← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62065: Judith

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


10:01 [ai]ܘܗܘܐ ܕܟܕ ܫܠܝܬ ܝܗܘܕܝܬ܂ ܡܢ ܕܠܡܓܥܐ ܠܘܬ ܐܠܗܐ ܕܐܝܣܪܝܠ܂ ܃ ܘܫܠܡܬ ܟܠܗܘܢ ܦܬܓܡ̈ܐ ܗܠܝܢ܂
10:02 [ai]ܩܡܬ ܡܢ ܕܪܡܝܐ ܗܘܬ܂ ܘܩܪܬ ܠܛܠܝܬܗ܂ ܘܢܚܬܬ ܠܒܝܬܗ ܃ ܂ ܐܝܟܐ ܕܗܘܝܐ ܗܘܬ ܒܫܒ̈ܐ ܘܒܥܐܕ̈ܐ܂
10:03 [ai]ܘܫܪܬ ܣܩܐ ܕܠܒܝܫܐ ܗܘܬ܂ ܘܫܠܚܬ ܡܐܢ̈ܐ ܕܐܪܡܠܘܬܗ܂ ܘܐܫܝܓܬ ܦܘܡܗ ܒܡܝ̈ܐ܂ ܘܡܫܚܬ ܡܫܚܐ ܓܒܝܐ܂ ܘܡܫܚܬ ܣܥܪܐ ܕܪܫܗ܂ ܘܣܡܬ ܡܣ̈ܢܐ ܒܪ̈ܓܠܝܗ܂ ܘܠܒܫܬ ܡܐܢ̈ܐ ܕܚܐܪܘܬܗ܂ ܃ ܕܠܒܫܐ ܗܘܬ ܒܝܘ̈ܡܝ ܚܝܘ̈ܗܝ ܕܡܢܫܐ ܒܥܠܗ܂
10:04 [ai]ܘܣܡܬ ܣܒܟܐ ܒܪܝܫܗ܂ ܘܣܡܬ ܩܘܠܒ̈ܝܗ܂ ܘܐܩ̈ܠܢܝܗ ܘܥܙܩ̈ܬܗ ܘܩܕ̈ܫܝܗ܂ ܘܟܠܗ ܨܒܬܗ܂ ܘܐܨܛܒܬܬ ܕܛܒ ܐܝܟ ܠܡܚܛܦ ܥܝܢܐ ܕܐܢܫܐ ܕܚܙܝܢ ܠܗ܂
10:05 [ai]ܘܝܗܒܬ ܠܐܡܬܗ ܥܠܘܐ ܕܚܡܪܐ ܘܡܐܢܐ ܕܡܫܚܐ܂ ܘܡܠܬ ܬܪܡܠܐ ܫܚܬܝܬܐ܂ ܘܕܒܠ̈ܐ ܘܠܚܡܐ܂ ܘܐܪܡܝܬ ܬܡܢ ܓܒܬܐ܂ ܘܚܙܩܬ ܡܐܢ̈ܝܗ܂ ܘܣܡܬ ܥܠ ܐܡܬܗ܂ ܘܢܦܩ ܬܪ̈ܬܝܗܝܢ܂
10:06 [ai]ܘܐܬ̈ܝ ‍<‍ܠܬܪܥܐ#2#‍>‍ ܕܡܕܝܢܬܐ܂ ܘܐܫܟܚ ܬܡܢ ܠܥܘܙܝܐ܂ ܘܠܣ̈ܒܐ ܕܡܕܝܢܬܐ ܚܒܪܝ ܘܟܪܡܝ܂
10:07 [ai]ܘܚܙܘ ܫܘܚܠܦܐ ܕܐܦ̈ܝܗ܂ ܘܡܥܛܦܐ ܕܢܚܬܝܗ܂ ܘܬܡܗܘ ܛܒ ܥܠ ܫܘܦܪܗ܂ ܘܐܡܪܘ ܠܗ
