Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants
| 05:01 [ai] | ܠܐ ܬܬܟܠ ܥܠ ܢܟܣ̈ܝܟ܂ ܘܬܐܡܪ ܕܣܓܝ ܐܝܬ ܠܝ܂ |
| 05:02 [ai] | ܠܐ ܬܬܟܠ ܥܠ ܚܝܠܟ ܠܡܐܙܠ ܒܨܒ̈ܝܢܝ ܠܒܟ܂ |
| 05:03 [ai] | ܠܐ ܬܐܡܪ ܕܡܢܘ ܡܨܐ ܚܝܠܝ܂ ܡܛܠ ܕܡܪܝܐ ܬܒܘܥܐ ܗܘ ܕܟܠܗܘܢ ܥܠܝܒ̈ܐ܂ |
| 05:04 [ai] | ܠܐ ܬܐܡܪ ܕܚܛܝܬ ܘܠܐ ܗܘܐ ܠܝ ܡܕܡ܂ ܡܛܠ ܕܐܠܗܐ ܢܓܝܪ ܪܘܚܐ ܗܘ܂ ܠܐ ܬܐܡܪ܂ ܕܡܪܚܡܢܐ ܗܘ ܡܪܝܐ܂ ܘܠܣܘܓܐܐ ܕܚܘܒ̈ܝ ܗܘ ܫܒܩ ܠܝ܂ |
| 05:05 [ai] | ܠܐ ܬܬܟܠ ܥܠ ܫܘܒܩܢܐ܂ ܕܠܐ ܚܛܗ̈ܐ ܥܠ ܚܛܗ̈ܐ ܬܘܣܦ܂ |
| 05:06 [ai] | ܡܛܘܠ ܕܪ̈ܚܡܐ ܘܪܘܓܙܐ ܥܡܗ܃ ܘܥܠ ܪ̈ܫܝܥܐ܂ ܢܬܬܢܝܚ ܪܘܓܙܗ܂ |
| 05:07 [ai] | ܠܐ ܬܫܬܘܚܪ ܕܬܬܘܒ ܩܕܡܘܗܝ܂ ܘܠܐ ܬܬܥܟܪ ܡܢ ܝܘܡ ܠܝܘܡ܂ ܡܛܘܠ ܕܡܢ ܫܠܝܐ ܢܦܩ ܪܘܓܙܐ܂ ܘܠܥܕܢ ܦܘܪܥܢܐ ܐܒܕܢܐ܂ |
| 05:08 [ai] | ܠܐ ܬܬܟܠ ܥܠ ܢܟ̈ܣܐ ܕܥܘܠܐ܂ ܡܛܘܠ ܕܠܐ ܢܥܕܪܘܢܟ ܒܝܘܡܐ ܕܥܩܬܐ܂ |
| 05:09 [ai] | ܠܐ ܬܗܘܐ ܪܕܐ ܒܟܠ ܪܘܚ܂ ܘܡܬܦܢܐ ܠܟܠ ܫܒܝܠ܃ |
| 05:10 [ai] | ܗܘܝܬ ܣܡܝܟ ܥܠ ܛܥܡܟ܂ ܘܡܠܬܟ ܚܕܐ ܬܗܘܐ܂ |
| 05:11 [ai] | ܗܘܝܬ ܡܣܪܗܒ ܠܡܫܡܥ܂ ܘܒܡܬܝܢܘܬܐ ܗܘܝܬ ܝܗܒ ܦܬܓܡܐ܂ |
| 05:12 [ai] | ܐܢ ܐܝܬ ܠܟ ܡܠܬܐ܂ ܦܢܐ ܠܚܒܪܟ܂ ܘܐܠܐ ܐܝܕܟ ܣܝܡ ܥܠ ܦܘܡܟ܂ |
| 05:13 [ai] | ܐܝܩܪܐ ܘܩܠܠܐ ܒܝܕ ܡܢ ܕܡܡܠܠ܂ ܘܠܫܢܗܘܢ ܕܒܢܝܢ̈ܫܐ ܪܡܐ ܠܗܘܢ܂ |
| 05:14 [ai] | ܠܐ ܬܬܩܪܐ ܡܗܠܟ ܒܬܪܬܝܗܝܢ܂ ܘܒܠܫܢܟ ܠܐ ܬܬܩܠ܂ ܡܛܠ ܕܥܠ ܓܢܒܐ ܐܬܒܪܝܬ ܒܗܬܬܐ܂ ܘܨܥܪܐ ܒܝܫܐ ܥܠ ܡܢ ܕܡܗܠܟ ܒܬܪ̈ܬܝܢ܂ |
| 05:15 [ai] | ܣܓܝ ܘܙܥܘܪ ܠܐ ܬܣܪܘܚ܂ |