← Back
The Comprehensive Aramaic Lexicon
← Return to the Text Browser
click on the file description for more information
62066: Sirach

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


16:01 [ai]ܠܐ ܬܬܪܓܪܓ ܠܣܘܓܐܐ ܕܒܢܝܐ ܚܛܝ̈ܐ܂ ܘܠܐ ܬܚܕܐ ܒܟܠ ܒܢܝܐ ܕܫܘܩܪܐ܂
16:02 [ai]ܘܐܦܢ ܣܓܝܘ ܠܐ ܬܚܕܐ ܒܗܘܢ ܡܛܠ ܕܠܐ ܐܝܬܝܗܘܢ ܒܕܚܠܬܗ ܕܐܠܗܐ܂
16:03 [ai]ܠܐ ܬܬܟܠ ܥܠ ܚܝܝ̈ܗܘܢ܂ ܘܠܐ ܬܗܝܡܢ ܕܗܘܝܐ ܠܗܘܢ ܚܪܬܐ ܛܒܬܐ܂ ܡܛܠ ܕܛܒ ܗܘ ܚܕ ܕܥܒܕ ܨܒܝܢܐ ܡܢ ܐܠܦ܂ ܘܗܘ ܕܡܐܬ ܕܠܐ ܒܢܝܐ܂ ܡܢ ܗܘ ܕܗܘܝܢ ܠܗ ܒܢܝܐ ܣܓܝ̈ܐܐ ܕܥܘܠܐ܂
16:04 [ai]ܡܢ ܚܕ ܓܝܪ ܕܕܚܠ ܠܐܠܗܐ ܬܬܡܠܐ ܟܠܗ ܩܪܝܬܐ܂ ܘܡܢ ܣܘܓܐܐ ܕܒܢ̈ܝܢܫܐ ܥܘ̈ܠܐ ܬܚܪܒ܂
16:05 [ai]ܕܣܓܝ̈ܐܢ ܡܢ ܗܠܝܢ ܚܙܬ ܥܝܢܝ܂ ܘܕܥܫ̈ܝܢܢ ܡܢ ܗܠܝܢ ܫܡܥܬ ܐܕܢܝ܂
16:06 [ai]ܒܟܢܘܫܬܐ ܕܥܘ̈ܠܐ ܝܩܕܐ ܢܘܪܐ܃ ܘܒܥܡܐ ܕܡܪܓܙ ܫܠܛܐ ܚܡܬܐ܂
16:07 [ai]ܠܐ ܫܒܩ ܠܡ̈ܠܟܐ ܩܕܡܝ̈ܐ܂ ܕܡܠܘ ܥܠܡܐ ܒܓܢܒܪܘܬܗܘܢ܂
16:08 [ai]ܘܠܐ ܚܣ ܥܠ ܥܡܘܪ̈ܐ ܕܩܪܝܬܗ ܕܠܘܛ܂ ܕܐܪܫܥܘ ܡܛܠ ܓܐܝܘܬܗܘܢ܂
16:09 [ai]ܘܠܐ ܪܚܡ ܥܠ ܥܡܐ ܚܪܡܐ܂ ܘܓܙܪ ܥܠܝܗܘܢ ܠܡܐܒܕ ܡܛܠ ܚܛܗ̈ܝܗܘܢ܂
16:10 [ai]ܒܗܘ ܙܒܢܐ܂ ܫܬܡܐܐ ܐ̈ܠܦܝܢ ܪ̈ܓܠܐܝܢ ܐܬܩܦܣܘ ܡܛܠ ܪܛܘܢܝܗܘܢ܂
16:11 [ai]ܘܐܦ ܚܕ ܐܢ ܢܩܫܐ ܩܕܠܗ܃ ܗܢܐ ܗܘ ܬܡܗܐ ܐܢ ܢܙܟܐ܂ ܡܛܠ ܕܪ̈ܚܡܐ ܘܪܘܓܙܐ ܥܡܗ܂ ܘܡܣܓܐ ܠܡܫܒܩ ܘܐܦ ܬܒܥ ܚܛܗ̈ܐ܂
16:12 [ai]ܐܝܟܢܐ ܕܪ̈ܚܡܘܗܝ ܣܓܝܐܝܢ܂ ܗܟܢܐ ܐܦ ܬܒܥ ܚܛܗ̈ܐ܂ ܘܐܢܫ ܐܝܟ ܥܒ̈ܕܘܗܝ ܕܐܢ ܠܗ܂