10:08 [ai]ܐܠܗܗܘܢ ܕܐܒ̈ܗܝܢ ܢܬܠ ܠܟܝ ܪ̈ܚܡܐ܂ ܘܬܫܠܡܝܢ ܨܢܝܥܘܬܟܝ܂ ܠܫܘܒܚܐ ܕܒ̈ܢܝ ܐܝܣܪܝܠ ܘܠܪܘܡܐ ܕܐܪܫܠܡ܂ ܘܢܦܠܬ ܥܠ ܐ̈ܦܝܗ ܘܣܓܕܬ ܠܐܠܗܐ܂
10:09 [ai]ܘܐܡܪܬ ܠܗܘܢ ܃ ܦܩܘܕܘ ܦܬܚܝܢ ܬܪ̈ܥܐ ܕܡܕܝܢܬܐ܂ ܘܐܦܘܩ ܘܐܫܠܡ ܦܬܓ̈ܡܐ ܕܡܠܠܬܘܢ ܥܡܝ܂ ܘܦܩܕܘ ܠܥܠܝܡ̈ܐ ܕܢܦܬܚܘܢ ܠܗܿ ܬܪܥܐ܂ ܐܝܟ ܕܐܡܪܬ܂
10:10 [ai]ܘܥܒܕܘ ܒ̈ܢܝ ܡܕܝܢܬܐ ܗܟܢܐ܂ ܘܢܦܩܬ ܝܗܘܕܝܬ ܗܝ ܘܛܠܝܬܗ ܥܡܗ܂ ܘܕܩܘ ܒ̈ܢܝ ܡܕܝܢܬܐ ܥܕܡܐ ܕܢܚܬܬ ܡܢ ܛܘܪܐ܂ ܘܟܕ ܐܬܝ ܠܐܘܠܘܢܐ܂ ܬܘܒ ܠܐ ܚܙܐܘܗ܂
10:11 [ai]ܘܐܙܠܬ ܒܓܘ ܐܘܠܘܢܐ ܬܪܝܨܐܝܬ ܘܦܓܥܬ ܒܡܛܪܬܐ ܩܕܡܝܬܐ ܕܒ̈ܢܝ ܐܬܘܪ܂
10:12 [ai]ܘܐܚܕܘܗ ܘܫܐܠܘܗ ܘܐܡܪܝܢ ܠܗ܂ ܡܐ ܛܒܟܝ ܘܡܢ ܐܝܡܟܐ ܐܬܝܬ܂ ܘܠܐܝܟܐ ܐܙܠܬܝ܂ ܘܐܡܪܬ ܠܗܘܢ ܒܪܬ ܥܒܪ̈ܝܐ ܐܢܐ܂ ܘܥܪܩܬ ܡܢܗܘܢ܂ ܡܛܠ ܕܥܬܝܕܝܢ ܐܢܘܢ ܠܡܫܬܠܡܘ ܠܟܘܢ ܠܡܐܟܘܠܬܐ܂
10:13 [ai]ܘܐܢܐ ܐܬܝܬ ܠܘܬ ܐܠܦܪܢܐ ܪܒ ܚܝܠܟܘܢ܂ ܕܐܘܕܥܗ ܦܬܓܡܐ ܕܩܘܫܬܐ ܘܐܚܘܝܘܗܝ ܐܘܪܚܐ ܕܢܐܙܠ ܒܗ܂ ܘܢܫܠܛ ܒܟܠܗ ܛܘܪܐ ܘܠܐ ܢܛܥܐ ܡܢܗ ܚܕ ܡܢ ܒ̈ܢܝ ܒܣܪܐ܂ ܘܐܦܠܐ ܪܘܚܐ ܕܚ̈ܝܐ܂
10:14 [ai]ܘܟܕ ܫܡܥܘ ܥܒ̈ܕܐ ܦܬܓܡ̈ܝܗ܂ ܚܪܘ ܒܐ̈ܦܝܗ ܘܬܡܝܗ ܗܘܐ ܫܘܦܪܗ ܒܥܝܢ̈ܝܗܘܢ ܛܒ܂
10:15 [ai]ܘܐܡܪܘ ܠܗ܂ ܐܚܝܬܝ ܢܦܫܟܝ ܠܛܒܬܐ܂ ܕܐܣܬܪܗܒܬ ܢܚܬܬܝ ܩܕܡ ܡܪܢ܂ ܡܟܝܠ ܩܪܘܒܝ ܠܘܬ ܡܫܟܢܗ܂ ܘܐܢܫܐ ܡܢܢ ܢܘܒܠܘܢܟܝ܂ ܥܕܡܐ ܕܢܫܠܡܘܢܟܝ ܒܐܝܕܘ̈ܗܝ܂
