← Back
The Comprehensive Aramaic Lexicon
← Return to the Text Browser
click on the file description for more information
62066: Sirach

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


17:01 [ai]ܐܠܗܐ ܡܢ ܐܪܥܐ ܒܪܝܗܝ ܠܐܕܡ܂ ܘܡܗܦܟܘ ܢܗܦܟܝܘܗܝ ܠܓܘܗ܃
17:02 [ai]ܡܢܝܢܐ ܕܝܘ̈ܡܬܐ ܦܠܓ ܠܗܘܢ ܕܢܗܘܘܢ ܩܝܡܝܢ܂ ܘܐܫܠܛ ܐܢܘܢ ܒܟܠܡܕܡ܂
17:03 [ai]ܒܚܟܡܬܗ ܐܠܒܫ ܐܢܘܢ ܓܢܒܪܘܬܐ܂ ܘܟܣܝ ܐܢܘܢ ܕܚܠܬܐ܂
17:04 [ai]ܐܪܡܝ ܕܚܠܬܗܘܢ ܥܠ ܟܠ ܒܣܪ ܥܠ ܚܝܘܬܐ ܘܥܠ ܦܪܚܬܐ܂
17:07 [ai]ܚܟܡܬܐ ܘܬܪܥܝܬܐ ܡܠܐ ܠܒܗܘܢ܂ ܛܒ ܘܒܝܫ ܐܠܦ ܐܢܘܢ܂
17:06 [ai]ܘܒܪܐ ܠܗܘܢ ܦܘܡܐ ܘܠܫܢܐ ܘܥܝ̈ܢܐ ܘܐܕܢ̈ܐ܂ ܘܠܒܐ ܠܡܣܟܠܘ ܦܠܓ ܠܗܘܢ܂
17:08 [ai]ܠܡܚܘܝܘ ܐܢܘܢ ܓܒܪ̈ܘܬܐ ܕܥܒ̈ܕܘܗܝ ܕܢܣܬܟܠܘܢ ܦܪ̈ܝܫܬܗ܂ ܕܢܗܘܘܢ ܡܫܬܥܝܢ ܒܥܠܡܐ ܕܚܠܬܗ܂
17:10 [ai]ܘܠܫܡܐ ܕܩܘܕܫܗ ܢܗܘܘܢ ܡܫܒܚܝܢ܂
17:11 [ai]ܣܡ ܩܕܡܝܗܘܢ ܩܝܡܐ܂ ܘܢܡܘܣܐ ܕܚܝ̈ܐ ܐܠܦ ܐܢܘܢ܃
17:12 [ai]ܩܝܡܐ ܕܥܠܡܐ ܐܩܝܡ ܥܡܗܘܢ܂ ܘܕܝ̈ܢܘܗܝ ܐܘܕܥ ܐܢܘܢ܂
17:13 [ai]ܘܬܫܒܘܚܬܐ ܕܐܝܩܪܗ ܚܙܘ ܒܥܝܢܝ̈ܗܘܢ܂ ܘܐܝܩܪ ܡܡܠܠܗ ܫܡܥܘ ܒܐܕ̈ܢܝܗܘܢ܃
17:14 [ai]ܘܐܡܼܪ ܠܗܘܢ܃ ܐܙܕܗܪܘ ܘܠܐ ܬܟܕܒܘܢ܂ ܘܦܩܿܕ ܐܢܘܢ ܓܒܪ ܥܠ ܚܒܪܗ܂
17:15 [ai]ܐܘܪ̈ܚܬܗܘܢ ܩܕܡܘܗܝ ܓ̈ܠܝܢ܂ ܕܠܐ ܥܒܪ̈ܢ ܡܢ ܠܘܩܒܠ ܐ̈ܦܘܗܝ܂
