← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62065: Judith

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


11:01 [ai]ܘܐܡܪ ܠܗ ܐܠܦܪܢܐ܂ ܬܪܣܝ ܐܢܬܬܐ ܠܐ ܬܕܚܠܝܢ ܒܠܒܟܝ܂ ܡܛܠ ܕܠܐ ܐܒܐܫܬ ܠܟܠܢܫ܂ ܕܨܒܐ ܕܢܦܠܘܚ ܠܢܒܘ ܟܕܢܨܪ ܡܠܟܐ ܕܟܠܗ ܐܪܥܐ܂
11:02 [ai]ܘܐܦ ܗܫܐ ܥܡܟܝ ܐܝܠܝܢ ܕܥܡܪܝܢ ܒܛܘܪܐ܂ ܐܠܘ ܠܐ ܐܣܠܝܘܢܝ܂ ܠܐ ܡܪܝܡ ܗܘܝܬ ܥܠܝܗܘܢ ܢܝܙܟܐ܂ ܐܠܐ ܗܢܘܢ ܥܒܕܘ ܠܢܦܫܗܘܢ ܗܠܝܢ܂
11:03 [ai]ܡܟܝܠ ܐܡܪ ܠܝ ܠܡܢܐ ܥܪܩܬܝ ܡܢܗܘܢ ܘܐܬܝܬܝ ܠܘܬܢ ܐܬܝܬ ܓܝܪ ܠܚ̈ܝܐ܂ ܬܪܣܝ ܡܢ ܗܢܐ ܠܠܝܐ ܘܠܗܠ ܬܚܝܢ܂
11:04 [ai]ܡܛܠ ܕܠܝܬ ܕܡܗܪ ܠܟܝ܂ ܘܐܥܒܕ ܠܟܝ܂ ܐܝܟ ܕܡܬܥܒܕ ܠܥܒ̈ܕܘܗܝ ܕܡܪܝ܂
11:05 [ai]ܘܐܡܪܬ ܠܗ ܝܗܘܕܝܬ܂ ܫܡܥ ܡ̈ܠܝܗ ܕܐܡܬܟ܂ ܘܬܡܠܠ ܐܡܬܟ ܩܕܡܝܟ܂ ܘܠܐ ܐܡܠܠ ܕܓ̈ܠܬܐ ܩܕܡܝܟ ܒܠܠܝܐ ܗܢܐ܂
11:06 [ai]ܘܐܢ ܬܫܡܥ ܦܬܓ̈ܡܝ܂ ܢܫܬܠܡ ܟܠܡܕܡ ܒܐܝ̈ܕܝܟ܂ ܟܘܠ ܕܢܥܒܕ ܥܡܟ ܐܠܗܐ܂ ܘܠܐ ܢܦܠ ܡܪܝ ܡܢ ܨܢܥ̈ܬܗ ܟܡܐ ܕܚܝ܂
11:07 [ai]ܡܛܠ ܕܚܝ ܗܘ ܢܒܘܟܕܢܨܪ ܡܠܟܐ ܕܟܘܠܗ ܐܪܥܐ܂ ܕܠܐ ܒܠܚܘܕ ܒܢܝܢ̈ܫܐ ܢܦܠܚܘܢܗ ܡܛܠܬܟ܂ ܐܠܐ ܐܦ ܚܝܘܬܐ ܘܒܥܝܪܐ ܘܦܪܚܬܐ ܕܫܡܝܐ܂ ܢܕܥܘܢܝܗܝ ܠܢܒܘܟܕܢܨܪ ܒܚܝܠܟ܂
11:08 [ai]ܫܡܥܢ ܚܟܡܬܟ ܘܨܢܥܬܗ ܕܠܒܟ܂ ܘܐܬܐܡܪ ܒܟܠܗ ܐܪܥܐ܂ ܕܐܢܬ ܒܠܚܘܕܝܟ ܛܒ ܒܟܠܗ ܡܠܟܘܬܐ܂ ܘܬܡܝܗ ܒܝܕܥܬܐ܂ ܘܚܝܠܬܢ ܒܩܪܒܐ܂
