← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62066: Sirach

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


06:01 [ai]ܘܚܠܦ ܪܚܡܐ ܠܐ ܬܗܘܐ ܣܢܐܐ܂ ܕܠܐ ܫܡܐ ܒܝܫܐ ܘܩܠܠܐ ܬܐܪܬ܂ ܘܚܣܕܐ ܘܚܘ̈ܒܐ ܥܠ ܡܢ ܕܡܗܠܟ ܒܬܪ̈ܬܝܢ܂
06:02 [ai]ܠܐ ܬܫܬܠܡ ܒܐܝܕܐ ܕܢܦܫܟ܂ ܕܠܐ ܬ‍<‍ܥ‍>‍ܒ‍{‍ܥ‍}‍ܐ ܐܝܟ ܬܘܪܐ ܚܝܠܟ܂
06:03 [ai]ܛܪ̈ܦܝܟ ܬܬܪ̈ ܘܐܒܟ ܬܐܟܘܠ܂ ܘܬܫܒܩܟ ܐܝܟ ܐܝܠܢܐ ܝܒܝܫܐ܂
06:04 [ai]ܡܛܠ ܕܢܦܫܐ ܩܫܝܬܐ ܬܚܒܠ ܡܪܗ܂ ܘܚܕܘܬܐ ܠܣܢܐ̈ܘܗܝ ܬܥܒܕܝܘܗܝ܂
06:05 [ai]ܦܘܡܐ ܒܣܝܡܐ ܢܣܓܘܢ ܪ̈ܚܡܘܗܝ܂ ܘܣܦܘ̈ܬܗܘܢ ܕܟ̈ܐܢܐ ܫܐܠܬܐ ܕܫܠܡܐ܂
06:06 [ai]ܫܐ̈ܠܝ ܫܠܡܟ ܢܗܘܘܢ ܣܓܝܐ̈ܝܢ܂ ܘܒܥܠ ܐܪܙܟ ܚܕ ܡܢ ܐܠܦ܂
06:07 [ai]ܐܢ ܩܢܐ ܐܢܬ ܪܚܡܐ ܒܢܣܝܢܐ ܩܢܝܘܗܝ܂ ܘܠܐ ܬܣܬܪܗܒ ܠܡܬܬܟܠܘ ܥܠܘܗܝ܂
06:08 [ai]ܐܝܬ ܪܚܡܐ ܒܐܦ̈ܝ ܫܥܬܐ܂ ܘܠܐ ܩܐܡ ܒܥܕܢܐ ܕܐܘܠܨܢܐ܂
06:11 [ai]ܒܛܒ̈ܬܟ ܗܘܐ ܐܟܘܬܟ܂ ܘܒܒܝ̈ܫܬܟ ܡܬܪܚܩ ܡܢܟ܂
06:12 [ai]ܐܢ ܬܦܠ ܢܗܦܘܟ ܒܟ܂ ܘܡܢ ܩܕܡܝܟ ܢܐܙܠ ܘܢܬܛܫܐ܂
06:13 [ai]ܘܡܢ ܣܢܐܟ ܐܬܪܚܩ܂ ܘܡܢ ܪܚܡܐ ܗܘܝܬ ܙܗܝܪ܂
06:14 [ai]ܪܚܡܐ ܕܫܪܪܐ ܪܚܡܐ ܗܘ ܕܬܘܩܦܐ܂ ܘܡܫܟܚܢ̈ܘܗܝ ܡܫܟܚܝܢ ܣܝܡܬܐ܂
06:15 [ai]ܠܪܚܡ ܗܝܡܢܘܬܐ ܠܝܬ ܠܗ ܕܡ̈ܝܐ܂ ܘܠܝܬ ܡܬܩܠܐ ܠܛܝܒܘܬܗ܂
06:16 [ai]ܪܚܡ ܗܝܡܢܘܬܐ ܣܡܐ ܗܘ ܕܚܝ̈ܐ܂ ܘܐܝܢܐ ܕܕܚܠ ܠܐܠܗܐ ܗܘܝܘ܂
06:17 [ai]ܕܚ̈ܠܘܗܝ ܕܐܠܗܐ ܢܫܪܘܢ ܪܚܡܘܬܗܘܢ܂ ܡܛܠ ܕܐܟܘܬܗ ܗܟܢܐ ܪ̈ܚܡܘܗܝ܃ ܘܐܝܟ ܫܡܗ ܥܒ̈ܕܘܗܝ܀
06:18 [ai]ܒܪܝ ܡܢ ܛܠܝܘܬܟ ܩܒܠ ܝܘܠܦܢܐ܂ ܘܥܕܡܐ ܠܣܝܒܘܬܟ ܬܫܟܚ ܚܟܡܬܐ܂