17:17 [ai]ܥܠ ܟܠܗܘܢ ܥܡ̈ܡܐ ܐܩܝܡ ܫܠܝ̈ܛܢܐ܂ ܘܡܢܬܗ ܕܡܪܝܐ ܐܝܣܪܝܠ܂
17:19 [ai]ܟܠܗܘܢ ܥܒ̈ܕܝܗܘܢ ܐܝܟ ܫܡܫܐ ܕܢܚܝܢ ܩܕܡܘܗܝ܃ ܘܓ̈ܠܝܢ ܠܗ ܟܘܠܗܝܢ ܬܪ̈ܥܝܬܗܘܢ܂
17:20 [ai]ܠܐ ܟܣܝܢ ܚܘܒ̈ܝܗܘܢ ܡܢ ܩܕܡܘܗܝ܂ ܘܚܛܗ̈ܐ ܕܟܠܗܘܢ ܒܢܝܢܫܐ ܪܫܝܡܝܢ ܠܩܘܒܠܗ܃
17:22 [ai]ܙܟܘܬܐ ܕܟܠܗܘܢ ܒܢܝܢܫܐ ܚܬܝܡܐ ܘܣܝܡܐ ܠܘܬܗ܂ ܘܛܝܒܘܬܐ ܕܟܠܗܘܢ ܒܢܝܢܫܐ ܐܝܟ ܒܒܬܐ ܕܥܝܢܐ ܢܛܝܪܐ ܩܕܡܘܗܝ܂
17:23 [ai]ܒܬܪ ܗܠܝܢ ܢܬܓܠܐ ܘܢܦܪܘܥ ܐܢܘܢ܂ ܘܚܘܒ̈ܝܗܘܢ ܒܪܝܫܗܘܢ ܢܬܠ܂
17:24 [ai]ܒܪܡ ܠܬܝ̈ܒܐ ܝܗܒ ܬܝܒܘܬܐ܂ ܘܢܘܒܕ ܠܟܠ ܕܠܙܕܝ̈ܩܐ ܡܗܪܝܢ܂
17:25 [ai]ܬܘܒܘ ܠܘܬ ܡܪܝܐ܂ ܘܬܬܘܒܘܢ ܡܢ ܕܠܡܐܒܕ܂ ܬܘܒܘ ܡܢ ܕܠܡܚܛܐ ܘܠܐ ܠܡܪܓܙܘ܂
17:27 [ai]ܡܛܠ ܕܡܢܐ ܗܢܝܢܐ ܐܝܬ ܠܗ ܠܐܠܗܐ ܒܟܠ ܡܢ ܕܐܒܕܘ ܒܥܠܡܐ܂ ܚܠܦ ܐܝܠܝܢ ܕܚܝܝܢ ܘܝܗܒܝܢ ܠܗ ܬܫܒܘܚܬܐ܀
17:29 [ai]ܡܐ ܣ̈ܓܝܐܝܢ ܪ̈ܚܡܘܗܝ ܕܐܠܗܐ܂ ܕܫܒܩ ܠܐܝܠܝܢ ܕܬܝܒܝܢ ܠܘܬܗ܂
17:30 [ai]ܡܛܘܠ ܕܠܐ ܗܘܐ ܐܝܟ ܗܠܝܢ ܒܐܢܫܐ܂ ܐܦܠܐ ܬܪܥܝܬܗ ܐܝܟ ܬܪܥܝܬܐ ܕܒܢܝܢܫܐ܂
17:31 [ai]ܡܐ ܕܥܒܪ ܐܝܡܡܐ ܡܢ ܫܡܫܐ ܐܦ ܗܘ ܗܘܐ ܠܗ ܚܫܘܟܐ܂ ܟܗܢܐ ܗܘ ܒܪܢܫܐ ܕܠܐ ܟܒܫ ܝܨܪܗ܂ ܡܛܘܠ ܕܒܣܪܐ ܗܘ ܘܕܡܐ܂
17:32 [ai]ܚܝ̈ܠܘܬܐ ܕܫܡܝܐ ܕܐܢ ܐܠܗܐ܂ ܘܐܦ ܠܒܢܝܢܫܐ ܕܗܢܘܢ ܥܦܪܐ ܘܩܛܡܐ܂

next chapter