11:09 [ai]ܘܗܫܐ ܡܪܝ܂ ܡܠܬܐ ܕܐܡܪ ܐܚܝܘܕ ܒܟܢܫܐ ܩܕܡܝܟ܂ ܫܡܥܢ ܡܠܘܗܝ܂ ܡܛܘܠ ܕܩܒܠܘܗܝ ܒ̈ܢܝ ܡܕܝܢܬܐ܂ ܘܐܫܬܥܝ ܠܗܘܢ ܟܠܗܘܢ ܦܬܓ̈ܡܐ ܕܐܡܪ ܩܕܡܝܟ܂
11:10 [ai]ܡܛܠ ܗܢܐ ܡܪܝ ܠܐ ܬܥܒܪ ܥܠ ܡܠܬܗ܂ ܐܠܐ ܣܝܡܝܗ ܒܠܒܟ܂ ܡܛܠ ܕܫܪܝܪ ܗܘ܂ ܡܛܠ ܕܠܐ ܡܬܬܒܥ ܥܡܢ܂ ܘܐܦܠܐ ܫܠܛܐ ܒܗܘܢ ܚܪܒܐ܂ ܐܠܐ ܐܢ ܚܛܘ ܩܕܡ ܐܠܗܗܘܢ܂
11:11 [ai]ܘܡܟܝܠ ܕܠܐ ܢܗܘܐ ܡܪܝ ܕܠܐ ܣܘܥܪܢ܂ ܢܦܠ ܡܘܬܐ܂ ܩܕܡܝܗܘܢ܂ ܘܐܕܪܟ ܐܢܘܢ ܚܛܐ ܪܒܐ܂ ܕܒܗ ܡܪܓܙܝܢ ܠܐܠܗܗܘܢ ܟܕ ܢܥܒܕܘܢܗ܂
11:12 [ai]ܡܛܠ ܕܚܣܪ ܠܗܘܢ ܬܘܪܣܝܐ܂ ܘܐܬܛܠܩܘ ܠܗܘܢ ܡܝܝ̈ܗܘܢ ܃ ܐܬܚܫܒܘ ܠܡܫܠܛ ܒܒܥܝܪܗܘܢ ܃ ܘܟܠ ܕܦܪܫ ܠܗܘܢ ܐܠܗܗܘܢ ܒܢܡܘ̈ܣܘܗܝ ܕܠܐ ܢܐܟܠܘܢ ܃
11:13 [ai]ܘܐܬܪܥܝܘ ܠܡܐܟܠ ܪ̈ܫܝܬܐ ܕܥܒܘܪܐ ܘܕܚܡܪܐ ܘܕܡܫܚܐ ܕܢܛܪܘ ܟܠܗܘܢ ܃ ܠܡܩܕܫܘ ܠܟܗ̈ܢܐ ܕܩܝܡܝܢ ܩܕܡ ܐܠܗܐ ܒܐܘܪܫܠܡ܂ ܘܐܨܛܒܝܘ ܠܡܐܟܠ܂ ܡܢ ܗܢܘܢ ܕܐܦ ܠܐ ܒܐܝܕ̈ܝܗܘܢ ܫܠܝܛ ܠܐܢܫ ܡܢ ܒܢ̈ܝ ܥܡܐ ܠܡܩܪܒ܂
11:14 [ai]ܘܫܕܪܘ ܐܦ ܠܐܘܪܫܠܡ܂ ܡܛܠ ܕܐܦ ܥܡܘܪ̈ܐ ܕܬܡܢ ܥܒܕܘ ܐܝܟ ܟܠܗܝܢ ܗܠܝܢ܂ ܠܐܝܠܝܢ ܕܐܘܒܠܘ ܠܗܘܢ ܦܬܓܡܐ ܠܘܬ ܣܒ̈ܐ܂
11:15 [ai]ܘܢܗܘܐ ܕܟܕ ܢܫܠܚܘܢ ܠܗܘܢ ܘܢܥܒܕܘܢ ܗܕܐ܂ ܢܫܬܠܡܘܢ ܠܟ ܒܝܘܡܐ ܗܘ܂ ܘܬܘܒܕ ܐܢܘܢ ܃
11:16 [ai]ܡܛܠ ܗܢܐ ܐܦ ܐܢܐ ܐܡܬܟ܂ ܟܕ ܚܙܝܬ ܗܠܝܢ܂ ܥܪܩܬ ܡܢܗܘܢ ܃ ܘܫܕܪܢܝ ܐܠܗܐ ܠܡܥܒܕ ܥܡܟ ܨܒܘܬܐ܂ ܕܬܬܡܗ ܒܗ ܟܠܗ ܐܪܥܐ܂ ܐܝܠܝܢ ܕܢܫܡܥܘܢ ܃
