← Back
The Comprehensive Aramaic Lexicon
← Return to the Text Browser
click on the file description for more information
62066: Sirach

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


04:01 [ai]ܒܪܝ ܠܐ ܬܡܝܩ ܒܚܝܘܗ̈ܝ ܕܡܣܟܢܐ܂ ܘܠܐ ܬܛܪܦ ܠܡܣܟܢܐ ܚܫܝܟܐ܂
04:02 [ai]ܢܦܫܐ ܕܚܣܝܪ ܠܗ ܠܐ ܬܟܐܒ ܪܘܚܗ܂ ܘܠܐ ܬܛܥܐ ܪܘܚܗ ܕܐܢܫܐ ܕܬܒܝܪܐ܂
04:03 [ai]ܡܥܘ̈ܗܝ ܕܐܢܫܐ ܡܣܟܢܐ ܠܐ ܬܟܐܒ܂ ܘܠܐ ܬܟܠܐ ܡܘܗܒܬܐ ܡܢ ܨܪܝܟܐ܀
04:04 [ai]ܒܥܘܬܗ ܕܡܣܟܢܐ ܠܐ ܬܫܒܘܩ܂
04:05 [ai]ܘܠܐ ܬܬܠ ܠܗ ܐܬܪܐ ܕܢܠܘܛܟ܂
04:06 [ai]ܠܐܛ ܗܘ܃ ܓܝܪ ܡܪܝܪ ܚܢܟ̈ܐ ܡܢ ܟܠܗ ܢܦܫܗ܃ ܘܒܩܠܐ ܕܓܥܬܗ ܫܡܥ ܒܪܝܗ܂
04:07 [ai]ܐܪܚܡ ܢܦܫܟ ܠܟܢܘܫܬܐ܂ ܘܠܫ̈ܠܝܛܢܐ ܕܡܕܝܢܬܐ ܐܡܟ ܢܦܫܟ܂
04:08 [ai]ܐܪܟܢ ܠܡܣܟܢܐ ܐܕܢܟ܃ ܘܥܢܝܘܗܝ ܫܠܡܐ ܒܡܟܝܟܘܬܐ܂
04:09 [ai]ܦܪܘܩ ܠܐܠܝܨܐ ܡܢ ܐܠܘܨ̈ܘܗܝ܂ ܘܠܐ ܬܬܟܪܐ ܪܘܚܟ ܒܕܝܢܐ ܬܪܝܨܐ܂
04:10 [ai]ܗܘܝ ܐܝܟ ܐܒܐ ܠܝ̈ܬܡܐ܂ ܘܚܠܦ ܒܥܠܐ ܠܐܪ̈ܡܠܬܐ܂ ܘܬܗܘܐ ܠܐܠܗܐ ܐܝܟ ܒܪܐ܂ ܘܢܪܚܡ ܥܠܝܟ܀
04:11 [ai]ܚܟܡܬܐ ܒ̈ܢܝܗ ܐܠܦܬ܂ ܘܬܢܗܪ ܠܟܠ ܐܝܠܝܢ ܕܡܣܬܟܠܝܢ ܒܗ܃
04:12 [ai]ܪ̈ܚܡܝܗ ܐܝܠܝܢ ܕܪܚܡܝܢ ܚܝ̈ܐ܂ ܘܕܒܥܝܢ ܠܗ ܢܩܒܠܘܢ ܨܒܝܢܐ ܡܢ ܡܪܝܐ܂
04:13 [ai]ܘܕܡܬܕܒܩܝܢ ܒܗ ܐܝܩܪܐ ܡܢ ܩܕܡ ܐܠܗܐ ܢܫܟܚܘܢ܂ ܘܐܬܪܐ ܕܒܪܟ ܡܪܝܐ ܒܝܬ ܡܫܪܝܗܘܢ܂
04:14 [ai]ܡܫܡ̈ܫܢܝܗ ܡܫܡ̈ܫܢܝ ܩܘܕܫܐ܂ ܘܒܝܬ ܡܫܪܝܗ ܪܚܡ ܐܠܗܐ܂