06:19 [ai]ܐܝܟ ܙܪܘܥܐ ܘܐܝܟ ܚܨܘܕܐ ܩܪܘܒ ܥܠܝܗ܂ ܘܣܘܓܐܐ ܕܥ̈ܠܠܬܗ ܬܚܡܘܠ܂ ܐܝܟ ܥܡܠܐ ܙܥܘܪܐ ܬܥܡܠ܂ ܘܒܥܓܠ ܐܒܗ ܬܐܟܘܠ܂
06:20 [ai]ܟܡܐ ܩܫܝܐ ܥܠ ܣܟ̈ܠܐ ܚܟܡܬܐ܂ ܘܠܐ ܢܣܝܒܪܘܢܗ ܚܣܝܪ̈ܝ ܠܒܐ܂
06:21 [ai]ܐܝܟ ܟܐܦܐ ܗܝ ܝܩܝܪܬܐ ܥܠܘܗܝ܂ ܕܠܐ ܢ‍<‍ܘ‍>‍ܚ‍{‍ܘ‍}‍ܪ ܘܢܫܕܝܗ܃
06:22 [ai]ܫܡܗ ܐܝܟ ܝܘܠܦܢܗ܂ ܘܠܣܟ̈ܠܐ ܠܐ ܡܬܒܚܪܐ܀
06:23 [ai]ܫܡܥ ܒܪܝ ܘܩܒܠ ܝܘܠܦܢܝ܂ ܘܠܐ ܬܒܛܠ ܡܪܕܘܬܝ܂
06:24 [ai]ܐܥܠ ܪܓܠܟ ܒܡܨܝܕܬܗ܃ ܘܒܛܥܢܗ ܐܥܠ ܨܘܪܟ܂
06:25 [ai]ܩܪܒ ܟܬܦܟ ܘܫܩܘܠܝܗ܂ ܘܠܐ ܬܬܥܝܩ ܒܫܩܘܠܬܗ܃
06:26 [ai]ܒܟܠܗ ܠܒܟ ܩܪܘܒ ܥܠܝܗ܂ ܘܒܟܠܗ ܚܝܠܟ ܛܪ ܐܘܪ̈ܚܬܗ܂
06:27 [ai]ܒܕܩ ܘܒܨܝ ܘܒܥܝ ܘܬܫܟܚ܃ ܘܐܬܥܫܢ ܒܗ ܘܠܐ ܬܪ̈ܦܝܗ܂
06:28 [ai]ܘܒܚܪܬܗ ܬܫܟܚ ܢܝܚܐ ܘܬܦܢܝܩ̈ܐ܂ ܘܬܚܕܐ ܒܐܚܪܝܬܗ܃
06:29 [ai]ܘܢ̈ܗܘܝܢ ܠܟ ܡܨܝܕܬܗ ܡܘܬܒܐ ܥܫܝܢܐ܂
06:31 [ai]ܘܠܒܘܫܐ ܕܐܝܩܪܐ ܬܠܒܫܟ܂ ܘܟܠܝܠܐ ܕܬܫܒܘܚܬܐ ܬܩܛܪܟ܃
06:32 [ai]ܐܢ ܬܨܒܐ ܒܪܝ ܬܬܚܟܡ܂ ܘܐܢ ܬܣܝܡ ܠܒܠܟ ܬܗܘܐ ܥܪܝܡ܂
06:33 [ai]ܐܢ ܬܨܒܐ ܠܡܫܡܥ ܬܐܠܦ܂ ܘܐܢ ܬܪܟܢ ܐܕܢܟ ܬܬܚܟܡ܂
06:34 [ai]ܒܟܢܘܫܬܐ ܕܣܒ̈ܐ ܗܘܝܬ ܩܐܡ܂ ܘܚܙܝ ܡܢܘ ܚܟܝܡ ܐܬܕܒܩ ܠܗ܃
06:35 [ai]ܟܠ ܫܘ̈ܥܝܬܐ ܗܘܝܬ ܨܒܐ ܠܡܫܡܥ܂ ܘܡ̈ܬܠܐ ܕܚܟܝܡ̈ܐ ܠܐ ܢܦܠܛܘܢܟ܃
06:36 [ai]ܚܙܝ ܡܢܘ ܚܟܝܡ ܘܒܥܝܘܗܝ܃ ܘܬܕܪܘܫ ܐܣܟܦܬܗ ܪܓܠܟ܂
06:37 [ai]ܐܣܬܟܠ ܒܕܚܠܬܗ ܕܐܠܗܐ܂ ܘܒܦܘܩ̈ܕܢܘܗܝ ܗܘܝܬ ܪܢܐ ܒܟܠܝܘܡ܂ ܘܗܘ ܢܬܩܢ ܐܘܪ̈ܚܬܟ܂ ܘܡܢ ܡܐ ܕܐܬܪܓܪܓܬ ܢܠܦܟ܂

next chapter