11:17 [ai]ܡܛܠ ܕܕܚܠܬ ܐܠܗܐ ܗܝ ܐܡܬܟ܂ ܘܦܠܚܬ ܒܐܝܡܡܐ ܘܒܠܠܝܐ ܩܕܡ ܐܠܗܐ ܕܫܡܝܐ܂ ܘܡܟܝܠ ܐܟܬܪ ܠܘܬܟ ܡܪܝ܂ ܘܬܗܘܐ ܢܦܩܐ ܐܡܬܟ ܒܠܠܝܐ ܠܢܚܠܐ܂ ܘܐܨܠܐ ܠܐܠܗܐ܂ ܘܢܚܘܝܢܝ ܐܡܬܝ ܡܬܥܒܕܝܢ ܚܛܗ̈ܝܗܘܢ ܃
11:18 [ai]ܘܐܬܐ ܘܐܘܕܥܝܘܗܝ ܠܟ܂ ܘܬܦܘܩ ܒܚܝܠܟ܂ ܘܠܐ ܢܗܘܐ ܐܢܫ ܡܢܗܘܢ ܕܩܐܡ ܠܩܘܒܠܟ܂
11:19 [ai]ܘܐܥܒܪܟ ܒܓܘ ܝܗܘܕ܂ ܥܕܡܐ ܕܬܡܛܐ ܠܐܘܪܫܠܡ܂ ܘܐܣܝܡ ܟܘܪܣܝܟ ܒܡܨܥܬܗ ܃ ܘܬܕܒܪ ܐܢܘܢ ܐܝܟ ܥܢܐ ܕܠܝܬ ܠܗ ܪܥܝܐ܂ ܘܠܐ ܢܒܚ ܟܠܒܐ ܒܠܫܢܗ ܩܕܡܝܟ܂ ܡܛܠ ܕܗܠܝܢ ܐܬܓܠܝ ܒܡܕܥܝ ܃ ܘܐܫܬܕܪܬ ܕܐܡܪ ܠܟ܂
11:20 [ai]ܘܫܦܪܘ ܦܬܓܡ̈ܝܗ ܩܕܡ ܐܠܦܪܢܐ܂ ܘܩܕܡ ܥܒ̈ܕܘܗܝ ܟܘܠܗܘܢ܂ ܘܐܬܕܡܪܘ ܒܫܘܦܪܗ ܘܒܚܟܡܬܗ܂ ܘܐܡܪܘ ܠܗ܂
11:21 [ai]ܕܠܝܬ ܐܢܬܬܐ ܐܝܟ ܗܕܐ ܡܢ ܣܘ̈ܦܝܗ ܠܣܘ̈ܦܝܗ ܕܐܪܥܐ܂ ܒܫܘܦܪܐ ܕܐܦ̈ܐ ܘܒܡ̈ܠܐ ܕܣܘܟܠܐ܂
11:22 [ai]ܘܐܡܪ ܠܗ ܐܠܦܪܢܐ܂ ܫܦܝܪ ܥܒܕ ܐܠܗܐ ܕܫܕܪܟܝ ܩܕܡ ܒ̈ܢܝ ܥܡܟܝ܂ ܕܢܗܘܐ ܒܢ ܥܘܗܕܢܐ܂ ܘܒܐܝܠܝܢ ܕܐܣܠܝܘ ܠܡܪܝ ܐܒܕܢܐ ܢܗܘܐ܂
11:23 [ai]ܘܗܫܐ܂ ܐܢܬܝ ܫܦܝܪܐ ܐܢܬܝ ܒܚܙܘܟܝ܂ ܘܛܒܐ ܐܢܬܝ ܒܡܕܥܟܝ ܘܒܦܬ̈ܓܡܝܟܝ܂ ܘܐܢ ܬܥܒܕܝܢ ܐܝܟ ܕܐܡܪܬܝ܂ ܐܠܗܟܝ ܢܗܘܐ ܐܠܗܝ܂ ܘܐܢܬܝ ܒܒܝܬܗ ܕܡܠܟܐ ܬܬܒܝܢ܂ ܘܬܗܘܝܢ ܡܝܬܪܐ ܒܫܡܐ ܛܒ ܡܢ ܟܘܠܗ ܐܪܥܐ܂

next chapter