← Back
The Comprehensive Aramaic Lexicon
← Return to the Text Browser
click on the file description for more information
62066: Sirach

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


15:01 [ai]ܕܕܚܠ ܠܐܠܗܐ ܢܥܒܕ ܗܟܢܐ܂ ܘܕܝܠܦ ܢܡܘܣܐ ܢܗܠܟ ܒܗ܂
15:02 [ai]ܘܬܩܒܠܝܘܗܝ ܐܝܟ ܐܡܐ܂ ܘܐܝܟ ܐܢܬܬ ܥܠܝܡܘܬܐ ܬܩܪܒܝܘܗܝ܂
15:03 [ai]ܘܬܘܟܠܝܘܗܝ ܠܚܡܐ ܕܚܟܡܬܐ܂ ܘܡܝ̈ܐ ܕܣܟܘܠܬܢܘܬܐ ܬܫܩܝܘܗܝ܂
15:04 [ai]ܘܢܣܬܡܟ ܥܠܝܗ ܘܠܐ ܢܦܠ܂ ܘܥܠܝܗ ܢܬܬܟܠ܂ ܘܠܐ ܢܒܗܬ܂
15:05 [ai]ܘܬܪܝܡܝܘܗܝ ܡܢ ܟܠܗܘܢ ܚܒܪ̈ܘܗܝ܃ ܘܒܓܘ ܟܢܘܫܬܐ ܬܦܬܚ ܦܘܡܗ܃
15:06 [ai]ܚܕܘܬܐ ܘܪܘܙܐ ܬܡܠܝܘܗܝ܃ ܘܫܡܐ ܕܥܠܡܐ ܬܘܪܬܝܘܗܝ܃
15:07 [ai]ܠܐ ܢܗܠܟܘܢ ܒܗ ܚܛܝ̈ܐ܂ ܘܐܢ̈ܫܐ ܥܘ̈ܠܐ ܠܐ ܢܚܙܘܢܗ܂
15:08 [ai]ܪܚܝܩܐ ܗܝ ܡܢ ܡܪ̈ܘܕܐ܂ ܘܕܐܡܪܝܢ ܒܝܫܬܐ ܠܐ ܢܕܪܟܘܢܗ܂
15:09 [ai]ܠܐ ܗܘܬ ܝܐܝܐ ܒܦܘܡܐ ܕܥܘ̈ܠܐ ܡܛܠ ܕܠܐ ܗܘܐ ܡܢ ܩܕܡ ܐܠܗܐ ܐܬܝܗܒܬ ܠܗܘܢ܂
15:10 [ai]ܒܦܘܡܐ ܕܚܟ̈ܝܡܐ ܬܬܐܡܪ ܬܫܒܘܚܬܐ܂ ܘܕܫܠܝܛ ܒܗ ܢܐܠܦܝܗ܂
15:11 [ai]ܠܐ ܬܐܡܪ ܕܡܢ ܩܕܡ ܐܠܗܐ ܣܪܚܬ ܘܚܛܝܬ܃ ܡܛܠ ܕܡܕܡ ܕܣܢܐ ܠܐ ܥܒܕ܂
15:12 [ai]ܕܠܡܐ ܬܐܡܪ ܕܗܘ ܐܬܩܠܢܝ܃ ܠܝܬ ܠܗ ܓܝܪ ܗܢܝܢܐ ܒܒܪ ܐܢܫܐ ܥܘܠܐ܂
15:13 [ai]ܟܘܠ ܒܝܫܬܐ ܘܡܪܚܘܬܐ ܣܢܐ܂ ܘܠܐ ܢܬܠ ܐܢ̈ܝܢ ܠܪܚܡܘܗܝ܂
15:14 [ai]ܐܠܗܐ ܡܢ ܒܪܫܝܬ ܒܪܐ ܒܢܝܢܫܐ܂ ܘܐܫܠܡ ܐܢܘܢ ܒܝܕ ܝܨܪܗܘܢ܂
15:15 [ai]ܘܐܢ ܬܨܒܐ ܬܛܪ ܦܘܩ̈ܕܢܘܗܝ܃ ܘܐܢ ܬܗܝܡܢ ܒܗ ܐܦ ܐܢܬ ܬܚܐ܂
15:16 [ai]ܫܒܝܩܝܢ ܩܕܡܝܟ ܢܘܪܐ ܘܡܝ̈ܐ܂ ܒܐܝܢܐ ܕܨܒܐ ܐܢܬ ܐܘܫܛ ܐܝܕܟ܂
15:17 [ai]ܐܬܝܗܒ ܓܝܪ ܠܒ̈ܢܝܢܫܐ ܚܝ̈ܐ ܘܡܘܬܐ܂ ܕܢܓܒܘܢ ܚܝ̈ܐ ܘܢܫܒܩܘܢ ܡܘܬܐ܂
15:18 [ai]ܡܛܠ ܕܓܢܒܪܐ ܗܝ ܚܟܡܬܗ ܕܐܠܗܐ܂ ܘܬܩܝܦ ܓܢܒܪ̈ܘܬܐ ܗܘ܃
15:19 [ai]ܘܟܠ ܡܕܡ ܥܝܢܘ̈ܗܝ ܚ̈ܙܝܢ܂ ܘܚܟܡ ܟܘܠܗܝܢ ܬܪ̈ܥܝܬܗܘܢ ܕܒ̈ܢܝܢܫܐ܂
15:20 [ai]ܠܐ ܦܩܕ ܠܒ̈ܢܝ ܐܢܫܐ ܕܢܚܛܘܢ܂ ܘܠܐ ܐܡܪ ܠܒ̈ܢܝ ܒܣܪܐ ܕܢܥܘܠܘܢ܃ ܘܠܐ ܡܪܚܡ ܥܠ ܥܒ̈ܕܝ ܫܘܩܪܐ܂

next chapter