← Back
The Comprehensive Aramaic Lexicon
← Return to the Text Browser
click on the file description for more information
62066: Sirach

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


03:01 [ai]ܒܢܝܐ ܕܝܢ ܠܐܒܗ̈ܐ ܫܡܥܘ ܘܥܒܕܘ܃ ܡܛܠ ܕܬܚܘܢ ܚܝ̈ܐ ܕܠܥܠܡ ܥܠܡܝܢ܂
03:02 [ai]ܡܪܝܐ ܓܝܪ ܫܒܚ ܠܐܒܐ ܥܠ ܒܢܝܐ܂ ܘܕܝܢܐ ܕܐܡܐ ܥܠ ܝܠܕܝ̈ܗ ܫܪܪ܃
03:03 [ai]ܕܡܝܩܪ ܠܐܒܘܗܝ܃ ܡܫܬܒܩܝܢ ܚܘܒ̈ܘܗܝ܂
03:04 [ai]ܘܣܐܡ ܣܝܡ̈ܬܐ ܡܢ ܕܡܝܩܪ ܠܐܡܗ܂
03:05 [ai]ܕܡܝܩܪ ܠܐܒܘܗܝ ܢܚܕܐ ܡܢ ܒܪܗ܂ ܘܟܕ ܡܨܠܐ܃ ܢܫܬܡܥ ܘܢܬܥܢܐ܂
03:06 [ai]ܕܡܝܩܪ ܠܐܒܘܗܝ ܢܣܓܘܢ ܝܘܡ̈ܬܗ܂ ܘܪܡܐ ܚܘܒ̈ܠܐ ܛܒ̈ܐ ܥܠ ܐܠܗܐ ܡܢ ܕܡܝܩܪ ܠܐܡܗ܀
03:08 [ai]ܒܪܝ ܒܥܒܕܐ ܘܒܡܠܬܐ ܝܩܪ ܠܐܒܘܟ܂ ܡܛܠ ܕܢܐܬܝܢ ܥܠܝܟ ܟܠܗܝܢ ܒܘܪ̈ܟܬܗ܃
03:09 [ai]ܒܘܪܟܬܐ ܕܐܒܐ ܬܩܝܡ ܡܕܝܪ̈ܐ܂ ܘܠܘܛܬܐ ܕܐܡܐ ܬܥܩܘܪ ܥܩܪ̈ܐ܂
03:10 [ai]ܠܐ ܬܬܝܩܪ ܒܨܥܪܗ ܕܐܒܘܟ܂ ܡܛܠ ܕܠܐ ܗܘܐ ܐܝܩܪܐ ܗܘܐ ܠܟ܃
03:11 [ai]ܐܝܩܪܗ ܕܓܒܪܐ ܐܝܩܪܗ ܗܘ ܕܐܒܘܗܝ܂ ܘܚܘܒ̈ܐ ܪ̈ܘܪܒܐ ܡܢ ܕܡܨܥܪ ܠܐܡܗ܂
03:12 [ai]ܒܪܝ ܐܬܥܫܢ ܒܐܝܩܪܗ ܕܐܒܘܟ܂ ܘܠܐ ܬܫܒܘܩ ܐܝܩܪܗ ܟܠ ܝܘ̈ܡܝ ܚܝܝ̈ܟ܂
03:13 [ai]ܐܦܢ ܒܛܠ ܡܕܥܗ ܫܒܘܩ ܠܗ܃ ܘܠܐ ܬܒܗܬܝܘܗܝ ܟܠ ܝܘ̈ܡܝ ܚܝ̈ܘܗܝ܂
03:14 [ai]ܙܕܩܬܐ ܕܐܒܐ ܠܐ ܡܬܛܥܝܐ܂ ܘܚܠܦ ܚܘ̈ܒܐ ܗܝ ܡܬܢܨܒܐ܂