04:15 [ai]ܕܫܡܥ ܠܝ ܢܕܘܢ ܫܪܪܐ܂ ܘܕܨܐܬ ܠܝ ܢܫܪܐ ܠܓܘ ܡܢܝ܂
04:16 [ai]ܐܢ ܢܗܝܡܢ ܒܝ ܢܐܪܬܢܝ܂ ܘܢܩܒܠܢܝ ܠܟܠܗܘܢ ܕܪ̈ܐ ܕܥܠܡܐ܂
04:17 [ai]ܡܛܠ ܕܗܦܟܐܝܬ ܐܗܠܟ ܥܡܗ܃ ܘܩܕܡܝ ܐܒܩܝܘܗܝ܂ ܕܚܠܬܐ ܘܙܘܥܬܐ ܐܪܡܐ ܥܠܘܗܝ܂ ܘܐܒܕܩܝܘܗܝ ܒܢܣ̈ܝܘܢܝ܂ ܥܕ ܥܕܢ ܕܢܬܡܠܐ ܠܒܗ ܒܝ܂
04:18 [ai]ܐܗܦܘܟ ܐܬܩܢ ܥܡܗ܃ ܘܐܓܠܐ ܠܗ ܟܠܗܝܢ ܟܣ̈ܝܬܝ܂
04:19 [ai]ܐܢ ܕܝܢ ܢܗܦܘܟ ܡܢ ܒܬܪܝ ܐܪܡܝܘܗܝ܂ ܘܐܫܠܡܝܘܗܝ ܒܝܕ ܚܛܘ̈ܦܐ܂
04:20 [ai]ܥܕܢܐ ܛܪ܂ ܘܕܚܠ ܡܢ ܒܝܫܐ܂ ܘܡܢ ܢܦܫܟ ܠܐ ܬܒܗܬ܂
04:21 [ai]ܡܛܘܠ ܕܐܝܬ ܒܗܬܬܐ܂ ܕܒܪܝܐ ܚ̈ܛܗܐ܂ ܘܐܝܬ ܒܗܬܬܐ ܕܐܝܩܪܗ ܛܝܒܘܬܐ܂
04:22 [ai]ܠܐ ܬܣܒ ܒܐ̈ܦܝ ܢܦܫܟ܃ ܘܠܐ ܬܒܗܬ ܠܡܘܕܝܘ ܒܬܘܩܠܬܟ܂
04:23 [ai]ܠܐ ܬܟܠܐ ܦܬܓܡܐ ܒܥܕܢܗ܂ ܘܠܐ ܬܛܫܐ ܚܟܡܬܟ܂
04:24 [ai]ܡܛܠ ܕܒܡܐܡܪܐ ܗܘ ܡܬܝܕܥܐ ܚܟܡܬܐ܂ ܘܣܘܟܠܐ ܒܥܢܝܢܐ ܕܠܫܢܐ܂
04:25 [ai]ܠܐ ܬܣܪܘܒ ܥܠ ܩܘܫܬܐ܂ ܘܡܢ ܣܟ̈ܠܘܬܟ ܐܬܟܠܝ܂
04:26 [ai]ܠܐ ܬܒܗܬ ܠܡܘܕܝܘ ܒܚܛܗ̈ܝܟ܂ ܘܠܐ ܬܩܘܡ ܠܘܩܒܠ ܣܟܠܐ܂
04:27 [ai]ܠܐ ܬܪܟܢ ܠܫܛܝܐ ܢܦܫܟ܂ ܘܠܐ ܬܬܚܪܐ ܠܘܩܒܠ ܫܠܝܛܐ܂
04:28 [ai]ܥܕܡܐ ܠܡܘܬܐ ܐܬܟܬܫ ܥܠ ܩܘܫܬܐ܂ ܘܡܪܝܐ ܢܬܟܬܫ ܚܠܦܝܟ܂
04:29 [ai]ܠܐ ܬܗܘܐ ܫܒܗܪܢ ܒ̈ܡܠܝܟ ܘܪܦܐ ܘܢܫܝܫ ܒܥܒ̈ܝܕܬܟ܂
04:30 [ai]ܠܐ ܬܗܘܐ ܟܠܒ ܒܒܝܬܟ܂ ܘܙܥܝܦ ܘܕܚܝܠ ܒܥܒ̈ܝܕܬܟ܂
04:31 [ai]ܠܐ ܬܗܘܐ ܦܫܝܛܐ ܐܝܕܟ ܠܡܣܒ܃ ܂ ܘܬܗܘܐ ܩܦܝܣܐ ܠܡܬܠ܂

next chapter