← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62066: Sirach

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


07:01 [ai]ܠܐ ܬܥܒܕ ܕܒܝܫ ܘܠܐ ܢܫܟܚܟ ܒܝܫܐ܂
07:02 [ai]ܐܪܚܩ ܡܢ ܒܝܫܐ ܘܢܬܪܚܩ ܡܢܟ܂
07:03 [ai]ܘܠܐ ܬܙܪܘܥ ܥܠ ܟܪܒܐ ܕܚܛܝܬܐ܂ ܕܠܐ ܚܕ ܒܫܒܥܐ ܬܚܨܕܝܘܗܝ܂
07:04 [ai]ܠܐ ܬܒܥܐ ܡܢ ܩܕܡ ܐܠܗܐ ܫܘܠܛܢܐ ܘܡܢ ܡܠܟܐ ܡܘܗܒܬܐ ܕܐܝܩܪܐ܂
07:05 [ai]ܠܐ ܬܙܟܐ ܢܦܫܟ ܩܕܡ ܐܠܗܐ ܘܩܕܡ ܡܠܟܐ ܠܐ ܬܗܘܐ ܣܟܠܐ܂
07:06 [ai]ܠܐ ܬܒܥܐ ܠܡܗܘܐ ܕܝܢܐ܂ ܐܠܐ ܐܢ ܒܟ ܚܝܠܐ ܠܡܒܛܠܘ ܥܘܠܐ܂ ܕܠܡܐ ܬܕܚܠ ܡܢ ܩܕܡ ܥܬܝܪܐ ܘܬܥܒܕ ܡܘܡܐ ܒܕܚܠܬܟ܂
07:07 [ai]ܠܐ ܬܚܝܒ ܢܦܫܟ ܒܟܢܘܫܬܐ ܕܡܕܝܢܬܐ܂ ܘܠܐ ܬܪܡܐ ܢܦܫܟ ܒܕܝ̈ܢܝܗ܂
07:08 [ai]ܠܐ ܬܬܢܐ ܠܡܚܛܐ ܚܛܗ̈ܐ܂ ܡܛܠ ܕܒܩܕܡܝ̈ܐ ܠܐ ܙܟܝܬ܂
07:09 [ai]ܠܐ ܬܐܡܪ ܕܚܐܪ ܒܣܘܓܐܐ ܕܩܘܪ̈ܒܢܝ܂ ܘܕܡܩܪܒ ܐܢܐ ܠܡܪܝܡܐ ܩܘܪ̈ܒܢܝ ܡܩܒܠ܃
07:10 [ai]ܠܐ ܬܬܥܝܩ ܒܡ̈ܠܝ ܨܠܘܬܟ܂ ܘܡܢ ܙܕܩܬܐ ܠܐ ܬܫܬܘܚܪ܂ ܘܠܐ ܬܫܬܘܚܪ ܠܡܥܒܕ ܦܘܩܕܢܐ܂
07:11 [ai]ܘܠܐ ܬܓܚܟ ܥܠ ܐܢܫܐ ܕܡܪ̈ܝܪܢ ܚܢܟܘ̈ܗܝ܃ ܡܛܠ ܕܐܝܬ ܕܡܪܝܡ ܘܡܫܦܠ܂
07:12 [ai]ܠܐ ܬܬܪܥܐ ܒܝܫܬܐ ܥܠ ܐܚܐ܂ ܗܟܢܐ ܐܦ ܥܠ ܪܚܡܐ ܐܦ ܥܠ ܚܒܪܐ ܒܚܕܐ܂
07:13 [ai]ܠܐ ܬܨܒܐ ܠܡܟܕܒܘ ܟܘܠ ܟܕܒܘܬܐ܂ ܡܛܠ ܕܚܪܬܗ ܠܐ ܗܘܬ ܛܒܐ܂
07:14 [ai]ܠܐ ܬܣܬܪ ܢܦܫܟ ܒܟܢܘܫܬܐ ܕܫ̈ܠܝܛܢܐ܂ ܘܠܐ ܬܫܚܠܦ ܡ̈ܠܝ ܨܠܘܬܟ܂ ܠܐ ܬܪܚܡ ܢܦܫܟ ܡܢ ܐܢܫܐ ܕܥܡܟ܂
07:16 [ai]ܐܬܕܟܪ̈ ܕܪܘܓܙܐ ܠܐ ܥܒܪ܂
07:17 [ai]ܛܒ ܛܒ ܐܡܟ ܢܦܫܟ܂ ܡܛܘܠ ܕܚܪܬܐ ܕܟܠܗܘܢ ܒܢܝܢ̈ܫܐ ܠܪܡܬܐ ܗܘܝܐ܂
