← Back
The Comprehensive Aramaic Lexicon
← Return to the Text Browser
click on the file description for more information
62066: Sirach

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


18:01 [ai]ܡܢܘ ܡܫܟܚ ܠܡܚܘܝܘ ܥܒܕܘ̈ܗܝ܂ ܐܘ ܡܢܘ ܢܡܢܐ ܓܒܪ̈ܘܬܗ܂ ܥܠܡܐ ܟܠܗ ܡܬܒܩܐ ܐܟܚܕܐ܂ ܘܡܪܝܐ ܒܠܚܘܕܘܗܝ ܙܟܝ܂
18:07 [ai]ܒܫܘܠܡܗܘܢ ܕܒ̈ܢܝ ܐܢܫܐ ܗܢܘܢ ܡܫܪܝܢ܂ ܘܐܢ ܢܬܘܒܘܢ ܢܬܡܗܘܢ܂
18:08 [ai]ܡܢܐ ܐܢܘܢ ܒܢܝܢ̈ܫܐ܂ ܘܡܢܐ ܚܘܣܪܢܗܘܢ ܘܡܢܐ ܝܘܬܪܢܗܘܢ܂ ܘܡܢܐ ܛܒܘܬܗܘܢ ܘܡܢܐ ܒܝܫܘܬܗܘܢ܂
18:09 [ai]ܡܢܝܢܐ ܕܝܘ̈ܡܘܗܝ ܕܒܪܢܫܐ ܟܕ ܢܣܓܐ ܠܡܚܐ ܡܐܐ ܫ̈ܢܝܢ܂
18:10 [ai]ܐܝܟ ܕܠܡܡܠܐ ܓܘܕܐ ܡܢ ܝܡܐ܂ ܘܐܝܟ ܦܪܕܬܐ ܡܢ ܚܠܐ܂ ܐܠܦ ܫ̈ܢܝܢ ܡܢ ܥܠܡܐ ܗܢܐ܂ ܠܐ ܐܝܬܝܗܝܢ ܐܝܟ ܚܕ ܝܘܡܐ ܒܥܠܡܐ ܕܙܕܝ̈ܩܐ܂
18:11 [ai]ܡܛܠ ܗܢܐ ܡܓܪ ܪܘܚܗ ܥܡܗܘܢ܃ ܘܐܫܕ ܥܠܝܗܘܢ ܪ̈ܚܡܘܗܝ܃
18:12 [ai]ܡܛܠ ܕܝܕܥ ܕܚܪܬܗܘܢ ܒܝܫܐ ܗܝ܂ ܡܛܠ ܗܢܐ ܐܣܓܝ ܫܘܒܩܢܗܘܢ܃
18:13 [ai]ܪ̈ܚܡܐ ܕܒܪܢܫܐ ܥܠ ܩܪܝܒ ܒܣܪܗ܂ ܘܪ̈ܚܡܘܗܝ ܕܐܠܗܐ ܥܠ ܟܠܗܘܢ ܥܒ̈ܕܘܗܝ܃ ܡܚܟܡ ܘܪܕܐ܂ ܘܡܠܦ ܠܗܘܢ܂ ܘܡܗܦܟ ܠܗܘܢ ܐܝܟ ܪܥܝܐ ܛܒܐ ܕܪܥܐ ܠܓܙܪܗ܂
18:14 [ai]ܛܘܒܝܗܘܢ ܠܐܝܠܝܢ ܕܡܣܒܪܝܢ ܠܪ̈ܚܡܘܗܝ܃ ܘܠܐܝܠܝܢ ܕܡܩܒܠܝܢ ܠܕܝ̈ܢܘܗܝ܀
18:15 [ai]ܒܪܝ ܠܡܢ ܕܡܛܐܒ ܠܚܒܪܗ ܠܐ ܬܟܠܐ܂ ܘܒܡܢ ܕܝܗܒ ܠܐ ܬܒܐܫ ܥܝܢܟ܂
18:16 [ai]ܐܝܟ ܡܛܪܐ ܓܝܪ ܕܡܒܛܠ ܫܘܒܐ܂ ܗܟܢܐ ܡܠܬܐ ܡܗܦܟܐ ܡܘܗܒܬܐ܂
18:17 [ai]ܐܝܬ ܓܝܪ ܡܠܬܐ ܛܒܬܐ ܕܡܢ ܡܘܗܒܬܐ ܛܒܐ ܗܝ܂ ܘܬܪ̈ܬܝܗܝܢ ܥܠ ܐܢܫܐ ܟܫܪ̈ܐ܂
