← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62066: Sirach

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


09:01 [ai]ܠܐ ܬܛܢ ܒܐܢܬܬܟ܂ ܕܠܐ ܬܐܠܦ ܥܠܝܟ ܚܟܡܐ ܒܝܫܐ܂
09:02 [ai]ܠܐ ܬܬܠ ܠܐܢܬܬܐ ܢܦܫܟ܂ ܠܡܫܠܛܘܬܗ ܥܠ ܟܠ ܡܐ ܕܐܝܬ ܠܟ܂
09:03 [ai]ܠܐ ܬܥܢܐ ܥܡ ܙܢܝܬܐ܂ ܕܠܐ ܬܦܠ ܒܡܨܝ̈ܕܬܗ܂
09:04 [ai]ܥܡ ܙܡܪܬܐ ܠܐ ܬܣܬܘܕ܂ ܕܠܐ ܬܘܒܕܟ ܒܫܘܥ̈ܝܬܗ܂
09:05 [ai]ܒܒܬܘܠܬܐ ܠܐ ܬܬܒܩܐ܃ ܕܠܡܐ ܬܬܚܝܒ ܒܦܪܢܝܬܗ ܐܥܦܐ܂
09:06 [ai]ܠܐ ܬܬܠ ܠܙܢܝܬܐ ܢܦܫܟ܂ ܕܠܐ ܬܘܒܕ ܝܘܪܬܢܐ ܕܢܟ̈ܣܝܟ܃
09:07 [ai]ܘܬܨܛܥܪ ܒܫܘ̈ܩܝ ܡܕܝܢܬܐ܂ ܘܬܬܟܬܒ ܒܓܘܪܐ ܕܚܘ̈ܒܐ܂
09:08 [ai]ܐܦ̈ܝܟ ܒܐܢܬܬܐ ܕܫܦܝܪܐ ܠܐ ܢܚܘܪ̈ܢ܂ ܘܠܐ ܬܬܒܩܐ ܒܫܘܦܪܐ ܕܠܐ ܕܝܠܟ܂ ܒܫܘܦܪܗ ܓܝܪ ܕܐܢܬܬܐ ܣܓܝ̈ܐܐ ܐܒܕܘ܃ ܘܪܚܡܬܗ ܐܝܟ ܢܘܪܐ ܝܩܕܐ܂
09:09 [ai]ܥܡ ܡܪܬ ܒܝܬܐ ܠܐ ܬܣܡܘܟ ܝܨܝܠܟ܃ ܘܠܐ ܬܡܙܘܓ ܥܡܗ ܚܡܪܐ ܥܬܝܩܐ܂ ܕܠܡܐ ܢܣܛܐ ܒܬܪܗ ܠܒܟ܂ ܘܚܝܒ ܡܘܬܐ ܬܚܘܬ ܠܫܝܘܠ܂
09:10 [ai]ܥܡ ܐܢܬܬ ܓܒܪܐ ܠܐ ܬܣܓܐ ܡܡܠܠܐ܂ ܘܠܐ ܬܓܪ ܥܡܗ ܫܘܥ̈ܝܬܐ܂ ܕܠܡܐ ܢܣܛܐ ܒܬܪܗ ܠܒܟ܂ ܘܒܕܡܐ ܚܝܒܐ ܬܚܘܬ ܠܫܝܘܠ܂
09:11 [ai]ܠܐ ܬܫܒܘܩ ܪܚܡܟ ܥܬܝܩܐ܂ ܡܛܠ ܕܚܕܬܐ ܠܐ ܡܛܐ ܠܗ܂ ܪܚܡܐ ܚܕܬܐ ܐܝܟ ܚܡܪܐ ܚܕܬܐ܂ ܕܟܕ ܢܥܬܩ ܬܫܬܝܘܗܝ܂
09:12 [ai]ܠܐ ܬܛܢ ܒܐܢܫܐ ܪܫܝܥܐ܂ ܡܛܠ ܕܠܐ ܬܕܥ ܡܢܐ ܗܘܝܐ ܚܪܬܗ܂ ܠܐ ܬܛܢ ܒܥܘܠܐ ܕܡܨܠܚ܂ ܐܬܕܟܪ ܕܥܕܡܐ ܠܡܘܬܐ ܐܢܫ ܠܐ ܙܟܐ܂
09:13 [ai]ܐܪܚܩ ܡܢ ܐܢܫܐ ܕܫܠܝܛ ܠܡܩܛܠ܃ ܘܠܐ ܬܕܚܠ ܡܢ ܕܚܠܬܐ ܕܡܘܬܐ܂ ܘܐܢ ܩܪܒ ܐܢܬ ܠܐ ܬܚܝܒ ܢܦܫܟ܂ ܘܕܥ ܕܒܝܬ ܦ̈ܚܐ ܐܢܬ ܦܣܥ܂ ܘܥܠ ܢܫܒ̈ܐ ܐܢܬ ܡܗܠܟ܃
09:14 [ai]ܐܝܟ ܚܝܠܟ ܥܢܝ ܚܒܪܟ܃ ܘܥܡ ܚܟ̈ܝܡܐ ܗܘܝܬ ܩܛܪ ܪܐܙܐ܂
09:15 [ai]ܥܡ ܡܢ ܕܕܚܠ ܠܐܠܗܐ ܢܗܘܘܢ ܚܘܫܒ̈ܢܝܟ܃ ܘܟܠܗܝܢ ܫܘ̈ܥܝܬܟ ܒܐܘܪ̈ܚܬܗ ܕܡܪܝܐ܂
09:16 [ai]ܐܢܫܐ ܟܐ̈ܢܐ ܢܗܘܘܢ ܐܟ̈ܠܝ ܦܬܘܪܟ܂ ܘܒܕܚܠܬܗ ܕܐܠܗܐ ܬܗܘܐ ܬܫܒܘܚܬܟ܀
09:17 [ai]ܒܚܟܡܬܗ ܕܕܝܢܐ ܬܬܩܢ ܡܕܝܢܬܐ܂ ܘܕܫܠܝܛ ܒܥܡ̈ܡܐ ܚܟܝܡ ܘܣܟܘܠܬܢ܂
09:18 [ai]ܕܚܝܠ ܒܩܪܬܐ ܓܒܪܐ ܦܟܢܐ܂ ܘܕܢܣܒ ܥܠ ܦܘܡܗ ܡܣܬܢܐ܂

next chapter