← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62065: Judith

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


14:01 [ai]ܘܐܡܪܬ ܠܗܘܢ ܝܗܘܕܝܬ܂ ܫܘܡܥܘܢܝ ܐܚܝ̈ ܣܒܘ ܪܫܐ ܗܢܐ܂ ܘܬܠܘ ܒܥܥܝܬܐ ܕܫܘܪܐ܂
14:02 [ai]ܘܢܗܘܐ ܟܕ ܢܢܗܪ ܨܦܪܐ܂ ܘܢܦܘܩ ܫܡܫܐ ܥܠ ܐܪܥܐ܂ ܘܬܣܒܘܢ ܓܒܪ ܡܐ̈ܢܝ ܩܪܒܗ܂ ܘܬܦܩܘܢ ܟܠ ܓܒܪ ܚܝܠܬܢ ܠܒܪ ܡܢ ܡܕܝܢܬܐ܂ ܘܬܥܒܕܘܢ ܥܠܝܗܘܢ ܪܫܐ܂ ܘܬܦܩܘܢ ܐܝܟ ܕܠܦܩܥܬܐ܂ ܥܠ ܡܛܪܬܐ ܩܕܡܝܬܐ ܕܒ̈ܢܝ ܐܬܘܪ܂ ܘܠܐ ܬܚܬܘܢ ܃
14:03 [ai]ܘܗܝܕܝܢ ܢܣܒܘܢ ܗܢܘܢ ܙܝܢܗܘܢ܂ ܘܢܐܙܠܘܢ ܠܡܫܪܝܬܗܘܢ ܃ ܘܢܥܝܪܘܢ ܠܪ̈ܒܝ ܚܝܠܗܘܢ ܃ ܘܢܪܗܛܘܢ ܠܡܫܟܢܐ ܕܐܠܦܪܢܐ ܘܠܐ ܢܫܟܚܘܢܗ܂ ܘܬܦܠ ܥܠܝܗܘܢ ܕܚܠܬܐ܂ ܘܢܥܪܩܘܢ ܡܢ ܩܕܡܝܟܘܢ ܃
14:04 [ai]ܘܬܐܙܠܘܢ ܐܢܬܘܢ ܟܘܠ ܕܥܡܪܝܢ ܒܬܚܘܡܐ ܕܐܝܣܪܝܠ܂ ܬܫܛܚܘܢ ܬܪܡܘܢ ܐܢܘܢ ܒܐܘܪ̈ܚܬܐ܂
14:05 [ai]ܩܕܡ ܕܝܢ ܕܬܥܒܕܘܢ ܗܠܝܢ܂ ܠܐܚܝܘܕ ܥܡܘܢܝܐ ܩܪܘ܂ ܕܢܚܙܐ ܘܢܕܥ ܠܗܘ ܕܐܣܝ ܠܒܝܬ ܐܝܣܪܝܠ܂ ܘܠܗ ܫܕܪܘ ܠܘܬܢ ܐܝܟ ܕܠܡܘܬܐ܂
14:06 [ai]ܘܩܪܐܘܗܝ ܠܐܚܝܘܕ ܡܢ ܒܝܬܗ ܕܥܘܙܝܐ܂ ܘܟܕ ܐܬܐ ܘܚܙܐ ܪܝܫܗ ܕܐܠܦܪܢܐ܂ ܒܐܝܕܗ ܕܓܒܪܐ ܚܕ ܒܟܢܘܫܬܐ ܕܥܡܐ ܢܦܠ ܥܠ ܐܦܘ̈ܗܝ܂ ܘܐܬܟܪܝܬ ܪܘܚܗ܂
14:07 [ai]ܘܟܕ ܐܚܕܘ ܐܩܝܡܘܗܝ܂ ܢܦܠ ܥܠ ܪ̈ܓܠܝܗ ܕܝܗܘܕܝܬ܂ ܘܣܓܕ ܩܕܡܝܗ ܘܐܡܪ ܠܗ܂ ܒܪܝܟܐ ܐܢܬܝ ܒܟܠ ܥܡ܂ ܕܢܫܡܥܘܢ ܫܡܥܟܝ ܘܢܕܚܠܘܢ ܃
14:08 [ai]ܘܡܟܝܠ ܚܘܝܐܢܢܝ ܟܘܠ ܡܐ ܕܥܒܕܬܝ ܒܝܘܡ̈ܬܐ ܗܠܝܢ܂ ܘܐܫܬܥܝܬ ܠܗ ܟܠ ܕܥܒܕܬܝ܂ ܡܢ ܝܘܡܐ ܕܢܦܩܬܝ ܘܥܕܡܐ ܠܝܘܡܐ ܕܡܠܠܬܝ ܥܡܗܘܢ ܃