16:13 [ai]ܠܐ ܢܦܠܛ ܠܥܒ̈ܕܝ ܫܘܩܪܐ ܘܠܓܠܘ̈ܙܐ܂ ܘܠܐ ܢܒܛܠ ܣܒܪܗܘܢ ܕܙܕܝܩ̈ܐ ܠܥܠܡ܃
16:14 [ai]ܠܟܠ ܡܢ ܕܥܒܕ ܙܕܝܩܘܬܐ ܐܝܬ ܠܗ ܐܓܪܐ܂ ܘܟܠ ܐܢܫ ܐܝܟ ܥܒܕܘ̈ܗܝ ܡܫܟܚ ܩܕܡܘܗܝ܀
16:17 [ai]ܠܐ ܬܐܡܪ ܕܡܢ ܩܕܡ ܡܪܝܐ ܐܬܛܫܐ܂ ܘܒܡܪܘܡܐ ܕܫܡܝܐ ܡܢܘ ܢܬܕܟܪܢܝ܂ ܘܒܥܡܐ ܣܓܝܐܐ ܠܐ ܐܬܝܕܥ܂ ܐܘ ܡܢܐ ܗܝ ܢܦܫܝ ܒܝܢܬ ܪ̈ܘܚܬܐ ܕܟܠܗܘܢ ܒܢܝܢܫܐ܂
16:18 [ai]ܗܐ ܫܡܝܐ ܘܫܡ̈ܝ ܫܡܝܐ ܘܬܗܘܡܐ ܘܐܪܥܐ܂ ܒܓܠܝܢܗ ܕܥܠܝܗܘܢ ܩܝܡܝܢ܂
16:19 [ai]ܥܩܪ̈ܐ ܕܛܘܪ̈ܐ ܘܫܬܐܣ̈ܐ ܕܬܒܝܠ܂ ܟܕ ܡܬܚܙܐ ܥܠܝܗܘܢ ܙܝܥܝܢ܂
16:20 [ai]ܘܐܦ ܐܢܐ ܠܐ ܐܣܝܡ ܥܠ ܠܒܝ܂ ܘܒܐܘܪ̈ܚܬܝ ܡܢܘ ܢܬܒܝܢ܂
16:21 [ai]ܐܢ ܐܚܛܐ ܠܐ ܬܚܙܝܢܝ ܥܝܢܐ܂ ܐܘ ܐܢ ܐܕܓܠ ܒܟܠ ܕܡܛܫܝ ܡܢܘ ܝܕܥ܂
16:23 [ai]ܚܣܝܪ̈ܝ ܠܒܐ ܢܐܡܪܘܢ ܗܠܝܢ܂ ܘܓܒܪܐ ܥܘܠܐ ܢܬܪܥܐ ܗܟܢܐ܂
16:24 [ai]ܫܘܡܥܘܢܝ ܘܩܒܠܘ ܝܘܠܦܢܝ܂ ܘܠܟܠ ܡ̈ܠܝ ܗܒܘ ܠܒܟܘܢ܂
16:25 [ai]ܐܡܪ ܒܡܬܩܠܐ ܡ̈ܠܝ܂ ܘܒܚܟܡܬܐ ܐܚܘܐ ܝܘܠܦܢܝ܃
16:26 [ai]ܟܕ ܒܪܐ ܐܠܗܐ ܥܒ̈ܕܘܗܝ ܡܢ ܠܩܘܕܡܝܢ܂ ܥܡ ܒܪܝܬܗܘܢ ܦܠܓ ܢܡܘܣ̈ܝܗܘܢ܂
16:27 [ai]ܘܝܗܒ ܥܕܡܐ ܠܚܪܬܐ ܥܒ̈ܕܝܗܘܢ܃ ܘܫܘܠܛܢܗܘܢ ܠܟܠ ܕܪ̈ܐ ܕܥܠܡܐ܂ ܠܐ ܟܦܢܝܢ ܘܠܐ ܨܗܝܢ܂ ܘܠܐ ܠܐܝܢ ܘܠܐ ܥܡܠܝܢ܂ ܘܠܐ ܚܣܪܝܢ܂ ܡܢ ܓܢܒܪܘܬܗܘܢ܂
16:28 [ai]ܚܕ ܠܚܕ܂ ܠܐ ܣܢܝܢ܂ ܘܥܕܡܐ ܠܥܠܡ ܠܐ ܡܥܒܪܝܢ ܡܠܬܗ܀
16:29 [ai]ܘܒܬܪ ܗܠܝܢ ܥܠ ܐܪܥܐ ܐܕܝܩ܂ ܘܒܪܟܗ ܒܟܠ ܥ̈ܠܠܬܗ܂
16:30 [ai]ܢܦܫ̈ܬܐ ܕܟܠ ܚܝ̈ܐ ܡܠܐ ܐܦܝ̈ܗ܂ ܘܩܦܣ ܠܓܘܗ ܟܘܠ ܥܒܕܝ̈ܗܘܢ܂

next chapter