← Back
The Comprehensive Aramaic Lexicon
← Return to the Text Browser
click on the file description for more information
62066: Sirach

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


10:01 [ai]ܕܝܿܢܐ ܚܟܝܡܐ ܢܠܦ ܥܡܗ܂ ܘܫܠܝܛܐ ܚܟܝܡܐ ܢܘܬܒ ܩܪܝܬܗ܃
10:02 [ai]ܐܝܟ ܕܝܿܢܐ ܕܥܡܐ ܗܟܢܐ ܡܫ̈ܡܫܢܘܗܝ܃ ܘܐܝܟ ܪܝܫܐ ܕܡܕܝܢܬܐ ܗܟܢܐ ܥܡܘܪ̈ܝܗܿ܃
10:03 [ai]ܡܿܠܟܐ ܥܘܿܠܐ ܢܘܒܕ ܥܡܗ܂ ܘܡܬܝܬܒܐ ܩܪܝܬܐ ܒܚܟܡܬܐ ܕܫ̈ܠܝܛܢܐ܂
10:04 [ai]ܒܐܝܕ̈ܘܗܝ ܕܡܪܝܐ ܫܘܠܛܢܐ ܕܬܒܝܠ܂ ܘܕܟܫܪ ܠܥܕܢܗ ܢܩܝܡ ܥܠܝܗ܃
10:05 [ai]ܒܐܝܕ̈ܘܗܝ ܕܡܪܝܐ ܫܘܠܛܢܐ ܕܟܠ܂ ܘܠܕܚ̈ܠܘܗܝ ܢܬܠ ܐܝܩܪܗ܂
10:06 [ai]ܒܟܠ ܣܘܪ̈ܚܢܝܟ ܠܐ ܬܛܠܘܡ ܪܚܡܟ܂ ܘܠܐ ܬܗܠܟ ܒܐܘܪܚܐ ܕܓܐܘ̈ܬܢܐ܂ ܡܢ ܟܘܠ ܚܛܗ̈ܐ ܘܟܕܒܘܬܐ ܐܪܚܩ܂ ܘܠܐ ܬܗܠܟ ܒܪܘܚܐ ܪܡܬܐ܂
10:07 [ai]ܡܛܠ ܕܣܢܝܐ ܗܝ ܩܕܡ ܐܠܗܐ ܘܩܕܡ ܒ̈ܢܝܢܫܐ ܓܐܝܘܬܐ܂ ܘܡܢ ܬܪ̈ܝܗܘܢ ܚܛܘܦܝܐ ܘܛܠܘܡܝܐ܂
10:08 [ai]ܡܠܟܘܬܐ ܡܢ ܥܡܐ ܠܥܡܐ ܡܫܬܚܠܦܐ ܡܛܠ ܚܛܗ̈ܐ ܘܓܐܝܘܬܐ ܘܡܡܘܢܐ܂
10:09 [ai]ܡܢܐ ܢܬܓܐܐ ܥܦܪܐ ܘܩܛܡܐ܂
10:10 [ai]ܕܒܚܝܘ̈ܗܝ ܬܘ̈ܠܥܐ ܪ̈ܚܫܢ܂ ܓܒ̈ܘܗܝ ܘܡܥ̈ܘܗܝ ܐܣܝܐ ܢܨܪܐ܂ ܝܘܡܢܐ ܡܗܠܟ ܘܡܚܪ ܡܐܬ܂
10:11 [ai]ܒܡܘܬܗ ܕܒܪ ܐܢܫܐ ܪܡܬܐ ܡܢܬܗ ܘܬܘܠܥܗ ܩܕܡܘܗܝ ܪܚܫܐ܀
10:12 [ai]ܪܝܫ ܚܘܒ̈ܝܗܘܢ ܕܒܢ̈ܝܢܫܐ ܓܐܝܘܬܗܘܢ܂ ܘܥܒ̈ܕܝܗܘܢ ܡܫܛܝܢ ܠܗܘܢ܂
10:13 [ai]ܡܛܠ ܕܡܒܘܥܐ ܚܛܝܬܐ ܕܓܐܝܘܬܐ܂ ܘܙܢܝܘܬܐ ܡܒܘܥܐ ܕܬܪܬܝܗܝܢ܂ ܡܛܠ ܗܢܐ ܦܪܫ ܐܠܗܐ ܡܟܬܫܝܗ̈ܘܢ܂ ܘܡܚܐ ܐܢܘܢ ܡܚܘܬܐ ܓܡܝܪܬܐ܂
10:14 [ai]ܟܘܪܣܝܐ ܕܓܐܘ̈ܬܢܐ ܣܚܦ ܡܪܝܐ܂ ܘܐܘܬܒ ܡܟܝ̈ܟܐ ܚܠܦܝܗܘܢ
