← Back
The Comprehensive Aramaic Lexicon
← Return to the Text Browser
click on the file description for more information
62066: Sirach

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


12:01 [ai]ܐܢ ܡܛܐܒ ܐܢܬ ܠܒܝܫܐ ܠܐ ܗܘܐ ܡܕܡ ܥܒܕ ܐܢܬ܃ ܐܦܠܐ ܐܝܬ ܛܝܒܘ ܠܛܝܒܘܬܐ܂
12:02 [ai]ܐܛܐܒ ܠܙܕܝܩܐ ܘܬܫܟܚ ܦܘܪܥܢܐ܂ ܐܠܐ ܡܢܗ ܡܢ ܩܕܡ ܡܪܗ܃
12:03 [ai]ܠܝܬ ܬܝܒܘܬܐ ܠܡܢ ܕܡܝܩܪ ܠܒܝܫܐ܂ ܘܡܢ ܕܥܒܕ ܠܙܕܝܩܐ ܠܐ ܡܘܒܕ܂
12:05 [ai]ܚܕ ܬܪ̈ܝܢ ܒܝܫܐ ܡܫܟܚ ܠܟ ܒܥܕܢܐ ܕܨܪܝܟܘܬܟ܂ ܡܐ̈ܢܝ ܙܝܢܟ ܠܐ ܬܬܠ ܠܗ܃ ܕܠܡܐ ܒܗܘܢ ܢܬܟܬܫ ܥܡܟ܂
12:06 [ai]ܘܐܦ ܐܠܗܐ ܣܢܐ ܠܒܝܫ̈ܐ܂ ܘܥܠ ܥܘ̈ܠܐ ܢܝܬܐ ܦܘܪܥܢܗ܂
12:07 [ai]ܐܛܐܒ ܠܛܒܐ ܘܟܠܝ ܡܢ ܒܝܫܐ ܗܒ ܠܡܟܝܟܐ ܘܟܠܝ ܡܢ ܡܪܚܐ܂
12:08 [ai]ܠܐ ܢܬܚܟܡ ܒ̈ܛܒܬܗ ܪܚܡܐ܂ ܘܠܐ ܢܬܛܫܐ ܒܒܝ̈ܫܬܗ ܣܢܐܐ܂
12:09 [ai]ܒܛܒ̈ܬܗ ܓܝܪ ܕܓܒܪܐ ܒܥܠܕܒܒ̈ܘܗܝ ܒܟܪܝܘܬܐ ܗܘܝܢ܂ ܘܒܒ̈ܝܫܬܗ ܐܬܦܪܫ ܪܚܡܐ܂
12:10 [ai]ܠܐ ܬܗܝܡܢ ܒܣܢܐܐ ܠܥܠܡ܀ ܡܛܠ ܕܐܝܟ ܢܚܫܐ ܗܘ ܕܡܛܢܦ ܚܒܪܗ܂
12:11 [ai]ܐܦܢ ܡܫܬܡܥ ܠܟ ܘܡܗܠܟ ܩܕܡܝܟ ܟܦܝܦ܂ ܗܒ ܠܒܟ ܠܡܕܚܠ ܡܢܗ܂ ܗܘܝ ܠܗ ܐܝܟ ܓܠܐ ܪܐܙܐ܂ ܘܠܐ ܢܫܟܚ ܠܡܚܒܠܘܬܟ܂ ܘܬܕܥ ܚܪܬܐ ܕܩܢܐܬܗ܂
12:12 [ai]ܠܐ ܬܩܝܡܝܘܗܝ ܠܘܬܟ܂ ܕܠܐ ܢܗܦܟ ܢܩܘܡ ܒܕܘܟܬܟ܂ ܠܐ ܬܘܬܒܝܘܗܝ ܡܢ ܝܡܝܢܟ܂ ܕܠܡܐ ܢܒܥܐ ܟܘܪܣܝܟ܂ ܘܒܚܪܬܐ ܬܕܥ ܡ̈ܠܝ܃ ܘܒܡܐܡܪܝ ܬܬܕܡܪ܂
12:13 [ai]ܡܢܘ ܓܝܪ ܢܪܚܡ ܥܠ ܐܫܘܦܐ ܕܢܟܬ ܠܗ ܚܘܝܐ܂ ܗܟܢܐ ܐܦ ܟܠ ܡܢ ܕܩܪܒ ܠܚܝܘܬ ܫܢܐ܂
12:14 [ai]ܗܟܢܐ ܐܦ ܟܠ ܕܡܫܬܘܬܦ ܠܓܒܪܐ ܥܘܠܐ܂ ܠܐ ܢܥܒܪ ܥܕܡܐ ܕܬܐܩܕ ܒܗ ܢܘܪܐ܂
12:15 [ai]ܟܡܐ ܕܥܐܠ ܥܡܟ ܠܐ ܡܬܓܠܐ ܠܟ܂ ܘܐܢ ܬܦܠ ܠܐ ܡܨܐ ܐܢܬ ܚܝܠܗ܃
12:16 [ai]ܒܣܦܘ̈ܬܗ ܪܡܙ ܣܢܐܐ܂ ܘܒܠܒܗ ܡܬܪܥܐ ܬܪܥܝܬܐ ܥܡܝܩܬܐ܂ ܐܦܢ ܡܢ ܥܝܢܘ̈ܗܝ ܡܚܬ ܕܡܥ̈ܐ܂ ܐܢ ܢܫܟܚ ܠܗ ܐܬܪܐ ܠܐ ܢܣܒܥ ܡܢ ܕܡܟ܂
12:17 [ai]ܐܢ ܬܐܪܥܟ ܒܝܫܬܐ܂ ܬܫܟܚܝܘܗܝ ܬܡܢ ܐܝܟ ܓܒܪܐ ܡܥܕܪܢܐ܂ ܘܢܒܥܐ ܠܡܥܩܪܘ ܥܩܒ̈ܝܟ܃
12:18 [ai]ܒܪܝܫܗ ܡܢܝܕ ܘܡܢܝܦ ܒܐܝܕܗ܃ ܘܣܓܝ ܡܠܚܫ ܘܡܣܢܐ ܐܦܘ̈ܗܝ܂

next chapter