡܐ ܘܠܟܠܗܝܢ ܫܪ̈ܒܬܐ܂ ܕܢܕܥܘܢ ܕܐܢܬ ܗܘ ܐܠܗܐ ܕܟܠ ܚܝܠ ܘܕܟܠ ܫܘܠܛܢ܂ ܘܠܝܬ ܐܚܪܝܢ ܕܡܪܚܦ ܥܠ ܐܝܣܪܝܠ ܠܒܪ ܡܢܟ܂

next chapter