03:15 [ai]ܒܝܘܡܐ ܕܥܩܬܐ ܗܝ ܬܬܕܟܪ ܠܟ܂ ܐܝܟ ܚܘܡܐ ܥܠ ܓܠܝܕܐ ܠܡܒܛܠܘ ܚܛܗ̈ܝܟ܃
03:16 [ai]ܡܛܠ ܕܡܓܕܦ ܡܢ ܕܫܐܛ ܠܐܒܘܗܝ܂ ܘܠܝܛ ܩܕܡ ܒܪܝܗ ܡܢ ܕܡܨܥܪ ܠܐܡܗ܂
03:17 [ai]ܒܪܝ ܒܥܘܬܪܟ ܒܡܟܝܟܘܬܐ ܗܠܟ܂ ܘܡܢ ܓܒܪܐ ܕܝܗܒ ܡܘܗ̈ܒܬܐ ܢܪܚܡܘܢܟ܂
03:18 [ai]ܒܟܠ ܕܐܝܬ ܕܪܒ ܒܥܠܡܐ ܐܙܥܪ ܢܦܫܟ܂ ܘܩܕܡ ܐܠܗܐ ܬܫܟܚ ܪ̈ܚܡܐ܂
03:20 [ai]ܡܛܠ ܕܣܓܝܐ̈ܝܢ ܐܢܘܢ ܪ̈ܚܡܘܗܝ ܕܐܠܗܐ܂ ܘܠܡܟ̈ܝܟܐ ܪ̈ܐܙܐ ܡܬܓܠܝܢ܂
03:21 [ai]ܕܩ̈ܫܝܢ ܡܢܟ ܠܐ ܬܒܥܐ܂ ܘܕܬܩ̈ܝܦܢ ܡܢܟ ܠܐ ܬܥܩܒ܂
03:22 [ai]ܒܡܐ ܕܐܫܠܛܘܟ ܐܣܬܟܠ܂ ܘܠܝܬ ܠܟ ܬܘܟܠܢܐ ܥܠ ܟܣܝ̈ܬܐ܂
03:23 [ai]ܘܒܫܪܟܐ ܕܥܒ̈ܕܘܗܝ ܠܐ ܬܬܥܣܩ܂ ܡܛܠ ܕܣܓܝ ܡܢܟ ܐܬܚܘܝ ܠܟ܂
03:24 [ai]ܡܛܠ ܕܣܓܝܐ̈ܝܢ ܐܢܘܢ ܪ̈ܥܝܢܝܗܘܢ ܕܒܢܝܢ̈ܫܐ܂ ܘܕܡܘ̈ܬܐ ܒܝܫ̈ܬܐ ܡ̈ܛܥܝܢ܂
03:26 [ai]ܠܒܐ ܩܫܝܐ ܬܒܐܫ ܚܪܬܗ܂ ܘܡܢ ܕܪܚܡ ܛܒ̈ܬܐ ܒܗܝܢ ܢܕܪܘܟ܂
03:27 [ai]ܠܒܐ ܩܫܝܐ ܢܣܓܘܢ ܟܐܒ̈ܘܗܝ܂ ܘܕܡܪܚ ܢܘܣܦ ܚܛܗ̈ܐ ܥܠ ܚܛܗ̈ܐ܂
03:28 [ai]ܠܡܚܘܬܗ ܕܡܡܝܩܢܐ ܠܝܬ ܠܗ ܐܣܝܘܬܐ܂ ܡܛܠ ܕܡܢ ܢܨܒܬܐ ܒܝܫܬܐ ܢܨܒܬܗ܂
03:29 [ai]ܠܒܐ ܚܟܝܡܐ ܢܣܬܟܠ ܒܡ̈ܬܠܐ ܕܚܟܝܡ̈ܐ܂ ܘܐܕܢܐ ܕܫܡܥܐ ܬܚܕܐ ܒܚܟܝ̈ܡܐ܂
03:30 [ai]ܢܘܪܐ ܕܝܩܕܐ ܢܕܥܟܘܢ ܡܝ̈ܐ܂ ܗܟܢܐ ܙܕܩܬܐ ܫܒܩܐ ܚܛܗ̈ܐ܂
03:31 [ai]ܕܥܒܕ ܕܫܦܝܪ ܥܬܝܕ ܒܐܘܪܚܗ܂ ܘܒܥܕܢܐ ܕܢܦܠ ܡܫܟܚ ܠܗ ܣܡܟܐ܀

next chapter