10:15 [ai]ܥܩܪܐ ܕܓܐܘ̈ܬܢܐ ܥܩܪ ܡܪܝܐ܂ ܘܢܨܒ ܡܟܝ̈ܟܐ ܚܠܦܝܗܘܢ܃
10:16 [ai]ܥܩܒ̈ܬܐ ܕܓܐܘ̈ܬܢܐ ܥܩܪ ܡܪܝܐ܂ ܘܐܘܒܕ ܡܢ ܐܪܥܐ ܕܘܟܪܢܗܘܢ܂
10:17 [ai]ܐܘܒܕ ܐܢܘܢ ܘܣܚܦ ܐܢܘܢ ܘܥܩܪ ܐܢܘܢ܂ ܘܓܡܪ ܡܢ ܒܢ̈ܝܢܫܐ ܕܘܟܪܢܗܘܢ܂
10:18 [ai]ܡܛܠ ܕܠܐ ܐܬܦܠܓܬ ܓܐܝܘܬܐ ܠܒ̈ܢܝ ܐ̈ܢܫܐ܂ ܘܪܡܘܬܐ ܕܠܒܐ ܠܝܠܝ̈ܕܝ ܐܢܬܬܐ܂܀
10:19 [ai]ܙܪܥܐ ܝܩܝܪܐ ܡܐ ܕܙܪܝܥ ܠܐܢܫܐ܂ ܙܪܥܐ ܝܩܝܪܐ ܡܢ ܕܕܚܠ ܠܐܠܗܐ܂ ܙܪܥܐ ܝܩܝܪܐ ܡܢ ܕܢܛܪ ܦܘܩܕ̈ܢܐ܂ ܙܪܥܐ ܙܠܝܠܐ ܡܐ ܕܙܪܝܥ ܠܐܢܫܐ܂ ܙܪܥܐ ܙܠܝܠܐ ܡܢ ܕܠܐ ܢܛܪ ܦܘܩ̈ܕܢܐ܀
10:20 [ai]ܒܝܬ ܐ̈ܚܐ ܩܫܝܫܐ ܡܝܩܪ܂ ܘܕܕܚܠ ܠܐܠܗܐ ܡܝܩܪ ܗܘ ܡܢܗ܂
10:22 [ai]ܬܘܬܒܐ ܐܟܣܢܝܐ ܕܡܣܟܝܢ ܘܥܝܝܩܐ ܠܗ܃ ܬܫܒܘܚܬܗ ܒܕܚܠܬܗ ܕܐܠܗܐ܂
10:23 [ai]ܠܝܬ ܠܡܨܥܪܘ ܠܡܣܟܢܐ ܙܕܝܩܐ܂ ܐܦ ܠܐ ܠܡܝܩܪܘ ܠܥܬܝܪܐ ܥܘܿܠܐ܂
10:24 [ai]ܪܒܐ ܘܫܠܝܛܐ ܘܕܝܿܢܐ ܝܩܪ܂ ܘܠܝܬ ܕܪܒ ܡܢ ܡܢ ܕܡܝܩܪ ܠܡܢ ܕܕܚܠ ܠܐܠܗܐ܂
10:25 [ai]ܠܥܒܕܐ ܚܟܝܡܐ ܚܐܪ̈ܐ ܢܦܠܚܘܢ܂ ܘܓܒܪܐ ܣܟܘܠܬܢܐ ܟܕ ܡܬܪܕܐ ܠܐ ܡܬܪܥܡ܀
10:26 [ai]ܠܐ ܬܬܚܒܢ ܠܡܥܒܕ ܥܒܕܟ܃ ܘܠܐ ܬܬܝܩܪ ܒܥܕܢܐ ܕܨܪܝܟܘܬܟ܃
10:27 [ai]ܛܒ ܗܘ ܕܦܠܚ ܘܝܬܝܪ ܡܡܘܢܐ܂ ܡܢ ܡܢ ܕܡܬܝܩܪ ܘܚܣܝܪ܀܀
10:28 [ai]ܒܪܝ ܒܥܢܘܝܘܬܐ ܝܩܪ ܢܦܫܟ܂ ܘܗܒ ܠܗ ܛܥܡܐ ܐܝܟ ܡܐ ܕܡܬܒܥܐ ܠܗ܂
10:29 [ai]ܒܪܝ ܡܢ ܕܡܚܝܒ ܢܦܫܗ ܡܢܘ ܢܙܟܝܘܗܝ܃ ܐܘ ܡܢܘ ܢܝܩܪ ܠܡܢ ܕܡܙܠ ܢܦܫܗ܂
10:30 [ai]ܐܝܬ ܡܣܟܢܐ ܕܡܬܝܩܪ ܡܛܠ ܚܟܡܬܗ܂ ܘܐܝܬ ܥܬܝܪܐ ܕܡܬܝܩܪ ܡܛܠ ܥܘܬܪܗ܃
10:31 [ai]ܕܡܬܝܩܪ ܒܡܣܟܢܘܬܗ ܒܥܘܬܪܗ ܚܕ ܟܡܐ܂ ܘܕܙܠܝܠ ܒܥܘܬܪܗ܃ ܒܡܣܟܢܘܬܗ ܚܕ ܟܡܐ܀

next chapter