14:09 [ai]ܘܟܕ ܫܠܝܬ ܡܢ ܕܠܡܡܠܠܘ܂ ܩܥܘ ܥܡܐ ܒܩܠܐ ܪܡܐ܂ ܘܐܫܬܡܥ ܩܠ ܚܕܘܬܐ ܒܡܕܝܢܬܘܢ ܃
14:10 [ai]ܘܟܕ ܚܙܐ ܐܚܝܘܕ ܟܘܠ ܕܥܒܕ ܐܠܗܐ ܠܐܝܣܪܝܠ܂ ܗܝܡܢ ܒܐܠܗܐ ܘܓܙܪ ܒܣܪܐ ܕܥܘܪܠܘܬܗ܂ ܘܐܬܬܘܣܦ ܥܠ ܥܡܐ ܕܒܝܬ ܐܝܣܪܝܠ܂ ܥܕܡܐ ܠܝܘܡܢܐ܂
14:11 [ai]ܘܟܕ ܣܠܩ ܫܦܪܐ܂ ܬܠܘ ܪܫܗ ܕܐܠܦܪܢܐ ܠܒܪ ܡܢ ܫܘܪܐ܂ ܘܫܩܠܘ ܓܒܪ ܡܐ̈ܢܝ ܙܝܢܗ܂ ܘܢܦܩܘ ܠܡܫܪܝܬܐ ܥܠ ܡܣܩܢܐ ܕܛܘܪ̈ܐ܂
14:12 [ai]ܘܟܕ ܚܙܘ ܐܢܘܢ ܒ̈ܢܝ ܐܬܘܪ܂ ܫܕܪܘ ܥܠ ܪ̈ܘܪܒܢܝܗܘܢ܂ ܘܥܠ ܪ̈ܒܝ ܐܠܦ̈ܐ܂ ܘܥܠ ܟܠ ܫܠܝܛܢ̈ܝܗܘܢ ܃
14:13 [ai]ܘܐܙܠܘ ܠܡܫܟܢܗ ܕܐܠܦܪܢܐ܂ ܘܐܡܪܘ ܠܒܘܓܐ ܕܩܐܡ ܗܘܐ ܥܠ ܟܠ ܥܒܝ̈ܕܬܗ܂ ܥܘܠ ܐܥܝܪܝܗܝ ܠܡܪܢ ܃ ܡܛܠ ܕܐܡܪܚܘ ܓܒܪ̈ܐ ܠܡܚܬ ܥܠܝܢ ܠܩܪܒܐ܂ ܘܢܐܒܕܘܢ ܠܥܠܡ܂
14:14 [ai]ܘܐܙܠ ܒܘܓܐ ܘܢܩܫ ܒܕܪܬܐ ܕܡܫܟܢܐ܂ ܡܛܠ ܕܣܒܪ ܗܘܐ ܕܥܡ ܝܗܘܕܝܬ ܕܡܝܟ ܗܘܐ܂
14:15 [ai]ܘܟܕ ܐܢܫ ܠܐ ܥܢܝܗܝ܂ ܦܬܚ ܘܥܠ ܠܩܝܛܘܢܐ ܘܐܫܟܚܗ ܠܐܠܦܪܢܐ ܟܕ ܫܕܐ ܥܪܛܠ܂ ܘܪܝܫܗ ܫܩܝܠ ܡܢܗ܂
14:16 [ai]ܘܓܥܐ ܒܩܠܐ ܪܡܐ ܘܒܒܟܬܐ ܘܒܬܢܚܬܐ ܘܒܓܥܬܐ ܪܒܬܐ ܨܪܝ ܠܒܘܫܘ̈ܗܝ܂
14:17 [ai]ܘܥܠ ܠܡܫܟܢܐ ܐܝܟܐ ܕܫܪܝܐ ܗܘܬ ܝܗܘܕܝܬ܂ ܘܠܐ ܐܫܟܚܗ܂ ܘܢܦܩ ܠܘܬ ܥܡܐ ܘܐܡܪ ܠܗܘܢ ܃
14:18 [ai]ܛܠܡܘ ܥ̈ܒܕܐ ܡܪ̈ܝܗܘܢ ܃ ܘܥܒܕܬ ܒܗܬܬܐ ܗܕܐ ܐܢܬܬܐ ܚܕܐ ܡܢ ܥܒܪ̈ܝܐ܂ ܒܒܝܬܗ ܕܢܒܘ ܟܕܢܨܪ܂ ܡܛܠ ܕܗܐ ܐܠܦܪܢܐ ܪܡܐ ܥܠ ܐܪܥܐ܂ ܘܪܫܗ ܫܩܝܠ ܡܢܗ܂
14:19 [ai]ܘܟܕ ܫܡܥܘ ܡ̈ܠܘܗܝ ܪ̈ܒܝ ܚܝܠܐ ܕܐܬܘܪ ܨܪܝܘ ܟܘܬܝ̈ܢܬܗܘܢ ܃ ܘܐܬܕܠܚܬ ܢܦܫܗܘܢ ܛܒ ܒܓܘ ܡܫܪܝܬܐ܂

next chapter