10:16 [ai]ܘܟܕ ܬܩܘܡܝܢ ܩܕܡܘܗܝ ܠܐ ܬܕܚܠܝܢ ܒܠܒܟܝ܂ ܐܠܐ ܚܘܐܝܘܗܝ ܦܬܓܡܝܟܝ ܘܢܛܐܒ ܠܟܝ܂
10:17 [ai]ܘܓܒܘ ܡܢܗܘܢ ܡܐܐ ܓܒܪ̈ܝܢ܂ ܘܐܫܠܡܘܗ ܠܗ ܘܠܥܠܝܡܬܗ܂ ܘܐܝܬܝܘ ܐ̈ܢܝܢ ܠܡܫܟܢܗ ܕܐܠܦܪܢܐ܂
10:18 [ai]ܘܗܘܐ ܪܗܛܐ ܒܟܠܗ ܡܫܪܝܬܐ܂ ܡܛܠ ܕܐܫܬܡܥܬ ܡܐܬܝܬܗ܂ ܠܐܝܠܝܢ ܕܒܡܫ̈ܟܢܐ܂ ܘܐܬܘ ܘܟܪܝܟܝܢ ܗܘܘ ܠܗ܂ ܟܕ ܩܝܡܐ ܠܒܪ ܡܢ ܡܫܟܢܐ ܕܐܠܦܪܢܐ܂ ܥܕܡܐ ܕܐܡܪܘ ܠܗ ܥܠܝܗ܂
10:19 [ai]ܘܬܡܗܘ ܒܫܘܦܪܗ܂ ܘܩܒܠܘ ܦܬܓ̈ܡܝܗ ܡܢ ܕܛܒܝܢ ܗܘܘ ܛܒ ܃ ܘܐܬܕܡܪܘ ܒܒ̈ܢܝ ܐܝܣܪܐܝܠ ܡܛܠܬܗ܂ ܘܐܡܪܘ ܓܒܪ ܠܚܒܪܗ܂ ܡܢ ܢܒܣܐ ܒܥܡܐ ܕܐܝܬ ܒܗ ܐܝܟ ܗܠܝܢ ܢܫ̈ܐ܂ ܠܐ ܘܠܐ ܕܢܫܬܚܪ ܡܢܗܘܢ ܐܢܫ܂ ܕܠܐ ܟܕ ܢܫܬܚܪܘܢ ܢܬܚܟܡܘܢ ܠܟܠܗ ܐܪܥܐ܂ ܼܼܿ܂
10:20 [ai]ܘܢܦܩܘ ܟܠܗܘܢ ܦܠܚ̈ܘܗܝ ܕܐܠܦܪܢܐ ܘܟܠܗܘܢ ܥܒܕ̈ܘܗܝ܂ ܘܐܥܠܘܗ ܠܡܫܟܢܐ܂
10:21 [ai]ܘܐܠܦܪܢܐ ܪܡܐ ܗܘܐ ܘܢܝܚ ܒܥܪܣܗ ܒܓܘ ܟܠܬܗ܂ ܕܙܩܝܪܐ ܒܐܪܓܘܢܐ ܘܒܕܗܒܐ܂ ܘܒܐܙܡܪܓܕܐ܂ ܘܒܟܐ̈ܦܐ ܛܒܬ̈ܐ܂
10:22 [ai]ܘܐܡܪܘ ܠܗ ܥܠܝܗ܂ ܘܗܘ ܟܕ ܫܡܥ܂ ܢܦܩ ܠܕܪܬܐ ܕܡܫܟܢܐ܂ ܘܠܡܦ̈ܕܐ ܕܣܐܡܐ ܕܠܩܝܢ ܗܘܘ ܩܕܡܘܗܝ܂ ܘܐܥܠܘܗ ܠܘܬܗ ܃
10:23 [ai]ܘܟܕ ܩܡܬ ܝܗܘܕܝܬ ܩܕܡܘܗܝ ܘܩܕܡ ܥ̈ܒܕܘܗܝ܂ ܐܬܕܡܪܘ ܟܠܗܘܢ ܒܫܘܦܪܐ ܕܐ̈ܦܝܗ܂ ܘܢܦܠܬ ܥܠ ܐ̈ܦܝܗ ܘܣܓܕܬ ܠܗ܂ ܘܐܚܕܘܗ ܥܒܕܘ̈ܗܝ ܘܐܩܝܡܘܗ܂

next chapter