← Back
The Comprehensive Aramaic Lexicon
← Return to the Text Browser
click on the file description for more information
62066: Sirach

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


14:01 [ai]ܛܘܒܘܗܝ ܠܓܒܪܐ ܕܠܐ ܩܠܩܠܗ ܦܘܡܗ܃܂ ܘܠܐ ܐܬܟܣܝ ܕܝܢܐ ܡܢ ܥܝܢܘ̈ܗܝ܂
14:02 [ai]ܛܘܒܘܗܝ ܠܓܒܪܐ ܕܠܐ ܒܣܪܬܗ ܢܦܫܗ܂ ܘܠܐ ܒܛܠܘ ܟܠ ܣܘܥܪ̈ܢܘܗܝ܃
14:03 [ai]ܠܠܒܐ ܙܥܘܪܐ ܠܐ ܝܐܝܐ ܥܘܬܪܐ܂ ܘܠܓܒܪܐ ܕܒܝܫܐ ܥܝܢܗ ܠܐ ܝܐܝܐ ܡܡܘܢܐ܂
14:04 [ai]ܕܟܠܐ ܡܢ ܢܦܫܗ ܡܟܢܫ ܠܐܚܪ̈ܢܐ܂ ܘܒܛܒ̈ܬܗ ܢܚܕܐ ܢܘܟܪܝܐ܂
14:05 [ai]ܕܒܝܫ ܠܢܦܫܗ ܠܡܢ ܢܛܐܒ܂ ܘܠܐ ܢܩܕܐ ܛܒ̈ܬܗ܂
14:06 [ai]ܕܒܝܫ ܠܢܦܫܗ ܠܝܬ ܕܒܝܫ ܡܢܗ܂ ܘܗܘ ܡܩܒܠ ܦܘܪܥܢܐ ܒܝܫܐ܂
14:07 [ai]ܘܐܢ ܓܕܫ ܘܐܛܐܒ ܡܛܥܐ ܗܘ ܛܥܐ ܘܒܐܚܪܝܬܗ ܢܚܙܐ ܒܒܝܫܬܗ܂
14:09 [ai]ܒܥ̈ܝܢܘܗܝ ܕܣܟܠܐ ܙܥܘܪܝܐ ܗܝ ܡܢܬܗ܂ ܘܡܢ ܕܢܣܒ ܕܚܒܪܗ ܡܘܒܕ ܢܦܫܗ܃
14:10 [ai]ܥܝܢܐ ܒܝܫܬܐ ܡܣܓܝܐ ܠܚܡܐ܂ ܘܝܒܝܫܐ ܪܡܝܐ ܥܠ ܦܬܘܪܐ܂
14:11 [ai]ܐܢ ܐܝܬ ܠܟ ܒܪܝ ܫܡܫ ܢܦܫܟ܂ ܘܐܢ ܐܝܬ ܠܟ ܐܛܐܒ ܠܟ܂
14:12 [ai]ܐܬܕܟܪ ܕܥܕܡܐ ܠܗܫܐ ܡܘܬܐ ܠܐ ܚܙܝܬ܂ ܘܓܙܝܪܬ ܫܝܘܠ ܠܐ ܐܬܚܙܝܬ ܠܟ܂
14:13 [ai]ܥܕ ܠܐ ܬܡܘܬ ܐܛܐܒ ܠܪܚܡܟ܃ ܘܡܕܡ ܕܫܐܠ ܠܟ ܗܒ ܠܗ܂
14:14 [ai]ܠܐ ܬܬܟܠܐ ܡܢ ܛܒܬܐ ܕܝܘܡܐ܂ ܘܪܓܬܐ ܣܢܝܬܐ ܠܐ ܬܪܓ܂
14:15 [ai]ܠܐܚܪ̈ܢܐ ܓܝܪ ܫܒܩ ܐܢܬ ܢܟ̈ܣܝܟ܂ ܘܠܐܘܬܟ ܠܐܝܠܝܢ ܕܪܡܝܢ ܦܨ̈ܐ܂
14:16 [ai]ܗܒ ܘܣܒ ܘܬܪܣܐ ܢܦܫܟ܂ ܘܟܠ ܡܕܡ ܕܫܦܝܪ ܠܡܥܒܕ ܩܕܡ ܐܠܗܐ ܥܒܕ
14:17 [ai]ܡܛܠ ܕܟܠܗܘܢ ܒܢܝܢ̈ܫܐ ܡܒܠܐ ܒܠܝܢ܂ ܘܕܪ̈ܐ ܕܥܠܡܐ ܡܡܬ ܡܝܬܝܢ܂
14:18 [ai]ܐܝܟ ܛܪ̈ܦܐ ܕܐܝ̈ܠܢܐ ܕܗܠܝܢ ܢܬܪܝܢ ܘܗܠܝܢ ܝܥܝܢ ܗܟܢܐ ܐܢܘܢ ܕܪ̈ܐ ܕܒܣܪܐ ܘܕܡܐ܂ ܕܪܐ ܡܐܬ ܘܐܚܪܢܐ ܡܬܝܠܕ܂
14:19 [ai]ܘܟܠ ܥܒ̈ܕܘܗܝ ܡܬܒܕܩܝܢ ܩܕܡܘܗܝ܃ ܘܥܒܕ ܐܝܕܘ̈ܗܝ ܐܙܠ ܒܬܪܗ܀
14:20 [ai]ܛܘܒܘܗܝ ܠܓܒܪܐ ܕܒܚܟܡܬܐ ܢܗܘܐ ܪܢܐ܂ ܘܒܣܟܘܠܬܢܘܬܐ ܢܬܗܓܐ܂
14:21 [ai]ܕܢܦܢܐ ܥܠ ܐܘܪ̈ܚܬܗ ܠܒܗ܂ ܘܒܫܒܝܠܝܗ ܢܣܬܟܠ܂
14:22 [ai]ܘܠܡܦܩ ܒܬܪܗ ܐܝܟ ܡܥܩܒܢܐ܂ ܘܥܠ ܫܒ̈ܝܠܝܗ ܢܗܘܐ ܟܡܝܢ܂
14:23 [ai]ܘܢܕܝܩ ܥܠܝܗ ܡܢ ܟ̈ܘܝܢ܂ ܘܥܠ ܬܪ̈ܥܝܗ ܢܗܘܐ ܨܐܬ܂
14:24 [ai]ܘܢܫܼܪܐ ܚܕܪ̈ܝ ܒܝܬܗܿ܂ ܘܒܐܣ̈ܝܗܿ ܢܩܘܫ ܣܟ̈ܘܗܝ܂
14:25 [ai]ܘܢܫܪܐ ܒܡܫܪܝܐ ܛܒܐ܂ ܕܢܪܡܐ ܐܝܕܘ̈ܗܝ ܥܠ ܣܟ̈ܝܗ܂ ܘܒܝܬ ܣܪ̈ܥܦܝܬܗ ܢܗܘܐ ܥܡܪ܂
14:27 [ai]ܘܢܬܒ ܒܛܠܠܗ ܡܢ ܫܘܒܐ܂ ܘܒܡܕܝܪ̈ܝܗ ܢܗܘܐ ܒܛܝܠ܂

next chapter