07:18 [ai]ܠܐ ܬܚܠܦ ܪܚܡܐ ܒܡܡܘܢܐ܂ ܘܐܚܐ ܕܐܝܬ ܠܟ ܒܕܗܒܐ ܕܐܘܦܝܪ܂
07:19 [ai]ܠܐ ܬܚܠܦ ܐܢܬܬܐ ܛܒܬܐ ܘܫܦܝܪܬ ܚܙܘܐ ܒܡܪ̈ܓܢܝܬܐ܂
07:20 [ai]ܠܐ ܬܛܪܦ ܠܥܒܕܐ ܕܦܠܚ ܒܩܘܫܬܐ܂ ܐܦܠܐ ܠܐܓܝܪܐ ܕܡܥܠ ܢܦܫܗ܂
07:21 [ai]ܥܒܕܐ ܚܟܝܡܐ ܐܚܒܝܗܝ ܐܝܟ ܢܦܫܟ܂ ܘܠܐ ܬܟܠܐ ܡܢܗ ܚܐܪܘܬܐ܂
07:22 [ai]ܒܥܝܪܐ ܐܝܬ ܠܟ ܒܩܝܗ܂ ܘܐܢ ܫܪܝܪܐ ܗܝ ܩܢܝܗ܃
07:23 [ai]ܒܢܝܐ ܐܝܬ ܠܟ ܪܕܝ ܐܢܘܢ ܘܣܒ ܠܗܘܢ ܢܫ̈ܐ ܒܛܠܝܘܬܗܘܢ܃
07:24 [ai]ܒ̈ܢܬܐ ܐܝܬ ܠܟ ܛܪ ܒܣܪܗܝܢ܂ ܘܠܐ ܬܢܗܪ ܠܗܝܢ ܐܦܝ̈ܟ܂
07:25 [ai]ܐܦܩ ܒܪܬܐ ܘܢܦܘܩ ܥܫܘܩܝܐ܂ ܘܠܓܒܪܐ ܕܝܢ ܕܚܟܝܡ ܗܒܝܗ܂
07:26 [ai]ܐܢܬܬܐ ܐܝܬ ܠܟ ܠܐ ܬܫܒܩܝܗ܂ ܘܐܢ ܥܘܠܐ ܗܝ ܠܐ ܬܗܝܡܢ ܒܗ ܀ܸ
07:27 [ai]ܒܟܠܗ ܠܒܟ ܝܩܪ ܠܐܒܘܟ܃ ܘܠܐܡܟ ܕܝܠܕܬܟ ܠܐ ܬܛܥܐ܂
07:28 [ai]ܐܬܕܟܪ̈ ܕܐܠܘ ܠܐ ܗܢܘܢ ܠܐ ܐܝܬܝܟ܂ ܘܡܢܐ ܬܦܪܘܥ ܐܢܘܢ ܕܪܒܝܘܟ܂
07:29 [ai]ܒܟܘܠܗ ܠܒܟ ܕܚܠ ܡܢ ܐܠܗܐ܂ ܘܠܟܗ̈ܢܘܗܝ ܝܩܪ܂
07:30 [ai]ܒܟܘܠܗ ܠܒܟ ܝܩܪ ܒܪܝܟ܂ ܘܡܫܡ̈ܫܢܘܗܝ ܠܐ ܬܫܒܘܩ܂
07:31 [ai]ܫܒܚܝܗܝ ܠܗ ܘܝܩܪ ܐܦ ܠܟܗ̈ܢܘܗܝ܂ ܘܗܒ ܠܗܘܢ ܙܕܩܗܘܢ ܐܝܟ ܡܐ ܕܐܬܦܩܕܬ܂ ܠܚܡܐ ܕܩܘܪ̈ܒܢܐ ܘܪ̈ܫܝܬܐ ܕܐܝܕܝ̈ܐ܂
07:32 [ai]ܐܦ ܠܡܣܟܢܐ ܐܘܫܛ ܐܝܕܟ܃ ܡܛܘܠ ܕܢܫ̈ܬܠܡܢ ܒܘܪ̈ܟܬܟ܂
07:33 [ai]ܚܣܕܐ ܗܝ ܓܝܪ ܡܘܗܒܬܐ ܒܥܝ̈ܢܝ ܟܠ ܒܪ̈ܝܬܐ܂ ܐܦ ܡܢ ܡܝܬܐ ܠܐ ܬܟܠܐ ܛܝܒܘܬܐ܂
07:34 [ai]ܘܠܐ ܬܫܬܘܚܪ ܡܢ ܒܝܬ ܒܟ̈ܐ܂ ܘܥܡ ܟܠ ܐܒܝ̈ܠܐ ܗܘܝܬ ܡܬܐܒܠ܂
07:35 [ai]ܘܠܐ ܬܡܐܢ ܠܟ ܠܡܣܥܪ ܡܪ̈ܥܐ܂ ܕܡܛܠ ܗܠܝܢ ܐܢܬ ܬܬܪܚܡ܂
07:36 [ai]ܒܟܘܠ ܥܒܕܝ̈ܟ ܗܘܝܬ ܕܟܝܪ ܚܪܬܐ܂ ܘܠܥܠܡ ܠܐ ܬܚܛܐ܂

next chapter