18:18 [ai]ܣܟܠܐ ܓܝܪ ܡܚܣܕ ܥܕ ܠܐ ܥܒܕ ܛܝܒܘܬܐ܂ ܘܡܘܗܒܬܗ ܕܪܫܝܥܐ ܡܬܝܟܐ ܥܝ̈ܢܐ܂
18:19 [ai]ܥܕ ܠܐ ܬܬܟܬܫ ܒܥܝ ܠܟ ܥܕܘܪܐ܂ ܘܥܕ ܠܐ ܬܬܟܪܗ ܒܥܝ ܠܟ ܐܣܝܐ܂
18:20 [ai]ܥܕ ܠܐ ܬܡܛܝܟ ܥܩܬܐ ܨܠܐ܂ ܘܠܙܒܢܐ ܕܥܩܬܐ ܬܫܟܚܝܗ܂ ܘܬܥܢܝܟ܂
18:21 [ai]ܥܕ ܠܐ ܬܬܩܠ܃ ܨܠܐ ܘܒܥܝ܂ ܘܥܕ ܠܐ ܬܚܛܐ ܗܒ ܙܕܩܬܐ܃
18:22 [ai]ܠܐ ܬܬܟܠܐ ܠܡܥܒܪܘ ܚܘ̈ܒܝܟ܂ ܘܠܐ ܬܗܘܐ ܡܕܫ ܥܕܡܐ ܕܬܥܘܩ ܠܟ܃ ܠܐ ܬܬܠ ܙܒܢܐ ܠܡܬܒ ܡܢ ܚܛܗ̈ܝܟ܃ ܐܬܕܟܪ ܕܡܘܬܐ ܠܐ ܡܫܬܘܚܪ܂
18:23 [ai]ܥܕ ܠܐ ܬܕܘܪ ܛܝܒ ܢܕܪ̈ܝܟ܃ ܘܠܐ ܬܗܘܐ ܐܝܟ ܓܒܪܐ ܕܡܢܣܐ ܡܪܗ܂ ܠܐ ܬܘܣܦ ܠܡܚܛܐ ܚܛܗ̈ܐ܂ ܡܛܠ ܕܒܩܕܡ̈ܝܐ ܠܐ ܙܟܝܬ܂
18:24 [ai]ܐܬܕܟܪ ܕܪܘܓܙܐ ܒܚܪܬܐ ܗܘ ܕܟܠܗܘܢ ܚܛܗ̈ܐ܂ ܘܒܙܒܢܐ ܕܥܩܬܐ ܠܐ ܢܗܦܟ ܡܢܟ ܐܦ̈ܐ܂
18:25 [ai]ܗܘܝܬ ܕܟܝܪ ܠܟܦܢܐ ܒܝܘ̈ܡܝ ܣܒܥܐ܃ ܘܡܣܟܢܘܬܐ ܘܥܢܘܝܘܬܐ ܒܝܘ̈ܡܝ ܥܘܬܪܐ܂
18:26 [ai]ܡܢ ܨܦܪܐ ܠܪܡܫܐ ܡܫܢܐ ܥܕܢܐ܂ ܘܟܠܗܝܢ ܗ̈ܠܝܢ ܫܦܝܪ̈ܢ ܐܢܝ̈ܢ ܩܕܡ ܐܠܗܐ܂
18:27 [ai]ܓܒܪܐ ܚܟܝܡܐ ܠܗܠܝܢ ܟܠܗܝܢ ܢܐܨܦ܂ ܘܒܝܘܡ̈ܬܐ ܕܪܘܫܥܐ ܠܐ ܢܕܚܠ ܡܢ ܒܝܫܐ܂
18:28 [ai]ܠܟܠ ܕܚܟܝܡ ܠܡܠܦܘ ܚܟܡܬܐ܂ ܘܠܝܕܘ̈ܥܝܗܸ ܠܡܬܠ ܬܚܘܝܬܐ܂
18:29 [ai]ܚܟ̈ܝܡܝ ܝܘܠܦܢܐ ܐܦ ܗܢܘܢ ܢܬܚܟܡܘܢ܂ ܘܢܕܥܘܢ ܥܕܡܐ ܠܐܚܪܝܬܐ ܡ̈ܠܐ ܕܡ̈ܬܠܐ܂ ܘܡ̈ܠܐ ܕܚܟܡܬܐ ܘܝܘܠܦܢܐ܂ ܀
18:30 [ai]ܒܪܝ ܒܬܪ ܫܐܠܬ ܢܦܫܟ ܠܐ ܬܐܙܠ܂ ܘܡܢ ܪܓܬܗ ܟܠܝܗܿ܃
18:31 [ai]ܐܢ ܓܝܪ ܬܥܒܕ ܨܒܝܢܐ ܕܢܦܫܟ܃ ܐܝܟ ܗܿܘ ܗܘ ܕܥܿܒܕ ܨܒܝܢܐ ܕܣܢܐܗ܂
18:32 [ai]ܠܐ ܬܚܕܐ ܒܣܘܓܐܐ ܕܬܦܢܝ̈ܩܐ܂ ܕܠܐ ܚܕ ܬܪ̈ܝܢ ܬܗܘܐ ܡܣܟܝܢ܀܀
18:33 [ai]ܠܐ ܬܗܘܐ ܡܣܟܝܢ ܘܪܘܝ ܘܙܠܝܠ ܘܦܩܩܿ܂ ܟܕ ܡܕܡ ܒܟܝܣܟ ܠܝܬ܂

next chapter